蛋記

營業中

休息中

由於去遊電車河，所以到了西灣河的太安樓。我知道這裡有很多美食，閒逛之下，見到有一家的雞蛋仔，有幾個人正排隊，原來就是阿蘇介紹的雞蛋仔，所以都想試一下。//看見店鋪面積不大，只有一個人負責兩部雞蛋仔機，兩部格仔餅機，只有普通雞蛋仔，芝士雞蛋仔和格仔餅。//大家都是在耐心等候，而老闆也是不慌不忙的整雞蛋仔。因為他一底一底整好,然後要吹涼一下，加上前面有人排緊，我等了十幾分鐘，終於有得食了。//當我要拿一粒下來時，已經感受到那種外脆的感覺，而一咬下去，沒有空洞的感覺，而是那種外脆內軟的紮實感，食下去那種小小甜的蛋漿味，其實以13元的價錢，有一底已經做到雞蛋仔所要的，又有那種老闆在手藝上和選材上的一種堅持，已經比坊間平過10元軟而空洞的，或成20元但又未必好食的，這間已經真的是不錯。//看到其他食評，都有不少說他退步了。不過一家出過名的店，大家吹捧過了，一樣街頭小食，你要老闆不停改口味尋求新鮮感？還是忠於原著，被說原地踏步？//我覺得忠於自己，保持真味道才是最緊要，加油！

grade A, 會再去！！等！係一定架啦！但真係見到個姨姨係辛苦地獨撐大局。冇試到個芝士雞蛋仔，因為想原汁原味去食下先。首先聲明，自己做過雞蛋仔，但估唔到佢呢個隻隻雞蛋仔都甘夠料，落汁好均勻，正，又脆又好食。最估唔到係格仔餅，不嬲本人都唔中意食，但呢個真係正，咩料都膽粗粗甘落哂，然後又真係好好食，佢拎grade a 真係因為佢個格仔餅係我食過最好食嘅！

低調高手年假休息，但又想食雞旦仔，唯有去之前有食開既蛋記。排隊時，後生老闆不在，由老闆娘一力主持大局，可惜既係，睇住佢整夾餅個種hea到爆既態度，令我放棄左食夾餅，因為真係好hea, 至於個雞蛋仔，賣相同脆既程度尚可, 但感覺大不如前，蛋香比之前明顯少左, 同低調高手比真係無可否認輸好遠。希望你地會好好改善一下！

最近S先生搬左去西灣河，咁大個女都未去過西灣河，黎過幾次之後火速愛上。家住尖沙咀的我，周圍都係連鎖店，又貴又少選擇，黎到西灣河之後，有我熟識既香港（慘，原本既香港去左邊😭）周圍都係街坊，冇自由行，好多小店，我最鐘意就係小店，今日同S先生過對面太安樓搵食+探路，以後又肥死😭蛋記都唔算難搵，基本上跟住陣蛋香味就一定搵到。去到已經有幾個客人排隊。香港地，想食好野真係乜都排隊。間店格局超簡單，幾個雞蛋仔爐，2個格仔餅爐，前面台仔有練奶糖牛油同花生醬就開檔，我第一下諗：咁既地方都要$13底？其實堅係貴，尖沙咀2間出名既都係$15/16，呢個商場難度租金直迫彌敦道街鋪？老闆娘好快手就整好，係好香，好脆，入面醬比較少，食好耐都食唔到醬😅整體而言：賺死佢賣咁貴

Came here after lunch as the other more famous place for eggettes was not opened yet. Had to stand in line for a while because there was only one guy and he struggled to handle the orders. I saw him burning the waffles and dropping the thongs on the floor! When it was my turn, I wanted the eggettes but the one he gave me was all torn up because he lifted the pan too soon so I requested another but he refused and told me to get out of there! No wonder there are so many bad reviews for this place.

個姨婕又nice，見我拎得多野，仲話幫我keep住個格仔餅先while waiting for the雞蛋仔，因為未有手食，可能雞蛋仔係無咁好，但真係都吾錯，個格仔餅好有蛋味，醬料又足，外脆內軟係我食過最好食的格仔餅。一定再泥。隔離仲有珍珠奶茶又平又解渴哈哈

兩星期前嚐過名店利強記之雞蛋仔，結果失望而回。朋友見我失望，於是介紹了另一雞蛋仔名店太安樓蛋記，今天順路經過西灣河，又怎可錯過一嚐之機會？看相片本以為此店是露天小店，怎知離開西灣河地鐵站，頓見對面太安樓食店林立，而竟然全部皆屬太安樓地下之場內式食店，有「瓦」遮頭的！好不容易才找到蛋記，此店舖位狹長，唯有將放調味之桌子放出店外，佔用了公共空間。排隊人數有五人不算太多，但奇怪的全部都不是來買雞蛋仔的，他們均是來買格仔餅的，心想莫非格仔餅才是此店之撚手食品？由於第一次光臨此店，排隊期間並未察覺到貼在牆上之價錢牌，於是請教前一位顧客一「底」雞蛋仔之價錢，原來是十三元一「底」，正準備在錢包取出數個五毫硬幣之際，這時才驚覺貼出的告示「恕不接受一、二、五毫硬幣」，現在很多食店都是這樣的，沒有辦法！我告訴老闆娘要一「底」雞蛋仔，由於沒人要雞蛋仔，老闆隨即將那「底」放在爐旁的遞給我，明顯這「底」並不是即叫即做的，故難做到新鮮熱辣，觀感上少不免會打了折扣。慶幸地雞蛋仔還算是暖的，包裝袋設計與利強記的很相似，都在袋上鑽了細孔作散熱之用，算有心思。揭開粒粒雞蛋仔，內裏的蛋漿較利強記的豐滿，面層算是脆的，蛋味卻

有一次, 老闆問: 如果你離開香港一段時間, 回來後你最想吃甚麼? 我想都不用想: 太安樓的一切, 特別是雞蛋仔和格仔餅!! 可能你會覺得這兒名過其實, 不外如是對我來說, 每一口都充滿回憶中學時代, 阿蘇還未認識蛋記時, $4一底是如假包換的窮人恩物放學後拉著姐姐來, 零用錢有限, 一份格仔餅兩份吃, 雖然不夠飽, 卻有一份莫名的溫暖和滿足感由$4漲價到今天的$13, 告訴婆婆今天想吃雞蛋仔她一臉訝異的, 問道為什麼今天不吃格仔餅婆婆在爐前即叫即整, 出爐後在小風扇前吹乾, 再放入有透氣小孔的紙袋內, 非常細心體貼雞蛋仔風味依舊, 外脆內軟, 微微的蛋香, 一切都恰到好處, 如果硬要和太安樓另一舖比較, 的確, 蛋香相對淡了一點, 但那外脆內軟的質感, 實在更勝一籌

冬天可能個人凍，好容易冇哂能量。所以要不斷食野去補充能量。(其實可能呢個係狂食野既藉口...嘻嘻)放工之後又凍又肚餓，於是走入去太安樓睇下有乜好食難得見蛋記冇排長龍，而且佢係新鮮即製，就去食下佢既格仔餅。等左大概5分鐘度就有得食啦！仲記得10年前格仔餅仲係4蚊一底既時侯，佢通常都係整定先，啲格仔餅放左一陣會腍少少，我自己覺得咁樣會好食啲反而自從蘇絲介紹之後，因為多左大排長龍而要即整，個格仔餅岩岩烘起仲係脆既，口感好似冇咁好同埋有一段時間蛋仔(老板)會好重手落勁多牛油、糖、花生醬同奶醬食到有個紙袋隔住都會都會成手都係醬...點解食左10年今日先會想打食評呢？係因為佢由好抵好食變到好貴又麻麻，已經對佢印象冇以前咁好但難得今次蛋仔冇落咁多醬，反而我覺得好食左喎！又再次證明less is more呢個道理重口味既朋友就記住要叫佢多醬啦~~~

其實食肆在當紅當紮熱潮過後倒退是不是一個定律每每有一間食肆在被關注後，質素總會隨時間倒退直至劣評如潮後沉寂，繼而倒閉。尤記得蛋記在小弟中學時候曾經見過一條長龍排一兩小時的情景當然長長的人龍實在令性急的小弟不能容忍故當年並沒有光顧過，只有在旁看著老闆的炭爐不斷製成一塊又一塊的雞蛋仔。今日看蛋記，昔日的長龍已不復見，而該老闆也不在但看到牆上的阿蘇，還是有一試的衝動。看著檔攤，炭爐而變成了電爐，而老闆亦變成了兩位女士見價錢比鴻記平幾分，就去「幫襯」一下吧。為何雞蛋仔的品質會變得如此的下等？我曾經有一個想法就是阿蘇是不是很「重口味」都會推薦一些尋常人吃不慣的東西作為其風格還是老闆覺得賺夠了，累透了就隨它自生自滅，隨時間流逝呢？此刻想起蔡楓華的金句「剎那光輝不代表永恆」心中禁不住有點唏噓。

想當年，蛋記寂寂無名，連招牌都沒有一個，只有熟客識得摸上門。$4一底雞蛋仔，大件又平夾好食，吸引了附近大批老中少前往幫襯，漸漸打響名堂。多得阿蘇的推介，聲名大噪，四方八面老饕湧來，大排長龍。大意大增，售價也不斷增加。最讓小妹心痛的是，十多年來，蛋記仍故步自封，不思進取，毫無新作，連舊有水準也維持不了，質素更每況愈下。據聞雞蛋仔起源於50年代，雜貨鋪老闆唔想浪費意外打爛了的蛋，就嘗試加入砂糖、麵粉、淡奶等攪成蛋漿，倒在兩塊特製蜂巢狀鐵製模版的中間烘製而成。傳統上，雞蛋仔是放在炭火上烘烤而成，但近年為節省成本及安全，大多會改用電爐。大坑伯伯死後，炭火雞蛋仔差不多已成絕響了。10.9.13 小妹當日所見，蛋記人流較以往少，生意不復當年勇。雖則有新出芝士雞蛋仔，但已難以力挽狂瀾了﹗年輕檔主不在，其母親獨自炮製雞旦仔和夾餅，忙個不停。熟悉的背影敵不過風霜的洗禮，更為瘦削。稍候片刻，一底一底呈金黃色蜂巢狀、飽滿而香噴噴的雞旦仔呈現面前，放在風扇仔前稍稍吹凍，就放入有小孔便於散熱的紙袋， 然後遞給客人。杻下一粒放入口，金黃色的雞蛋仔外層非常香，惜蛋味不算濃郁，只得硬脆口感。輕輕咬開一半細看，內層有一

今日想去太安樓尋找鴻記極品雞蛋仔, 幾經辛苦搵到, 可惜拉晒閘, 只有生財工具之一的木頭車和雞蛋仔模放在閘前...無奈下去咗同樣位於太安樓的蛋記, 蘇C黃介紹過, 都有D人排吓隊, 排我後面的2位女士似乎都係因為搵唔到極品雞蛋仔, 退而求其次...得3部雞蛋仔機... 每起完一底雞蛋仔, 店員都會用毛掃清走雞蛋仔模上的殘餘物, 確保下一底雞蛋仔每一粒都咁靚仔... 起咗出o黎嘅雞蛋仔會放係電腦機箱的風扇前面把濕氣吹走, 然後才放入有氣孔的紙袋, 入口會更脆...牆上清晰顯示了雞蛋仔的價錢... 1底$12... 旁邊的電鑽有點耐人尋味, 曾聽說觀塘有間雞蛋仔是用電鑽來發打蛋漿, 當時覺得有點匪夷所思... 看... 店內貼滿了XC黃的海報...我拍照時盡量以不阻礙人家工作為大前題, 今天因為怕單手拿著雞蛋仔會很燙手, 把雞蛋仔放在收錢的枱角, 打算9秒9影張相便鬆人, 誰不知... 疑似老闆娘的女士, 很好人地說"放在這裡影嘛", 便把雞蛋仔從紙袋中拿出來, 放在盛紙袋的膠籃上, 有點受寵若驚, 又有點不好意思, 影完相後連忙說了幾聲Thank you便速速閃人...蛋記的雞蛋仔外皮很

難得出去香港，諗住去太安樓搵下有咩好食。第一站就係俾阿SO 大力推介的蛋記。一望埋去，有風扇，紙袋釘了洞，價錢又合理。好PRO 咁滿懷期待等個陣仲見到他們用鑽洞機打蛋漿。仲諗緊係唔係會均衡D 。點知一咬落去，第一個感覺係，無特別。蛋味又唔係無，但唔香。外皮唔係唔脆，但脆到好似餅乾咁，好怪。總之，唔得。

1月29日, 呀比特登過嚟太安樓食雞蛋仔~ 我就再周圍行下搵野食! 行過見到呢間蛋記, 竟然以蛋命名, 小店除咗汽水飲品外亦只係賣雞蛋仔同格仔餅等一兩款小食, 好似好專門咁~ 加上大大張阿蘇推介剪報… 二話不說我就買咗底嚟食喇!::: 雞蛋仔 ::: $11雞蛋仔即叫即整, 都等咗一陣先有得食~ 佢地仲有專門風扇吹住d新鮮出爐雞蛋仔, 連d雞皮紙袋都好體貼地釘晒窿, 等佢地快d散走熱氣唔會變淋! 成件事一直都好體貼架… 不過一睇真d, 點解d雞蛋仔個殼咁光滑嘅？係光滑到好似假嘅一樣! 咬一啖, 發現佢個殼真係好脆! 入面又真係有一層空間, 然後先係一層軟綿綿蛋糕~ 成件雞蛋仔不論賣相質地同香味都好足~ 但就係個味道好怪…蛋味好淡, 亦無乜麵粉味… 反而食到d平時如果整蛋糕落得太多發粉就會有嘅一種澀味! 好似食緊d假野咁… 好怪好怪…雞蛋仔不嬲都係呀菲最愛街頭小食~ 雖然未至於專家, 但好味唔好味都總叫識分! 呢間舖d雞蛋仔外觀已經好假, 食落又有澀味… 真係好奇怪! 唔係好難食, 但我唔會再食第二次…

每次經過都會有人在排隊，星期天有空的時候排埋一份。這是我第二次光顧，其實自阿so介紹以後，價錢愈來愈貴了...不過佢ge雞蛋仔真係好脆，而且都算有香味，但吃在口中則略嫌味道淡了一點。總的來說是不過不失吧!