蝦麵店 (荃新天地) (已結業)

今日同朋友一齊午餐，午市套餐價錢好抵，揀完麵仲有小食送😘辣味蝦湯蝦肉肉片麵 ($78)呢度主打蝦麵，點可以唔試傳統福建蝦麵，佢嘅辣味蝦麵底都有幾香濃嘅蝦味，感覺真材實料，麵就揀左摻摻，油麵加米粉，兩種口感，啱晒有選擇困難症嘅你！肉片有好多，仲有剝左殼嘅蝦仁，正！凍亞參冰茶加$12甜甜蜜蜜，冰涼透心！馬來沙嗲雞肉串(兩串) 隨餐免費望落好Juicy！食落都好嫩，唔錯！記住趁熱食馬來香炸雞翼(兩隻) 呢樣係追加雞翼好入味，唔會感覺好熱氣五香脆炸豆腐豆卜($28)有好多醬汁點嚟食，我就鍾意點酸辣醬啦😝脆香魚皮($20)好香脆啊❤️❤️❤️仲要勁多塊，一食停唔到口

喺荃灣新天地發現到有一間專食蝦麵湯底嘅店，我哋叫咗個二人餐，可以揀唔同嘅湯底，同埋配料，仲有四個小食，再加兩杯嘢飲，仲有兩個甜品， 真係好多嘢食，兩個人食到捧住個肚走。。 我就叫咗個辣蝦湯底，配料就係蝦肉，同埋魷魚，個蝦湯底辣辣地，跟住好濃味，仲有好多好多蝦肉係個底係個湯底嗰度，另一半就嗌咗咖哩叻沙，蝦肉肉骨配料，叻沙都完全冇失望，都係一樣咁好食。前菜方面就有個馬來香炸雞翼，仲有沙嗲醬雜錦魷魚秋葵樂樂，仲叫咗一個炸豆腐，同埋沙嗲雞串，沙嗲雞串醃得好入味，仲有肉汁，炸豆腐都係外脆內軟，另外雞翼個味道係特別醃製過嘅。甜品方面就嗌咗個阿參脆多士，同埋渣咋，個多士酸酸甜甜都幾開胃，個摩摩喳咋都好多料，d芋頭好香。

依日day off同呀媽去荃灣行街街，順便食個晏。呀媽之前話想食馬拉菜🇲🇾，我記得聖誕行過荃新天地見到有個成兩層樓嘅廣告係蝦麵店XD，嗰時已經bookmark咗。由於無食到早餐，我哋就準備大擦一餐😋。我哋兩點到去到，餐廳多多地人，可能都叫做係lunch水尾，但咁啱侍應得返收銀嗰位，變咗佢一腳踢。不過佢落單都好清晰好快手，仲勁清楚咁講每樣食物加配係加幾錢👍。Lunch套餐包咗一碗麵(比淨叫一碗麵嘅份量細少少)、一樣小食同一杯飲品；另外每樣額外嗌嘅小食加$16。餐廳仲有一個全日優惠餐牌，都好鬼抵。每樣食物都唔使原價叫，變相嗌下嗌下就嗌到成枱嘢🙈。辣味蝦湯底：L1蝦肉肉片麵($68)，🦐蝦湯底真係好濃蝦味，好香，估計應該用咗好多蝦殼煲；而食落又唔會重口味喎，唔錯。不過話明係辣味蝦湯，我預計會辣啲🌶，如果鍾意食辣嘅就可能會覺得爭少少。蝦肉係片開一半咁上，而肉片係腩肉，份量都唔少。麵底我就揀咗摻摻，即係米粉加油麵。咖哩喇沙湯底：L5海鮮麵($78)，呢碗係呀媽嗌的，我試咗啖個湯都幾濃幾香，唔辣的，但🥥椰味可以重啲。另外，我認為呢碗搭配淨米粉比起摻摻會更好食，因為更索湯。海鮮配料有一隻蝦、一隻青口

冬天硬係想食啲熱野。唔想食牛腩麵。開下個地圖。喺荃新天地有間食喇沙嘅，黃店梗係幫襯laaa,今日係星期四，我哋四個人去食， 都要排一排隊，唔緊要！為咗支持經濟圈！等多一陣冇所謂，餐牌都好多選擇，我哋每人叫左1人set, 免收+1，連埋凍飲加小食仲要係任選兩款，$100有找！講下個湯底先，鍾意食重口味嘅你，必選喇沙，下次會想試吓食辣野！仲有個水魷魚！食落去好爽口，係久違了車仔麵嘅味道！雞翼同寸燒好香口！反而叫咗個菜就真係爭啲啦！叫咗通菜，炒得係比較硬身，呢個有待改善！不過整體都正嘅！70分！特別要讚嘅係d staff 無論係老中青都非常醒水！反應夠快！客人唔需要等好耐！而且好有耐性！呢個要俾個like！！

知道荃灣開左鮮芋仙，即刻去食番個芋圓，所以食甜品之前就食少少野先，見到呢間蝦麵店都幾多人食，同埋都幾平喎！串燒方面，我幾鐘意個炸雞翼，加d青檸汁好開胃，而個魷魚唔太乾👍🏿白胡椒肉骨油條有三條骨，肉質淋身，胡椒味濃，不錯！本身唔知咩係福建滷湯麵，所以叫黎試下，睇落似碗仔翅咁，比較稠身，可以加d醋再調味，朋友就麻麻地呢款，但我覺得似食魚肉翅咁幾好😂😂料都幾多，我喜歡上面豬肉片，似似地日式叉燒。

餐廳位於荃新天地1期頂層，裝修幾靚，但可能位置問題，閒日同假期都唔係好多人。不過都好，可以揀位坐，兩個人如果叫多嘢食嘅又可以坐四人檯，慢慢食住傾計😎試過一次淨係點麵餐，覺得幾好食。見佢晚市有二人套餐，包麵、小食、飲品同甜品，價錢又唔貴就試下🍽小食都好多款，套餐本身已幫我揀左馬來香炸雞翼同沙嗲雞髀肉串，然後我再喺自選果堆揀左五香滷肉、一口脆豆腐、通菜配馬拉盞醬雞翼肉串惹味又嫩滑、豆腐同樣香脆👍🏻👍🏻馬拉盞醬好味嘅，但較鹹，食時要就住醮👆🏻麵就揀左蝦肉肉片油麵同蝦肉魷魚米粉，除左餸同麵底之外，佢仲可以俾你揀湯底，我就揀左辣蝦湯🌶蝦肉開半吸收哂湯味，魷魚亦好入味。湯只係少辣，想加辣就要自己落辣椒油，但係都好好味嘅，雖然佢好深色，但味道啱啱好，唔會過鹹😋邊食都忍唔住飲多幾啖飲品係冰糖檸檬薏米水同青檸梳打，薏米水唔會太甜，食完濃味嘢飲返啖啱哂😉仲好多薏米添甜品啲名樣樣都唔知係咩，試左桔子香茅凍同摩摩喳喳。見到摩摩喳喳果隻紫色時，其實有啲嚇親，但食落同喳喳差唔多😋無論小食、主食、飲品到甜品都好滿意嘅一餐👍🏻👍🏻

今日終於黎荃灣朝聖所以順便係附近搵野食。行過荃新天地俾蝦麵店個大型廣告牌吸引，心諗都未試過係香港食馬來西亞嘅野，所以就决定同男朋友一齊去試下望左餐牌好內，發覺都係二人套餐抵食啲，又可以試多啲唔同嘅嘢。套餐可以揀兩個麵食、包指定嘅雞翼都串燒外仲可以揀多兩款小食、兩個甜品同兩杯野飲。我揀咗咖喱叻沙湯底配蝦肉肉片配米粉🍜咖喱味好香，帶少少🤏🏻辣。配埋開邊蝦同肉片非常豐富。😋男朋友揀咗福建滷湯底配蝦肉肉骨配油麵。我試咗啖湯底，湯底較稠杰。我覺得福建滷湯嘅蝦味比較重，好似好味過我果個咁😆雖然套餐標示係細碗麵，但份量都好足。然後到個串燒同埋雞翼。依家樣嘢我都想俾個好評佢。因為雞脾肉串肉質嫩滑，而個雞翼外表嘅焦香、香茅味好惹味。雖然跟配左個花生粒沙嗲醬，但係我覺得唔使點醬都好好食。😋再嚟就係腐乳通菜。原來個腐乳帶有少少辣，如果唔鍾意食辣嘅朋友就記得唔好點喇。跟住就係呢個白胡椒肉骨茶。感覺好似食胡椒豬肚湯咁，食完個胃暖粒粒，冬天食真係一流。而且佢好香白胡椒味，又唔會好似胡椒豬肚湯咁有陣豬肚味，更加易入口。最後嚟到甜品啦。因為我同男朋友都係榴槤嘅愛好者🧡所以我哋都不約而同咁揀咗榴槤加央多士。呢個加央多士

早排同👦🏻去食左間特別啲既餐廳，係食馬來西亞菜，我地比較少食啲，所以都試左好多款野🤣.🔸辣味蝦湯底 蝦肉肉片麵 先講下個蝦湯底! 個蝦湯用蝦、肉骨、洋蔥等等熬成，所以超級香！每一啖都滿滿蝦鮮味😍加埋少少辣辣地，太惹味喇🤪依個湯係最深刻🔸福建滷麵依個就有啲似多料版既碗仔翅😂仲要加埋黑醋好似😂麵底我揀左摻摻，原來係油麵加米粉🤣🔸五香滷肉配一口脆豆腐滷肉唔係一般既肉，而係用腐皮包住豬肉、芋頭、馬蹄等等包起再炸，面頭香脆，咬落又有口感，配埋酸梅醬，唔錯🤩🔸馬來沙嗲雞髀肉串雞髀肉都算嫩滑，加上特製有滿滿花生粒既沙嗲醬，好香😋.成餐飯其實樣樣都好唔錯，但最深刻一定係鮮甜既蝦湯底，我大概會為左依個湯再encore😛

好耐之前係灣仔食過蝦麵店，行過citywalk見到，仲好多人食！2人餐只係$228，有2碗麵，2個小食，2款串燒，野飲同甜品，平到傻，夠3個人食有餘😂喇沙海鮮麵湯底不錯, 我係重口味人士所以如果加多d椰汁再香d就更加正海鮮都有蝦/尢魚等等, 都幾多料!!仲要麵底可以揀摻摻, 又有油麵同米粉, 口感好好!!另外白胡椒肉骨湯都幾好味, 辣辣地, 肉骨好淋好多肉, 加埋油條索d湯都幾match!建議大家可以加多份魚皮, 因為好大份, 用黎浸喇沙湯/白胡椒肉骨湯都唔錯架!

星期六放假日 當然要同朋友食得豐富啲行過見到呢間麵店 俾佢既poster所吸引住就一於排隊試下人流都好快 好快就有位Menu 有套餐 及單點可自由配搭要咩湯底 黎到食馬來野 當然要試下辣味蝦湯底👍🏻見到小食都好吸引 眼闊肚窄既我地最後揀左二人套餐 貪佢乜都有啲蝦肉肉片參參 辣味蝦湯米粉好索湯 湯頭蝦味濃郁 唔會話好辣好惹味既一個參參小食魚皮勁鬆脆 份量多 唔會有腥嗡油溢味豬骨湯雞蛋雞絲麵粗身既油麵 好有咬感湯勁清豬骨湯 啱晒鍾意清清地既人小食拼盤真係不得了先講串燒同雞翼 淹得好入味 好馬來風味雞肉唔會太乾身五香鹵肉做得好好 外脆內糯配埋個汁就好夾 唔會過咸炸豆腐脆口 細細粒啱啱好呢個餐仲有多士做甜品一個五參多士一個榴槤咖央多士鍾意酸酸甜甜既 亞參多士就啱晒 榴槤咖央就甜啲 有榴槤味但又唔會濃得過份最後飲埋清新既檸檬意米水 完美作結

今天好想吃馬來西亞菜試一下荃新天地的蝦麵店餐牌選擇不多繁忙時間要拼桌 座位之間距離可接受四大類湯底麵食、小吃、甜品、飲品抱打卡心態來的朋友會失望店內實在沒什麼裝潢杯碟碗餐具全是茶餐廳風格 一點異國風情也沒有大大降低我對食物質素的期望牆上貼了一張告示指即日起用餐免收加一直至另行通知辣味蝦湯 蝦肉墨魚丸 油麵 ($60)咖喱叻沙 蝦肉魷魚 油麵 ($71)蝦湯湯頭滿鮮甜 有驚喜！叻沙咖哩味有的 而椰汁味很淡兩款湯屬微辣 偶爾會喝到軟蝦殼證明是真材實料吧！😂吃完完全沒有口渴👍🏻不錯叻沙比較多配料 有芽菜豆卜可惜蝦子切半 吃得不過癮魷魚份量少 像冷凍貨墨魚丸中規中矩亞參脆多士 (半份) ($18)多士上的醬很酸 感覺怪怪的從來沒吃過亞參多士 不知道這味道對不對反正不喜歡 麵包很薄很脆是沒錯

又到星期五Happy Friday啦！當然又係食返餐好既時候啦～聖誕新年食得太多西餐 於是就同朋友去左荃新天地既蝦麵店～🤗原來佢同灣仔蘭杜街係同一間 之前經過灣仔見到已經好想食！😫因為同朋友唔想煩 所以就叫左個二人餐 228蚊有勁多野食！😛😛娘惹參巴咖喱蕃薯葉：勁惹味！有少少辣辣地既咖哩湯浸住D蕃薯葉勁香口又開胃 薯仔就甜甜地中和返D辣味～😜跟餐飲品：凍杏霜&凍檸蜜 都唔洗加錢！抵！👍🏻👍🏻👍🏻👍🏻蝦肉肉骨配豬骨雞湯摻摻：清清地幾好 因為其他野食都好濃味 摻摻係油麵加米粉 油麵就比較爽口 米粉就吸多D湯既精華 兩樣加埋就啱啱好😌海鮮麵配辣味蝦湯底摻摻：強烈推介蝦湯底！勁重蝦味 同日本蝦湯拉麵有得fight 小小辣更加突出蝦既鮮味 配埋其他海鮮食 好有東南亞風味😋一般喺香港食嘅肉骨茶都係藥材湯底 呢個就係胡椒湯！我覺得胡椒湯更加好味 因為藥材陣味唔係個個岩 胡椒就勁香口👍🏻榴槤咖央多士：甜甜地 有微微既榴槤味 唔會榴槤既朋友都食到😝亞參脆多士：D果醬有D酸😂不過多士係脆既～咁多野食仲有串燒！普普通通不過不失啦～兩人餐大合照！咁多野食都係228蚊喳！抵食👍🏻

天氣涼左就自然想食啲熱辣辣既湯，咁岩睇到附近有哩間以蝦湯做招來，立即想去試試。辣味蝦湯底(蝦肉墨丸麵)$ 60，老實講蝦味唔係好出，辣味亦冇乜，可能我期待既蝦湯會濃好多啦。咖哩叻沙湯底(海鮮麵)$74，反而叻沙湯底味道仲濃郁，不過啲所謂海鮮冇乜特別好食。脆香魚皮$20，反而哩個有驚喜，應該有翻炸過一下，上碟時熱辣辣，浸湯食時聽到啲魚皮咧咧聲，份量亦唔少，性價比高。

#中意嘅請分享請點讚🍻----------💛 #黃店鰂魚涌分店85罷工,1001灣仔荃灣分店罷工,1111全線罷工,義賣----------Lunch set😋咖哩喇沙魚片四寶麵+小食+飲品 $69四寶包括有魚蛋、貢丸、墨丸、腐角。喇沙微辣，不過椰香偏淡。麵底有油麵/河粉/檬粉/米粉/摻摻，摻摻係米粉+油麵，2款唔同口感嘅麵一齊食都唔錯。小食都有好多選擇，有串燒/小食拼盤/炸魚皮/榴槤咖央多士等，炸魚皮勁大份又勁脆。飲品凍/熱同價。----------🔎蝦麵店🚩荃灣楊屋道1號荃新天地一期1樓108及110號舖🚩灣仔蘭杜街2號麗都大廈4號地舖🚩銅鑼灣軒尼斯道500號希慎廣場11樓1109號🚩鰂魚涌海光街7-9號龍景大廈地下5C號舖

站在店外已聞到蝦香，但看了餐牌，辣味蝦湯標明有兩隻辣椒(辣度)所以不敢試，點了標著一隻辣椒叻沙，中規中矩。朋友說原來辣湯不算很辣，一試… 好香蝦味。下次一定要蝦湯，一定要，一定要!平日午餐有套餐，六十幾但超級豐富。又好味又有heart的平地小店 👍