蝦麵店 (海光街) (已結業)

見到Lunch set都幾多嘢食，叫咗檳城路邊攤一人套餐，包一個主食，小食同嘢飲。但味道ok，未到好食，但冇諗住再食🤣🍴蝦肉肉骨摻摻 $97 (7/10)湯底都幾香蝦味，少少辣，未算好香濃，油紅蔥頭芽菜同埋通菜都幾香口，加咗分。米粉好滑，油麵彈牙唔會太淋，蝦肉勁少勁薄口感好死實，肉骨得一舊好少🥲口感都淋身，唔會太鞋口同韌。份量比較少，女仔都係啱啱好，男仔可能會唔飽😂🍴馬拉盞一口多士 四件 另加 $10 (0/10)香脆但好油膩，得好薄片蝦肉，一般，加錢不了，唔使叫。🍴沙嗲雞肉串 兩串 (7/10)雞肉幾香，唔會太鞋口，嗰張酸酸地幾開胃，上面有花生粒增加口感。🍴凍檸蜜 (6/10)比較淡，冇乜特別。推薦指數: 7/10$80-$90一個lunch有小食同嘢飲ok嘅，但冇網上講到咁誇張咁好食，冇好濃香蝦味，正正常常，冇咩特別，但唔會中伏。

鰂魚涌低調高質檳城蝦麵店話說喺鰂魚涌返工，大把好嘢食。繼上次同大家推薦過嘅檳榔島敍，今次會同大家介紹返同一個老闆開嘅另外一間檳城餐廳，今次係食造法極複雜嘅馬來傳統美食蝦面🍲評分：🌕🌕🌕🌕🌑蝦肉肉骨麵咁我揀咗最有代表性嘅辣味蝦肉肉骨面，呢個湯底做法好複雜同埋有深度，要先炒香蝦肉配合蝦頭唞足三個鐘，配合秘製的微辣湯底，加入肉骨，混合藥材同埋微辣嘅湯底刺激味蕾！另外我會推薦大家揀摻摻麵，混合左油麵和米粉，食起來口感特別有層次，完全吸收蝦湯的精華😊套餐亦都俾大家揀嘢飲同埋一款小食，我會推薦揀炸豆卜同埋魚皮，配上蝦湯，香口又好味呀！

久違的蝦麵，水準仍在👍🏻一個普通的油麵在一個好味的湯底下，成了一碗滋味無窮的午餐😋雖然是外賣，但餐廳是會分湯，所以不用怕浸軟。蝦肉魚片麵辣味蝦湯底紅當當的，散發出陣陣香味，喝一口先會有一點辣辣的，慢慢就會滲出濃烈的蝦味，極其鮮味，應該用了不少蝦去煲，還有很多香料的味道，十分足料👍🏻油麵浸在湯中等了一陣子再吃，吸收了一點湯汁，仍十分彈牙，每一口都有鮮蝦味，再配上蝦肉，魚片，蝦肉是新鮮蝦仁開邊，魚片亦爽口彈牙，還有通茶，芽菜等配菜，一點也不馬虎。普通的一碗麵也能這麼好吃，難怪餐廳總是在排長龍🥰

蝦肉肉片麵（辣味蝦湯底）蝦麵🦐一黎到勁香蝦味超濃郁，辣辣地咁好開胃，湯底真係勁正，應該用左好多蝦黎熬製，真材實料！👍肉片的份量都多，食極都仲有😻海鮮麵（咖哩叻沙湯底）呢款麵個湯底都好好，勁creamy，每條麵都掛滿晒湯汁，呢款都岩重口味人士，而且海鮮料都多，唔會是但俾兩舊好細果啲雪藏海鮮就了事蝦麵店 (海光街) (鰂魚涌)鰂魚涌海光街11號漢威大廈地下3號舖

今日特登試一試呢間出名既蝦麵 本身對佢既蝦麵有好大期望 但係食完感覺都有點失望 湯底比較重鹹味但係缺乏蝦既新鮮味 配料既蝦魚片同埋蟹柳唔係好新鮮 帶唔出鮮味 招牌蝦麵感覺失望了

一直都好支持呢間小店，因為辣蝦湯好味！因為疫情，我會外賣攞走，次次等外賣都要起碼20分鐘！見到門口有貼住"外賣電話", whatsapp 佢地，可以第2日先覆我🙄見到呢間餐廳喺openrice有得"外賣自取", 每次外賣自取都有要求"走芽菜，走餐具，少麵", 每一次都好失望，因為所有唔要嘅野都出現晒！例遲！！！喺openrice 12:15pm 落order, 12:35pm 有得攞，我12:45pm 去到餐廳，但仲未有得攞！職員隨口問我有人漏單唔要，問我可唔可以要另一個外賣（但同我order 嘅係完全唔一樣）。我拒絕左，到最後要12:55pm 先有得攞我外賣！我就係唔想等先要預先安排，但呢間餐廳次次都錯，例遲！最好笑次次都有個女人行出黎話係佢錯！錯但唔改，咁你認黎做乜？以後都唔會再去呢間餐廳！如果趕時間，都唔建議去呢間餐廳！

蝦肉肉骨麵辣味蝦湯底（$95）配馬來白咖啡（$10）加小食沙嗲雞脾肉串2串（$18）望上去以為好辣，但湯底飲落只是微辣，而且有淡淡的蝦味。麵底揀咗摻摻，即係油麵+米粉，撈埋湯底索哂味一齊食不錯。蝦肉係幾粒蝦毛碎，好普通。肉骨有一大一細，煮得唔太淋，一般。馬來白咖啡香滑，OK。沙嗲雞脾肉串正常冇咩特別，沙嗲味再濃啲會更好。PS：Scan QR code 自助落單。

蝦麵店（海光街）🇭🇰鰂魚涌蝦肉魷魚翼檬粉 $72蝦肉雞絲檬粉 $67湯底有辣味蝦湯底同埋咖喱喇沙湯底今次yy兩個都揀蝦湯蝦湯底濃濃鮮蝦味，但又不會太咸加小小辣🌶食哂成碗，飲埋啲湯都不會覺得口渴每一啖都有檬粉加埋啲湯咁食，perfect☝🏻 雞絲同魷魚翼都好入味回頭指數：

今日行經海光街，見到原來蝦麵店在此有分店，即刻好想食番碗蝦湯麵。今日揀左檳城路邊攤一人套餐， 除了有一款麵食外，還可揀一款小食。蝦肉肉骨麵$95 ~有肉骨，芽菜，通菜和炸蒜。辣味蝦湯底，湯頭有好濃和好鮮的蝦味，微辣，十分惹味。麵底揀左掺掺， 即油麵加米粉兩溝，索滿美味湯底好正。肉骨炆得好腍好軟，好味。還有切得好薄的新鮮蝦，口感爽脆和鮮甜。小食跟餐~ 五香脆炸豆腐豆卜~ 豆腐炸得好鬆脆， 裏面很柔軟，香味濃郁。白胡椒肉骨油條(細份)+$43~ 胡椒湯底，配豆卜， 肉排和油條，加入蒜蓉和辣椒, 湯底變得更鮮香，更惹味。 豆卜和油條索滿蒜蓉胡椒湯真係好好味。肉排除了軟腍， 更滲出白胡椒的香氣。熱冰糖檸檬薏米水+$10~ 有淡淡的檸檬和薏米的香味，少甜，好清所。

又一極力推介、去開太古坊搵朋友食飯、佢帶鰂魚涌地鐵站附近嘅蝦麵店、主打馬來西亞地道菜、雖然地方細細但非常乾淨🤗、記住間鋪喺後行比較難搵、行過經過都唔覺🙈. 我朋友一入去就叫咗個肉骨茶+炸魚皮, 個肉骨茶真係好重胡椒味, 藥材味不太重, 仲要用煲仔上超正👍🏻. 魚皮夠晒脆夠晒味👍🏻. 我就叫咗個檳城地道蝦肉肉片辣味蝦湯摻摻麵+馬拉雞拼盤、 個辣蝦湯底真係超濃郁蝦味、對我來講唔算太辣啱啱好,成碗湯都比我飲晒, 係我喺香港食過最好味嘅🤤, 下次一定要試埋佢嘅喇沙湯底、雞串燒同燒雞翼都非常出色, 雞肉嫩滑夠晒入味👍🏻, 加埋個滿花生碎嘅沙嗲汁, 真係想食多幾串, 最後加杯白咖啡夠晒完美嘅一餐😍

呢間蝦麵店的湯底真係一試難忘，我覺得係香港好多其他地方都食唔到呢個味道，佢嘅湯底濃郁得黎有好大陣嘅蝦味，見到有啲辣椒碎喺面但係飲落去又唔係好辣，好有馬來西亞嘅風味。鋪面裝修就簡單易整潔，餐牌一目瞭然非常整齊，而且價錢非常相見大眾化，性價比幾高，而且份量都好抵食~位置都唔係好難搵。最欣賞嘅就係佢叫餐非常方便 掃q r code就可以，避免咗好多不必要嘅人同人嘅接觸，變相減少咗感染嘅風險~絕對可以止咳先 當去左馬拉

同朋友有事黎到呢頭，見到呢間餐廳神奇地係兩巷之間，俾個蝦字吸引咗，就係度食晚飯了。有一人餐揀唔駛煩，各自叫咗一個。朋友極想食串燒，所以又額外叫咗碟拼盤，詳情如下：先係嘢飲，青檸梳打同埋杏霜。我飲青檸梳打嘅，每啖個尾都有啲啤酒味嘅感覺，要新鮮青檸先帶到出黎，正。馬拉雞拼盤，有雞翼又有雞串。雞翼好入味，好夠熱，個皮唔會太乾身，正。雞肉串面有醬，調到勁夾啲雞肉，值得一試。朋友叫咗第一張相嘅喇沙湯底嘅海鮮麵，勁足料！佢即話無入錯黎。我就試咗第二張相嘅福建滷麵（蝦肉肉片麵𡙡）。純綷想試啲少見嘅嘢，真係似𡙡，一樣係勁足料，麵𡙡食哂都仲有菜淨，抵食！ 一人餐有小食，朋友叫炸魚皮，望落份量唔多，但堅脆。放落湯黎食又係另一番風味。放湯時嘅滋滋聲都幾治癒。最癲嘅係食到最後一塊都係咁，堅料！我叫咗蝦醬通菜，正常水準。呢間用蝦字開頭，佢仲有蝦湯底，可惜佢係辣。幸好麵𡙡等都係驚艷嘅，再次證明，正嘅餐廳仲會有幾手！

雖然今個星期一要上堂，但也不會是Blue Monday，只要讓自己食餐好就可變Happy Monday 啦！已經一段時間沒有去過鰂魚涌，難得來到這區上堂，當然順便覓食。在射燈吸引下，走入橫街窄巷，發現一間麵店，係馬來西亞菜。門面貼滿報導和餐牌，睇落幾吸引，一於試試。內裏環境光猛，地方唔算大，設有幾張二至四人枱，泊牆有一排單人高座。牆上沒有花巧的裝飾，只貼了多張餐牌，簡約平實。一坐下，店員就給我一張QRcode，原來係電腦化落單，估唔到小店都咁先進，讚！唔止呀，下單的每個items都設計得好清晰細緻，可配合到食客唔同的要求，方便易用。看看兩份餐牌，一份是單點，另一是套餐，有小食、辣味蝦湯底、咖喱喇沙湯底、豬骨雞湯底、福建滷麵、飯類、冷熱飲品和另加配料。而套餐就包杯$15或以下飲品，亦可加錢配小食。******************************唔駛諗，我當然要檳城路邊攤一人套餐。揀了咖喱喇沙湯底海鮮麵配摻摻Curry Laksa Soup Base Seafood Noodles ($92)，想再豐富啲，追加了豆腐卜（+$8）和蝦肉（+$20），不過….我唔食魷魚，所以走魷魚

今次係太古坊搵食，見到哩間蝦麵小店，見到大家都乖乖排隊，決定試下佢！ 一入起第一件事係覺得店員份外親切，教我可以用手機落單，但係我有問題嘅時候都好樂意教我！蝦肉肉片福建滷面我揀左摻摻面，即係油面加米粉，幾特別！佢係麵羮，個湯底好濃嘅蝦湯，超級無敵鍾意❤️佢真係有大大粒蝦，絕對足料！我仲加左豆卜，索曬d 湯精華。 正😬豬骨雞肉湯底-蝦肉肉骨麵清新之選，同樣係蝦肉大大粒，加厚厚肉骨！仲加左魚片同蝦柳😎 豬骨湯底清清地，照顧埋唔食得辣嘅朋友仔👍🏻 馬拉拼盤2 串串燒加4 隻雞翼雞翼好香口，外皮脆卜卜串燒上面有滿滿嘅花生碎，好豐富嘅口感！性價比好高嘅餐廳！推介推介👍🏻

唔經唔覺困在香港冇出去旅行差唔多2年了，突然好想食喇沙，於是上網揾到呢間就過黎試下😚😊店內環境乾淨企理，坐位唔算迫，餐牌清楚易明，而且採用手機落單非常方便。☝一人套餐有一碗麵，一個小食及飲品@辣味蝦湯蝦肉肉骨麵～湯底充滿濃郁蝦味，蝦肉爽口彈牙，肉骨夠林又入味。跟餐有2串沙嗲雞肉串，沙嗲醬係用粗粒花生制成，雞肉嫩滑@咖哩喇沙海鮮麵～咖哩同喇沙比例啱啱好海鮮好足料，包括有蝦，青口，魷魚翼，蟹柳 ，腐角小食揀左炸豆腐卜，上面加層五香粉，香脆可口，加上份量仲好多添😋😋😋@由於好奇什麼叫魷魚翼，所以叫左碟試試，原來係魷魚三角形部份，每隻只有一個，加埋沙嗲醬，炸蒜片，蔥花，好食到停唔到口😊😊😊