西苑酒家 (太古城中心)

營業中

休息中

行行下太古城肚餓想食粵菜~？gum係去西苑啦~大哥叉燒超正~又瘦又淋又多汁~台上面嘅小食都可圈可點~特別係花生~價錢公道~侍應態度親切（不過可能因爲我地係熟客已經識咗gua...)~但係唔好嘅就係要排隊等位，同埋好逼！><

新年在西苑喝茶，價錢雖貴，但是質素沒變，依舊是平日的水準。特別推介︰叉燒、脆皮燒肉、炆牛雜/牛腩、蝦餃、豬膶燒賣。

公司在此設宴，3 圍枱要了一set 3 份套餐，跟著點心任點。我那圍只有11 人，食到捧住個肚走，因為份量真係唔少。由於太多款式關係，只列出數款。燒味拼盤︰叉燒和海蜇頭真係冇得頂賽螃蟹鍋貼︰幾新鮮和特別，但陳醋唔夠酸酥炸魷魚鬚︰好好味，個粉漿厚薄適中，就算擹涼咗一樣脆脆地，唔會腍pat pat豬肺豬骨湯︰足料，味濃，正！蜜糖豆炒班腩︰肉有點嚡，不過都頗鮮味XO 醬蘿蔔糕︰粉太多，蘿蔔味不足生炒糯米飯︰都不錯，只是鹹了少許香煎蓮藕餅︰這個最搶手，但略嫌煎得過了火位灬燒腸︰腸粉好滑，叉燒餡亦不孤寒，由頭到尾都有，唔會食到齋腸。其他如鳯爪、燒賣、蒜片牛柳粒、蘿蔔炆魚、炒米、蛋白炒飯、腐竹菠菜等……中規中矩，冇乜特別。

住在側魚涌這麼久,上星期六終"嫡"起心肝和蝦子餅來這兒試試!中午11:50,沒等太久便有位.這家的比較密,凳背貼凳背.我們點了蝦腸,鳳爪,豬潤燒賣,叉燒飽同油菜.想食大哥叉燒,但叫點心前吃得太多花生(桌上小食),還是待同爹娘來光顧時再叫吧!點心是蠻不錯的,蝦腸的粉皮入口向香滑,蝦也新鮮.叉燒飽內的叉燒吃起來很"林",不像其他店的"孩霎霎",叉燒醬也跟別家不同.油菜OK,不太多油,入口質感恰到好處.豬潤燒賣比想像中差,豬潤唔夠滑及不是乾蒸(與陸羽不同),用湯浸住...><!鳳爪最好味,入味又夠"林",連D骨都"林",總之我覺得好味啦!下次再來會試試他的大哥叉燒,燒腩,秘製牛什....

出得大場面的廣東菜酒家，數來數去也是那三、兩家，不是鏞記，便是陸羽，再數，就是這裡，利苑，已是第四選。當然，如吃鮑參翅肚，有另外的選擇。是日要私下宴請幾位外賓，來了這裡。六人晚飯，什麼也沒有預訂，隨遇而安。前菜要了素鵝、椒鹽茄子豆腐粒、燒風鱔、燒腩仔、烤夫及蒜片牛柳粒，這六個組合，有葷有素，有魚有牛有豬，亦有不用地方菜的特色。幾款前菜，水準仍然保持，沒有驚喜也不會太差。個人而言，反而喜歡幾款素食，素鵝不是滬式的沒餡煙薰版，而是廣式的有餡煎炸版，味道豐富一點，亦香口一點，配上汁，外賓也吃得高興；這裡的烤夫，是晚的意外地做得味道剛好，不太甜亦夠鬆化，吃下去，醬汁不多不少，得我心；主菜方面，要吃廣東菜，不離靚燒臘，要了琵琶鴨、叉燒及鹽焗雞；這裡的琵琶鴨，皮脆肉夠味，亦有咬口，一點也不腍。如要吃腍身的鴨肉，大可以去吃炆鴨，琵琶鴨難找，腍腍的琵琶鴨，更難；看燒臘檔，這裡的叉燒，都不是靚部位，不過就技術搭夠，燒得微焦，夠腍身，始終是「當店名物」，總還有三斤釘；當然也少不了海鮮，就選了龍躉兩吃，翡翠炒球及蒸頭腩各一份。翡翠炒球是龍躉柳炒蜜豆，龍躉柳泡過油才再下鑊，爽口彈牙，雖然欠缺點個性，但就充分顯

次次來都是些長輩點菜和埋單,所以唔太清楚D價錢,但想是不太便宜.anyway 服務和食物也不錯,但我覺得地方偏遠(實在太懶,hehee),而且D枱好迫,訂了位又要等...在有得選擇情況下,還是會去銅鑼灣個間.

星期日與家人茶,貪佢有位訂,貴D都冇所謂.嘩!人山人海,好彩有訂位,唔係想有得食都好難.叫好多點心,每樣都有水準尤其係蝦餃,糯米雞,擂沙湯丸等,平均水準在美心之上.但價錢差唔多,唔怪得咁貴都排長龍喇.

爸爸牛一，一家人嚟呢度食餐勁嘅....典型圍餐菜式，但每一樣絕不是行貨，每味皆有水準...可惜已經隔得太耐嘞，已經唔多記得食咗D乜...淨係記得條滑嘟嘟嘅東星。之前食過一次，驚為天人，心想都好難食番咁嘅quality嘅蒸魚。今次再遇，味道依舊，雖然少咗份驚喜...依然係小弟心目中全港最佳嘅粵菜館之一...

好耐之前喺銅鑼灣果間西苑酒家食過晚飯，普普通通啦，而且價錢都唔平，不過朋友試過飲茶話OK喎，見星期六去開太古城，就入去試吓啦。去到大約兩點鐘，見到門口有幾個人，以為要等位，點知有檯喎，好彩唔使等啫。點心紙有兩張，一張主攻點心，另一張主攻小食，我哋點咗：潮州一口粉果($22)、賽螃蟹窩貼餃($25)、奶皇馬拉卷($22)、酥皮叉燒餐飽($25)及蔥花米皇腸($25)，點心都係比較細碟，但水準唔錯，兩個人食啱啱好，唔會太飽。下次想試吓其他小食類，例如：大哥叉燒、精裝燒腩仔、瑞士雞翼或者黃油蟹粉小籠飽等，因為見到隔離檯D人食，好似好好味咁。最後值得一讚既係甜品蛋白杏仁茶($29)，杏汁味濃而且好香滑，又唔會太甜，值得一試。仲有，見到藝人“麥包”係度飲茶，真人同上鏡一樣，黑黑實實，大大隻隻咁，佢仲走去第二檯同人Social添，應該又係佢D Friend嚟啦。

話說上個月, 我男友一家book了四圍在太古城的西苑擺"英雄宴"。事前已向酒樓職員說明是"英雄宴", 而他們亦沒有拒絕此項booking。但甫到步, 酒樓經理竟然以"怕影響其他食客"為由, 不許身穿白衫白褲的人進入店內。於是，他們便走到商場內的洗手間,狼狽地換回便服。有些沒有帶便服出來替換的就慘了，那個蠻不講理的經理竟然著他們去買一套新衫回來，換了衫才可進去....... 事件擾攘了好一陣子, 最後都有讓我們進內，但已令一眾人等很不快。後來想向最高話事人投訴, 但竟沒有人理會, 直至奇蹟地在一碟蜜豆內發現了一條大菜蟲, 那班經理部長才肯走回來致歉, 我坐在側邊看, 都真的有點看不過眼。所以事隔大半個月, 我都要將這個不愉快經歷說出來, 真的不吐不快！

呢餐飯真係食到面都黑埋!!!!一直都係去開cwb嗰間,食物,環境,服務質素都好好,但係太古呢間真係不知所謂。成間嘢得幾"台",上菜慢到你唔信。例牌叉燒,燒腩仔:一見個樣就知出事,D叉燒每舊最少成寸厚,食落去"un"到飛起,連切都切得咁無"heart",去隔離大家D食叉燒好過啦!起碼大家樂一分錢一分貨,平時係cwb嗰間食,水準十分高,味道,肉質都一流,我地食親叉燒都一定要去西苑。太古呢間收咁嘅價錢但如canteen咁嘅水準,我真係接受唔到。啫啫煲通菜:平時係cwb叫呢個菜又係一定無死嘅,睇住佢地係你面前整,未上桌已經流晒口水。但係呢度就咸到食唔到,我都已經費事出聲,諗住自己倒碗水浸吓算啦,點知浸完都仲係咸到食唔到,淨返晒係度。食飯食到不停"令"頭,就連唯一水準ok但極遲來的豆豉帶子蒸豆腐都無咩心機食,埋單走人。同待應講咗個通菜咸到浸過水都食唔到,佢停咗三秒,然後話"哦,食咩糖水呀?".........................我地立即走人!兩個人,埋單340,食得一肚氣!如果有負分,我一定俾負分佢。

原本我訂了今天下午去飲茶, 因為有事去唔到, 所以專登昨晚十時左右打電話cancel, 當時的男職員同我講話"已經mark低左, 無問題".點知到今日下午, 佢地個職員打電話問我做咩唔黎, 我同佢講我尋晚已經打左電話黎cancel, 佢竟然一輪咀咁鬧我, 話我唔早d出聲, 我同佢講我尋晚已經打左電話俾你地, 佢仲即刻cut 我線! 呢d係咩服務態度!!!!我已經決定要從各個途徑去投訴!

病重前同bf, A先生O係我星期日仲要番工既晚黑去左西苑食飯，因為BF話我病病地除左中菜都冇乜可以食，咁我就聽話LOR…同埋中菜都係我鐘意既.聽A先生講CWB分店格調高過太古城呢間，呢一間行到入去都唔似高級中菜廳，因為D枱都擺得幾逼下。侍應生反應都幾快同醒目，值得一讚!叫左出名既1)爵士湯–ok幾好飲唔係味精湯亦夠料，不過都幾貴下，下次我煲都得…2)大哥叉燒–偏甜左少少，但係肉質又真係幾好，好食另外，仲叫左：3)蒜香牛柳粒–意外地炒得好，d牛肉又好食4)啫啫通菜煲–我諗都幾難整得唔好食野食幾惹味，不過我覺得有少少唔夠熱!!! 都可以encore既! 下次一於試下飲茶!

由於本人生日, 哈哈, 同事們特意選擇呢間酒樓飲茶, 為我慶祝.呵呵.燒腩仔, 叉燒係必食既, 今次都唔另外, 但今日既燒腩仔比平時肥左o的, 成口油. 但個皮勁脆. 叉燒今次既質素就一般, 冇之前咁好味.我當然有叫到我最愛吃既豆苗餃, 真係皮薄餡靚,好味道. 仲有叫左個鮑魚絲伊麵, 好好味. 有種飽叫做xx杏汁飽, o的同事話好好味, 我就冇試到, 大家有興趣可以試下啦. 最後仲食左壽飽, 個size比東海, 鴻星細o的, 非常good, 唔駛咁大個. o的蓮蓉好味. 個飽亦好軟棉棉.其實仲叫左好多野, 不過有o的冇食到. 哈哈.

25-1-2007蠔皇叉燒飽: 傳統的叉燒飽, 做得幾好。賽螃蟹窩貼餃: 幾特別, 餃皮做得幾好, 值得推介。豉椒蒸鳳爪: 都幾入味, 如可加上少許辣就更好。大哥叉燒- 要半肥廋, 蜜汁偏甜, 有果皮香味, 不過大多數有渣。個人覺得好食的叉燒不需要用過甜的蜜汁。生炒糯米飯: 水準中上, 糯米飯炒得分明, 用料幾好, 但對糯米飯有要求太座只給5分, 半百大洋一細碟, 都幾唔抵!