請坐 (已搬遷) 新店位置

經朋友介紹認識到這間餐廳，昨天特意前往去食午餐，叫了一碗紅燒牛肉麵（$68）和一碟起司蛋餅（$29）。我在香港吃過很多間紅燒牛肉麵，始終覺得沒一間能夠媲美台灣正宗的味道。看見有人推介這家的牛肉麵，便點了試試看。麵一上桌，馬上試試看湯底，我對紅燒牛肉麵的湯底十分重視，覺得湯底是紅燒牛肉麵的靈魂。我吃過最好食的紅燒牛肉麵，湯底的平衡要做的好好，鹹甜辣要達至一定的比例，要有牛油香及喝出牛肉的精髓，辛香料同牛香相輔相成，不會一個蓋過一個。然而請坐的紅燒牛肉麵的湯頭一喝下去，只有一個感覺：麻。花椒味道過重，蓋過牛肉的鮮味，破壞了平衡。這實在非常可惜，因為他們的牛肉做得非常出色，選用牛肋骨肉，燉得又軟又嫩，份量也很大方，一般紅燒牛肉麵牛肉不會給那麼多。而且麵亦很不錯，煮得剛剛好，粗幼度也適中，如果湯底做得好，這就會是我在香港吃過最優質的牛肉麵了。但可惜的是，因為這過麻的湯底，我從頭到尾都無辦法吃出牛肉牛湯的鮮美，皆因嘴巴早已麻痹，味道也只嚐到那過嗆的辛香料/藥材味。如果今日這碗是一碗麻辣牛肉麵，它十分出色。然而作為一碗紅燒牛肉麵，對我來說它很遺憾地不合格。蛋餅沒有拍照，但味道很不錯，餅皮「Q嫩」煙

周末來一點台式小吃肉鬆蛋卷，非常QQ！香港冇乜地方有得食，遠啲都要去！大大碗的台式滷肉飯，價錢超合理！肉汁不會過多，滷肉份量頗多，挺滿足！另一台式料理必吃鹽酥雞。香口皮脆，同時鎖住肉汁，有驚喜！

呢間牛肉麵本身好好食。因為住得遠，要工作先經過西營盤，而之後都唔太多機會黎呢度食牛肉麵，襯今日走去食返次。原本想留返個美好回憶，點知大失所望。就係因為師傅唔知發生咩事落油落重手左，毀左成碗麵。個麵好彈牙，牛肉好軟，個湯好入味。換左一次個湯，但都係一樣勁多油。原本我可以食曬成碗麵，結果我淨係食到d牛肉，仲要比d油彈到我成件白色衫一撻撻油積！其實我鍾意食佢個麵多過食牛肉架😭😭😭😭 眼見碗麵都超多油。

前排香港天氣，又打風又落雨，不過都無阻本人食好西嘅決心今次黎到西營盤嘅台式餐廳，係想試好耐嘅請座附近佢嘅競爭對手本人就食過好多次，呢間就第一次試！聽聞呢到嘅蛋餅好受歡迎，決定要一戰！仲嗌埋食台式餐必食嘅滷肉飯，大家都話正嘅焦糖奶茶同冬瓜綠茶。俾大家睇下個樣先！賣相幾唔錯，蛋餅都好味！兩個人每人三舊岩岩好！滷肉飯肉同肥膏比例平均，隔離嘅橙色嘅好開胃。反而野飲個人覺得較遜色，可能因為嗌左凍焦糖奶茶嘅關係？整體黎講都幾唔錯，建議lunch time早啲黎，餐廳小，要排隊是常識吧！

自從鐵路可達西環，由新界西過黎都方便得多，唔知係咪因為咁，近年西環都多左好多食店，帶動不少區外人前來搵食。講到台灣菜，阿元來了人氣一直不減，對上一次試過略為失望，唔係太啱我地口味，今次就左喺佢附近嘅另一台灣食店：請坐。週日下午時間，本來我係想去另一間文青餐廳，可惜佢地只剩下露天座位，烈日當空我梗係耍手擰頭。轉戰「請坐」，好在快一步有兩個位，否則要喺外面排隊呢。餐牌選擇唔算好多，飯、麵、湯、蛋餅、小食等，本來真係想點好多好多野食，因為樣樣都吸引，可惜我地仲有下一餐，只好忍痛點幾款，留待下次再食。相對阿元來了嘅台式裝潢，請坐顯得較為新派，設計比較簡約，店名、黑色門面、白色木色為主調，驟眼睇以為係間cafe，店內位置唔多，枱櫈有點密麻，餐枱有點小，搭枱係基本，一人點一碗麵、小食、飲品，僅僅放得落，不過相對阿元，個人認為已經算比較舒適，當然啦香港寸金尺土，食完個飯都唔好諗住喺度坐太耐啦，你估真係台灣咩。得知小店由兩位嫁到香港嘅台灣媽媽經營，主打家鄉味道，當日亦都喺店內見到其中一位店主，落手落腳招呼客人，店員都親切有禮。除左食物有水準，還能感受到台灣人的態度真好紅燒牛肉麵 $68麵嘅價格係全店最

小人閒來無事，四出搵食，竟又發現一家很棒的台式食肆。常常吃的台式麵食都是湯麵，固此今次點選個沒有湯的乾拌麵。粗身的麵條確實做到QQ的彈牙感，比之放湯的是另一番的精彩。甜甜的肉燥勁惹味，肉粒腍得來有咬口；在別處吃過有硬粒夾雜其中的，這裡絕對不用愁。汁是甜甜的，味道調校得剛剛好，拌麵一流。唯一小人覺得不太需要存在的是滷蛋，又滯又凍又無味，格格不入。小人沒吃，不過原來更好，只因同樣是蛋，芝士蛋餅就美妙得多。蛋餅煎得薄，質感軟但又有點脆，單靠芝士已無需其他雜亂的配料，已是無上極品！因為這裡，我愛台風。

由台灣人開的台式小店，去到聽到店員說台灣風的普通話，的確增添地道風味。當然叫了必食的古早味滷肉飯 $28，好多肥美既滷肉，咁足料，係好正既！😍 跟住係紅燒牛肉麵 $68 ， 個湯底既特別！牛肉汁得黎加左少少酸辣，有d米線湯底既感覺😂 牛肉既肉質都幾好，麵線口感都吾錯，值得一試😋小食叫左花枝丸 $32，較乾身、味道較淡，冇咩特別。飲品叫左凍黃金烏龍茶 $20，無糖似津路😂熱珍珠奶茶 $25，賣相好頹🙈，味道普通，所以係吾抵飲。

平時閑日見得閑所以就諗住行遠少少食餐好嘅😬😬😬食得米線多所以就諗住食下飯啦🍚🍚🍚🍚所以就行咗去西營盤啊不過呢間台灣野嘅位置都有啲難搵要細心啲行入個平台嘅盡頭先會搵到架😬😬不過佢個門面都非常之清潔乾淨😬去到嘅時候都坐滿晒人😊但都唔係等左好耐姐👍🏻👍🏻👍🏻之後我哋就分別買咗三款唔同嘅嘢食同嘢飲呢個就係⭐️滷肉幹伴麵⭐️啦😊😊佢本身嘅份量其實都夠飽架啦😝😝不過如果你唔夠食嘅話⭐️⭐️可以喺佢張單上面寫加底🤗🤗👍🏻👍🏻👍🏻另外我就叫左⭐️滷肉飯⭐️唔好睇佢好似細細碗 食落去真係好飽而且我仲食淨左添另外我仲叫咗一個凍嘅⭐️洛神花茶⭐️冰凍得來都仲有好飲🌺🌺🌺最後仲有一個⭐️酥炸豬扒飯⭐️入邊嘅配料都有唔少架有蛋啦番薯 毛豆😋😋值得一提係佢竟然次次嘅配料都唔同😂 可以話係一個驚喜😃😃😃之後仲有個冬瓜檸檬茶😬😬整體非常之唔錯👍🏻而且服務員全部都講台灣腔又有禮貌😊值得一讚架😀😀😀😀😀👍🏻👍🏻👍🏻

如果沒有記錯的話，「珍珠奶茶」是自從我四年前大病過後，才開始迷上的台灣飲品，加入了焦糖的「焦糖珍珠奶茶」更是我自從在尖東「鐵X台灣牛肉麵」第一次試喝過之後，才開始迷上的飲品。不過礙於病後的我要長期維持作息穩定，所以晚上不能夠亂喝提神飲品，偏偏台灣的「焦糖珍珠奶茶」，奶茶裡面的成份就可能有提神的「咖啡因」，所以我晚上不太敢喝「珍珠奶茶」。就像當晚，我在西營盤「第三街」的「阿X來了」，我都不太敢喝「珍珠奶茶」。後來某一日，我再次重臨西營盤，但是我不是為了去拜訪「阿X來了」，而是想試食「阿X來了」附近，位於「英華臺」的另一間台灣菜餐廳「請坐」。不知道是否事有蹊蹺，巧合，還是西營盤本店「阿X來了」跟「請坐」都有業界共識，兩間台灣菜餐廳都不約而同，選擇在星期一為指定的「休息日」。不過，「請坐」店舖還設定了，有指定的「中場休息」時間，下午三點鐘過後，「請客」就會中場休息一個半小時，我來到時惟恐會遲到，錯過「請坐」的午市，要再苦等個半鐘頭，錯過「請坐」的「焦糖奶茶」就不好了。幸好還有「阿X來了」請間「人龍店」的明燈「指引」，我及時找到門路，趕得及在下午休息前，趕得及來到「英華臺」「請客」試食，試食他

西區近年開了多間台式cafe, 組成了一個台式美食小社區，喜歡台灣美食及台式cafe 的悠閒風格的朋友，不妨到這裡逛一逛，定必令你置身台灣，一解對台灣的相思之苦！一進門，店員即打招呼道：請坐。跟店名互相暉映之餘，亦感受到台灣人的溫暖窩心。跟阿元來了略有不同，阿元來了的裝潢佈置走懷舊玩味風，請坐則走清新休閒風。但兩者的座位都是頗逼夾，有種不宜久留，吃罷即走的感覺。鹹酥雞（$40)外層不夠香脆，有點油溼溼的感覺，是脆炸的時候，油溫控制得不太好之故。雞肉也不太嫩滑，帶點粗糙。起士蛋餅（$29)是台灣人的典型早餐食物，用鬆軟的餅皮包裹雞蛋，還有其他配料可以附加，例如芝士，九層塔，玉米，火腿等。選了最"保險"的芝士，夾起蛋餅，芝士有牽絲的效果。餅皮口感鬆軟，芝士煙韌味濃，加上台式醬油膏，簡單而好吃。古早味滷肉飯（$28)滷肉是用五花腩做的，以人手切成小粒肉丁狀，粒粒肥瘦相間，飯粒的熱度把滷肉的肥膏融化，使飯粒有滷肉的油潤，而滷肉本身的肥膩感則降低，兩者得以平衡。最特別的是伴有辣菜脯，本身不愛吃菜脯的我都很喜歡，因為鹹鹹辣辣的味道及爽脆的口感令魯肉飯多一份層次。而飯粒則渾圓，像日本米般。椒鹽玉米（

不錯既台菜 很有台灣既味道 我地叫左招牌魯肉飯 肉汁好夠好香 再叫左招牌既蛋捲配芝士 蛋捲又係好香 同百葉豆腐 好似豆干咁 再叫左杯珍珠奶茶 茶味濃 唔太甜 我好鍾意 朋友叫左杏仁茶 話好香好正

呢間係Openrice facebook介紹過既食肆之一,一見到有蛋餅,仲要係台灣媽媽製作既口味,決定幾遠都要來試吓,雖然餐廳介紹話係近地鐵站,三分鐘就到,可能我少來呢區,結果兜咗一個圈先揾到…食肆响扶手電梯旁,門前有一片空地,門口貼住張紙叫食客順序排隊,齊人先可以入座,未來到已經估到小店經營坐位有限,結果原來都比想像中多坐位,只係繁忙時間就一定會坐得逼d星期日下午三點左右來到,都排咗一陣隊先入得,未坐低已經揀定咗肉鬆蛋餅同滷肉飯,最先來到既係肉鬆蛋餅,一條切開咗五舊,方便大家食用,如果肉鬆份量再多d就好喇,滷肉飯上台時仲好熱,肉碎唔似其他鋪頭咁切成粒粒,仲見到有一層層,加上有d汁,足夠撈哂成碗飯因為我同朋友各自叫咗碗飯,所以只係試到一個小食,下次會叫一個麵/飯,咁就可以試多幾樣小食食完大概四點,門口終於無人排隊

老公知道我鍾意食台灣菜帶我來'請坐'試試中午一點來都有三個人在排隊Set lunch 滷肉飯$33沒有豬油香（都係附近的阿X來了好味得多）肉鬆蛋餅$35味道唔突出但隻蛋煎得啱啱好牛肉麵$68 湯底夠濃但略嫌肥膩麵底食開始是彈牙但食到中段已很淋而牛肉方便某啲部位淋但大多數都係un老公講明唔再番桌可以半價指定點飲品特別驚喜：桂花蜜加珍珠、珍珠彈牙又好味而且唔係很多地方有得點如果想加飯或者加麵加湯都可以服務非常貼心所以加分總結：會喺呢度買珍珠飲料在阿元X了用膳😆

同一菜系的餐廳集聚在同一區域，對消費者未嘗不是好事；這家吃厭就嚐那家，前往那家的途中又發現一家新開的，默默的記著下次可以一試。吃韓國菜會先想起到尖沙咀，那吃台灣菜應該會想起西營盤，阿元來了在這區立足後，近來又有兩三家新的台式餐廳冒起，包括這家由兩位媽媽級的台灣人開的「請坐」。來來去去其實都是賣著隨口唸到幾個的菜名，什麼紅燒牛肉麵、滷肉飯、蛋餅，就算瞎著眼、把屁股往其中一家栽進去，不看餐牌都能吃到這些家家都會稱為「鎮店之寶」的名物。鬥的莫過於是名美但實為虛無的「古早味」和正宗程度，而可惜閱歷稚嫩的我根本沒資格說上多少。這兒離西營盤地鐵站C出口不遠，大概是兩分鐘的路程吧。拐個彎、走過一條扶手電梯再向右邊望，就會看到像「人人」二字、以兩張椅子構成的logo。店開在住宅為鄰的平台位置，無遮掩的日曬雨淋。幸好平日午飯時段人不算很多，等了十分鐘左右就能入座。黑色的門面甚有格調，加上看得出有精心設計過的logo，不禁在想，難道有金主或是年輕人入股？這店的前身是在水街的一個樸實裝修的角落，起初只是賣蛋餅，但後來加入蛋餅以外的台式食物，生意才好起來。搬到現址後，食物漲了價，不過仍是合理的價位。做足功課而

見到FB推薦，所以慕名而來！同朋友約飯係中午，好彩提早去，因為我地食食下見到出面好多人排隊（BTW烈日當空啊）依個滷肉飯對我我來講有D肥牛肉麵有D辣（如果唔食辣嘅你要注意喇），不過係好味嘅肉鬆蛋捲好味我決定下次會試其他幾款