譚仔三哥米線 (富盛大廈)

營業中

休息中

見到元朗開左間米線．地方甘大．又好多人幫襯．．有日同男朋友話不如食米線就去試下．．．一上台．唔洗我講．你地睇相啦．．．．都唔知咩黎．一ｐｅ野甘．心知不秒．一食．．．．哇難到唔知點形容．．ｄ腐竹可以同ｄ米線溶為一體．．ｄ腩南唔該可以用放大鏡先睇到有肉．全部肥肉黎．ｄ炸醬一ｐｅ野．好似水狀甘．．．甘無計啦．都要比錢．我咪叫男朋友盡食囉．雖然呢句說話係我講出黎既．但我食左５啖都冇．就放棄左．因為實在食唔落口．．．．．之後去左賣單．．．謝謝７ｘ元！跟住立刻楂車出左荃灣食米線．．．呢間譚仔．．．以後以後以後都冇可能再去食．請都唔食．唔該曬！

深水步長沙灣的譚仔, 間中都有幫襯, 水準一向都keep得唔錯,一知道元朗都開左分店, 梗係走來試下啦嘩, 水準差天同地我叫了一個腩肉雞肉酸辣米線, 腩肉同雞肉都還唔錯但湯底好酸, 以前我喜歡一邊飲湯一邊食米線的, 但今次只係食米線好了配料除了芽菜之後, 腐皮硬到無朋友, 唔知有無煮過, 九菜差不多不見影米線亦係煮得未夠"林"土匪雞翼, 咸到無朋友可能最正常就係碟油菜了環境 : 同外面的譚仔相比, 地方大, 無甘逼人招呼 : 都ok啦, 一反映話湯底超酸, 立即話換過湯底唔使錢, good我非常懷疑呢個係咪外判分店來的, 否則老闆三哥無可能唔知道情況, 你睇開張無耐已經甘多唔好的食評希望佢地儘快改善啦

譚仔的名氣大家都知道一直都未有機會嘗嘗,元朗又新店開張就與媽媽去試一下感冒又咳的一天,唯有要了個清湯..我點了炸醬墨丸,熱檸水媽媽則點了牛肉貢丸,凍檸茶唉...先談談我的一碗...分量也頗大,湯底還可以到配料...炸醬是橙色的肉碎就好像是在百佳買那些現成的肉醬一樣...肉碎得在攪拌後想找回來吃也找不到.....還好的是把我的清湯加入了一點濃味更差的是墨丸..不彈牙,沒有墨魚味吃得出是在凍肉公司買的便宜貨..就像一團粉...米線也一般,幸好未算煮得太林..到媽媽的一碗湯底是二小辣(麻辣),有麻的感覺,也頗辣,牛肉就像香口膠.."口趙"了多久也吃不完..只好把他吞下..貢丸和我的墨丸也是一樣的貨色..還"痴"牙的...我的熱檸水還可以,但媽媽的凍檸茶實在是沒有茶味..喝了一半也沒有就放棄了..湯底和米線還好,但配料實在令人吃不下肚..唉...這樣的價錢給這樣的貨色..未免太不合理了我倒不如走過一點前方吃"士林"的台灣麵吧..

行經西菁街, 見到譚仔米線竟然喺度開咗分店!見到好多人啊, 我哋選擇了晚飯才來一試!食過旺角的分店, 最愛 $41 的什錦米線,同樣地叫了什錦米線, 點知大失所望!!!!!首先係等咗好耐先有嘢食, 廚房出菜速度超慢....喺旺角分店食, D 配料係多到兩個人都食唔晒的, 點知今晚的配料少得可憐!!! 每樣得一兩小片...... 與旺角店差好遠呀.....土匪雞翼就都唔錯, 香料醃得好好~同枱有兩個人, 又係食過深水埗店而特登試試呢間元朗店的, 都話好難食, 食咗唔夠一半就走咗...仲有呢度 d 侍應懞吓懞吓...... 落單時講得好清楚, 佢好似唔識聽廣東話咁囉問佢有咩汽水, 佢夠膽死指住個餐牌話呢D, 個餐牌只係寫住冷熱飲有咩, 而唔係汽水有咩揀囉, 真係吹脹!

去完農場，見正餐未食，就諗住去彪記，點知仲放緊年假，諗住去勝利之際，男友記起我鍾意食酸野，就話不如去呢度，不過我好肯定經過今次，我唔會再黎！！我叫左酸菜腩肉米線，湯底白雪雪，同我以前食開既雲南米線唔同，飲一啖湯，好夠酸，而辣味係一路食一路滲出黎。酸菜真係酸到有D la，酸到可以用黎“mu"，老實講，酸係好，但酸到咁會蓋過其他野既味道，湯底味道對我黎講，真係好唔實在，尤其是辣味，我永遠覺得，辣同香係分唔開，辣味中帶辣椒及其他材料的香味先吸引，加上湯底唔夠濃味，真係唔係幾岩我。至於腩肉就真係唔好講，造法錯晒，佢原意係想將白芍再o係食既時候放落湯底吸味，但好可惜，一塊肉點能夠o係客人食野既短短十幾分鐘吸收到湯味？？我擺落口既味道只係普通白芍肉！！感覺上湯同肉係完全分開既！！我諗麻辣湯底可能會好味D！！只此一次，下不為例。

尋日同屋企人去呢度食晚飯，去到都已經七點幾，好彩都有位坐。我地決定食過橋特辣米線，我細佬食個腩肉清湯米線，同叫左碟大既麻辣雞翼。我地仲叫左凍奶茶(小冰)、凍檸茶(小甜)同凍檸小(小冰)。過橋米線真係乜料都有，有竹笙、腩肉、牛肉、雞肉、魚蛋、牛丸等既食物。真係多到數唔哂，而且配上特辣湯底真係錦上添花。我覺得米線既份量都幾多，而且乜料都有，真係食到好飽。清湯米線雖然無左噴火米線，但清湯既湯底清甜非常，亦都好吸引。但我都係鍾意食麻辣米線多點。麻辣雞翼配上多種香料製成，當有客柯打先會炸既。所以都幾好味，不過都係即刻食最好，因為凍左先食既口感會差D。凍奶茶今次無咁多冰啦，茶味夠濃，難怪我次次都會飲啦。食完今餐，實有下次既。

譚仔終於登陸元朗啦，尋日十二點幾過去，間舖比我預期既大，而且好闊落。我都係食牛肉、雞肉特辣全走。同埋五隻麻辣雞翼加凍奶茶。米線同其他分店既都咁辣，而且好多牛肉同雞肉，米線既份量都無小到。我最like既湯底都無令我失望，飲到個口痹哂，好享受呢種快感。麻辣雞翼有人落單先炸，入口勁多肉汁，jiucy非常。凍奶茶依然咁好飲，今次叫左小冰啦。無叫小冰既後果就…對於譚仔登陸元朗，我之前都估唔到既。一定有下次既。下次可以帶幾個fd去食會更抵食，因為可以叫多D小食。

一向好鍾意食雲南米線的我, 見佢新開張, 所以去試試, 點了腩肉并貢丸米線,中辣!白色的湯底感覺完全唔似我平日食開的那種, 心已經有點懷疑, 一啖食落去, 辣而無味, 非常失望, 如何會造出一種完全無味的湯底的??腩肉 - 肥而無味, 無炆無醃過, 好似用水煮熟的肥肉一樣, 失望！結果, 呢餐我只係好似食緊只有辣味的水滾貢丸米線, 食了一半便急急離開, 唉!!

自從一年前吃過一間很差的雲南米線後, 我得到雲南米線鄙視症後群, 主因是我不吃辣, 但不辣的雲南米線是不好吃的。一年後, 雲南米線高調走入我的生活, 因身邊的朋友都中了譚仔毒。在今天, 我決定給予第二次機會雲南米線。新店環境寬敞光孟, 雖算不上環境好, 但都幾舒服。點了腩肉并貢丸米線,四小辣, 即是小小小小辣(?!)當然要加5元點餐飲啦, 否則會死架！開動。湯底很濃的不知何種香料味, 我實在接受不了, 很臭啊大佬！而米線就幾好味！吾會過淋！很愛吃這裡的芽菜, 腩肉都幾好味, 當然啊媽會炆得好味得多！每吃一口就飲一口凍華田, 因為對我來說真的很辣, 吃著吃著就把嘢飲飲哂......結論: 我同雲南米線冇緣, 未能欣賞它的好, 短期內無打算翻兜。題外話: 門口有張(上圖)既嗰個女仔好似我一個同學, 當我們熱鬧討論她們有如何如何似樣既時候, 該位同學出現了！！

譚仔終於開到嚟元朗喇, 今日下晝出咗去食, 間舖幾大, 雖然係新開, 但唔知點解感覺唔夠企理, 食得唔係好舒服。今日想食酸辣, 叫咗碗酸辣米線配腐皮同雞肉, 雞肉呢間好味啲, 但真係餸少過官塘分店。湯底都係官塘分店濃啲酸啲同辣啲, 不過呢頭得元朗有, 想食但又唔想出得遠, 唯有嚟呢度食。有仲好過無

我同我老婆不嬲都係謤仔既fans，作為新界既西北人，見到元朗開咗分店緊係要黎捧場啦！我哋點咗酸辣竹苼腩肉米線，我老婆呢就點咗雞肉炸醬麻辣(四少辣)米線同埋土匪雞翼，仲有叫咗杯熱OT！酸辣竹苼腩肉米線同一般既譚仔一差唔多，但係餸就真係少咗一D！湯底就冇平時出面既咁酸，OK啦！而我老婆叫既雞肉炸醬麻辣米線，湯底就濃過太子果間！餸都係少，炸醬實在太少喇，係平時既 一半。而雞翼D肉汁少咗D(可以話干咗D)，但我老婆就話鍾意少油D！真係話.......食嘢都有各花入各眼！總括嚟講，譚仔嚟講都算不過不失！我又間唔中會間過元朗，我諗我都會間唔中會幫親下！仲有呀！可能唔係有好多人知道既關係，加上鋪面又大，同埋新開張關係，入面實在唔係好多人，一反譚仔以往慣例！

前排見到開左間新既潭仔...就諗住試下呢間野D味道前兩日就同屋企人去食晚飯...叫左個過橋米線、牛肉+乍醬(兩個都十小辣)、兩杯檸茶、大土匪雞翼過橋米線D料普通...乍醬唔知點解好甜.同平時係第二間食果D唔一樣檸茶太淡.無乜甜味得大土匪雞翼令我最回味

元朗分店28號開張到而家已經食左第兩次環境闊落坐得唔迫第一次去叫左個小辣味道普普通通 同其他分店一樣 D 味好似淡左小小今日第二次再黎叫左個雞肉墨丸米線中辣今日呢個認真唔錯非常夠味而且夠麻 雞肉好滑終於有返當初食譚仔既味道唔係淡而無味希望佢唔係因為今日撞手神最好日日都保持咁既水準唔好再叫人失望 ...

身為元朗人, 見到譚仔開張冇耐, 琴日收工己經去試食, 食左個套餐, 味道同其他分店唔係差太多, 但就覺得d餸好似小d, 但環境好闊落, 坐得都算舒服, 但d阿姐可能未做熟, 錯漏百出, 又落錯單, 又唔知價, 又送錯. 不過本身諗住朗元朗d價錢會便過九龍區的分店, 點知有過之而無不及. 一個套餐 $41, 凍飲+$5, 散叫$21, 一個餸$4. 同一個套餐+凍飲, 貴過長沙灣分店差唔多$10, 難以置信.