譽滿點心專門店 (已搬遷) 新店位置

琴晚同屋企人接男朋友收工，之後一齊去食野。夜媽媽吾知去邊到食好，駕車經開九龍城見到有間飲夜茶既餐廳好多人食，我地就決定揀佢。坐底見到個枱上面張紙寫住<新假期推介餐廳>，可能因為呢個原因所以甘夜都甘多人食。除左九龍城，上環都有分店。呢到落order好似酒樓甘，係點心紙上面畫所需數量，之後比職員落單。餐廳細細但都幾多野食，仲有分蒸點、炸點、即拉腸粉、煲仔蒸飯同甜品。價錢都吾算貴，$17-$30，茶介都係$4/位。可能因為即叫即蒸，所以都要等一陣先有後食。坐左一陣，點心開始送上枱。蒸飯d飯整到好似煲仔飯d飯甘，好乾身，粉粉分明。佢個黑松露水晶餃好香茹味，反而黑松露味吾係特別岀。鮮蝦莧菜餃值得一試，皮好薄但吾會爛。腸粉就皮太厚吾夠滑，吾似係即拉。瑤柱灌湯餃有驚喜，仲吾到真係有瑤柱，湯頭吾係味精湯，好清甜。鮑汁炆鳯爪個汁好濃，d花生雞腳吸哂d味，好入味。最後食埋個棗皇糕作結，呢個紅棗糕椰香味較重，岩哂中意食椰奶既朋友仔。

九龍城食店林立，要喺度佔一席之位的確不易。但像這樣專門食中式點心的小店反而不多。客人多數是附近街坊，老人家居多。食物方面，大部分都是大路的蝦餃、燒賣...........令我驚喜的是竟然有「涼拌黑木耳拼青瓜」好清爽，感覺好健康。 另一個「新疆早棗皇糕」非常有棗香味，清甜可口。食嘅時候正值中午12點，已經坐滿九成客人，點心價錢親民，味道也不錯，是值得可以一再光顧的食店。

有時都好明白宜家係香港租貴、人工貴、食材貴既營商環境下，小本經營既小店真係唔容易。雖然係咁，有時又會諗出得黎開店，係咪都要俾返d有水準既食物客人呢？！初初幫襯呢間點心店，見佢堂食好多老人家，食過佢既點心都比較淡口，會諗佢唔錯呀，好為老人家身體著想，將點心做到咁清淡，等老人家可以回味下候生個時既一盎兩件，又唔怕影佢既地健康增加三高風險。呢晚隊友誤會左我既order，去左呢間譽滿買takeaway點心，真心既真係不可再，以前既清淡健康，今日變成只得食物外表，好似蒸糕甜點，食完個口酸足一晚，擦左3次牙，都無辦法去到酸味😔又好似個款叉燒包，內餡似乎好多汁，但個汁係無味既😔😔最驚人係個款粟米煎魚餅，理應係咸食，但佢係甜到以為自己食緊糖😔😔😔其餘既點心我無試la 放棄左...

屋企人帶我唻呢間點心飲茶飲晚市 6點半入座可以揀位坐餐廳算幾光猛乾淨店員又夠人手Service唔錯鳳爪排骨飯非常唔錯唔落豉油 個飯本身已好入味牛栢葉夠爽口汁亦夠惹味粉果同流沙包尚可不過不失腸粉就粉皮太厚 餡略嫌少咗啲而且唔夠熱見到隔離檯都俾返廚房拎去翻蒸咸水角最開心係見到佢隻色夠淡即係炸油唔係萬年油乾身 夠脆紅棗糕非常好食軟糯香甜總括唻講水準未到好驚為天人但比一般酒樓高質而且價錢夠平三個人食 晚市都係176

今日見得閒，再次入去九龍城食嘢兼買餸。去番我朋友有份開嘅點心專門店先，又平又好味😋下晝去到已經好多人，生意好到不得了👍叫咗啲推介青芥末子母蝦餃，好特別，皮薄餡靚黑松露野菌水晶餃巴馬臣芝士蝦春卷必食新疆棗皇糕，好香椰汁味，但又不搶紅棗嘅味道燒汁魚茸茄子鳳爪排骨飯全部嘢食都係熱辣辣，而且又快手又好味😋依間點心嘅師傅係國金軒出嚟，所以品質絕對有保證👍佢哋有時太忙可能服務爭小小，不過都可以體諒嘅😂

農曆新年跟朋友去拜年,順便飲茶吹下水,點知去到九龍城廣場間酒樓全部排長龍,等咗好耐都冇位..... 結果朋友帶咗我去食地道點心。 喺門口等咗大約十分鐘就有位，坐位比較迫夾，但人流較快， 所以我哋好快坐定定就叫點心食。 全部點心都係即叫即蒸，我哋三個人點咗六款點心， 分別係黑松露水晶餃、薑蔥牛柏葉、蟹子蒸燒賣、鳳爪排骨飯、山竹牛肉球及燒汁魚蓉茄子。 我特別推介鳳爪排骨飯及黑松露水晶餃， 排骨飯係用煲仔上，飯香軟熟。 另外黑松露水晶餃睇得出師傅手工，而且入口 淡淡黑松露香味， 其他點心都合格，比酒樓更加好食， 重點係茶位只需4蚊一位， 我哋醫飽咗個肚就再行去附近嘆咖啡。

星期日又到九龍城尋食，上次到訪因人太多放棄了，今日趁早市完結又未到午市時間來，果然找到窗邊好位置。兩人點了6款點心，先來蝦腸，蝦味比較淡但算爽口，皮是軟軟QQ的那種鳳爪排骨飯，排骨及飯好吃，鳳爪一般，皮有點硬潮州蒸粉果，看圖就明白，皮很厚，可以不吃鵪春蛋燒賣，咸淡適中，熱辣辣加分黑松露水晶餃，皮薄料足，黑松露味不濃剛好，推薦相比起蝦腸，蝦餃的蝦味濃郁，爽口，皮厚度適中整體ok, 茶水夠熱，但茶味淡，若喜歡嘆茶的食客，就要考慮考慮

食左四樣野。兩個人。只係88蚊。D野好食。好似鮮竹卷。唔會食完成口油。個上湯都好淸。义燒包有水凖。好食過唔少酒樓嘅义燒包。鳳爪排骨飯份量都大。如果一個人嚟食呢個飯。應該都會飽嘅。而且鳳爪同排骨都好味道。好入味食山竹牛肉球。雖然要等10分鐘。好大粒，但係味道普通。個人學得冇馬蹄不是太好食仲有樣野值得讚嘅。野食唔會太咸。食完後都唔駛大量飲水。呢間我個人覺得好食過米🐷連既添好運好好多。所以值得推介嚟呢度食。

同屋企人落嚟飲茶，必定推介呢個黑松露餃，松露味勁香而且配菜好爽口，真係好好食，另外 仲叫左蝦餃 啲蝦都好大好彈牙 皮薄餡靚，呢個燒汁釀茄子舊舊都好大件，我地 三個人叫咗六樣連埋茶錢 埋單都係百三蚊，真係好抵

因為去九龍城睇醫生，所以唔太想食泰國嘢！周圍都太多泰國鋪😂但又唔想行太遠去九龍城廣場！見到有間點心店就入去試下，點知仲比我見到羅樂林，tvb老是常出現個個！真人好高😂試咗幾款，其實都係普通點心，唔算話好大驚喜，可能我又無咩胃口啦！但友人覺得佢個燒賣好好味，我只食咗一粒。但人唔多，如果除咗泰國嘢外想食其他嘢可試嘅，但如果唔係我唔舒服我應該寧願食泰國嘢😂😂😂我無記錯佢只可以比現金，所以大家唔好預有卡碌🤣

偶然都會到九龍城開餐覓食，見到有新點心鋪開張，當然要試一試新嘢，因為每次想食點心都得個一間，別冇它選，總於有多個選擇感覺地方寬敞舒服光亮乾淨，坐位唔會太擠迫坐得尚算舒適點心選擇還可，雖然唔算太多款式，但蒸，煎，炸，腸粉，甜點，蒸飯樣樣有齊多黎幾次，仲發現點心轉換速度都頗為快，偶然都會試到新嘢，仲會推出一的懷舊點心…感覺到師傅有心思有誠意，帶給我點點驚喜即叫即蒸，新鮮熱騰騰食過幾次，應該都唔會再去別處（如果去九龍城食點心的話）今次一次過放相，公諸同好…

突然間好想食點心，就試一試新開既e一間譽滿。中午是段，勁多人，坐滿要等位。座位有d迫，但環境裝修都幾新幾靚既。餐牌如下，叫左個煲仔蒸飯。有意外驚喜。聽格黎枱話上次食個飯好唔得好濕 。但我今日點過個好好味，夠干身。排骨又多又滑。就咁數都已經有8至9粒排骨，總要全肉小骨。$26勁抵，夠飽肚。D飯一粒粒，好分明令外2款點心蝦餃同酒樓食味道咁上下但牛栢葉呢，份量比酒樓多。出邊食薑葱總多過牛栢葉。E到就值得一讚。

新一年嘅時候同左媽媽去九龍城買嘢, 諗住食午餐時, 見到呢間點心專心店都幾多人等位, 所以媽媽就話決定等位試試!! 佢未試過食點心店的~得意點心係芥末蝦餃, 有粒細細粒嘅芥末餃仔, 頂得順芥末味嘅朋友仔可以一口食哂整隻蝦餃! 青芥末嘅攻鼻感唔算太勁, 蝦餃味道唔錯, 蝦肉爽彈!我最愛嘅肥仔點心有豉汁鳳爪, 有少少失望呢。鳳爪皮唔淋, 比較爽, 豉汁都唔錯嘅, 如果鳳爪淋啲會更喜歡~流沙奶皇包不負眾望, 好流沙呀。包鬆軟, 奶皇餡都唔少, 如果少啲甜加啲蛋黃粒會更好呀!!蝦春卷內蝦肉都飽滿, 外皮香脆, 都唔錯架!!媽媽最愛嘅鳳爪排骨飯, 原煲上, 份量都唔少, 排骨多而且有肉, 唔會肥膏多過肉。米飯煮得好, 粒粒分明, 軟硬適中, 媽媽好鍾意。甜品時間要食補血嘅椰棗糕。紅棗糕加椰汁糕, 賣相唔錯, 口感煙韌, 都幾好味!! 媽媽對呢次新體驗都覺得唔錯, 話要再試另一間。

2條友黎懷舊下，食物種類唔算多，都唔似其他點心店攪新花樣，勝在舊時代既野做得好!茶: 唔係特別有感覺，對我黎講都係有色既水蒸物: 黑松露野菌水晶餃(必食)炸物: 蓮藕鯪魚餅(必食)呢7樣野普通2個人食可能太飽，請唔好以我地既胃口作準😂另外值得一提既係，雖然鋪頭入邊坐得好闊落，但無論你揀什麼位置都會比佢個無情既冷氣吹住，凍到啲野食好快就變和暖，所以建議各位一係食快啲，一係就逐層逐層食啦😂夏天黎既話應該感覺良好好多👏🏻

早前路過九龍城發現又開了家點心店今天終於有機會試試店舖裝潢感覺寬敞色調溫和輕淡内裡配上了小許植物讓人更舒適大門全落地玻璃有大方感不足是環境衛生沒很好地上不少食物殘渣和垃圾首先來個棗糕有棗味卻不甜食之前還擔心食後好放心了在下個人滿喜歡通常棗製品偏甜這個值得一試再來的是咸水角嗯..好像蒸久了皮也比較厚口感不太好硬了不脆也不韌而且涵有點小可惜再來就是茄子大大條送上枱這還滿吸引的加上醬汁基本上是不錯的不過原條茄子可能大粗壯茄心未熟透師傅要多多注意和加油再點個松露餃皮薄料多野菌雜菜樣樣俱全松露味不突出適合淡口味人最後食腳趾是沒很軟滑但也不過不失整體上食物一般一般汁醬味道不錯師傅要多努力給點心多點愛服務態度很好有耐心有禮貌經開九龍城試試無防