譽滿點心專門店 (已搬遷) 新店位置

印象中記得龍城區內的點心小店，除了越做越大的"嘉豐"之外，就只有另一間在福佬村道那邊。最近給小弟發現有一所新的，位置就正正在大路的一旁....香港人對晨早的一盅兩件一向有份大愛，故此這一類點心店，若她是開早的話著實是不愁沒生意的。好像在今早，未到八時店內就已坐了許多人....近來吃多了煎炸嘢，今天就來兩款蒸的清一清....叉燒腸挺一般的，個人略覺皮有點過份濕黏了，食時顯得有點論盡。所用的叉燒亦太瘦，有點嚡....鮮蝦白菜餃食起來就更覺糟糕 ---- 餃皮的黏爛程度更為過份，就算是已等了一會才夾皮仍是無法完整地拿起；饀內基本上嗒到的大部份都是些細碎的肉粒以及零星的菜碎葉....蝦呢 ? 驟眼就不太覺有，就算有，份量也是極少....越食越氣餒，還是馬上埋單離開這傷心地好了....

這點心專門店新裝修,環境清新優雅。點心款式不少也不多,大部分也是大路款的點心,只有一款青芥末子母蝦餃是較特別。價格相宜上點心速度快食物熱騰騰味道大致不錯 特色蝦餃的確好味, 黑松露腸粉也惹味! 但叉燒飽偏咸如果可以改善一下太高的卡位的椅; 自助汁料貼上名字免誤會出錯; 以及卡位最側的二人位氣流不通問題; 加些特色點心。這店絕對可以再來

買咗個排骨飯，一食落口啲飯爛到唔使咬，啲排骨咬落去又係係咁，即係放係蒸爐好耐，我寧願即叫即蒸，等下有咩所謂，最基本嘅嘢都做唔到，都真係幾嬲，以後都唔會再食呢問野

知道這間新的點心店開了很久，今天才有機會來試試！一進門，店內已經約有八成客人，且大部分都是銀髮一族，可以肯定的說這𥚃收費不會昂貴，果然茶錢每位三個大洋，免收加一。飲茶食點心，來來去去都是蝦餃燒賣幾樣，點心紙上選擇不多，絕對不會有選擇困難症候群出現！要看點心師傅功夫，就要試一試他的蝦餃水準，點心紙上有兩種蝦餃：譽滿鮮蝦餃和青芥末子母蝦餃，後者個名稱有特色，即管試試！這隻青芥末子母餃原來是一隻蝦餃分兩部份，上面綠色的小餃子內裝了青芥末，下面則是一隻蝦餃，一口咬下整隻蝦餃，感覺青芥末味道與蝦餃完全不融合，蝦肉雖然都算爽脆，但不覺得青芥末對它起了什麼作用，吃下的青芥末又不辣不甜，不知所謂，早知吃普通的蝦餃好過！多虧這位創新無限的師傅！蟹籽蒸燒賣算合格，餡料的蝦和豬肉的比例適中，爽口彈牙，賣相都不錯👍其餘的點心真是乏善足陳，吃過便算！我個人認為一間點心專門店應該起碼都要有一至兩款點心會令人覺得有特色，想起它就會自動走去幫襯，這𥚃…唉！暫時沒有！

Month end日註定無得早收工🤷🏻‍♀️好彩小妹男朋友準備好晚餐地點醫小妹個肚腩🤣今次小妹男朋友帶小妹夜媽媽食點心🤤夜晚9點半到依然好多人😱點心紙得一張選擇唔算太多但價錢平！！夠貼地👍🏻點心即叫即蒸等左十分鐘左右就有得食😋一共叫左八個點心一個飯一個菜埋單都係$200! 😏------------------------------以下重點講d小妹覺得好味嘅點心🤤1. 青芥末子母蝦餃上面細細粒嘅蝦餃bb係WasabiWasabi配蝦餃感覺幾新鮮🤤👍🏻而且好好味👏🏻2.黑松露野菌水晶餃黑松露唔叫濃只係淡淡嘅味同入面啲菜饀好夾但皮好薄👍🏻3.上湯鮮竹卷好足料嘅鮮竹卷大大條有三條👍🏻4.棗皇糕超香棗味👍🏻而且唔係好甜♥️合哂小妹心意😋

又平宜又靚。味道酒店水準。平绝全港九。大街大行。抵食文化。人均消費30 多元。茶價三元毎位是十多年前收費。人生有幾多個十年。流沙包有流沙。桂花羔難得有桂花香。糯米兹又彈牙又煙#。燒賣ㄧ粒內有三只蝦。

大部分人一日都有最少三餐，我自己也是，不過，我由細都大都好中意食點心，三餐我都唔會厭。今日同屋企人去左食間開左無耐嘅點心專門店，睇番張點心紙，原來叫譽滿。入到去啲staff都各有各忙，不過我地自己坐低左，然後佢地即刻過黎問飲乜茶，態度語氣都幾好，啲人動作好快手。令我好奇嘅係，連接手點手紙到落嘢收嘢之間我都會聽到唔好意思呀嗰類嘅禮貌字句，聽到都覺得幾舒服，如果係咁平民嘅餐廳已經算係咁，唔講以為係有訓練過。無論係衣著高貴嘅客人，抑或衣衫襤褸嘅阿叔，甚至係行動不便嘅公公婆婆，我都睇到職員們嘅友善同禮貌，原因係現今嘅香港對於飲食業嘅服務態度已經越來越低要求，估唔到呢種平民餐廳都可以provide到好嘅服務。最後，我會彈嘅只係略嫌店內冷氣唔夠，一入爆曬客就會比較熱而影響食慾，呢個係佢地要改善嘅地方。要讚嘅係服務比較貼心，相信九龍城嘅一班老街坊平時又多左個選擇。

係九龍城食得泰國嘢多，果日經過衙前圍道比我見到呢間嘢，仲要食點心，就入去試下啦，點知入到去個環境都好舒適，淡綠色嘅牆紙，座位闊，重點係食物都好好味，例如果日食咗「黑松露水晶餃」「芋絲素春卷」「生煎包」同埋「咸水角」等點心都好有水準，由落單至上嘢食都吾會太耐，啲飯一個字掂！又大份又好味，一定會再幫襯！

上星期五我地朋友打算係九龍城聚一聚，因為附近無一間餐廳可以容納我地20人，剛好見到一間譽滿點心專門店新開環境舒適地方舒適，餐廳主打綠色有唔同綠色嘅盆栽俾人感覺舒服，餐廳員工大多數年輕人所以比較有活力，點心俾人感覺舊浱傳統但係呢間點心鋪俾我哋感覺新鮮好奇，先講服務佢哋唔會差過任何一間平民價餐廳，食物品質採用新鮮食材，最極力主打新疆棗皇糕，黑松露野菌水晶餃，青芥辣子母蝦蝦，首先講最出色嘅新疆棗皇糕同一般出面食唔同食洛好重紅棗味好有咬口唔會太甜，其次水晶餃食洛香加入唔同蔬菜，令到色彩繽紛又健康再用黑松露令到佢比人感覺好高級，食洛非常香口唔會，青芥辣子母都唔錯但可能唔係個個接受到可能年輕人都比較喜歡，整體九龍城有間出色的點心鋪，容納人數又多，服務一流比起附近2間點心鋪出色得多，最重要食物品質好服務好

在九龍城工作了數年，可謂食盡曬九龍城區的大大小小餐廳。這天來到一間新開的點心專門店，經過看到裝潢設計不錯，青色牆身令人舒適，所以就到裡面試一試。不是繁忙時間放飯的我，店內不算太熱鬧也不算太冷清。我隨便坐下，連忙下單以填補肚子裡的空虛。最後我選擇了幾個自己愛食的點心和一個飯。在等候食物來到時，我感到店內冷氣太大，服務員也隨即把溫度調高，而且解釋不能關掉的原因，不過20幾30蚊的餐廳我也不會要求太多，始終我只是打工仔，吃完就走。大概八分鐘青瓜就到，後來點心飯陸陸續續到，相機食先後我也急不及待完成了他們。整體上100分我會給90分，價錢相對便宜，最主要是點心好新鮮，蒸的時候長以至熟透，在附近用呢個價錢未必食到，以後食點心飲茶會先選擇他們。

九龍城新開了間點心店叫譽滿點心專門店，裝修簡潔舒服，淡綠色牆身，另外又有幾個層架放上茶壺、茶餅、植物，不是一般點心店既裝修，很有自己個性。食物保持新鮮有水準，服務人員有活力有禮貌。青芥末子母蝦餃、黑松露野菌水晶餃、新疆棗皇糕係必食推介，奶皇流沙包、籠仔馬拉糕都很好聽到周邊的食客都覺得這間點心店唔錯，裝修、座位俾人感覺很舒服，食物一食落去就知係新鮮，員工態度又好，好過嘉豐好多，仲見到好多茶客日日過左黎食。

九龍城新舖，週末早上去試吃，外面花叢錦簇，店內乾乾淨淨，怎料坐下落一次單，連改兩次也是錯，第一次落多左馬拉糕，第二次取消馬拉糕卻變成雙份紅棗糕，最後一次腐皮卷又消失了，感覺很無奈我明白新店開張一定手忙腳亂，但仍然讓食客感覺受到了冷落，於是吃的時候就真的忘記了味道，只記得蝦餃小小隻，青瓜尾長長一段，紅棗糕亮晶晶，其他就真的不記得了，很難說味道如何。（當日無牛栢葉）Ps.蝦餃整整等了半個鐘。。。。。。

平時夜晚唔想食太多，點心都係一個好選擇，見新開即管試一試佢，店舖光猛但坐位麻麻，坐得唔太舒服，飲茶用塑膠餐具感覺好怪..結果都 幾失望，價錢一般，或者我揀唔中佢好食既野..先上油菜，一見到個樣就已經知道出事，望落好大碟，但老到有渣又難趙，因為咁仲淥親個咀，驚嚇..再泥青芥末母子餃，似乎想搞搞新意思，係店舖推介，大粒蝦餃再加細粒裝住芥末味沙律醬，唔出色，亦未致於難食，貪新鮮可以試下。最後係上湯鮮竹卷，腐皮唔霉，只係好un，都幾難趙，裡面好鬆散，無驚喜，一般貨色。試唔到棗皇糕，因為賣哂..附近仲有兩間選擇，春風得意同嘉豐會比較出色，今次嘗鮮過後，都係會重投舊有懷抱..