讚好台灣

營業中

休息中

想食呢間好耐，成日見人介紹，話cp值好高🥰雖然正苦彈出又彈入，又比返我地中午堂食，不過都係驚驚地，叫外賣算嚕😟一收到啲外賣，勁鍾意佢地啲外賣盒，有幾隻柯基係度好可愛，好有台灣樸素寫實嘅感覺，連外賣盒都咁有心思🥰.🍱滷肉香酥排骨便當講真個滷肉飯真係好麻麻😟得幾粒肉然後加啲汁，先唔講佢正唔正宗，連滷肉味都食唔到 ，好彩佢仲有其他配菜可以送下飯🥶到主角香酥排骨喇，份量夠曬，炸得幾香口嘅不過略嫌有啲乾😯$48包飲品絕對對得住佢個份量同質素😼.🍱鹽酥雞肉燥湯麵岀街叫得湯麵，除非比較高價錢，否則都預咗兩種情況💩第一種係落重味精，第二種係味精都慳返，比個好似水嘅湯你👻呢間就係第二種，好清冇乜味，都好，健康啲😹✌🏻鹽酥雞比排骨好食，肉質幾嫩🐥.🍽味道: 2.8/5🏙環境: 3.5/5💧衛生: 3.5/5💰價錢: 3.8/5

上星期，我同兩個朋友一齊去食。我叫咗一份鹽酥雞便當，嗌咗唔夠10分鐘就可以上菜，都幾快手。鹽酥雞稍為多咗啲肥膏，個滷肉飯都整得唔錯，幾好食。總括來講，性價比都幾高，值得一戰。

約左朋友喺紅磡交收d野,見都差不多時間食飯就邀請朋友食個quick lunch。友人介紹呢間台灣便當,咁就不如試下佢。。。🔘 滷肉鹽酥雞飯 | $49評分: 🌕🌕🌕🌑🌑評語: 鹽酥雞🥺好耐冇去台灣食鹽酥雞,坐低二話不說就點左呢個滷肉鹽酥雞飯。店主好有心,將飯拼成台灣島既外形。滷肉比較少,同飯嘅份量唔成正比,如果多d滷肉會比較好。食落唔油膩,唔係一味得肥豬肉。鹽酥雞肉質比較實,好彩佢係細粒嘅雞肉,所以未至於有鞋口嘅感覺。。。🔻台灣cafe風格🔻價錢平,填肚一流推介指數:⭐️⭐️⭐️

一行三人來這裏吃晚飯， 因為同行想吃麵， 所以點了一個 紅燒牛筋麵， 一個肉燥飯， 我有點飽， 所以，只點了牛魔王拼盤， 和滷水豆腐。 同行說肉燥飯不錯吃， 牛根麵聽說有點過油 。鹵水豆腐倒是不錯， 甜甜鹹鹹的。 但是牛魔王拼盤就 一般 ，牛肉有點硬， 其他的都有點油膩。 總體來說，中規中矩吧 。裝修前好像好一點 。現在門面雖然光鮮了。 但吃起來沒有以前那種 小店味道 。。另外值得一提的是 ，杯子很髒， 無論外面，或是外面，都有污漬。 這點要改進

每次經過見到佢地個條長長嘅人龍，就已經打消左我想試嘅衝動。今日難得唔駛排隊，所以就入咗去試。非常鍾意佢地嘅環境，乾淨企理又坐得舒服。叫咗個麻辣軟骨湯麵，午市套餐包埋熱飲，相當經濟實惠。食物質素方面就普普通通，不過不失，但要排隊等食嘅話就似乎唔值得。

約左朋友係紅磡....佢仲介紹左呢間台灣野...話幾好食...係門口等左一陣就有位...入到去....見到張點餐紙覺得都幾多野選擇....係我唔好....因為想試蕃茄湯....所以就叫左兩樣夾埋會好怪的野....蕃茄牛根麵.......因為牛根本身係滷水煮過的......夾埋蕃茄真係怪到極點.....但真係唔關間餐廳事....當然餐廳其實可以唔放呢個選擇出黎...但又可能真係有人好鐘意呢個組合都未定......另外個碗就真係好正常的台式牛肉麵.....算幾好食添..下次我會乖乖地食返正常口味嫁喇.....

Came across this Taiwanese eatery today and decided to give it a try. Wow, I really enjoyed my lunch here.We ordered the beef and tendon in spicy soup, and fried pork chop in pork bone soup. Also had Taiwanese popcorn chicken as a side dish. Most impressive was the noodles. It was thin noodles and got a chewy bite to it. The shop keeper told me they make the noodles in-house based on the formula developed in Taiwan. The noodle soup, beef and tendon were also good. Soup was rich yet light. Beef a

🐾 讚好台灣 (紅磡) 🐾-滷肉香酥排骨飯$49✔️牛筋腩面麵(紅燒牛肉湯)$59✔️路邊攤小拼盤$42✔️西門町滷味拼盤$43✔️阿華田胚芽波波(+15)✔️黑糖鮮奶波波(+15)✔️-滷肉香酥排骨飯：滷肉唔算好多，不過佢勝在有其他配菜仲有隻蛋，排骨嘅肉質好硬，食落會覺得有陣油-牛筋腩面麵(紅燒牛肉湯):呢個我哋揀咗新竹米粉我覺得超好味，湯底又唔係好濃，不過食得出佢有藥材味，牛筋炆到勁林，但係又唔會冇咬口！推介！-路邊攤小拼盤 :入邊有花枝丸小香腸同埋鹽酥雞，鹽酥雞同花枝丸炸得偏硬可能係放咗一陣雞肉係唔嫩滑嘅，其他都不過不失-西門町滷味拼盤:呢個入邊有滷豆腐滷大腸同埋滷蛋，豆腐同大腸都好入味好好食都推介嘅🥰—————————————(非專業,完全跟據個人口味☺)食物:6/10環境:5/10服務:4/10人均消費:$100———————————————▪店舖名稱: 讚好台灣 (紅磡)▪店舖地址:🔸 紅磡湖光街1-7號聯成大廈鴻運閣地下13及14號舖-----------------------

還記得去年，每次經過這間餐廳門外都有好多人排隊，所以好想去試試。今天中午經過這裡，見不用排隊，於是決定在這間餐廳吃午餐。我點了讚好牛肉湯麵，午市套餐包一杯飲品，我選了熱檸檬水，不用加錢。牛肉麵湯底味道不太濃，麵條的軟硬度適中，牛肉軟嫩。

自從搬咗屋之後好少去九龍區，今日難得去黃埔行街，行行吓發現間台灣餐廳見仲未有人排隊就入去試試😋😋餐廳環境光猛整潔，職員亦好有禮貌，加👍🏻我地兩個人叫咗滷肉飯，麻辣牛肚絲，木魚炸豆腐同埋小食拼盤。唔使一陣有嘢食啦😍🔸滷肉飯，啲汁好好味撈飯一流，加埋隻滷水蛋有鐵蛋feel能入哂味，good👍🏻🔸路邊攤小食台灣香腸味道同想像一樣，係ok 嘅。花枝丸，好彈牙好食👍🏻鹽酥雞，唔夠脆有少少油膩👎🏻🔸木魚炸豆腐外面脆嘅裡面好滑加上個醬汁又好好味，我好鍾意👍🏻🔸麻辣牛肚絲辣辣地幾開胃嘢飲唔記得咗影相😅😅會唔會再幫襯? 經過就會

每次經過湖光街都見到店員喺門口招徠，充分表現出台灣人熱情好客嘅文化，今日終於有機會一試。下午茶餐性價比高，一小碗主食配三款小食，包普通飲料。主食份量拿捏得宜，充饑而不飽滯；鹽酥雞屬瘦肉部位，口感結實，又唔會太乾，反而係隻蛋老咗啲。因為未食晏嘅關係，點咗碗正價乾拌麵。拌麵已預先拌好，味道鹹中帶微甜，蔥花、青瓜絲擺放一邊自由加添，但青瓜偏老、唔夠爽脆；配料份量正如其名，牛筋牛腩丸類蔬菜樣樣有啲，筋腩炆得夠稔軟，蘿蔔好入味，一咬爆滷水汁夏天食豆腐冷盤夠哂消暑，木魚削成大片有口感，與旗魚鬆同樣起到提鮮作用，令原味清淡嘅豆腐生色不少；醬汁略鹹，幸而豆腐份量夠多中和返。充滿台灣特色嘅大杯飲料，永遠都飲唔見底

有一次我同一個女仔朋友嚟呢度食嘢， 話說食淨少少我想打包。當我準備同侍應講可唔可以畀個外賣盒我， 呢個女仔朋友就同我講要環保唔好用咁多外賣盒。於是佢喺手袋度拎咗個食物盒畀我叫我用， 但係我打開佢嘅時候發覺有一陣味 就唔係好想用。 佢就叫我去廁所洗下佢 就可以用， 但我就唔想拎個盒入去洗完又攞嚟裝嘢食啦。我就冇解釋我呢啲心入面嘅說話， 只係話唔係咁方便嘅，我又唔知幾時還畀佢所以我都係叫侍應畀一個外賣盒我。 呢個女仔朋友好嬲好唔開心，覺得我好無理取鬧喺度浪費地球資源，直情係將人類文明推向滅亡。嗰一次就係我哋最後一次見面 。今日諗返我覺得我真係好蠢， 我應該敷衍佢用佢個盒裝咗佢咪算囉，食唔食另一件事。 但係另一方面， 點解要夾硬逼人哋接受你嗰套呢？ 可能就係因為咁，我感到我嘅自由同尊嚴受到威脅而不作出妥協。讚好嗰個滷肉飯加鹽酥雞係我最鍾意食嘅餐嚟嘅 而且又有啲配菜喺度其實好豐富。 我原本每次去食都好開心但係嗰次之後，我就好耐冇食啦。 希望有一日可以再食到。

台灣鹵肉飯份量合理，一個人食都夠飽，鹵肉比較碎，偏近肉燥飯，有三碟小伴菜，令味道提升。木魚豆腐皮蛋有木魚係上面，豆腐同皮蛋配搭好食，滑而有口感，加上個醬汁咸咸甜甜，豆腐上面有豬肉絲，口感豐富。牛筋腩麵呢個都唔錯，不過個人口味對牛筋腩一般，唔太喜歡麵類。路邊攤拼盤有香腸，鹽酥雞，炸花枝丸，香腸好味道，鹽酥雞雖然脆，但就唔夠咸，花枝丸好味呀，入面有一粒魷魚。整體表現都係上佳之選，環境都好光猛，但冷氣開到有d凍，食物易冷卻。

當日同朋友嚟食晚飯已經夜晚七點幾店家都有做好防疫措施幫客人量體溫亦都有提供酒精搓手液因為係假期嘅關係所以唔使等位入到去之後點菜15分鐘後就上菜👉🏼口水牛肉乾拌麵鍾意食辣嘅朋友可以試呢個。當晚朋友話要減肥但最後都成碟清晒，非常多汁同埋大碟，青瓜絲好新鮮爽口牛肉炆得好琳👉🏼蔥燒豬軟骨飯定食嘅話係有滷蛋同埋類似榨菜嘅伴碟可以撈飯非常之開胃，豬軟骨唔會泰林亦都非常之有咬口👉🏼熱珍珠奶茶當晚已經算夜但係啲珍珠依然保持水準非常之彈牙亦都唔會好甜建議大家嚟堂食因為上次叫外賣自取份量比堂食少店員服務態度都唔錯大家可以黎紅磡嘅時候一試

野食一般，黑糖珍珠鮮奶，完全冇鮮奶味，好似水咁樣，我諗普通一間台式飲品店都好飲過佢。p.s 要少冰佢依然變爆冰。坐位有課室風格，以為’’櫃桶’’有餐牌，點知全部都係人地用完嘅紙巾，當晚已經冇乜客，唔明點解會唔清潔。諗翻起都想嘔。個男侍應黑口黑面都算，問佢有關餐牌嘅野佢完全唔想答你，埋單果陣冇講多謝都冇乜所謂，但係佢個樣想趕你走多啲，以後唔會再黎！