豪華咖啡茶廳

營業中

休息中

有一段時間無來，真係好掛住佢d奶茶。今日來開呢頭，梗係要入一入。午餐時段，叫咗豬扒丁、熱鴦走、先央多。熱鴦走其實真係好考人，茶要夠茶香，咖啡要夠濃，仲要茶、咖啡同煉奶嘅份量要剛剛好先得，唔係就好難飲。呢到嘅鴦走就做得好好！豬扒丁嘅湯係一般清仔嘅湯底，當然係okay；最緊要係塊豬扒肥瘦剛剛好，好淋，好入味。先央多(即係鮮牛油o架央多士)一樣好好味，入面嘅牛油成分(即八份一寸)厚，又多o架央，而且塊多士好香脆。雖然塊包係鞋咗d，真係正因為咁先至夠好feel!P.S. 呢到d伙計真係好好禮貌，而且地方夠闊落，門口又泊到車，不過就係選擇少，而且收5:45。

店內都係用摺檯, 好有大排檔feel, 冇餐, 全部都係散叫既, 佢d麵ok, d多士幾正, 杯茶走就比起我係其他懷舊冰室飲個d就差左d, 但都可以接受。老闆好nice!

下午茶時間同老婆行開附近，忽然記起這間食店，於是便來一試。叫咗奶醬多(奶醬飽烘唔烘底都係$6)、碎牛麵($12)、咖啡($9)和奶茶($9)。飲品到，一入口就知衰咗，唔記得叫佢走甜，我哋已經好耐冇飲加糖嘅咖啡和奶茶，所以真係唔慣，好彩都唔係太甜。不過咁，我覺得啡同茶唔算特別出色，唔夠香。奶醬多就唔錯，多士外脆內軟，啲奶醬好多，稍嫌甜咗啲。個麵唔係用一丁都知唔會好得去邊，加上用碎牛，冇鮮牛咁好。Overall佢啲嘢只算OK。

終於等到老公放假，和他第一次來午餐，我想像中的豪華咖啡茶廳，是人頭湧湧，煙霧迷漫，滿場粗口，服務極差的，怎知出乎意料之外，和我想像中的完全是兩回事。入到去有大約十張檯，每張檯有一個客人，還有穿西裝的，店內很靜，還算乾淨，侍應叫我們隨便坐，還很有耐性的等我們落單，我們要了兩杯熱鴛鴦，花生醬咖央多士，蛋牛麵，侍應問我們：「要不要少甜，蛋牛麵是否要咸牛肉炒蛋？」，我要了一杯少甜。鴛鴦先來，侍應說：「唔夠甜出聲呀。」，還自動拿來了辣椒油，這種舊式茶餐廳有這種服務，一定要比足5分。講番食物：熱鴛鴦：非常好飲，完全無苦澀，很香濃咖啡及茶香。花生醬咖央多士：花生醬及咖央剛剛好，香甜，多士無切邊，是我的至愛，又香又趣，下次要試麥多。蛋牛麵：蛋牛炒得很鬆化，不會煎得又硬又熟，很好味。埋單$38，要吃好東西及好服務，不一定要去五星級大酒店，每人$19也可以吃到美味及溫馨舒服的一餐。題外話：臨走時聽見有位女士叫「芝士蛋白多」，嘩，咁都做到？

行完百萬行落灣仔搵食，o黎呢度試下懷舊茶餐廳。先叫杯奶茶，唔夠熱，味道一般，唔算特別好飲。前後叫了花生醬麥多及咖央麥多，烘得唔算脆，比不起勝香園的麥多。咸牛肉三文治，麵包鬆軟，不過中間料好少。講服務效率，佢快過澳洲牛奶公司好多，由伙記落單，再將單拎去水吧，就立即將食物送到你面前，估計前後一分鐘都唔駛。唯一好處是，落單時不用要另叫多士留邊，因為佢唔會”飛”邊的，不過我估是多士爐唔夠大的問題，一塊多士三缺一，切去一邊得三邊。

曾幾次與另一位食友去早餐，每次都聽她叫「加烘留邊」，可惜都不是每一間茶記都做得到，尤其是「留邊」，因為好多時方包是切定的，要「邊」真係要去垃圾筒才找得著。今日同太座經過這裡，一起來飲杯茶才繼續行。收了鴦走少甜同凍茶多奶，加件油占麥多。「麥」多其實是「蜜」多，之前已寫過，吃時才發現，原來這裡是塊塊麵包都有「邊」的。下晝來吃是比朝早脆口，當然是收柯打才烘的原因。茶啡都有一定水準，如果唔係點做得住咁多年？埋單25蚊，如果該位食友來幫襯，應該滿足到佢要求。

6/11/2005有個朋友向我介紹呢間嘢既蛋牛治同餐蛋治，佢話佢既蛋好厚．．終於忍唔住要去試下，雖然蛋並唔係我想像中咁厚，但勝在整得好好味，我同友人一人叫咗一份蛋牛治，一人叫一杯嘢飲，食完唔夠皮仲再叫多份蛋牛碟上，真既好好味呀，雖然係有啲油，但係蛋牛一向都係油架啦，所以食過番尋味！！值得一試！！店子係稍為舊咗啲，不過望落都算乾淨．．．

冇餐叫既茶餐廳，整體算係乾淨企理，服務都唔錯，冇同區既茶餐廳般，成間祠廟咁。必食係奶醬麥多，依舊地正，熱谷古都好飲，至少唔會話飲到個人好「濟」。男友要左蛋牛麵同熱奶茶，茶味夠，蛋牛炒得好香，牛肉唔會話好鹹，好味道，但個麵又係一貫地失色(似乎係港式茶餐廳通病)，如果再食，建議網友食米或問下有冇得轉丁麵。唔太貴，可以再食。

10-8-2005 0810有得選擇另一條路線搭車既話，當然會轉一轉啦，有乜事既話都可以及時轉軚，唔駛中左招都唔知點算。今朝就黎開呢頭，成日經過又係冇入過，趁今日返工前入黎蛇一蛇，在眾多的食物選擇左油占多加凍咖啡，油占多都幾多醬，偶不小心就會成檯都係，多士就係用普通既麵包，還要係厚一些，唔好期望有勝香園或蘭芳園質素，勝在有少少麻甩feel。

It is always good to enjoy the b'fast at this kind of traditional place, at least it is much better than 大家樂.1.腿蛋治烘底:8分, a very ordinary sandwich, but it was also very tasty. Just ordinary but good!2.凍奶茶:8分, pretty strong 奶茶, wonderful way to start the date.Of course the seating would not be comfortable, but still decent.

呢間茶餐廳好有懷舊feel，其實冇裝修可言，但光猛乾淨，都算坐得舒服；食物種類唔多，只有basic 嘢！但呢度嘅提子麥包一定要試，好正！代替普通方包整份蛋牛麥包再加杯谷咕，好味！

雖有其名，其實這家茶餐廳一點也不豪華。但勝在一切都很古老，不論是膠板圓桌和椅、天花上的扇葉風扇、倒茶的鋁茶壺、桌上舊式的餐牌及一旁的老年服務侍應。在那裡吃東西，感覺就像時光倒流回到三十年前的港式茶室。如果不怕地方舊不夠乾淨，坐著喝杯咖啡($8) 加碟奶醬多($6) 是不錯的選擇。不過這裡沒有餐供應，而且營業時間只會至下午5:30，所以"想懷舊，要趁早"。

男朋友帶我去食早餐,叫了一個麥包奶醬多,麥包帶甜味提子粒粒,與別不同.我親愛的男朋友卻叫弓一個炒蛋牛肉通粉,味道很好.雖然環境比較地道,但食物很有特色.好!!!!!!!!!

去完飲茶見仲有時間剩,男友話口痕想飲奶茶,於是黎左呢間試試,12點左右吾系太多人,我地叫左杯茶走$9,奶醬多$5茶走---不合格!完全冇茶味,似飲緊奶水!奶醬多---一般啦!勝在多士夠厚,醬夠多,但不夠燶及脆.呢度供應既食物款式不多,無論普通麵包或多士一律$6,都幾抵食,但就冇餐供應.

有突發事，上週一連兩日，晨咁早已經要在灣仔區工作，原本有間鬼佬啡店好近，不過我等草根死硬派，還是茶檔咖啡適合一點。行左幾條街來這裡，桃花依舊，上次來已是十年過外的事了。這裡如勝香園一般，是沒有早餐供應的，即飲品及食物分開叫。叫了我的茶檔例牌早餐，就係「啡走少甜，奶油麥多」。啡及多士好快上檯，真係三分鐘都唔使。茶檔咖啡好有力度，人都醒一點，加練奶係沒可能失敗的選擇。「麥」多原來是「蜜」多，是有提子的甜方包。不夠熱亦自然不太夠脆，看來是烘定幾塊的，唔怪得知咁快有得食；奶又多油又多，餡是足夠的。埋單15蚊，唔錯，始終本地啡店適合我多一點。