豪華咖啡茶廳

營業中

休息中

前兩日大食妹同同事去左豪華食晏之前係 OpenRice見到佢嘅紅磗牆, 就決定過黎打下卡<沙嗲牛肉煎蛋出前一丁>大食妹嗌左一份沙嗲牛肉煎蛋出前一丁沙嗲汁好多, cover曬啲牛肉同出前一丁但應該係落得太多梳打粉, 牛肉口感過滑, 唔似牛肉煎蛋得蛋白, 無左個蛋黃出前一丁就中規中矩<餐肉煎蛋麵(轉通粉)>餐肉煎蛋通粉份量比較多, 有兩片餐肉、煎蛋同菜心, 先至20蚊以灣仔嘅價位黎講可以算好平餐廳座位好闊落, 而且通風, 雖然嘢食味道一般, 但糧尾過嚟食都幾唔錯

住在灣仔的朋友，一定會知道呢間《豪華咖啡茶廳》，屹立在灣仔都已經有很久的時間而在這間老字號的旁邊開了間一模一樣的茶廳，是同一分店，菜式飲品都一樣，不同的是裝潢同坐得比較舒服今天在附近逛完街，想休息下嘆返杯咖啡，立刻想起這裡，咖啡香濃，奶茶香滑，很喜歡這裡的老牌飲品當日有職員介紹我食煎豬扒，話包我食到舐舐脷豬扒就咁煎，不是好像吉列豬扒般炸完非常乾，食落Juicy，果然冇介紹錯開心嘆左個非常滿意的下午茶!

嗰日同個friend整完指甲，臨急揾嘢食，結果就走咗去呢間舊式茶餐廳。其實間餐廳有兩個地舖，我同我個friend就入咗舊舖，有啲後悔 ╮(￣▽￣"")╭ 因為地方太舊，有小昆蟲飛來飛去。叫咗炸菜煎蛋公仔麵同西多士。碗炸菜煎蛋公仔麵，係福字麵底，有少少驚喜，因為我最鍾意食福字麵 |(￣3￣)|西多士裏面冇花生🥜醬，炸一塊厚多士only。分量少，唯一可取，係即炸夠新鮮。呢間嘢，全部係單叫，冇餐，不過唔貴，所以有冇餐都冇所謂。總括而言，很一般。

係灣仔咁耐都冇發現呢間隱世茶記！原來係咁出出名架(^^) 餐廳有個分店係動漫基地😌相對乾淨d同靜d.價錢係一樣嘅，想傾2句可能呢間會好坐d🤤 價錢真係好平！31蚊就食到雞排意粉👍🏻👍🏻揀左茄汁底，雖然茄汁偏咸，咁呢個價錢抵到冇野好講😋女仔嘅一碟好夠食😂 男仔可以加個三明治💁🏻‍♀️💁🏻‍♀️ #hk #hkfoods #hkfoodie #hkfooddiary#hkfoodblogger#hkdessert#soup#hkig#goodwest#hkfoodies#hkfoodporn#coffee

小妹最鍾意周圍揾茶記嘆返份多士飲杯奶茶，今日星期日好多灣仔茶記無開，沿路經過呢間看似開左好耐既茶廳，諗住入去嘆返杯茶順便醫肚，點知食物一黎到就覺得中伏。我點左沙爹牛米、蛋牛治同熱奶茶。首先講個沙爹牛米，係我食過最難食既沙爹牛。。啲牛肉唔知係咪用鬆肉粉醃得太勁，一啲嚼口都無。。啲肉係”梅”既，個汁同個米粉都不錯，但係個麵唔知點解要油幾羹油落去，真係有圖有真相。佢係我食過最差既沙爹牛米，又油又梅到個蛋牛治，蛋牛煎完仲薄過片方包，雖然價錢唔貴，但咁既質素真係差、差、差全餐最正常係杯奶茶，其他不值一試👎🏻

「豪華㗎啡茶廳」個名聽左好耐，每次係灣仔經過門前都想一試。以前得右邊的舊店，而家拓展到隔離都開左新店，坐得比較舒服，菜式冇唔同的，都係舊鋪煮完拎過來。茶餐廳必試當然係沙嗲牛肉麵（$22），我轉左丁麵，睇個樣已經覺得對辦，仲懶健康加左條菜。沙嗲醬鹹度適中，撈落丁麵度都唔會太鹹，牛肉係好腍好腍，完全不費氣力咬。之後叫左個蛋牛治（$15），烘底同價，炒蛋乾左d，鹹牛肉冇特別，算係水準以下，或者叫其他多士會好d。佢杯凍奶茶（$17）係好甜，奶味重，如果唔想咁甜記得叫佢少甜。呢度的價錢係灣仔黎講算係貼地，感覺街坊，下午茶來hea下係唔錯的。

近幾個月先踏足灣仔工作，平時出去食晏成日經過望到呢間好傳統嘅茶記，新舖舊舖黐埋一齊，我較喜歡新舖，舊翻新仲保留紅磚牆餐牌上竟然仲有$9嘅嘢出現，仲要烘底同價，呢啲咪叫良心食店囉❤️花生醬🥜多轉厚多士都只係$9+$3嘩！正到不得之了，真正外脆內軟，食得出嘅新鮮🤪⋯⋯自此一食上引，咁嘅價錢絕對可以日日食，好想試吓佢哋個提子麥方包，可惜每日去到都賣哂不設最低消費，即使只係叫份多士，都冇黑面、又冇趕客，有時啲老臣子係會飛吓碟，但又唔算係態度差，舊茶記style，但新舖果邊個姐姐好nice😊整體係真心讚👍👍👍

每顿饭五十一百，恩格尔指数太高?那么这家美食店就是来拯救我们钱包的存在啦!在地段如此贵的湾仔寻寻觅觅终于找见了这家店，位置很好找，门店很新，非常古色古香，从外表看应该是挺贵的每个月大概都会去两次左右，专一如我，每次点的都是沙嗲牛肉面，因为这个牛肉实在是太太太太太嫩了牛肉份量完全对得起这个价格，应该说是出乎意料了，牛肉很大块，除了肉质嫩滑，最突出的还属包裹在牛肉外面的这一层沙嗲酱汁尽管浸泡在汤汁里，但酱汁还是犹如果冻一般附着在牛肉周身，咸淡适中，恰到好处。面，是公仔面，看起来份量很少，但吃起来确实够饱（男生可能还需要稍微多点一些食物），面食我最怕煮过了软趴趴的，或者煮不够硬邦邦的，嘴挑如我但这个面的软硬度还是很可以的。关于蔬菜，其实大部分店里米面类夹带的蔬菜都是少的可怜的，这家也不例外，菜也好吃，可只有一根当然啦，这样一碗total只要22港币惊不惊喜!意不意外!所以总的来说，我对这一份午餐还是挺满意的，性价比挺高除了沙嗲牛肉面，其实还有很多其他选择，食材也可以任意加，但总的来说，是一家对我们钱包很慈祥的餐厅没有错了!

行行下見到呢一間冰廳，入面嘅食物價錢非常合理！一塊多士都係19蚊，一杯凍檸茶都係14蚊。仲要用牛油烘底！成塊多士好香好脆。咁價廉物美的豪華享受真係豪華咖啡茶廳先會有！

相信唔少打工仔都會有荷包緊張嘅問題，我自己身邊都有一個朋友，佢話啲同事成日去食貴野，搞到佢荷包好緊張。所以我就建議，既然係咁間唔中去食平野中和下。其實想慳錢有方法，就好似灣仔，都幾多平嘅嘢食。今日介紹你嘅呢間位於英皇大廈側邊條街，豪華咖啡茶廳。睇睇餐牌除咗碟頭飯、意粉，仲有公仔麵或者多士選擇。而點解我會話好平嘅原因係，我叫一個公仔福麵都只係22蚊，無錯呀平過麥當勞個餐啊。而且柯打無耐就十分快到，真係好岩乜都要快嘅香港人啊！福麵無多無少一整個，同平時煮隻麵嘅份量無異。而餸呢除咗沙嗲牛肉、仲有雞翼、炸魚柳選擇，而鐘意味濃啲嘅我最岩就沙嗲牛肉。味道合格、肉量適中，位於灣仔呢個價錢，執到啦。本身驚驚地唔夠飽又有啲口渴，最岩就叫番支可樂頂頂胃，尺寸有大有細，價錢都係相差1蚊，咁你話要大定要細吖，當然係飲得哂先好叫，哈哈。下次有機會會試下佢個燴汁意粉，再評一評。

今日黎開灣仔開工，由於聖誕洗多左，所以食lunch想搵間平靚正既食店，結果就去左豪華咖啡茶廳。 間茶廳有兩間，一間係主店而另一間係分店，都係係同一條街度入。而我就入左去間分店度食，裝修比較新。我叫左個雞蛋咸牛肉碎通粉(HKD 18)如果單併既只需HKD16。另外就叫左占央多 (HKD 8)， 烘底與否都係同一價錢。飲品就叫左支維他奶(HKD 12)。個雞蛋咸肉碎係整埋一齊，味道唔錯，通粉分量都幾大。而個占央多價錢抵食，但啲醬唔會薄，仲幾好味添。個烘底整得幾好，唔會過燶。至於維他奶就正正常常啦。值得一提既係，我見到除左有OL，學生之外，仲有外國人。店員就好貼心地附上英文版既餐牌，態度不錯。

經過灣仔，被呢間舖個門口吸引左入去，好有古色古香既味道。入到去都有唔少外國人幫襯，雖然食品款式唔多，但原來價錢一D都唔貴。叫左個豬扒通粉，飲品要分開叫既，叫左杯熱華田，埋單$36，通粉味道OK，唔會好似出面甘太稔，豬扒都煎得唔錯。

星期三睇完中醫2點，行過緊係入去試吓，新鋪在漫畫天地裡面。叫左個出名旦牛治和茶走。坐低發覺張檯濕濕地，侍應完全吾理會，再放低餐牌，個餐牌也是濕濕地，真系吾知佢點抹檯。新鋪當然裝修華麗，古色古香，呢度茶水檔吾開，所有野都系隔離整好送來。旦牛沿烤底，麵包吾脆仲要林嘅！吾知烤完幾耐，旦牛也只是微暖，而且比以往薄了一半，無旦香更無鹹牛味！茶走反而保持到水準，有茶香，非常濃滑。呢餐$28，灣仔區叫系好底，但系三文治真系不知所謂，食左半份就算。另外，衞生服務也有待改善。

每次經過灣仔英皇，都逃不過碎牛的呼喚。豪華咖啡室的新翼乾淨舒適，氣氛較舊翼優閒。幾乎每次都會叫碎牛餐肉麵 (雙併麵$18，單併$16，試問呢個價錢邊度搵)，少有茶檔粉麵可併碎牛，份量大概一湯匙，配公仔麵最夾！最近發現公仔麵好像轉了福麵又可能偶一為之，二人都覺得份量少了不夠飽肚，於是追加一份蛋牛治烘底，都不過是$14，性價比極高！蛋牛治極足料，一看便知有誠意，蛋炒得滑，仲有蛋汁！小舖能維持沒加價而水準仍能保持，實在值得一讚！

印度之旅，一波三折。不知何故，未能於網上申請簽證。逼於無奈下，只好，請了半天假，親身去辦證。然後，獨個兒，去了附近的豪華咖啡茶餐，大吃一頓，化怨憤為食糧。好奇下，要了一客鮮央包$8元。一問，始知乃鮮牛油咖央多士也。咬一口，方包有點韌，稱不上特別香脆鬆化。多士上，塗了一層薄薄的牛鮮牛油咖央醬，咖央味道不太甜，椰香味是淡淡的。豬扒公仔麵$20，是小妹每次到訪必吃的。大件夾抵食不在話下，公仔麵煮得軟硬度適中，湯也不會太過鹹，且送上一兩條生菜。此外，小店的豬扒，醃得入味，煎得香口，入口肉質軟腍，混入店家秘製惹味微辣的黑椒醬汁同吃，味道更加不同凡響。熱檸水$14，相對而言豬扒麵而言，頗貴。