貴麻橋咖喱屋

營業中

休息中

好欣賞老闆的廚藝，我最喜愛食牛脷，朋友稱我為係牛脷妹，我鍾情食牛脷，去到每一間餐廳，只要嗰間餐廳有牛脷，我都會點來試。食過這間店的牛脷後，相差不多一星期我便會掛住，想去食一次。初時我係一個人去食，然後叫埋我先生一起去食，點知我先生都愛上了這店的咖哩。因為我身邊喜愛食辣或食咖喱的朋友不多，但我見這間店的餐牌有好多其他種類的菜，我好想試試，心想，如果多少少人，可以點多幾款菜試試，因為兩口子，如果點太多菜又吃不下。所以我請了我家人(四位)一起來食，點知我家人都學得好食，尤其是我媽媽，她平日一定要食好野，如果唔新鮮嘅食材佢一定彈三彈四，最記得佢話個豬養湯好飲，咖喱又好食，最勁嘅係佢食得出啲牛你係新鮮買新鮮整。原本當日諗住帶定人去食招牌咖喱雞，但原來係要預早一日打電話去訂，所以留待下一次再去。日後我都會繼續去時去其他菜色，

首先必須提及嘅係店內養嘅招財貓貓 (超嗲超靚)原本係店外睇緊餐牌，之後見到隻貓貓不停同我哋打招呼 😻😻 然後就即刻入咗去坐低開餐🍴店內環境寧靜得嚟都幾乾淨！其實第一次去呢間餐廳食飯印象已經好好！老闆非常熱情，一直介紹好多唔同嘅招牌菜 以下呢款湯真係不得了！食咖啡當然絕配係薄餅 & 法包 (熱辣辣脆卜卜) 期待下次同多啲朋友一齊再試更多好味嘅推介菜！#愛貓人士一定唔捨得走 (因為兩隻貓貓係痴人到跳上大脾瞓覺同咕嚕咕嚕嗲嗲) 完美!

其實呢間我都食過幾次，今次就寫個食評啦。今次12點零鐘行過去，未入到門口已經一陣陣咖喱香味。聞兩聞已經食慾大增🤤🤤。呢度特色之一係佢有一樣叫生咖喱既東西。就係將原本既咖喱再加葱同其他配料入鑊炒一炒，咁就香味再出好多，仲多少少甜口添。不過我月尾啦。。。食平啲要普通咖喱算😭。佢呢度啲咖喱有樣特別，就係會俾出面辣啲。我叫開既小辣就係原本辣度再加小辣，會同出面中辣咁上下。所以唔係食開辣既記住叫乜都加吖。上到枱已經好香好香，入口係慢慢、慢慢咁辣上去，又唔會辣到痛。真係有種越食越辣但越食越想食既感覺吖！最後飲杯凍齋啡回個神，又繼續做奴工☹️

荔枝角其實都有好多好野食，唔係淨係連鎖快餐店。適逢月尾想對自己好少少，走左去食咖哩飯😂是日LUNCH: 生咖哩牛腩飯 [$95]生咖哩原來係唔麻辣嘅咖哩，真係估唔到。一上枱，好香咖哩味，賣相雖然差啲，不過勝在份量夠。牛腩煮得好腍好入味，咖哩汁香濃微辣，送飯一流。我已經叫左小辣，不過都一路食一路出汗，不過越食越上隱咖哩味真係太勁，番到office都一大陣味，好彩有同事借枝衣物清新噴霧咋，如果唔係全office都有浸咖哩味😂😂😂

和朋友在荔枝角於9點才放學吃晚餐，因荔枝角沒太多餐廳開至深夜，所以與朋友向長沙灣方面走找食，途中看到這家店，他們說11時才關門，所以我們便來一試。店裡有不少老闆與名星的合照，定價在此區來說算是頗貴，以為此店應該不俗，而且咖哩真係唔會難食得去邊，怎料⋯⋯本人是食素的，所以我們一行三人點了四碟餸菜而其中三款是素菜。巴蜀涼拌三絲 - 內裡有薯粉、芫茜、紅蘿蔔絲、較為特別清新是有蘋果絲。有巴蜀風的麻辣但只是少麻少辣而且過甜。生咖哩雜菜配印度薄餅 - 印度薄餅有4片，微熱但不夠脆。生咖哩是沒加椰汁即炒的咖哩，份量少，奉來是帶有咖哩香，但入口咖哩味不夠而且反而有點過鹹。酥炸杏鮑菇 - 即叫即炸，另奉上所謂孜然粉。朋友說這道算是最好，但其實還是非常一般。孜然粉其實是椒鹽粉，沒孜然味，還是店員說得不清楚或是我們聽得不清楚，可能她是說椒鹽粉⋯⋯杏鮑菇用炸漿包著才炸，炸漿過厚，好像吃炸粉漿多過吃菇。朋友點了孜然雞柳，她們說很難吃，但我沒吃所以就不知道了。店裡有貓，其實店員很友善，但食物質量實在差，價錢一點也不便宜，應該不會再光顧。

很久沒有來了，早前和太太說起這裡，不知道還是否存在呢？今日有空，就打電話來試試，知道還存在後，當然要立刻來回味一下。這食店始創於1984年，牆壁上䀡滿老闆和藝人的合照相片，看來也有一定的受歡迎程度。因太久沒有來食，還是穩陣啲，選擇之前的至愛。生咖哩羊腩印度薄餅（$92+5）～改印度薄餅加$5，材料只有咖哩、洋蔥及羊腩，這裡的咖哩類似巴基斯坦咖哩，是老闆加以改良而成，味道更加香口，帶微辣（可加辣），羊腩又淋又入味，因是生咖哩，所以沒有我的至愛（薯仔）， 洋蔥煮完後還很爽口；想不到，多年無來，水準還可保持，現在真是好少有這樣有良心的食店了，值得支持。天氣又轉熱，飲番杯冰凍的啤酒降降温，又可幫手解辣，飲杯。原來櫃頂還有很多支威士忌酒，不知是老闆作收藏之用，還是有人客須要才賣呢！

同同事黎過幾次, 座位舒適, 服務態度好, 最正都係生咖哩雞球飯 (可以揀唔辣)飯送分開上, 份量好多, 咖哩雞球很滑很入味, d汁撈飯食一流~正!另外, 試過佢d米線就一般。

是日同朋友想食米線但常食譚仔想轉下地方便去了附近貴麻橋麻辣米線咖哩屋貪佢近又唔使排隊門口裝飾用了很多明星相來招徠心想就算對面排到人山人海這裡不用排隊應該唔會差得去邊內部裝修一般茶餐廳模樣整體黎講係乾淨企理本想挑戰地獄米線但那些配撘感覺怪怪的如煙鴨胸和咸豬手好Fusion所以揀其他米線好了最後點了冬菇竹笙雞肉米線掂店員稱他們做的比外面辣本想叫中辣改小辣好了而店員更不勝其煩地力sell再黑面很有地道特色碗米線外表冇乜特別但食落去奇異既事情發生了佢最利害會令口部麻了卻有著清水的味道完全沒有辣味這種令人感到不平衡之矛盾可能就是他的賣點我和朋友仔合二人之力也不能將他完成店內有地獄米線挑戰-挑戰指定時間內吃完地獄米線會免費及送小食想信很難挑戰因難食到唔想放落口此心計真懂計算也(๑•ૅㅁ•๑)。此乃我和朋友合力之成果結賬時成為五十多元此等質數也可以收此價錢佩服萬分以後都不會再試

貴麻橋有點特別，賣的都是辣，但一店內既賣咖哩又賣麻辣米線，可算是另類組合。雖然店子小小，但名氣不少，據說有不少名人光顧，而且亦有傳媒介紹，所以就算位置偏一點，還是有相當人氣。一般會來吃咖哩，但今夜，明顯衝著傳說中的「無間道地獄」而來。小弟吃辣雖然不算很強，但自問不是弱者，此店大辣也能吃到，但聽食友說無間道威力無窮，於是不自量力來挑戰一下。無間道地獄分為1-3三個等級，而在基本等級下有1/2、1/4、1/8的入門級，原本想試1/2，但店家力勸下，還是改了要1/4。要了一碗無間道地獄煙鴨胸米線，還加了豆腐筒希望可以索汁盡享辣味。等了一陣子，因為座位較近廚房，聞到在廚房傳出陣陣辣味，對，是辣味，當米線在運送到我坐位途中，已經可以感受到它的威力，絕非池中物也！氣味已經不簡單，來一口湯，嘩！強！那種辣到入心入肺的感覺，會不會離譜了點？而且更可怕，是雖然相當辣，但麻度未算很高，估計店家已經留一手，如果1/4也可怕到這地步，實在很難想像終極無間LV3會是什麼樣子。很多所謂辣，只是到口不到喉，但這個無間道地獄實在吃得五內翻滾，過癮嗎？有一點，但真的相當吃力。如何能離開失落園？明明食唔到都不情願，要食到

今日想食咖哩 所以就係附近搜尋一下竟然係工廠區度 會有一間食市店內擺設好特別西式風格 中式神"木台" 但係食物竟然係咖哩 原本想叫小辣咖哩 對於常食辣的我 滿有自信但經老闆娘提點後 點了微辣哇 好辣啊! 心裹暗說一句 "好彩無叫度小辣"咖哩聞落去好香飲埋杯熱奶茶 爽值得推介!!!

因為這店奇怪的名字專程而來，O君也是咖喱愛好者本來要一齊來的可惜今晚臨時要見客，一個人晚上8時45分來到。還有九成客人，被安排在一個兩人座位的小卡座。這間店有它獨特的風味，吊在天花的布幔及牆上的字畫與擺設，深藍燈光一旁還有點著紅燈的神樓內裡供奉著關帝、這樣的風格可能真的只此一家。看看餐牌，除了分開生與熟的咖喱之外還有巴蜀小吃、法式沙翁連雲南米線都有；雜亂的驚人。餐牌上不同種類的食品可以足足開二至三間不同類型的食店。先點的是生咖喱牛配薄餅，牛煮得很軟熟可惜一條條的切得太碎很不過癮。生咖喱的味道甜了一點，原來點的中辣來錯了微辣。所以將餘下的打包，而原來想吃的咖喱羊腩又賣完了於是再點一個大辣的咖喱牛腩配法包。本來麵包及薄餅都是一般的行貨，如果伙計不是過度吹捧的話也不會失望。吃麵包的時候男伙計又來教我麵包吃不完可以帶口家，噴水用焗爐來焗返就會很好味。那位男伙計（可能是老板之一）又來介紹咖啡，餐牌上介紹的即磨凍咖啡原來不是真的，於是就來個推介凍咖啡，原來全無咖啡味甜到只能喝兩口。店東看似是兩夫婦，熱誠的招待客人。老板最後在我埋單時隔著水吧候問我「大辣」會不會太辣，我也照實告訴他很欣賞那辣得頭

第一次寫食評，因為真係頂呢間嘢唔順。同阿爸細佬路過呢間嘢，見倒間舖幾特別，門口好多明星相我又鍾意食辣，於是入去試吓，望吓嗰餐牌見啲價錢都唔平，心諗又唔係成日食所謂啦，細佬叫個HK$5X咖哩飯，我就叫個唔知咩麻辣米線，門口仲大大隻字寫住食嗰種米線又於指定時間(廿分鐘內)內食晒就可以免費，食之前問個伙記佢都仲話指定時間食晒係免費，於是我就試一試挑戰吓，我只用了12分鐘就食晒仲立即同個伙記講咁係咪即係免費(心諗其實碗嘢唔算好貴就算冇免費都冇所謂啦，我只想知嗰伙記會點處理)，但兩個伙記竟然扮失憶，問咗佢地兩次又扮聽唔倒，又唔肯答我係咪免費，咁我見佢地扮晒傻所以費事繼續再問，走嗰時當然全數埋單，事後問細佬啲咖哩飯好冇食，佢先話未食過咁唔好食嘅咖哩，咖哩又唔夠香，呢個價錢一啲都唔值，大家樂都好食過佢，所以我永遠、以後、呢世都唔駛旨意會再去

位於譚仔對面的貴麻橋咖喱屋是麻辣和咖喱混合體，每次看見這店的名字我總有些莫名其妙，如果真的要想只感覺是否兩家店子合拼？原定今天到來試麻辣米線反被種類繁多咖喱吸引著，這時候我倆將麻辣米線忘記得一乾ニ淨，結果點了兩個咖喱客飯！落單期間問了店員甚麼是生咖喱？店員告知是唔麻辣嘅咖喱，見識少的我現在才知咖喱有唔辣的！我先說回餐牌上有一種叫『無間道地獄』米線，辣味程度也有分級，究竟是怎樣辣呢？其實我很想知道，好奇心駒使或許下次會試試！等候期間無意發現貼在玻璃的咖喱香料介紹，名為咖喱靈魂！寫出來的17種咖喱香料就是靈魂，這貼圖令人有種感覺～店方應該很著重咖喱味道配搭！(中辣)咖喱豬扒飯香味撲鼻咖喱未吃已經垂涎三尺，這個中辣對我來說是剛好，但問題出於咖喱味不足所以像吃辣豬扒飯，還有豬扒咬口偏硬實，可說是香味與味道不成正比！ 特別點生咖喱雞球飯試試唔麻辣咖喱味道如何？事實叫人不要亂試，生咖喱近乎沒味道而且雞球骨多肉少，幸好飯夠多才填飽肚子！ 今次經驗得知咖喱要有辣才好吃我有個小補充，店外貼著不同明星與店主的合照，相信曾經有不少明星光顧

我同同事黎左貴麻橋兩次, 兩次都一入去就有位舖面唔大, 仲有一陣咖哩味第一次黎食, 我地食左咖哩牛腩, 生咖哩雞咖哩牛腩牛腩好"淋", 咖哩點左中辣, 侍應攪錯左, 最後黎左唔辣生咖哩未黎之前都覺得好食, 但原來生咖哩好食好多生咖哩雞雞唔算大舊, 唔算多, 但夠食, 有好多洋蔥, 中辣剛剛好, 非常香口, 非常好食第二次黎食, 我地點左生咖哩牛舌, 地獄豬手米線生咖哩牛舌同第一次黎食一樣, 生咖喱炒得好香, 牛舌出奇咁"淋"地獄豬手米線米線好碎, 又唔滑, 地獄湯有回鍋肉的味, 豬手好爽口, 值得一試待應話地獄湯八分之一的辣等於咖哩的大辣, 所以我地食左八分之一下次可以食辣D

Lunch去左麗新周圍行..................諗住搵平嘢食.............入左去貴麻橋............點知一D都唔平...........所以..........喊左最平既米線餐...........1碗炸醬米線 + 熱檸茶............$26...........點知埋單要$29..........因為加麻辣要$3............好貴....不過.........碗米線好好食.................D麻辣好GOOD..........仲有............我都好想試下佢D咖哩............好似好正..............最後.......D份量真係好少............