越北牛肉粉專門店 (已結業)

今天一家大细去完新城市行街揾地方快食晚餐，見依間越北牛肉粉幾新環境又好又咁啱有位，就入去試下。可能係新開同新裝修，依間野環境幾好，坐得舒服地方乾淨，個Menu 都幾精美，有圖又清楚，而且都多選擇，各式越南粉，撈，檬，小食到飲品都有，價錢都算合理，因為佢地每碗份量都比較多。我地叫左一個雞絲札肉湯河($52），一個蝦頭膏酸辣海鮮湯檬粉($68），一個生牛肉湯河($52），飲品則跟餐叫左個椰汁仙沙冰($12）同滴漏咖啡($12)。 雞絲札肉湯河比較普通，味道正正常常沒有驚喜，反觀另外兩款則令人有驚喜。蝦頭膏酸辣海鮮湯檬粉帶微酸及微辣，非常易入口又開胃，加上海鲜好新鮮，尤其青口更是肥美非常，一碗只有兩隻令人好回味，加上小墨魚仔，令整碗檬粉湯非常鮮甜。生牛肉湯河方面，牛肉肉味濃，湯亦帶濃濃牛骨香，加上配合香草等，令人不禁把全部湯都喝完。滴漏咖啡不過不失，不過把咖啡從滴漏杯倒入冰杯中有點難度，最後我杯咖啡得返大半杯，有三分一杯倒瀉向枱度，如果不用自己倒會好好多。個椰汁仙沙冰就過甜，可以減去半甜可能會較理想總體而言，越北牛肉粉在環境，食物價錢及服務不錯的，我有時間會再去食。

今日食晏有同事話好想食越南湯河,於是我地就黎到呢間連鎖既越北牛肉粉,一黎到已經有好多人係度等緊位,我地最後係等左成半個鐘先有位！我地叫左生牛肉湯檬,順化街頭香茅豬扒湯檬。生牛肉湯檬既湯底係好香既牛味,飲得出係真材實料既牛湯,加埋青檸同埋九層塔就令到個湯底係更有層次,而生牛肉係嫩滑既,順化街頭香茅豬扒湯檬就真係十分推薦,因為我出街食既豬扒通常係會好乾,會咬唔開又無味既,但呢度既豬扒係多汁,而且都有厚度,唔會薄到食左好似無食咁,最重要既係味道真係調味得好好,食得出係醃既時間係足夠,所以係好入味,佢可以揀配撈檬,飯或者湯檬既,我諗下次可以試下配飯,因為佢咁入味,配飯一定好適合。

今天又來到沙田好運中心越北牛肉粉專門店買外賣。看過餐牌後，仍然很貪心地選上了一次過可嚐到多種材料的越北三寶湯河粉和越北三寶飯。越北三寶包括了炸豬排、炸雞翼和越南扎肉。豬排和雞翼都炸至金黃色，恰到好處，不會過火而變得乾硬；沾上附上的醬汁，更為美味。若搾些青檸汁在炸物上，更為清新。越南扎肉夾雜著胡椒和魚露的味道，頗為味美。越北三寶配飯會比較乾些。個人認為若配湯河粉便會好些！放河粉的湯非常惹味，加上洋蔥絲和蔥粒，更添層次。店商更貼心的是外賣河粉和湯是分別放在不同的膠盒中，因此河粉不會因浸在湯內太久而變得過淋。是日的午餐是配有一個自選熱飲 。咸柑桔水和菜蜜都是餐後的一個好選擇，酸酸甜甜的飲品為這午餐劃上句號！

在沙田午飯，朋友介紹這間新開的越南菜，於是試下。一點半來到，好彩還找到兩個位，座位略為擠迫 。枱上放著"午巿套餐"的餐牌，選擇都算多，我們點了兩碗粉和檬，再加兩款小食，奉送熱飲。等著的時候，看下餐廳的佈置，充滿越南feel，牆上掛著越南少女相片，另一面掛著裝飾用的單車。生牛肉湯粉，湯面有葱絲、生洋蔥、九層塔、芽菜等，湯底清甜，牛肉味道一般。胡椒豬肉串撈檬粉，豬肉串有三串，可以share 食，豬肉有黑胡椒的微微辣，豬肉就肉質較實，檬粉爽口，好味！越南春卷，一條切開兩件，炸得香脆，生菜新鮮爽口，饀料就有點實！札肉蒸粉包，上面有一片札肉，炸蒜片香口，粉包味道清淡，趁熱食最好！枱上的調味料！食完時過了兩點，見外面已有很多人等著下午茶！

食個便飯不太hea嘅粉麵店(也有飯可點)之咖哩味同牛肉味都有掟企嘅濃湯河粉 (2019/02/15)坐得舒服，較少一大堆人搭檯今日約朋友喺沙田區Dinner，星期五嘅晚飯時間，沙田啲食店每間都人頭湧湧，晚上想食個便飯，又想可以坐得舒服，唔洗一食完就趕住走，讓位比門口啲客人，此店都算喺一個好選擇。雖然門口依然不時有人等位，但至少唔係茶記咁，一大張檯，一大堆唔識嘅人圍住一齊食嘢，唔係走遲半步都會唔好意思嗰種。眾多粉麵店競爭下，它們有自己的獨特性要數係沙田食粉麵嘅店舖由茶記數到連鎖粉麵店都有4-5間嘅選擇，但當朋友提議食"越北"，唔係為咗食生牛肉河or咖哩飯，我就有少少好奇，朋友話佢好幾次黎沙田都會黎"越北"食咖哩湯河，令我都有啲想試越式嘅咖哩湯同日式嘅差距有幾大。價錢不算太貴HK$52-HK$118我哋去到店前大約19:15，店已滿坐了，幸運地，等咗1-2分鐘就有位。點餐時都有考慮食番我叫慣嘅生牛肉河，但其實店內嘅河粉價錢相約，西貢咖哩牛腩湯河(HK$56)一試無妨。另外，朋友對於酸辣冇骨鳳爪極感興趣，於是點了作為開胃菜，之後我地各自點咗一個咖哩腩河。飲品方面，就冇點，但店內都有水提供。咖

我喜歡食越南粉面。這個星期天來到這間算是新的舖，外面有很多人等位，但因舖面大位置多，只等了數分鐘便入了座。😁我們每人叫一個粉，再加兩個小食。這個無骨酸辣鳳爪，不太辣，咬落爽口。但唔知點解食下食下，諗起大台電視劇「愛回家」內，Kai叔是直接用口幫鳳爪起骨....😂😂Anyway, 唯一要吐怨的是這裏的配菜很多，其實可以食的鳳爪其實很少。這是炸蝦餅，不是太特別，沒什麼好說的。😊我叫的粉是「 順化湯檬金邊粉」。看落辣但實情不是，我要再加少少辣椒落去。裏面有 牛腩片、扎肉、扎蹄、牛丸 各二。食落足料，湯底都算滿濃郁。

菊花羅漢果茶$12有菊花，有好多不知名藥材，就係冇羅漢果？？完全唔甜，仲苦苦地，似滾水浸藥材，清熱 ok 的，但唔係我想飲既野囉⋯⋯馬拉盞灼通菜$26惹味，偏咸左少少咁啦！因為其他菜式比較淡，呢碟相對好味。軟殻蟹米紙卷$52軟殼蟹冇味，粉絲冇味，生菜冇味，米紙冇味，就算點完酸辣汁都唔太吸引，大家可以慳返。蕃茄蟹膏蝦丸扎肉金邊粉$62朋友吃的，勁大碗。但佢話味道一般般，亦見佢食左一半便停手了。雞絲扎肉金邊粉$52我呢碗都 ok, 大碗足料的。價錢亦合理，湯底略慊唔夠鮮甜，但飽肚冇難度。枱很逼，又有工具架，兩碗粉兩小食兩 drink 都有擺放困難，只適合快餐醫肚用。

某日夜晚突然好想食PHO, 所以黎左沙田呢間越南湯河食。星期日沙田周圍都超多人排隊, 好彩呢間上菜快, 同埋D客人好快食完就會走, 所以等左15分鐘就有位喇叫左生牛肉河, 最鐘意食入面吸哂湯汁既洋蔥, 所以一黎到見到咁足料都對佢有D期望!份量都幾多架試飲一啖湯, 湯底幾清徹唔會過感, 配埋河粉食個味都夠濃郁, 牛肉都唔錯, 因為我本身都會撈到佢岩岩好冇紅色就夾埋一邊避免過熟, 所以都唔會有牛肉太韌既問題, 洋蔥比較生, 如果熟多少少再吸多D湯汁既味道會再好食D。而家食完個口好大陣生洋蔥味蘿蔔入味無渣, 唔錯!整體味道OK, 想食PHO既話會黎呢度止痕

路過好運中心嘅時候, 突然覺得好肚餓, 所以決定食呢間比較就腳嘅越北牛肉粉專門店。雖然已經下晝兩點, 但門口一樣咁多人, 等咗差唔多三四個字先有位。入面嘅環境都算迫, 但如果坐卡位嘅話, 都尚算闊落。我地試咗三款野食, 分別係呢度最多人叫嘅越式香茅豬扒湯粉、咖喱牛腩飯同埋越式小食香茅豬肉蝦片。香茅豬扒湯河可以自由配掂河粉、檬粉或者金邊粉。我地就揀咗河粉。河粉屬於幼河, 亦係我比較鐘意嘅一款。香茅豬扒都幾大塊, 上菜時豬扒已經切好, 所以食落幾方便。豬扒香茅味唔算重, 如果怕油膩嘅話, 我建議可以落幾滴青檸汁去中和豬扒嘅油膩感。湯河嘅湯底聲稱自家用牛肉牛骨去熬製而成, 我見湯底確實有啲牛脂浮起, 再加上無味精嘅死咸, 所以個湯確實唔錯, 亦令成碗河粉大大加分。至於咖喱牛腩飯, 份量都幾大, 一個人食嘅話絕對有飽肚感。牛腩好諗身同埋好入味, 飯粒咬落比較硬, 汁就比較多同偏辣, 所以怕辣嘅話就可以試其他款式。最後再講下香茅豬肉蝦片。呢款小食一碟只有三大塊, 香茅味嘅蔥、炸蒜同粉絲佈滿喺蝦片上面。就咁食味道偏淡, 可以落少少撈檬粉嘅甜酸汁, 但注意蝦片可能會變軟。呢間餐廳食物質素唔錯, 但衛

越北牛肉粉乃午餐時段的精選好去處，午巿時段雖然要排隊，但由於人流快，所以通常很快便有位，這是我經常午餐的食堂。選擇這店乃因他們的主打牛肉，大大塊的牛肉做得香嫰，牛肉湯底以不同的越北香料入贊，在香濃的牛肉湯粉上加上香茅和羅勒葉，夾著香滑的牛肉與香料隨湯送入口，融化在口中使我們的味蕾直與腦袋直是集中於品嘗美味的牛肉湯河中。除了湯河，也可選擇飯或濛粉，餐前也可來過春卷，或其他小食，最後來杯鹹桔子水，還有助消化呢﹗

越北三寶撈檬三寶包括(香茅豬扒、雞翼、扎肉）碗大份量亦很多！！尤其係豬扒勁大塊雞翼炸得好香好惹味🤤食到lamlam👅豬扒仲正！！好入味 炸得香脆 肉質鬆軟除咗撈檬仲可以簡白飯/湯河/湯檬-蕃茄蟹膏蝦丸扎肉湯檬呢個講真好一般呀😢蕃茄味啖 而且食唔出任何蟹膏味道😢蟹丸同扎肉都係正常味道！唔係特別好味所以唔會encore-炸蝦餅 蝦餅即叫即炸熱辣辣炸得外皮好香 蝦肉彈牙🤤好香蝦味٩(˃̶͈̀௰˂̶͈́)و$28有4件性價比超高而且好好食！！-整體黎講係間好唔錯 抵食又大份既越南菜👍🏻仲有好多特式飲品加配٩(˃̶͈̀௰˂̶͈́)و以後食越南野又多個新選擇啦😋🤪

剛剛去完ck鼠係好運中心附近搵間食物館，見到門口多人等位價錢ok又試新野，舖仔細細食物都多選擇咸吉水-味道偏甜但都可以，薄荷青檸梳打-薄荷同相片份量相差好遠而且唔夠新鮮唔香，應該有落檸檬汁落去所以酸度夠都ok綜合牛肉湯河-湯底比較淡冇牛味得小小甜，河粉新鮮但份量細，生牛肉普通唔肥膩但牛味普通，牛腩片味道比較濃郁唔韌，牛丸爽口唔錯蝦丸撈檬-蝦丸雖然彈牙但可能起膠過龍所以有啲硬有蝦味，檬粉好大碗加埋生菜絲青瓜絲酸蘿蔔葱蓉材料多口感豐富馬拉盞灼椰菜苗-椰菜苗灼得剛好林得來夠爽脆，馬拉盞夠多惹味灼比炒健康好多軟殼蟹米紙劵-好大舊非常足料，菜新鮮酸蘿蔔夠味，可惜軟殼蟹可能炸左好耐唔只唔脆仲有小小糊口有油膩感總結:價錢大眾化味道冇驚喜但可以嘅

星期一Blue Monday，放工一支公無無聊聊落沙田，本來諗住食吉野家就算，點知俾我見到呢間食生牛肉湯河嘅越南🇻🇳餐廳，Blue Monday 已經夠Moody，仲要又食吉野家咪仲灰，不如食下其他野，試下佢嘅生牛肉湯河啦！1）湯嘅份量同熱度適中，可以令到生牛肉變熟，又唔會令啲牛肉過熟變韌！2）牛肉都幾新鮮嫩口。3）湯味道一般，配料只得好細好細嘅檸檬同青椒。4）一碗$52唔加一都算係貼地價錢。其實平時自己一個人放工食來食去都係某幾間連鎖快餐店，而家响沙田放工搵食又多一個選擇！

一向都鍾愛星馬泰越既菜式 可以的話邀約親朋去食飯都會選擇食星馬泰越菜 不過並不是好多人喜歡吃 大概是因為口味不一 香料太盛既關係吧 但以n_cc以言 普遍中國人菜式都偏向大路 難免有所變化 可是別的菜式做法以及香料運用都已經是學問了 味道更是出神入化 實在令n_cc一試愛上 難得友人不嫌棄之餘仲相陪一起進食那就來試一下呢間越北牛肉粉專門店 位於沙田好運中心 地點方便易找 六時多還未算特別多人 等也不用等就可以入座了 睇一睇餐牌 選擇不算少 而且也頗吸引 價錢也合理 友人點了生牛肉片湯河而n_cc點了蕃茄蝦丸札肉湯檬 再多加一個小食拼盤 生牛肉片湯河賣相不錯 當然味道也不差 除了生牛肉片仲配上洋蔥 另外可以自由加入青檸及辣椒不過其實單食已經味道鮮美 雖然配料不夠多 不過勝在份量夠大 絕對夠飽肚 蕃茄蝦丸札肉湯檬味道偏向重口味 帶點微辣湯中混有些微碎蕃茄 不過蕃茄味未算濃烈 而且蝦丸有點不新鮮 不過勝在札肉還可以 挽回一點分數 同樣地配菜不多 同樣地是洋蔥之類 但勝在份量搭夠 雖然湯檬不算太好 可是小食拼盤卻有意外驚喜 拼盤一共有4款小食包括春卷、胡椒豬肉串、煎

一直好鍾意食越南野，最鍾意係蟹膏湯檬，所以同朋友見到呢間越南餐廳有蟹膏湯檬就一齊黎試下。但係食既時候發現冇蟹膏，以為廚房一時太忙比漏左，問返侍應佢回答：上面呢啲醬就係蟹膏啦！但係我地搵黎搵去都見唔到佢所講既「醬」，只得少量蕃茄茸同香料。最後埋單既時候再問收銀既員工點解蟹膏湯檬冇蟹膏，佢既解釋係：蟹膏既意思係指個湯有蟹膏味，而唔係有蟹膏作配料。如果係錦，menu所寫既「蕃茄蟹膏蝦丸扎肉湯檬」係極具誤導成份，蕃茄、蝦丸、扎肉、湯、檬粉都有出現，而蟹膏就只係所謂「得個味」？另外，芝士蝦多士好硬身，口感一般；凍奶茶少甜少冰感覺上比一般茶餐廳凍奶茶正常甜度更甜、亦冇做到少冰。整體感覺好差。