越北牛肉粉專門店 (已結業)

「環境方面」：平日，八點多時候 ，2個人要搭枱，等候時間都快「食物方面」：（雞絲扎肉湯）：湯底味道好淡（蕃茄蟹膏蝦丸扎肉湯檬 ）： 無咩蕃茄味 扎肉ok（酸辣無骨鳳爪）味道好fresh如果你但不能食辣的 就唔好點這個「服務方面」：因為餐牌好多款式都只有撈檬我又想食湯檬所以問侍應可唔可以轉湯但唔可以 因為個鳳爪對我來講比較辣最後叫左杯凍飲 可唔可以唔要冰但侍應話唔可以（整體服務態度有待改善）「價錢」：2個人：2個粉麵 1個小食 1杯飲品$189跟餐飲品可以+12一杯飲品選擇都多

椰青熱潮帶入我家近幾個月此店在我家樓下新開張，先進的等位機放在門口，店內雖不算大，但裝修別緻，座位坐得舒服闊落。很喜歡此店的生牛肉湯河，不特別貴，半熟的牛肉賣相吸引，湯底也清甜可口。店內的湯偏向濃味食完會口喝，跟餐加10幾蚊有冰凍椰青好似好抵，雪白椰肉好好食。蘿蔔在湯中很好味吸湯又夠淋係此麵的靈魂之一，洋蔥也很香口，牛肉偏向肥美，似平日超市買到的肥牛。湯底中因為牛肉的影響及因為是河粉，所以油分較重，但整體來說，河粉掛湯長滑可口，湯底咸香好喝。本人習慣每啖粉都有湯有粉送入口，經常會不自覺飲咗一大碗湯😂

今晚放工約咗人去試沙田中心個間越北。平時見好多人排隊，今次去到八點零，好彩都仲有幾個位，即時入坐😌。第一次食呢間越南餐廳，環境都幾好，光亮企理。睇咗下餐牌，款式配搭唔算少。但係我地最後揀咗火車頭，係二人份量！（好似唔覺有一人份量火車頭）Order 完，服務員就拎咗兩個大碗同兩份青檸及辣椒俾我地，效率算好快！等咗一陣，服務員送上火車頭。Wow~好大碗呀😍難怪服務員小心翼翼咁拎過嚟擺低!總括來說，服務算唔錯。河粉同餸嘅份量都好多，例牌咁有生丶熟牛肉，另外還有牛筋，牛丸，牛柏葉。湯低幾清甜，湯唔算太熱，生浸完都仲見到少少淡紅，唔會過熟👍🏻！生牛肉香滑（有牛肉味），牛丸都好好味😋。不過熟牛肉同牛柏葉都韌咗D😑⋯⋯

每次去完一間餐廳吃飯，就習慣為下一餐作準備，看看附近有沒有其他特色餐廳。 上次已看準了這間新開越北，今天就不假思索就直入去開餐。越南春卷（味道調得幾好又炸得幾香，一條春卷一分為兩段，生菜也夠大可以裹捲春卷吃。 不過初時見到圖相話有兩塊，真的如為有兩條。）河內生牛肉牛腩片湯河粉(看似細細碗，但份量也足。 每碗也放上九層塔丶洋葱丶蔥𢇁及芽菜，另有一小碟紫天椒碎及柑桔，配料豐富湯底清甜。熱䶢桔水(味道帶微微䶢甜，幾好飲。 但玻璃杯外面就沾黏了很多桔蜜，手指碰到隻杯就被沾黏著。)

今日OT 完, 已經8點幾, 就係公司附近搵食, 當未決定食咩既時候, 見某間鋪鋪外出現人龍,就行過去睇下, 係一間開左無幾耐既越南湯河, 橫豎都無頭緒食咩, 好就試下啦但真係估唔到都要等15分鐘先有位真係好餓既關係, 選左~ 順化湯粉, 材料好豐富, 有: 牛腩片, 扎蹄, 扎肉, 牛丸, 但湯底牛味唔濃, 味道一般, 無驚喜加左12蚊飲荔枝沙冰... .. 除左甜, 只有更甜

沙田雖然大同多野食，不過就比較少越式河食好運個邊開左間就特登去試下大約晚上7點到 唔洗等位 座位亦未算好逼叫左個生牛肉河 加 馬拉盞通菜 加 札肉值得一提既係 依到上菜真係好快生牛肉河 不時不失 依個價錢算係咁馬拉盞通菜 好濃味 不過有要微量既辣去吊味 但係可以接受到既札肉 友人話似佢係越南食既味總括黎講 食物質素對得住個價錢 （唔係好貴）如果咁岩個日係沙田又咁岩想食越式野食都可以試下既但就唔會特登黎食

自從中國戲曲節開始後，我們為了遷就時間，先後在此吃了三次下午茶當晚餐，六時多吃完乘車往尖沙咀文化中心看劇剛剛好。越北沙田分店只開業兩三個月，很新，很靚！陳設以湖水藍為主色，牆畫或掛飾充滿越北風情，簡單悅目。座位舒適，招呼殷勤，食物質素中規中矩，價錢大眾化，所以每次來到都坐滿人。下午茶由兩點多至六點，有近二十款粉飯菜式可供選擇，每款比正價平宜十多元，附送飲品，更可以優惠價加配特色小食，極具吸引力。生牛肉牛腩片湯河粉。會安雞絲扎肉湯檬粉。越北綜合牛肉湯金邊粉。蕃茄蟹膏蝦丸札肉湯檬粉。河內生牛肉牛丸金邊粉。順化湯檬。特色小食。

晚上繁忙時間幫襯，兩人坐四人卡位的一半，要搭枱有點迫，不過迫得嚟都值得。沒有什麼要求及期望下，叫咗以下菜色：炸雞翼，炸粉外層金黃鬆脆，略嫌炸粉外層油份多一點，如果用紙先索一索會好啲，雞肉嫩滑。桂圓紅棗茶，不太甜，有人話好飲。椰汁冰，似街邊飮的相似，不過略嫌太多碎冰，飲到成口冰，當啲冰溶咗，就方便飯。椰菜苗，用魚露灼，比較清新，鹹鹹地好開胃，不選擇配馬拉盞是因為馬拉盞好似比較濃味（見人地叫），不過下次也會試。不過不失，冇人投訴，應該收曬貨。最正呢個湯粉，綜合有牛肉、牛腩及牛丸，一次過食曬，牛肉由粉紅浸熟，軟滑啱啱好，牛丸不是圓球，不似預製牛丸，牛腩比較薄，不過也很入味。總結，滿意的一餐，可惜沒有甜品選，不過好快會再幫襯

在沙田其實無咩野特別岀色好食，呢一晚就諗住求其食就算。原本諗住食元氣，但實在太多人，見到旁邊有越南河，就諗住試下。其實間野叫越北，叫了一碗生牛河，一碗火車頭河，一份蒜香牛油雞翼。生牛河既牛真係全生，所以一定要撈落碗底整熟佢。啲粉質地還好，不會斷，牛肉算多，但上碗時因爲全部整埋一團，所以要好快整散整熟先好食。至於牛肉質量就十分普通。配菜蘿蔔有渣，不好吃。火車頭牛肉同生肉河的是一樣，就不再多說，牛丸普通正常，亮點在於牛腩，淋身，重牛味。雞翼面無乜油，內裏肉質剛好，可惜在蒜香不足，只有牛油味。總結可以一試，未必有下次。埋單接近二百元。

眼見早排要去沙田拎番之前訂咗嘅物品，咁就喺沙田搵達地方食下午飯啦。多口問句問朋友究竟沙田有沒有新餐廳，朋友一不話，二不說就話越北啦。我問佢究竟呢間餐廳有咩吸引之處呀？佢就答我，冇咖，純粹未喺沙田見過有越南菜食，既然你問到，就去試下啦。既然朋友介紹，咁就試下啦。翻開Menu，唔覺有啲咩特別嘅菜式，主要是麵食或飯食。咁叫肚餓，是是旦旦揀啦。首先揀咗西貢扎肉蒸粉包啦當飯前小吃。第一次食越南菜，覺得味道不錯，不似廣東點心嘅粉果。之後再點選香茅豬扒撈檬。估唔到味道咁香，食落又爽，最緊要啲檬炒唔係一舊舊咁，煮得很好。豬扒又入味又冇雪味，勁好味。再加埋啲辣椒魚露，令到該撈檬更升上一層樓。最好感覺係如果再到沙田，必定會再到此店試試其他美食。

沙田最近新開了一間越南菜餐廳〝越北牛肉粉專門店〞廚師為居港二十多年的越南人。網上介紹餐廳主打生牛河，湯底用上牛骨和牛腩熬煮六小時。今午來到越北，沒有品嚐牛肉粉，試了$56蝦頭膏酸辣海鮮湯濛金邊，加$12轉椰汁三色冰特飲。蝦頭膏酸辣海鮮湯濛金邊粉，材料有：青口、墨魚仔、蜆肉都唔錯，兩粒魚丸味道尚可，很腍身，相信是越南風味，湯底是少辣至中辣的辣度，酸味很微，混著香菜吃頗開胃，由於是下午茶，份量不太大份量。椰汁三色冰特飲很特別；有紅豆！濃濃椰奶味，整體感覺一般。個人消費$68