越味皇 (已結業)

又黎荃灣食我最鐘意既越南菜🤪 最愛就係d小食！叫咗越式燒魚 ($88) 就算用燒既方法都依然食得岀魚既鮮味，反而個皮果度食落就更加香口～ 好少食到咁好味又新鮮既燒魚！越式柚子鮮蝦沙律 ($68) 雖然鮮蝦得2隻，但佢沙律菜同柚子分量都極奇多！仲要食落都幾辣，食唔到辣既唔建議試越式串燒雙拼 ($88) 呢個既串燒雞係岀色既，香茅味重，雞肉燒香得黎都嫩滑越式炸蝦餅 ($56) 蝦餅係一大塊炸完再切，感覺冇咁熱氣，份量都好大！越味皇雜錦拼盤 ($98) 香脆雞翼，蒸粉包，迷你蔗蝦，炸春卷 最後叫埋呢個拼盤～ 一次過可以滿足四個願望🤣 都係炸春卷最好食

在香港，日本菜或中菜是熱門菜系, 但自從越南牛湯河成為熱門話題之後, 或者大家也開始留意越南菜。 荃灣區的路德圍內有一間越南菜館越味皇, 經濟實惠又有水準，來到時見店子的裝修很有南洋風情，燈光火猛的。 飲品方面, 先點了珍多冰, 一條條的珍多，再加上椰汁冰是頗好喝。先來個小食越味皇牛油蒜蓉雞翼, 是即叫即炸的,每隻都炸得外層香脆, 但內裡的雞肉還是嫩滑和肉汁豐富，配合牛油和蒜蓉, 吃起來就更加惹味, 有意外驚喜。海鮮類是原條的越式燒魚，外皮燒得香脆, 散發誘人的魚香, 魚肉是鮮甜嫩滑,給我們只吃剩一排魚骨。吃越南菜又怎能缺少一味牛湯河？這裡給命名為越味皇頂級生牛肉湯河，當見店子是信心十足的。先跟牛湯，呈深色的湯頭鮮美而醇厚，灑幾滴青檸汁，鹹酸味俱備，吃得過癮, 河粉本身爽滑而有米香，質素也不錯, 牛肉淥得僅熟，口感嫩滑，整碗粉份量也不算太小，這裡的牛湯河，也吃得過。食物是正宗而且有水準, 價錢也是經濟實惠, 吃得飽飽的離開。

牛油果軟腳蟹米紙卷賣唔得，造型唔精緻，上碟米紙卷黐埋一齊。味道更加差，食唔出有牛油果，翻開入邊睇，只得尾指指甲大小的牛油果醬，蚊型到離譜。更加唔抵食嘅係馬拉盞炒通菜，一碟唔出息嘅普通青菜，竟然夠膽收68蚊子，菜單上無呢個菜，店員推介的，當時冇問到價格就聽店員話要咗，出咗單先知價格，覺得俾人厄咗，千其唔好點呢個菜唔抵食。還有個招牌炒飯， 賣相差都算啦，最衰係唔好食吖嘛，還話係招牌炒飯，冇色水和味道，可以講係難食

二人餐非常抵食雞串唔係細條，有個醬點黎食，沙律都有特別嘅味道，啲小菜各有特色記得要叫蒜蓉雞翼，size都好大隻，雖然隻雞翼係炸嘅，但食唔出平時個啲炸粉，唔會覺得淨係食緊炸粉，全隻都有肉！個蒜蓉味仲好突出，食完唔會討厭嗰陣蒜蓉味😋😋😋另外湯粉嗰啲餸可以自己自由配搭，冇限死食邊款餸，個人認為牛丸都幾出色要讚一讚佢個牛骨湯底真係超有味，唔係普通味精湯底，真係食到淡淡清嘅牛肉味道，食晒碗麵嘅時候連啲湯都飲晒👍🏼👍🏼👍🏼金邊粉雖然冇乜特別，正常口感，但個湯底已經好有味道！而且份量仲好足夠，兩個人食絕對夠飽

本人一向喜歡食越南食物，荃灣既越味皇，係我經常到既地方。今日再同老婆來到，我叫左個越味皇招牌炒飯，飯炒得乾身唔會太油，加上大蝦，香而不膩。由於我喜歡食蝦，小食再加個越式燒蝦串燒，烤得十分甘香，肉質彈牙。另加個小食雜錦拼盤，有甘蔗蝦，春卷，雞翼，滿足曬不同口味的需要。老婆就叫左個豬扒扎肉河，湯清河滑，扎肉大塊，抵食。總括來說，呢度食物性價比好，員工服務又友善，加上至港鐵站近，去到荃灣，大家可以一試。

叫左個札肉雞翼撈檬, 札肉有3大塊, 雞翼有2,3件, 正常無特別。加錢叫左個鳳瓜做小食, 小辣, 有4,5件, 份量5算多。不過價錢幾平GE呢2款菜太易, 基本上無得輸, 要試其他菜式先知龍與鳳

成日晚飯時間經過路德圍，總見到越味皇門口有人等位！人龍並非很長，但總是有人等！今晚決定一試！由於特登揀7:00前到達，所以唔駛等就有位了！但原來都只係剩下一、兩張吉枱！店員推介了牛油蒜蓉雞翼，望落去好大舊粉炸，但一咬下，粉䊢炸得好香脆，牛油蒜味十足，雞翼亦夠味，果然直得推介！蟹頭膏炒高麗菜真心推介，第一次在越南餐廳食到呢種口味，事實上佢似泰式蝦頭膏炒菜，夠香濃，重口味人士一定愛！但減肥者絕對不宜，因為佢一啲都唔清淡，唔好俾「菜」騙咗！識食越菜一定會叫返碗「雞絲越式湯粉」，我地揀了越式酸辣湯底，湯底好香濃，唔好錯過！第一次見有牛油果沙冰，當然要一試，味道算清新並不太甜，牛油果味不太重，所以平時不愛牛油果的，其實都可一試！總結：抵食，味道不錯，性價比高，值得再來！

今日同閨蜜喺荃灣shopping，經過路德圍朋友見到間越南餐廳話要食檬粉，於是就衝入去諗住醫下個肚😜餐廳細細，但服務態度良好👍🏻熱龍眼茶/凍龍眼冰各有特式，超多龍眼肉套餐的迷你越式鳳爪沙律生牛肉湯檬配酸辣湯湯底超香濃，越食越開胃越式燒魚，$88都好大條生菜包，抵食呀$38咋，蝦片奇脆牛油雞亦，我地個個都贊好，又香又脆又野味越式炸蝦餅，香口彈牙，有口感我至愛柚子鮮蝦沙律🥗雖然得兩隻蝦，但主角係柚子，大大塊，又多汁又香甜，唔似其他地方用柚子絲蝦頭膏炒高麗菜蒸粉包，皮薄餡靚，配酸醋一流

路德圍搵食記其實除左麵店 糖水鋪 泰國菜之外都有越南野食架 價錢適中 幾多捧場客.串燒🍢雞 牛各三串雞好出色好嫩滑 牛就冇乜牛肉味加埋個沙嗲醬 收貨啦.香茅豬扒撈檬🐷湯麵/撈檬同價有得自選配搭 好似越式車仔麵甘豬扒都好滑 正正常常 份量都幾多.牛油果奶昔🥑正啊發現愈來愈多越式料理賣牛油果飲料好滑好香 應該用creamy黎形容先岩.火車頭湯河🐄呢個就麻麻地首先賣相毫不吸引😹好似煲湯啲剩料食落啲牛又冇乜特別 一食即忘個種感覺.最後like佢地facebook會有甜品送今晚係紫米露 冇想像中甘甜 不錯

好耐冇黎食呢間越南野，估唔到佢依家咁好生意，晚市時間一到就已經坐滿晒人佢嘅越式咖喱配蒜蓉包好香口唔會好辣，牛腩煮得好琳好夠時間第一次食佢嘅燒雞，唔似出邊嗰啲乾爭爭，半隻雞份量都幾夠等左好耐終於條越南式燒魚上場啦，外皮考得好香口但係裏便啲魚肉仲有肉汁都幾嫰滑之前嚟食沙律大大碟，今次叫咗蒜香時蔬，一樣好友份量，蒜頭上湯炒起上嚟好香。我自己買椰青總係買唔到有咁多汁咁大隻嘅，佢個咸檸梳打係會根原罐梳打水，夠晒我飲

越味皇火車頭湯河越南野食入面我必食既一定係河粉越式湯河係同港式既好大分別第一就一定係個配料火車頭係包括左有生牛肉, 熟牛肉, 牛丸, 越式香料等等一黎到就見到係超超超超大既一碗, 一個男仔食呢一碗真係即刻直接飽左佢仲好細心咁將辣椒分開放, 咁開鐘意食辣既就可以自行安排辣度河粉水準不錯, 很滑流, 而且吸收左豐富既牛肉同香料既味道之後, 真係無得彈生牛肉鮮嫩既粉紅色, 配上越式湯底, 味道同口感都係一流!!咖哩牛腩煲配蒜蓉包友人點左呢咖哩牛腩煲配蒜蓉包淨係個蒜蓉包都已經巨吸引!!蒜蓉係超多而且好香脆既味道咖哩牛腩煲包括左有埋牛腩同牛根咖哩味濃厚, 不得不說個牛腩真係忟得幾好味

越式燒牛肉雞肉串燒串燒各三串, 每一串都係好厚實既肉!!淨係睇個外相都已經知道係又大件又抵食附上左沙嗲醬可以點加埋左又另外一個感覺我個人就鐘意唔點黎食既!!個香味已經好足夠越味皇牛油蒜蓉雞翼脆炸既牛油蒜蓉雞翼, 先唔講佢健唔健康, 但係味道同口感上黎講真係食到停唔到口!!外面係勁香脆既炸皮而入面就有甜甜既牛油同蒜蓉味道越式鴛鴦飯鴛鴦係可以自己配搭我就揀左豬頸肉同雞翼想不到都幾大份6片既豬頸肉再加上3隻雞中翼份量上真係冇得輸豬頸肉脆口肉嫩餸飯一流

經過了一天的工作後💻，與同事妹妹👧🏻早已被客人弄至體無完膚💀，一肚子的氣讓我們甚麼胃口都沒了😭，但還是要吃嘛🥢，就快快吃完回家睡好了😪。找到了一家充滿越南風情的小店🇻🇳，天花掛起了越式的藤帽👒，佈置頗有心思🥰。🔹越味皇頂級生牛肉湯粉🍜 $68越南南部口味為主🙂，較為清淡😋，湯底清甜❤️，生牛肉嫩滑🐮，河粉煙韌🎉。🔹越式燒魚🐠 $88再來一點魚油補一補腦吧🧠，外皮烤至香脆🔥，加上肉汁豐富的肉質💦，滋味十足👍🏽！🔹越式炸蝦餅🦐 $56彈牙的蝦肉🤤，被酥脆的外層包裹著💛，再點上微酸的醬汁🥢，更為醒胃✨。🔹蜆港香蒜牛油焗青口🧀 $68上菜時已能嗅到了蒜的香味😍，入口香氣十足🌬，口感豐富💝。🔹凍越式滴漏咖啡💧 $20人妻🐷絕對不怕晚上喝咖啡會睡不著😎，畢竟真的太累了😅，沒甚麼可以比得上味道濃郁的越式的滴漏咖啡☕️？🔹益力多沙冰🥤 $22同事妹妹👧🏻點上了冰冰酸酸的沙冰❄️，胃口不好嘛😞，就是想要找點醒胃的東西😉。💭總結價錢相宜的一家越式小店📍，加上店內裝潢甚有特色🌟，食物也很是不錯👍🏽，整體性價比高呀🎊！

今日過O左黎荃灣食越南O野，之前O黎過好幾次，但太多人，所以選擇O左其他....今次特登早D O黎，唔駛等好耐就有位。上網見到唔少人都推介食牛油蒜蓉雞翼，軟殼蟹同埋越式燒魚...我地都跟住點呢幾款，但軟殼蟹就改O左軟殼蟹米紙卷....再點其他小食，飲品同湯粉....首先，就上O左個越式柚子鮮蝦沙律，好大碟之餘，仲好多柚子...食落好FRESH...再配下其他小食，唔會好漏...再O黎就係牛油蒜蓉雞翼，真係大件得O黎又抵食!! 仲好香口同充滿牛油味，食到唔捨得停口!!! 到軟殼蟹米紙卷，軟殼蟹好香脆而且大件，米紙卷入面材料都好多，但如果下次再食，就會試下個軟殼蟹...另外，再點O左個食越南O野必點O既河內蒸粉包...又係抵食夾大件之選....好大件，而且粉皮好薄，食落口唔會一團麵粉O既口感....至於個燒魚唔知係咪即點即燒O既關係，比較耐少少先上，但我個人認為絕對值得等，因為魚燒得好滑之餘，再配埋個醬汁，真係好惹味!!!最後就O黎埋生牛肉湯河...呢個粉本身覺得應該好普通，唔會太特別...但食完係比想像中好，牛肉夠薄身，湯底香濃....大家一定要試下....

荃灣的路德圍一向多食點，筆者曾光顧過這邊的幾間米線店。今天就搞搞新意思，不吃米線了，改吃越南菜。車快是越南語，解作沙律。這碟柚子鮮蝦車快舖了生菜塊墊底，然後是大量柚子跟青瓜絲，酸甜的味道使人吃得清新開胃。2隻鮮蝦經燒熟，有著彈牙的口感。雜錦拼盤可以一次過試到幾款越南小食，不用花時間心大心細。拼盤有香脆雞翼、蒸粉包、香燒迷你蔗蝦、炸香卷4款，每款各有2件。筆者對蒸粉包最感興趣，它的外表有點像中式的雞絲粉皮。用滑溜的河粉皮，餡料有豬肉碎、沙葛、木耳等，口感既腍身又爽脆。香燒蔗蝦啖啖香甜蝦肉，配以酸辣醬食得滋味。唯略嫌雞翼烤得有點乾。若有研讀歷史的話，就知道越南曾經是法國殖民地，而這一道越南三文治就是有著法國色彩的越南菜。和傳統法包不同，越南法包製作過程再會加入米粉，所以口感會脆一點。法包夾了青瓜、蕃茄跟札肉，但攤涼後麵包會硬，所以需趁熱吃。被餐牌圖片吸睛而點的燒魚，味道質素果然不俗！燒魚魚肉紮實不鬆散。因為燒烤的方法可把醃料氣味迫出，味道非常香口惹味，蘸上由餐廳特調的醬汁更出味。吃東南亞菜時，總會點一杯特飲。今次點了龍眼冰，一口下肚，清甜解喝。