越味皇 (已結業)

平時過去荃灣路德圍都係去食糖水居多，而且都食來食去都係幫襯向住大河道的一邊。今日行左去向主福來邨的一邊，原來呢到都幾多食肆。生牛河係我食越式野都會叫的，因為其河粉比幼身; 肥牛用湯灼的，所以通常只會係啱啱熟。其實，我攪唔清沙爹串燒究竟係星馬泰越邊個國家的食品。Anyway，腌制得入味，再淋上沙爹醬係好惹味的。椰汁珍多冰係地道飲品，好重的棷子味，好正!炸軟殼蟹通常食日本菜時會嗌，原本我冇order的，但見到隔離枱食緊，個份量都唔多，所以我都嗌左碟。講真，相比之前食的，呢處明顯大隻好多，而且中仲係有3隻咁多。

上openrice 見幾多LIKE 所以就黎幫襯下。四個人無叫SET全陪散叫食到好飽。越式燒魚:燒魚表皮燒到好甘香但內裹魚肉重係好Juicy,本身好都夠味，配上特制酸汁有另一番風味。牛油果軟殼蟹米紙卷:米紙卷好韌，口感好似爽身的腸粉，牛油果creamy加上新鮮炸的軟殼蟹~好味河內蒸粉包: 口感同味道有D似中式粉果，粉皮晶瑩剔透，餡料有木耳絲沙葛等，爽脆有咬口。越味皇炸春卷:新鮮即炸，金黃香脆可口，怕太熱氣可包生菜食。特式生菜包: 分量唔算多，不過三十幾蚊黎講可以接受。新鮮生菜包住香辣惹味的肉碎一起食，好滋味。越式炸蝦餅: 炸到甘香，夠彈牙不死實。越式柚子鮮蝦沙律: 青瓜紅蘿蔔絲切到到幼細，柚子甘甜不苦澀加上新鮮沙拉菜好味道。蝦亦好大隻新鮮彈牙。開胃前菜。越式串燒:兩款表面都燒都好亁身但鎖住D肉汁起入面，雞肉嫩口牛肉粒無渣。越味皇蕃茄蟹頭糕湯:湯底濃濃的蕃茄及蟹湯的味道。好鮮甜。墨魚丸唔係食落食口麵粉，扎肉味道正常。濛粉軟硬剛好~ 

食到好飽既一餐 點左一個湯粉其他都係小食 份量好多 抱住肚走 越式燒魚 $88燒魚本身有醬油淋面，再加檸汁已經好夠味，魚燒到夠香，連魚骨都 “傷”埋。蕃茄蟹頭糕湯檬粉 $68同其他越店唔同之處係佢用蟹膏做湯底，所以湯濃而味道會清，微酸微辣，多料。柚子鮮蝦沙律 $68新鮮柚子，味道遍辣。串燒拼盤 $883串雞3串牛，配咖哩醬，好夾。牛油軟殻蟹米紙卷 $62好奇抽出軟殻蟹肉，發現都幾大舊，足料。椰青 $30 清甜，肉嫩，好多人order，一早清哂，隔離枱既客人想飲都無啦。炸蝦餅 $56有厚到既蝦餅，相未必反應到出黎😂，另外魚餅加左蔥油，味道好特別。河內蒸粉包 $42皮薄餡靚，超級多料，真心推介你食。生菜包 $38CP值好高，38蚊既生菜包出面食唔到，微辣，味道再濃d會更惹味。炸春卷 $42春卷炸好脆，好熱，應該係即叫即炸既..

Happy Friday又係時候約朋友食飯～上年去完越南成日都會想食越南野，所以今晚揀左路德圍既越味皇。見佢裝修都好越南，一頂頂斗笠掛晒係天花板 😆柚子沙律超多西柚😋 酸酸甜甜好fresh! 小辣個米紙卷老實講睇落好似好大舊好乾，其實食落超好味！牛油果好多 😍 同質地好軟熟，襯埋啲酸汁一絕！炸雞翼有勁多蒜蓉，好正😍 啲炸粉充滿牛油味，同埋炸得好脆，放多陣食住其他野先再食返隻雞翼都唔會林左痴晒肉。越式生菜包同泰式都幾唔同，越式既調味冇咁辣，但多啲香草。生菜唔算好嫩，但都juicy 😋雞串超好味！好滑，但外層又燒得好鬆化。個沙嗲醬又係冇得彈 👏🏻牛油果，又係牛油果！好好味呀 ☺️ 飲得出落足料！必飲！另外有個益力多沙冰都想試，但最後俾牛油果吸引左🤣

諗住叫d小食，所以嗌了雜錦拼盤，有齊香脆翼、蒸粉包、炸春卷及迷你蔗蝦。可能是個人飲食習慣問題，我覺得越式椒鹽炸軟殼蟹是淡了一些，椒鹽味不足，但這可以即時加番，不是甚麼大問題。越式燒魚唔腥又唔乾身，有種類似淡香茅的味道，有特色。隨碟上的還有醬汁，唔知叫乜名，點少少才食會好味好多。可能是當造季節，椰青青很甜多汁，一揭開就眼到是滿滿的椰青水。天氣炎熱，沙冰夠晒清涼解熱。叫益力多味，係因為好耐冇飲，趁機攞番d小學生時代的回憶。

又黎到荃灣覓食。🤩路德圍除左小食，台式飲品多，其實街既另一邊都隱藏住好多間又平又正既食店。街上面既幾間食店門口都排曬長龍，今次小編食既依間越南野都吾例外。😲😲等左20分鐘左右先有枱比我地入。入到去，佈置得真係好越南風。✨✨推介！ 二人套餐！ 抵食！每人有一碗麵，仲有四款小食。岩曬想試多啲小食既人，但又怕得兩個人，叫太多又食吾曬。1. 無骨酸辣鳳爪好惹味，吾會太辣，食到你薯薯聲。好開胃。👍👍2. 蜜糖烤豬扒豬扒嫩，咬落口不韌，烤到有少少脆的感覺，而且蜜糖都十分入味。 😋3. 鮮蝦米紙卷依個就冇咩特別，啲蝦同青瓜都冇咩味，略嫌dry左啲。🤔🤔4. 串燒雞肉雞肉都係燒到岩岩脆脆地，夠熱夠新鮮。上面仲有啲黑椒，同啲好match，相反佢配既醬就一般，吾點仲好。😛😛5. 牛筋湯河牛筋略少，河粉的份量都係。牛筋冇咩味，淨係得個口感。😅6. 雞絲金邊粉依個粉同肉既量反而正常。雞絲係白切雞肉，吾會韌。😜

今日去到荃灣路德圍附近嘅呢間越味皇到食晚餐 呢度都幾多街坊幫襯係街坊小店 但同時亦不失越南味道小食越南春捲 同外面嘅都差唔多 炸到脆卜卜 入面餡料亦都夠足料 配上新鮮生菜食更加爽脆越南牛油蒜蓉雞翼 呢度越南小食個人十分喜愛 外面炸到脆卜卜 而且蒜蓉牛油芬香撲鼻 入面雞翼仲係爆汁做得好沙嗲串燒雞同沙嗲串燒牛肉 每樣三串 價錢唔貴燒得香口之餘配上味道濃沃嘅沙爹醬 非常有風味 個人十分推薦嘅燒黃立倉魚 外面魚皮燒得香脆 入面魚肉仲係多汁嫰滑 而且魚肚塞滿香料 入面仲有淡淡嘅香茅味 咬落魚油十足 高質之作最後就係椰漿海鮮焗飯 原個椰子用嚟裝住炒飯 上面加上大蝦魷魚等等海鮮 淋上新鮮嘅椰漿配搭特別 有創意而且幾夾

今日同朋友黎到荃灣最多野食既街 見到咁多人排隊就去試下我地一坐低就叫左杯青檸梳打同咸檸梳打 而架出去飲一杯青檸梳打都成二十幾蚊 但越味皇價錢平 都係十三蚊一杯 仲要係全罐梳打因為我好鐘意食越南小食 所以毫不猶豫地叫左雜錦拼盤 佢既春卷炸得好脆口 而個餡都好足料 蒸既只係個外皮有唔同 個餡都係一樣味而個蔗蝦全部都係蝦肉 好香好濃 我同個朋友大家各自叫左一碗粉 叫左豬扒湯檬同埋越味皇火車頭湯河火車頭湯河好足料 裏面有牛丸牛肉生牛肉蘿蔔牛筋 每樣材料都好好味 而且湯粉分量足夠 最後叫左越式燒魚 外皮燒得好香脆 內裏魚肉嫩滑 魚味香 食落去冇腥味

蕃茄蟹頭膏湯生牛肉湯河.好耐無食越南野啦😋🇻🇳決定黎荃灣呢間好評挺多既餐廳食湯河😍生牛肉河粉係小編必點，但今次湯底有少許特別，加$10先有蕃茄蟹頭膏湯🍅🦀湯底超濃郁，落左好多蟹頭膏同蕃茄所以好稠身，食落好惹味亦都好鮮味！唯一敗筆係河粉好快索晒啲汁，建議要落多少許湯🥣，以免影響到最後好乾。生牛肉切到好薄，夠晒嫩滑，估計下次會再到訪，不過係試牛骨清湯底！😋

今日同男朋友又去搵地方食晚餐，今次喺荃灣，佢話想食越南野，所以揀咗食「越味皇」。依到既裝修都幾好睇，都有d特色。一睇餐牌就見到蟹頭膏湯檬粉！！好想食呀，不過佢配蕃茄，本身驚會搶咗蟹頭膏湯嘅味道，但原來都幾夾。跟住就叫左牛肉串燒，d牛肉都幾香口。男朋友去餐廳最鍾意飲嘢，好快佢杯紅豆冰就黎左～佢就飲得好過癮，粒粒紅豆！我嗌左杯牛油果沙冰，味道幾特別，不過有少少”漏”因為我鍾意牛油果，男朋友鍾意食軟殼蟹，揀米紙卷就非叫牛油果軟殼蟹米紙卷莫屬！牛油果剛剛熟，軟殼蟹多肉，配搭正！另外，叫咗個蝦多士，之前喺澳門食過蝦多士覺得好味，但係嚟到之後發現越南菜嘅蝦多士係好似一塊炸蝦餅放喺蒜蓉包上面，同食過既唔同，依款岩晒中意食蒜蓉包既我地！好香口男朋友都中意食炸春卷，就叫咗個小食拼盤，好豐富！有春卷，蔗蝦，雞翼，仲有兩舊腸粉皮包。全部都好好味總括依然，今次叫得太多煎炸食物，好彩佢啲食物唔算整得好油，同埋都幾香口～下次想食越南菜可以再食！

今曰特登去荃灣行街。到晚飯時間。途經呢間叫越味皇既餐廳。外觀幾特色。餐牌也吸引。於是同友人入去下。座位很寛落。二人坐得好舒服。我地二人叫左幾款食物。全部都好好味。好高質。串燒燒得啱啱好。配上自製酱汁。好夾下。食下去好惹味。而叫左個牛油雞翼。呢個最出色。好香牛油味。外脆內滑。有肉汁。啱晒我呢D雞翼控。仲有條招牌燒倉魚。火喉啱啱好。賣相好吸引。慢慢歎條魚。配埋杯D牛油果沙冰。好大杯好好飮。效果ㄧ流。食完真係冇得弾。埋單先發現好抵食。5洗加ㄧ。再有ㄧ下次

跟朋友再攞左假期下個月再去越南，但想飛嘅心情一早已經頂唔住。所以就食住先過下人口癮，知道荃灣路德圍一向都係美食集中地，就揀左呢度大吃一餐。招牌牛肉湯河。除左牛肉有啲過熟之外，味道都幾唔錯香料足，而且湯底入口甘香令淡味嘅河粉生色不少。牛肉好大塊同同入味，食嘅時候加上少少檸汁中和一下個咸度啱啱好。越式柚子鮮蝦沙律。新鮮柚子堆到山咁滿，正！甜酸汁唔會過辣，配上柚子嘅微微苦味，蝦肉爽口入味，連同柚子食好開胃。雜綿拼盤。份量好豐富，有蔗蝦／牛油雞翼／蒸粉粿／炸春卷。蔗蝦肉質結實香口，蝦味好濃又帶點甜味，幾好食。蒸粉粿嘅皮幾煙韌，調味唔錯。不過牛油雞翼及春卷就油膩咗少少，味道唔算有突出。越式豬頸肉飯。一定要轉做椰香飯底，因為個椰子味十分香，配上醬汁撈飯十分惹味。而豬頸肉好大塊同燒得香口，咸咸地配飯食一流。越式燒魚。用上䱽魚即時燒製，所以都等左一陣，但因為細微魚骨全無，所以可以大啖大啖咁食唔怕骾骨。魚肉偏結實但油香依然足夠，愛魚朋友不能錯過。越式滴漏凍咖啡。咖啡味香但唔會太苦，攪勻煉奶黎飲幾香滑，飲後一杯咖啡，消膩又醒神。正。椰青清甜又解暑，啱晒近排炎炎夏日。近近地唔使飛越南都食到正宗越腩味道，荃灣

荃灣區的路德圍可算是食店集中地，有各式各樣的餐廳，其中的一間越南菜館越味皇, 經濟實惠又有水準，來到時見店子的裝修很有南洋風情，燈光火猛的。 先來個小食越味皇牛油蒜蓉雞翼, 是即叫即炸的,每隻都炸得外層香脆, 但內裡的雞肉還是嫩滑和肉汁豐富，配合牛油和蒜蓉, 吃起來就更加惹味, 有意外驚喜。海鮮類是原條的越式燒魚，外皮燒得香脆, 散發誘人的魚香, 魚肉是鮮甜嫩滑,給我們只吃剩一排魚骨。吃越南菜又怎能缺少一味牛湯河？這裡給命名為越味皇頂級生牛肉湯河，當見店子是信心十足的。先跟牛湯，呈深色的湯頭鮮美而醇厚，灑幾滴青檸汁，鹹酸味俱備，吃得過癮, 河粉本身爽滑而有米香，質素也不錯, 牛肉淥得僅熟，口感嫩滑，整碗粉份量也不算太小，這裡的牛湯河，也吃得過。餐後飲品不作他選，就來一杯越式滴漏咖啡(凍), 耐心的等咖啡滴完，跟一口，雖然是苦了一點點，但味道濃郁而有香味，加入練奶就完美了。食物是正宗而且有水準, 價錢也是經濟實惠, 吃得飽飽的離開。

喜歡芒果沙冰，沒想到這裡有牛油果沙冰，好特別，覺得要試一下 ，沒想到果然不出所料，味道不太接受，幸好他們家的烤魚令我重展笑容，燒的好入味，外脆內軟，焦焦的皮，裹著嫩嫩的肉，沾醬汁來吃，一流！

今天來到荃灣找越南美食甫進店侍者們就熱情招待菜單包羅萬有花多眼亂先點越式柚子鮮蝦沙律柚子份量超級多酸酸甜甜既好味又開胃作前菜一流點了一客兩件的迷你庶蝦誰知迷你換來特大size是日的越式燒魚是倉魚用香料醃制甚具東南亞風味再點一碗頂級生牛肉湯粉呷一口湯頭有香醇牛骨味配上九層塔等香料味道出色這的招牌是牛油蒜蓉雞翼雞翼體型大得驚人賣相佳富牛油香會令人愈吃愈上癮蟹頭膏炒高麗菜坊間少見比平時的炒菜多一份鮮味飲品點了青檸梳打牛油果沙冰懷著滿足的心情抱著肚子回家