越味皇 (已結業)

呢間越南野喺午餐嘅時候都幾多人排隊，好彩今日早左少少度所以就唔使等位，地方都幾舒服，熱天一嚟就落咗杯椰青同埋珍多冰，椰青味道清甜，好夠，值得一讚，珍多冰都唔會太甜岩岩好。由於大熱天所以真係唔想食一碗熱辣辣嘅面，所以今次就叫咗個小食拼盤，可以一次先試齊晒所有嘢，唔會話一大碟全部都係同一個味道haha 一個拼盤有八樣嘢$98，我覺得性價比來講唔錯，入邊嘅雞翼冇得頂！香脆雞翼令我即刻encore多咗盤牛油雞翼！炸得脆口唔油，雞肉仲可以保持到嫩滑多汁，雖然唔會話雞味好濃，但係質感同埋味道都非常好！炸春卷餡料都好豐富！炸野來講第一要求真係唔可以油膩同埋厚皮；）做得出色！蒸粉包第一次食，普通的感覺～庶蝦細隻但係蝦味幾濃，彈牙，有淡淡嘅庶汁味，非常唔錯！推薦！ 因為拼盤入邊冇蝦餅又好想食蝦餅🤣🤣🤣所以另外散叫左，無失望！佢炸野真心出色！唔會味精味，蝦味濃又彈牙！正正正！叫咗炸物少少heavy就叫返個柚子鮮蝦沙律，柚子味好Freshhhhh 好清新! 最鍾意就係食越南泰國嘢嘅時候調味酸酸甜甜好開胃呀！蝦肉唔霉，好爽身，粉量再多些就好啦！如果怕食熱野或者驚油膩嘅話係必叫！最後叫咗越式燒豬扒三文治🥪燒豬扒

在荃灣呢個美食熔爐里，雖然美食遍地，但講到越南餐廳，我最鐘意就是在路徳圍的呢間越味皇！裝修精致突顯越南特色，環境清潔又坐得舒服，侍應態度親切有禮，食物質素冇令我失望。來到越南餐廳，食撈檬絕對糸我的指定動作。點左一份豬扒撈檬，份量不俗，淋上我最愛的檬汁，酸酸咪咪，令人胃口大開！豬扒好香口，軟硬適中，肉質不錯。檬粉清爽又Q彈！朋友點的蕃茄豬扒湯檬都十分惹味。蕃茄湯底好夠味，蕃茄濃郁，感覺營養超級豐富。湯檬好有特色。我地點左一個小食拼盤，有蔗蝦，雞翼，蝦卷,米粉包，賣相好正，雞翼超級入味，蔗蝦口感Q彈，蝦卷金黃酥脆，米粉包粉皮軟糯，點上醬汁味道更好。一定要試越南燒雞，皮薄肉嫩，非常入味，佢有個秘製醬料，超級惹味！串燒雙拼系三串牛肉+三串雞肉，燒得十分香口，肉質鮮嫩，抵食！好欣賞佢地的用心制作，每一款菜式都有特色秘製的醬料，味道獨特，越南特色濃厚。

好耐都冇食過越南菜喇 所以今日就揀左去食越南菜 叫左個正宗越南牛肉粉 如果怕塊牛肉太生 就要佢一擺底碗野你就要即刻搞搞塊牛 碗粉都ok另外總叫左個牛油雞翼食 唔會太油 都幾好食

今次第二次食呢間越味皇啦 Keep到水準不特止 仲好食左喎😽😽望一望個餐牌仲好似多咗一啲新菜式喎 一於試吓先😼燒蝦串燒有三串 仲已經meet埋個殼 超方便食呀😻😻 又唔使怕整污糟隻手！蝦燒到金黃色 仲有少少蝦頭膏😻 肉質幾爽口 不過稍微乾身左少少😿雜錦拼盤正呀 有齊晒我鍾意食嘅嘢😻 粉包入邊勁足料 皮都唔會太厚😽 雞翼就正正常常啦😺 春卷炸得啱啱好 又唔會好油 最鍾意係個蔗蝦 出邊未食過咁大粒嘅🙀🙀 同酒樓嗰啲炸蟹肉有得揮 蝦肉好彈牙😻 蔗都好juicy 一定要食啊😻越式燒牛柳沙律原來係用滾刀切嘅青瓜😼 而唔係絲狀嘅青瓜紅蘿蔔咁 幾特別都幾重本🙀 燒牛柳好香亦都唔會話過老 仲切咗少少辣椒係面 辣辣地幾得意😼本來覺得$52炒高麗菜幾貴🙀 但見到佢用蟹頭膏又好似幾吸引 幾好食咁喎😽 蟹頭膏都幾香 食落好惹味 令到高麗菜特別甜😻 食嘅時候一定要浸落底 吸多啲汁呀😼😽今晚冇食到粉面 因為想叫個咖喱魚塊煲配蒜蓉包😸 蒜蓉包上嘅時候造型好靚喎 係用個鴨仔藤籃裝住上 好cute😸 蒜蓉包好軟熟好香蒜味 正！魚柳係即炸㗎🙀 所以仲食得出個皮好脆 呢個餸真係煮得好有誠意😼 難怪我哋頭先要等一陣啦 等都抵

荃灣路德圍向來有很多小食店和大眾化的餐廳，以前住荃灣便經常到那邊尋找美食，現在搬到了另一區，卻很久沒有來這裡。路德圍在荃灣是人流密集的地方，店舖的租金當然也昂貴，所以那一帶的店舖常常因捱不住租金而搬遷或轉手，最近又一間新的越南餐廳進駐這裡，即管試試它的質素如何。套餐是餐廳常見的，畢竟相比散叫，套餐真的便宜得多，二人套餐也只是$198，每人$100左右。餐廳自己有推介的招牌菜，粉麵和小食的種類應有盡有，光是看照片已經覺得好吸引🤤看到了天花上一頂頂的帽子，令我想到了越南人很喜歡戴這種帽子，也許是因為當地天氣又熱又曬，所以當地人有這樣的習慣。另外又有一些簡單的裝飾，越南人喜歡踏的腳踏車，還有一些草作點綴。生牛肉湯河是半生熟，形態十分像吉野家的肥牛，肉質不太軟稔，倒是有點嚼勁，跟一般的生牛肉不一樣。湯河的數量十分多，配上越式濃湯，口感很豐富。很少在越南餐廳吃軟殼蟹，我甚至沒想到它竟然是越南菜，軟殼蟹被廚房切成四份，這樣看十分像鮑魚的形狀🤣不知是否放了一會兒的緣故，軟殼蟹變涼了，不太脆，但仍能保持原本的味道，充滿椒鹽味，也有很多蟹膏在裡面串燒是我每次到越南餐廳也必點的菜式，有蝦、豬和雞，我選擇了

今晚同老公撐枱腳，去左路德圍越味皇食越菜，因為我鍾意食佢地入面既厚扎肉蕃茄蟹膏湯底湯檬，而其餘菜式都好好味厚扎肉蕃茄蟹膏湯底湯檬，蟹膏湯底濃郁，湯底可以當湯飲，好好味～扎肉又厚切，必食之選蒜香牛油炸雞翼，雞翼外皮夠脆，熱辣辣即炸，雞肉好juicy,唔會炸到好乾炸蝦餅，蝦餅味道鮮美，上面有炸蒜及蔥油，咬落去唔係粉團，係成舊蝦膠，好味大蝦串燒及雞肉串燒，蝦新鮮而雞肉唔會燒得太乾，配埋花生醬調製既汁，絕配越式燒魚，上面有配上辣椒醉加檸檬汁，十分野味，另外配有調味酸汁，味道好襯青檸梳打，清涼解渴，仲有，我幾欣賞依度的服務員，個個都好有禮貌，令到客人食得開心，也是亮點之一

荃灣越南菜小店不多，這一間個人比較喜愛。價錢合理，菜色有驚喜。越味皇牛油蒜蓉雞翼每次黎都會叫的一個小食。香脆外皮，濃濃的牛油味，非常香口，雞翼size都好大隻。回味無窮。越式椒鹽炸軟殻蟹原隻軟殻蟹，份量十足，還有蟹膏，香濃可口。很多肉，非常足料。越味蕃茄蟹頭膏湯檬粉湯底足料，蕃茄味十足，還有淡淡的蟹膏味。特別喜歡裏的豬肉丸，入味爽口。咖哩牛腩配蒜蓉包想不到牛腩份量很多，入味軟腍，咖喱配蒜蓉包最夾。

lunch time 黎試，見門口好多明星相嘛。叫左個撈檬，檯上本身已經有汁可以落。味道唔係特別出眾，好普通。有味精，食完全日都勁口渴，勁口乾。而且最令我 o 咀係牛丸一開二，只有一粒咁大把。。。牛丸味道亦無驚喜。。。跟餐叫左熱薏米水，幾 surprise 竟然有，味道還好啦，勝在佢飲品種類夠曬多。本身同事已經講過一次唔好食，只係自己衰，唔試過都唔心息，事實證明左，同事講既野好岩，價格亦無話好平，係零吸引力。

好肚餓, 已經係宵夜時段, 但我仲未食夜晚好彩係荃灣, 仲有好多食店未關門想食少少濕口野, 就食湯粉啦叫咗個套餐, 除咗有款粉麵之外, 仲有小食同飲品. 生牛肉湯河係我最愛食既越南粉, 就叫呢個啦! 再加一個迷你越式鳳爪沙侓😁黎多個凍檸茶 , 哈哈~ 都唔係好多啫🙈生牛肉湯河一黎到個賣相可以接受, 因為有啲食店既生牛河係無紅色架.... 變咗熟牛河咁...試下個湯底牛骨味唔算濃, 但尚可!另外, 越式鳳爪沙侓個酸辣味都OK, 以跟餐小食黎計, 份量都叫做可以接受😊係夜晚10點幾呢個時間都仲有好多人幫襯, 應該都靠得住😄 不過味道未算突出!

中午到了隔近既睇下有咩好食，由於大多數都係茶餐廳，當見到一間越南菜就走入去試下，價錢同周圍既茶餐廳價錢一樣，叫左個越式豬排飯，豬排燒得好爽口。👍👍份量適中。係荃灣區食個 越式快餐好經濟實惠!

去年的越南之旅讓我重新認識越南菜，一洗過往那個越菜只有生牛肉湯河的想法。原來越式小食也五花八門，甚有特色！今日我和男朋友去了一間評價不錯的越南餐館食晚餐。餐廳在晚市會提供一人，二人和四人套餐，價錢非常相宜。但我們覺得套餐的菜式不太合適，決定散叫一些小菜。1. 越味皇頂級生牛肉湯河河粉的質感嫩滑彈牙；牛肉質素不錯，牛肉味頗濃。2. 越味皇雜錦拼盤拼盤的份量比想像中多，有雞翼，炸春捲，蔗蝦和粉包。看到這個讓我回想起在越南吃的小食拼盤，擺盤非常精美，價錢便宜！這裏的賣相雖比不上越南出品，但味道尚算正宗。我特別喜歡蔗蝦，蝦肉十分彈牙，中間的蔗條咬下去可嚐到濃濃的蔗汁！3. 越式串燒雙拼（牛，雞各3串）雞肉嫩滑，牛肉有點乾柴，蘸上沙爹醬後味道較佳。4. 越式牛油果沙冰我在好奇心的驅使下點了這杯牛油果沙冰，我一向不太喜歡牛油果的味道，但我覺得這杯冰沙ok，牛油果的味道濃但較易入口。想嚐嚐越菜的大家可以來試試！

#食左元朗//去學校的路很久沒走最近也換了新的工作所有的追求 是不是缺少了什麼想像著生活 風平浪靜打開了窗戶 突然想起你在的世界 會不會很靠近水星//其實好耐無見D先生 而且都好耐無寫食評再寫 可能只係為左豐富一下生命今次就揀左間越南菜試下！～點解揀呢間呢?係因為呢間越南菜好近路德圍，一出地鐵行一陣就到，附近都頸多好野食，間間食晒我諗都要一定時間。價錢：平均一道菜都唔超過＄50，月尾又唔想食得咁頹相信係幾好嘅選擇。環境：唔叫做好精緻，但位置尚算寬落，而且設計仲啲少少越南味道首先出埸嘅係豬頸肉朦粉（＄45）：價錢同其他越南小店差唔多價錢，但呢間嘅豬頸肉好大份，所以好抵食下，雙拼都只係要加＄5。而朦粉梗係要加魚露啦，凍冰冰好FRESH AH～蒜蓉牛油雞翼（＄45）：係超推介！勁香牛油味之外，仲有好正嘅蒜蓉味，雞翼又好大隻。好味～仲要係有肉汁架～牛油果軟殼蟹米紙卷（＄62）：米紙圈有米味，軟榖蟹即炸而且有膏，但再感多少少就完美，唔夠咸可以加下魚露既～。越式燒魚：魚應該係倉魚，由於係海魚所以無乜腥味。但好似得一隻魚揀，無得揀其他，但魚係有肉汁而且嫩滑既，但大條少少會更好。牛肉沙律（＄58）：呢

每月一次姊妹聚又到，行完街影完貼紙相，近近地係路德圍揾食，我地4個都勁愛燒野炸野，食越味皇就岩哂~龍眼冰 +$14坐低即刻叫杯龍眼冰潤一潤先，又濃又冰凍，好飲啊~越式炸蝦餅 $56大大份炸蝦餅，彈牙啖啖肉，食到粒粒蝦肉，味道夠鮮~越味皇牛油蒜蓉雞翼 $48外皮炸得金黃脆卜卜，肉嫩有汁，牛油蒜蓉香好夠味~越式燒魚 $88有驚喜~燒魚用上肥美既倉魚，魚肚釀入多種香料，腩位一d都唔鯹之餘仲好香，突別食到一陣似檸檬香既味道，魚皮燒得焦香乾身，魚肉嫩帶油脂香，我同姊妹n食得津津有味，另外兩位唔食魚既絕對走寶~咖哩牛腩煲配蒜蓉包 $78姊妹w嚷著要食蒜蓉包，就點左一份咖哩牛腩蒜蓉包比佢，咖哩香濃，牛腩夠腍，蒜蓉包香，脆„不錯~食飽飽再出去食埋3蚊豆腐花，今晚真係大滿足~

話說年前跟團去過越南，有團餐食，但竟然大部份都係食中餐，其中有幾餐越南餐都唔好食所以對越南餐冇咩印象，直到今日行去荃灣路德圍，附近有好多食肆，好多選擇，但只見到有間越南餐廳(越味皇),門口排晒長龍，咁緊係要同老婆大人試下，入到去好有越南氣氛，叫左幾樣主打，有牛油蒜蓉雞翼，雞肉串燒，炸軟殼蟹，番茄蟹頭膏湯豬頸肉金邊粉，燒魚，仲有杯牛油果沙冰。。叫左咁多都係300頭，仲要冇加一，服務仲不在話下，要俾101分。

好耐無黎荃灣，尋日約左荃灣友黎到佢推薦越式餐廳. 估唔到weekday 夜晚都全場爆滿，睇完dinner set menu 知點解，因為價錢好抵二人餐$198，每人都係一舊水，包左個salad，同串燒或者春卷，同炸雞翼或者豬扒 同米紙卷 同埋兩碗粉麵飯配加飲品其實有影menu, 不過openrice 成日把圖壓縮到勁模，唔知大家睇唔睇到，所以寫比大家FYR. 其他仲有一人set 同4人set，比起散叫抵好多. 所以黎到按番人頭肚量直接睇set menu 都得架啦🤣飲品強力推薦加$20 試佢地椰青，好清甜！而且大大個椰青水份量都唔少. 另外試左佢地既牛油果沙冰，口感好滑唔會好膩，牛油果味唔算好重，甜度都剛好，我覺得都okay，不過都係喜歡椰青多d串燒都唔錯，雞同牛肉串燒中雞肉肉質會比較滑. 蕃茄蟹粉反而無咩特別，蕃茄湯唔夠濃，亦無蟹膏蛋餅，檬粉有點碎. 所幸無咩味精，飲完蕃茄湯亦唔會好口渴，檬粉口感都ok，唔會太腍燒魚真係好好食，個人覺得必試. 魚燒得剛好，魚肉嫩而加上辣椒碎令佢有香辣味道，配上一邊特調甜酸sauce 真係好好食米紙卷其實餡料比較少，有舊中間無餡. 但菜包上米粉點上sau