越旺 (已結業)

前陣子返灣仔工作，做到夜麻麻，附近又無乜食市開檔，行下行下去到左蘭杜街，見PHO26 越.旺重未打烊，於是走左入去食宵夜。因為肚餓關係，嗱嗱臨叫左個香茅豬扒飯同個扎肉來食，亦有叫碟生菜食吓……健康飲食吖碼！香茅豬扒飯個飯同相片一樣，乾哽豉油撈飯……夜晚食呢個咁乾既飯真係唔多掂，一來飯太乾，二來個豉油無乜味。至於塊香茅豬扒，又整得唔錯，唔算太多油。扎肉方面，太多油了……一食落口就好似食了成口油咁，完完全全破壞晒扎肉既味道；反而配菜的芽菜真係無得頂，既爽口又彈牙。假如無左芽菜做陪襯伴碟，成碟扎肉就會扣分扣到接近零左右。也許……我唔係好識欣賞咁油既扎肉。其實，最後都無食到生牛河，一來飽過頭，二來係埋單後先見到果張教人食牛河既方法。有機會既，下次都會試用呢個方法來食生牛河。

係蘭杜街搵食，見到大叻同呢間都係食越南野，見呢間入面都唔少人食，就決定試一試。牆上有唔少報紙雜誌既報道，又標榜自己係正宗越南菜，但結果都幾失望。我地叫左蕃茄肥牛湯河、雞絲扎肉撈檬同蔗蝦，加兩杯野飲。首先杯菜蜜係正常味既，但杯少冰既三色冰係稀到好似一開二咁，基本上都無乜椰汁味，只係一杯白色既水。野食方面，個蕃茄肥牛湯河佢講到非常入味，牆上面都大大張poster講到好駐名咁樣。係另一間越南餐廳食過令人念念不忙既蕃茄湯河，於是想試一試呢道既有無意外驚喜。但黎到個湯底其實比較似牛肉湯，顏色都係偏啡多過偏紅，蕃茄味可以話完全欠奉，就連蕃茄蓉都唔覺有。如果你話係牛肉湯我重覺得好味少少，畢竟個湯真係幾清甜，但絕對唔係一個蕃茄湯應該有既味而肥牛厚身得黎都幾un，唔算高質。要成68蚊碗應該都無下次。另外雞絲扎肉撈檬味道相對正常，雞絲份量唔少，但扎肉得兩細塊通常我食撈檬都會勁落d撈檬汁，但唔知點解呢道既撈檬汁都係無乜味。就咁望樽野上面個層都好淡色，就算搖一搖都唔見得有味，又倒唔到汁入面d渣出黎，最後食左一碗非常淡口既撈檬。念在佢唔洗40蚊我就算啦唯一可取都算係蔗蝦，大隻得黎都食得出有蝦味，但價錢有番咁上下

今晚同Mr C 有約，所以諗住黎呢間越南粉食個快飯。之前係灣仔附近返工，成日都係呢條街搵食。最掛住就係呢間嘅蕃茄湯牛肉粉。今晚入到去都見到好多人差唔多滿座。但今晚人手就好似唔夠。我同Mr C 都叫咗每人一碗蕃茄湯牛肉粉（$52+$4轉番茄湯底），另外加一碟菜（加$15）同埋一個蒸粉卷（加$15）。等咗大概都15分鐘。心裡有點急，本身諗住快食先嚟架嘛。。。菜黎咗先，但係嗰菜認真好求其。然後嗰蒸粉卷。加$15有兩舊，OK啦，冇乜特別。嗰麵最後終於黎啦。好肚餓（餓到唔記得影相）。嗰湯底同之前一樣，夠濃味，夠鮮甜。唔使特別再落啲咩醬。牛肉嗰份量都夠。需然唔係啲咩雪花肥牛，但都OK！唯一今次覺得啊姐們冇乜心，可能太忙啦！

由於工作關係要到金鐘, 如果想在附近找到又平又地道的食店, 「灣仔蘭杜街2號」這條小巷幫到你。走入這家越南餐廳, 看一看下午茶餐牌, 就決定要吃一碗正宗的越南牛肉河。等待期間, 看到食店牆身有塊牌, 寫著「地道越南牛河最住食法」, 一於等我試試。生牛肉湯河粉 $38 賣相與其他生牛肉湯河無異, 牛肉片有四塊。最佳食法步驟一: 先喝一啖牛河湯。味道清甜, 有絲絲牛肉味, 而且飲到香葉味。最佳食法步驟二: 加青檸入湯再喝湯底。原來餐廳是不會主動提供青檸及辣椒, 還有甜辣醬的, 提提各位記得向店員要求。加了青檸辣椒的湯底變得酸酸辣辣, 好開胃。最佳食法步驟三: 以牛肉點上甜、辣醬再吃。從來未試過以牛肉蘸著甜辣醬來吃, 雖然味道濃烈, 十分醒神, 但亦略嫌太過搶味。吃生牛肉湯河粉的人應該多數是希望吃得比較清淡健康的, 所以我還是喜歡吃到牛肉原味, 而不是醬料味。牛肉粉嫩, 軟綿, 入口無渣, 河粉滑溜, 湯清甜。如果食店的冷氣可以開得涼快點, 會更好。

係金鐘放工後，就沿住電車路行落灣仔，路經蘭杜街！入去睇睇有咩食！有幾間越南餐廳，隨機下去左呢間叫左個1號套餐，咖喱生牛肉湯河！味道香濃惹味！有幾舊咖喱薯仔在內！非常入味而生牛肉來到時仲係半生熟！用咖喱湯底既熱力將生牛肉整熟！所以牛肉非常樕滑！一d都唔老之後配左個小食要左個蝦餅！蝦餅香脆！內層蝦肉彈牙有咬口值得一讚環境尚可，不是華麗裝修！員工態度亦馬馬虎虎！還有改善地方呢！！

午餐時段, 出來灣仔吃飯是難難難, 四處都是排隊之際, 竟然找到一間餐廳沒.有.人.排.!抱著本死無大害的精神, 我們走了進去試一試...就是在普通PHO的上面加了一些咖哩汁, 成了咖喱生牛肉湯河, 咖哩汁很多, 辣味不持久, 只是一陣子就消失了, 生牛肉好好地放在上面, 半生半熟的, 要吃生吃熟任君選擇老實說, 湯底加了咖哩有點不倫不類, 河粉普普通通, 還算幾嫰滑, 牛肉有些驚喜, 有牛肉香不過不算豐富, 最重要的是莞茜, 生洋蔥等配菜不足, 令湯底味道不足味道不差, 但以份量來說值得$55嗎? 別開玩笑了

今晚又要趕住去做野，所以都係求期自己去食個晚餐算！之前記得係灣仔食過一間越南餐廳幾好味，不過唔記得咗係邊間！咁就去蘭杜街碰碰運氣啦，因為呢度都有幾間越南餐廳！不過睇嚟我今晚嘅運氣都唔係幾好！因為趕時間所以都冇時間去睇MENU，只係望咗個SET MENU幾眼，就決定叫最基本嘅香茅豬扒撈檬、咸檸梳打。首先講下嗰賣相，見到塊豬扒已經覺得唔多對路！油淋淋咁，仲要一推野咁放係個檬粉上面。咁都算啦！點知食落去就更加.......香茅豬扒竟然冇香茅味亦都冇蒜頭、乾蔥味，換言之係冇味！而食越南凍檬最重要嘅緊係嗰越南酸辣汁啦！一般嘅酸辣汁應該係酸酸甜甜，而辣度會因每間餐做法唔同而有所不同。但呢度嘅酸辣汁就得個酸，咁就咩都冇啦！所以成個檬粉都係得個酸！連最基本嘅醬汁都做得咁差，真係唔似一間越南餐廳囉！至於杯咸檸梳打就正常嘅！

今日突然間想食河粉, 於是去了食越南河.  平常午飯時候都會大排長龍, 好彩今天早來立即有位.  叫了碗生牛肉湯河, 喜歡那牛肉浸入熱呼呼的湯中, 慢慢由生變熟, 食起來又嫩.  湯底清甜有牛肉香氣.  河粉就略為粗糙不太嫩滑.  配菜的芽菜, 洋葱之類又太少了.    連辣椒粒和青檸要問才有, 又大大隻字是為環保作理由, 有點小家.

與同事們行去灣仔的午餐, 五個人竟然都咁快搵到位, 好野!!! 呢間未食過, 看一看餐牌, 還不錯!! 生牛肉湯河($52)~~朋友的, 牛肉很嫩, 放在湯浸一浸, 半生熟能吃出嫩的感覺!! 加埋清湯一起就是越式的味道!!咖喱生牛肉湯河($55)~~咖喱汁很濃很香, 一上桌好像淹沫了整個碗, 哈哈!! 本來清清的湯就變成一個咖喱汁湯, 牛肉一樣嫩口啊~~香茅豬扒湯河($42)~~因為唔想飲野唔想叫餐, 估不到散叫其實都平幾多幾抵!! 個湯好清, 唔係好油, 河粉好薄好滑, 豬扒又香脆, 外脆肉軟,  都幾多汁, 不錯!! 得閒出下灣仔食都幾好, 又好味又抵, 好過金鐘又多人又貴......

下午請了假, 離開公司時還未吃午飯, 遂找個下午茶吃。見到此越式小店, 整潔企理, 即入內吃也。小人的下午茶餐選擇是生牛肉湯檬+涷檸茶, 另加一客春卷, 共計$79。生牛肉湯檬賣相不俗, 湯檬上放了一些金不換及洋蔥絲, 增添香氣。湯底應該是牛湯吧, 較為淡口, 須要加點魚露。牛肉片灼得剛好, 但只有兩三片, 相比整碗的檬粉來說份量實在太少。檬粉很滑溜, 不會過腍。春卷並非以一般的春卷皮製作, 而是用上了米網紙來包裹, 十分之脆, 加入辣椒粒及生菜同吃, 令食味為之一振!

是日筆者生日, 作為越南控的筆者選擇了pho 作為生日午餐. 平日十二時半到達, 場內並未full house, 可立即入座, 真好.店內環境一般, 一貫小店格局, 幸好尚算乾淨. 點選了生牛肉坑腩湯河粉(HK$43).十分鐘後侍應送上河粉. 先試一口湯, 湯的質感很薄, 牛肉味非常濃郁, 金不換的味道又帶清香, 跟筆者在越南吃的差不多了, 美中不足的是湯底帶點油, 否則則完美了.之後再試河粉, 用上幼河, 對辦, 雖然質感不算很細滑, 但配上這個湯底也可以的.生牛肉和牛坑腩則比較韌了一點, 有進步空間.

久不久約太座吃下午茶以調劑煩厭的工作瑣事。不知想吃甚麼，漫無目的閑逛，入了這間越南小店。太座點了雞絲扎肉湯河及檸檬茶，而我點了香茅豬扒包，加 $12 轉越南滴漏咖啡。太座的雞絲扎肉河，扎肉頗結實、爽口，雞絲則很幼、很乾，河粉幼細，幾滑，最欣賞是金不換，其獨特香味是整碗河粉的靈魂。我的香茅豬扒包約五分鐘後才做好送來，包是暖暖的，中間有塊菜葉，一塊豬扒，有些太甜的沙律醬，豬扒煎得幾香，但不覺有香茅味，個豬扒包，OK 的！ 越南滴漏咖啡，以前曾聽人說很好喝，所以即使要加＄12也要試試，玻璃杯預先盛了些煉奶，杯口頂著一個越南咖啡專用的隔，用來放咖啡粉，上面加滾水，咖啡便滴入杯內，咖啡與煉奶混和，香味是不錯的，只是太甜，加多了熱水才合我口味。

好晏至出到嚟揾嘢食, 上次經過呢條街見唔少未食過嘅想揀一間試吓.... 本想去蝦麵店的不過見呢間招牌話乜嘢 "家傳河內...." 懶係"得"咁又試吓佢啦.其實自己一向超中意食越南嘢不過香港嗰 d 實在差得太離譜所以除咗一兩間食過 ok 以外冇人推介基本係唔會試架嘞. 可能因為好耐冇食所以今次(錯)踩咗入去.原來已經下午茶餐時間, 揀咗佢個"火車頭河", 係最貴嗰樣 - 下午茶都要 $42! 餐飲問佢有乜咖啡佢話有越式滴滴咖啡叫我試吓喎, ok 叫咗.碗嘢只係普通大 d 碗(唔係火車頭 size), ok 算啦下午茶預咗佢細 d. 個湯係 ok 嘅但係嗰 d 咁多香葉已經揼哂落去同埋 d 料係少到兩啖已經食哂剩返成碗河粉同埋調好嘅甜辣醬唔知要嚟點乜!? 杯滴滴咖啡淡到連水皮茶餐廳嘅都不如, 連甜奶都唔夠....出去埋單至知原來呢杯咁嘅咖啡水係要加 $12! 咁係咪要講聲先!? 問完佢重好似好唔份氣咁 , 其實我都冇乜點講你要收幾多咪幾多囉....不過呢間嘢係肯定唔會返嚟架嘞. 其實佢 d 味道唔算好差, 但一味偷工減料, 係典型貪心兼冇 heart 嘅食檔. 竟然重開到週圍都係分店! 咁

是晚同朋友聽完講座唔知食咩好之後行行下就決定食呢間以前在九龍灣讀書時好鐘意食淘大果間的越旺個豬頸肉撈檬真係好好味~~二人餐幾抵食, 決定食呢個我同朋友都係揀豬扒撈檬都係正正常常喇餐冇得揀豬頸肉....小食都幾好味多數呢類non-茶餐廳的奶茶都唔會好飲得去邊所以奶茶癡如我去到呢d地方都只會叫檸茶/朱古力之類gei野哈哈 我最後係叫左檸茶又係正正常常喇唔係特別好味唔係特別難食咁同埋唔知係咪因為都幾夜 (野食來到都成9點)呀姐佢地有d趕收工的mode所以我地咋咋臨食完就走lu

中午行經此處, 以前曾試過此店的生牛河, 印象是可以接受.叫了一碗生牛河, 三十多元, 湯不是很熱 (生牛河欠缺滾熱的湯, 扣分), 牛肉反倒可以, 沒帶肥肉, 一片片的, 唔錯, 嚐湯, 有牛腩的香味但沒有牛骨湯濃濃的味道, 一般而已, 尚幸河粉嫩滑, 整體不過不失, 但欠缺令我轉登去吃的吸引力.一試無妨, 但不推介.