越發地道河內料理

營業中

休息中

2：30到,重有十幾個人係我前面,結果一排就等左30分鐘.入面位其實唔多.我目標明確,叫左一碗招牌牛柳粉.大約10分鐘就到.一來到,好大碗,湯好夠熱.河粉同出面好唔同,佢好薄.好掛身.粉既份量特別多牛柳半好嫩滑,有簡單調味.湯頭好清但好夠味,感覺冇咩味精,最少飲完唔口喝.另外,男店員親切,服務態度好好同客人有傾有講.亦有唔少回頭客.如果中午想來食,最好唔好遲過2:40分.雖然4點落場,但會大約呢個時候截龍.雖然差唔多 100蚊,但份量都多,質素都高,我都會返嚟食

熊度極差！聽聞評語不錯.一早去排隊等.响街度等了一小時.最後問 下还有多少張枱. 樓面大叫吾夠時間等就吾好去食！超冇禮貌, 几好食都假. 服務態度咁衰. 以為有人排隊就巴敝 , 今時今日已經过時,以為吾食你吾飽咩！ 本來一心來撑你場.咁態度, 驕兵必敗！！

睇完米紙介紹流哂口水，即刻黎試下呢間正宗越南粉🤭 食材由越南運過黎，未開鋪都開始排隊～食左越南牛柳粉，有埋油條浸湯食，個湯好正，冇平時果d牛肉粉咁咸，河粉係越南運過黎，所以幼身d更掛汁👍🏻👍🏻奧巴馬粉即係豬肉粉，我覺得係越式沾麵😂 個湯酸酸地，似春卷個汁，開胃既～春卷超正，又熱又脆，用菜同薄荷包住勁好食，開心😌

呢間越南餐廳雖然舖仔細細唔係好起眼，但一到食飯時間就會排長龍。幾經辛苦我都終於排到入去食飯，我叫咗個生牛肉湯河同埋蒜蓉牛油雞翼。個牛肉湯河一嚟到令我最驚訝嘅係真係好大碗，啲牛肉真係好嫩滑，個湯底夾埋辣椒係好刺激好夾味。而蒜茸牛油雞翼，一望個樣就知揸得好酥脆，咬落颯颯聲，但又唔會乾，裏面仲有好多肉汁流緊出嚟。蒜蓉同埋牛油嘅比例剛剛好唔會太流，雖然食完真係好有罪惡咁，但間唔中放肆一次半次係可以嘅🤫🤫

🥢旺角實測排隊45 分鐘人氣店越南牛肉牛丸河🥢成日經過旺角都見到一間長期有條人龍的越南小店，見到網上評價都唔錯，大家好似講到真係認真好食咁，終於的起心肝去排隊等位試吓係咪咁正🥢小店位置不多，但等待時間尚算ok,等了大約45分鐘就安排入座，排隊等待期間店員派發餐牌睇定食咩，加快排隊流程，排隊店員好風趣，睇完之後就收返個餐牌俾下一位睇唔使拎住，但當日好多種類已經賣完，只好試最原始嘅牛柳粉🥢河内牛柳粉$82🥢河内牛柳牛丸 $98牛丸牛柳粉會跟一碟油炸鬼及青檸辣椒，油炸鬼食落唔脆的，應該係浸湯吸湯汁咁食，湯底好香牛骨風味幾清甜，飲完唔會覺得口渴，加入青檸辣椒入去層加口味層次感🥢上檯時牛柳仍然係生紅紅的，可用湯底浸熟，雖然係切到碎濕濕，但味道幾軟滑，但係牛味唔強，反而牛丸幾爽彈夠濃味，牛柳牛丸河多了只多了牛丸貴 $16 ,就咁睇以為有4 粒牛丸咁抵，但原來只係錯覺，牛丸事先cut 一半作擺盤，雖然只係兩粒牛丸切一半，令成件事睇落靚啲，但個人好唔鐘意咁樣食半粒牛丸，口感同全粒丸食落好有差別，🥢越南柑桔冰茶$29幾清爽的冰茶，甜度不高，茶味飲落幾清新，唔係好濃的感覺🥢河粉用上越南進口的湯河，幾軟滑帶

去開油麻地，諗住近近地去食下剛好仲有半個鐘先開晚市，就喺門口等6:15開門小店16個位已經坐滿因為有小朋友，先生好細心地叫咗一個越式蛋角扎肉飯俾小朋友啱食，估唔到係出色之作未見過越式蛋角，點知好香口而且一啲都唔老扎肉正常發揮，不過小店將佢煎到好香好好食👍另外叫咗牛腩柳條牛丸河粉牛柳好嫩口，河粉亦都有別其他越南河粉，比較挺身，我相信呢個先至係正宗越南河粉嘅質感哈哈，係好食嘅！另外叫咗春卷，佢有生菜我哋包住熱辣辣牛油蒜蓉雞翼$79有五隻，有啲貴，不過亦都好香蒜蓉味總括來講，正宗好吃的越南小店

好開心又有得食🤣宜家晚市延長返 六點左右去左等位都未開門呢～幸運地前面只有一兩位等緊上次食左麵今次試下個蛋角飯🥲🥲點解可以咁好食第一次食 佢哋教話要先整碎個蛋撈落飯食未試過食咁樣成塊要切的札肉幾有味道因為札肉會較重味 逐啲切好 再點汁撈個飯食👍🏻覺得加埋個魚露係更加正！個飯真係好得 同男朋友share住咁食老闆都忍唔住話通常見人一人一份好少見我哋咁兩個擺係中間一齊食😂熱辣辣春卷個皮超脆用生菜包左都係咬落冒煙個餡好足料 脆度滿分蕃茄蟹檬～呢個相對其他主食係無乜餸不過見係周末先有都想試下叫多左個雞翼食叼個檬精華係個湯底！蟹味濃郁 啲豆卜吸收晒啲湯汁都好正幾中意食越發的檬粉 同出面食到的感覺不同食到後面真係有啲飽都無飲晒個湯越發真係香港暫時食過最正嘅越式餐廳又唔會好似外面食嚟食去都係火車頭無乜特別款式每樣菜都唔會令人失望🥹不過想唔使排咁耐就要早食啦！

💛招牌牛柳牛丸河💛油麻地人氣越南牛肉河，湯底唔算好濃，但肉味好出，配埋跟湯九層塔同葱真係好好飲，佢哋仲有跟幾片油炸鬼，可以浸湯食，又係好好食，喜歡可以加少少青檸汁同辣椒一齊飲仲惹味，河粉比坊間一般好食好多，越南直接返貨，爽滑有咬口唔會浸耐左就淋晒，牛肉選用較好嘅牛柳部分，經師傅處理後完全無根位，肉質嫩滑有咬口，肉味濃郁，自家制牛丸，爽口彈牙有肉味，溫馨提示：小店每日大約4點半左右落場，夜晚6點3開門。

越發已經收藏佐好耐想食，只係要排隊唔想排就一直未有黎試，之前經旺角打佐2次都冇位，今次醒起就再試下打電話問，可能又係閑日，話有位，即刻就行過去。入到鋪真仰好細，得幾張枱，牆上掛住幅畫好靚。老闆（應該係），態度幾好。叫佐個牛柳粉同蒸粉卷。牛柳粉上枱先知咁多蔥😂，我係唔食蔥，整佐好耐先清曬啲蔥。我仲意飲啖湯再攪勻啲牛，平時係牛肉另上，不過老闆話唔好。個湯好清甜又有牛骨味，忍唔住忍多两啖。平時我都仲意加魚露，今次冇加到，因為個湯太好味了😋，當然飲曬成碗湯。蒸粉卷皮薄又滑，熱辣辣好好味。

晚市18:00開始營業，因為知道店面不大，擔心晚了要等位，便預早了點17:50已站在門口，想不到也有其他人跟我們一樣提早等候呢~甫進入店內，牛肉湯的味道已撲鼻而來，店主非常親切有禮，兩位選擇困難的人士掙扎過後，決定各自點一碗河內牛柳粉，及一客鮮蝦米紙卷。上桌時牛肉是半生熟的，面頭有大量青蔥粒﹑芫茜及像香葉的香料，相信對於日常走青的人會很痛苦，但對於愛蔥的我來說就是天堂!!😍配料附上油炸鬼﹑辣椒及青檸，建議先喝原料的牛骨湯，配搭著香料的味道非常清新🤩但又不會過淡，令人上癮的味道! 配料則建議可吃到一半味蕾開始疲累時，便可陸續加入辣椒及青檸刺激一下味覺，調味後令湯底口味更豐富呢!河粉口感比起港式粉麵的河粉不同，是有咬口的河粉，有點像我兒時最愛吃的福字牌貴刁即食麵都口感，那種絕版的口感竟然這裡吃到🤤牛肉亦不是隨便放下去的肥牛，而是瘦的牛肉，咀嚼起來有牛味。整碗牛柳河也沒有要挑剔的地方呢🥹

今次嚟到旺角都幾出名嘅越發，可能早排疫情嘅關係，等咗十幾分鐘就有得入去😆小店鋪面唔大，大概都係得十零個座位🙈牛丸牛柳河粉 $96食越南菜梗係要食返個pho，呢度嘅pho比較特別🍲係用上半生熟嘅牛柳絲，再靠個湯嘅熱力去整熟佢，咁就可以令牛柳絲保持嫩滑，唔怕煮得過熟👍🏻而牛丸就係兩粒切開一半，食得出係有質素嘅牛丸，咬開有肉汁，而且牛味香濃，河粉質地爽滑，湯底都有牛骨香味🐮另外亦都可以加啲青檸汁入去令湯底更加清新，仲有蔥絲、蔥粒同埋香葉碎🌿令碗粉更加有層次。比較特別嘅係佢仲有附上油條，可以索埋啲湯一齊食🤓奧巴馬粉 $80第一次喺香港見到呢個奧巴馬粉，梗係要嗌嚟試吓🧐原來即係碳燒豬肉伴檬粉。佢嘅賣相亦都非常特別，啲檬粉已經分開左一著著，以一個筲箕裝住🧺仲有一啲香葉可以自己摵落去個湯入面。佢嘅食法有啲似沾面咁，將啲檬粉浸入去個湯度食，湯汁味道酸甜，都幾開胃😋就咁飲就會覺得甜咗少少，入邊仲有一塊塊嘅烤豬肉同埋肉丸，烤豬肉以香茅同黑椒調味，帶有炭燒香味，而豬肉丸係自家製，都幾特別🐷

為左能夠令小編重拾返當年飛往越南的感覺，小編穿梭於旺角的鬧市當中，尋找出隱世正宗越南味的小店！終於搵到呢間位於旺角砵蘭街的…🍽越發地道河內料理🇻🇳越南野係香港真係食唔少，但講到正宗越南風味既非呢間莫屬😋每次無論下午/夜晚經過都一定大排長龍，未食都知道佢既味道有保證啦👍🏻如果唔係又點會吸引到咁多客人慕名而來朝聖呢 ! ？而且聽講餐廳的材料大多都由越南河內黎既，感覺好地道阿🤭🐖碳燒豬肉伴越南檬粉-奧巴馬粉 ($80)店員貼心講解食法：首先可以將香葉、薄荷葉撕碎放入湯中，之後再將一小團檬粉蘸上旁邊嘅湯汁進食，食法就好似日本沾麵一樣咁。當然廚師一早將檬粉分成一團團，方便客人食用，小編覺得好貼心🥰材料方面十分豐富，有勁多炭燒豬肉及炭燒豬肉丸，炭燒味香之餘，肉丸焦香而且juicy，配埋湯汁酸酸甜甜，非常開胃，推介試下！💡小知識：點解叫奧巴馬粉?因為2016年奧巴馬拜訪越南嘅時候和已故的著名旅遊美食家安東尼·波登Anthony Bourdain在河內碰面時，安東尼·波登安排他去吃的便是bún chả。而bún chả基本上是乾的河粉，吃的時候加上烤豬肉，其它生菜，和魚露醬汁，混在一起食。烤豬肉入面除

一餐飯往往係一個好好嘅方式，俾我搵好似好耐冇見嘅人出嚟見吓面、傾吓偈。好耐冇食過越南嘢，有啲掛住，咁我就提議咗呢度。•河內牛柳粉🐂同一般嘅生牛肉湯河唔同，佢係用牛柳，而唔係牛肉片。口感已經好唔同。啲肉有厚度之餘，微生嘅鮮嫩肉質，再加埋越式嘅牛肉清湯，真心唔錯～•炭燒豬肉伴越南檬粉(奧巴馬粉）🐖就唔關前美國總統事嘅～🤣🇺🇸其實佢就類似日本嘅沾麵🇯🇵，明嘅話就知道食法嘞！好想讚下佢嘅炭燒豬肉～ 雖然佢放咗落湯浸，但炭燒嘅惹味依然喺度，仲要減少咗啲熱氣。加上越式地道甜大於酸嘅湯底，係有我去咗越南嘅感覺。用埋自己手滅薄荷葉放湯食，效果又幾唔錯～😎😎•鮮蝦米紙卷🦐想知一間越式餐館掂唔掂，叫呢樣就知。返璞歸真，呢度菜最緊要係蝦夠新鮮彈牙，菜夠新鮮爽口咁，就已經好好。不過我覺得加分嘅係⋯佢個汁，因為我食得出係廚師自己調出嚟，而唔係現成。落咗少少類似金不換同薄荷葉加檸檬嘅甜酸魚露，再加啲自己切嘅細細塊野菜，係你平時去越南旅行食飯先會見到嘅小心思～～🙊·食完覺得好滿足，好耐冇試過咁樣，環境仲好越南，希望遲吓可以返越南食⋯🇻🇳

大家都應該知道舖頭地方唔大，座位有限剛好同母親大人坐埋最後嗰兩個位之後嘅食客就要排隊隊啦越南凍啡少冰好味啱我口味，我應該要叫少甜想講佢個水都好有誠意，你唔好以為係普通水我飲都係有少少椰味嘅水本身唔係好食牛但係知道佢用牛柳片嚟當牛肉我覺得好有誠意出邊一般嘅牛粉多數都係就咁放片生牛肉落去但係佢嘅牛柳片好淋，係有少少調味唔會太鹹我覺得好好味呀！牛丸雖然係開半扮一粒但係我都夠飽，男士都絕對夠食啲粉食極都仲有，個湯好味唔口渴絕對絕對會encore個油炸鬼就食唔食都吧啦我又試係咁😞差唔多食完先記得影個春卷都好好味皮薄餡料多最期待嘅畫面出現啦⋯⋯牛油雞翼佢唔係一般食到嘅牛油雞翼，好重牛油香面頭脆卜卜，而佢牛油味係有但唔算濃，係用蜜糖封返個面，面頭再加啲乾蒜我就鍾意食嘅不過同我預期嘅牛油雞翼有落差都係鍾意食返平時出面嗰啲嘅越南牛油雞翼多啲

越發地道河內料理（油麻地）呢間絕對係我最最最最最鍾意食嘅越南粉店面唔大座位唔多所以去親通常都要排半個鐘左右先至食到最鍾意食佢個招牌牛柳牛丸粉湯底超香濃河粉比較薄身而且超滑又唔易斷用咗牛柳代替坊間常用嘅薄肥牛肉片咬落好重牛味同更有口感而牛丸係超多汁超彈牙絕對值得排隊去食佢仲會附上少少油炸鬼俾你點湯嚟食不過油炸鬼就唔係好脆嘅而係好淋身嘅所以我就唔係咁鍾意食呢個油炸鬼除此之外佢嘅牛油雞翼同春卷都係即叫即做熱辣辣脆卜卜都係超惹味超好食架😋