越發地道河內料理

營業中

休息中

聽講啲間食越南野好出名，經常要排長龍，所以放假專誠黎試吓。間店開12點，當日周末我哋12點就已經到，點知原來已經有好多人早過我哋等佢開門，我哋12點到都等左超過半個鐘先入得。人氣洗唔洗爆成咁….間店真係好細間，小店冇乜裝修，而且枱與枱之間都好密，唔算坐得好舒服。我哋叫左兩個粉加1杯凍啡，唔洗等好耐就有了。河内牛柳粉 Pho Bo $83👍🏻👍🏻👍🏻👍🏻👍🏻等左咁耐當然有啲期待，結果符合預期。外貌雖然平平無奇，但個湯好清甜同濃厚嘅牛肉味，而佢嘅牛柳係非常之有牛肉味，亦好嫩滑。河粉亦都好滑又有少少彈牙。另外佢亦會配上幾舊油條，浸落個湯度吸收埋啲湯真係冇得嘆。炭燒豬肉伴越南檬粉 Bun Cha Hanoi $83 👍🏻👍🏻👍🏻👍🏻啲個係幾有趣，佢係用沾麵嘅方法去食。啲檬粉已經好細心地切到一少舊。湯入面有豬肉同牛丸，而個湯底係帶甜味嘅魚露湯底，酸酸甜甜幾開胃。越發招牌冰咖啡 Ca Phe Pho Viet $40 👍🏻👍🏻👍🏻👍🏻👍🏻杯咖啡雖然唔平，但的確係好好飲，有好香濃嘅咖啡味，而且非常濃郁。咁啱個老闆話啲法包賣晒，試唔到佢嘅越南法式三文治，下次再黎試過，不過今次應該要11:45分就到了

招牌牛柳牛丸粉碳燒豬肉伴越南檬粉燒肉丸米紙卷越南柑桔冰茶平時見佢排晒隊，今次見閒日放假一於嚟試試佢地嘅出品。招牌牛柳牛丸粉雖然睇落同坊間嘅越南生牛肉粉差唔多，不過佢地嘅牛肉味真喺比較濃。個碳燒豬肉伴越南檬粉真心有驚喜，好似日式沾麵咁食法，味道又非常之好味，d粉又彈牙又有米香（聲稱d喺越南運港，應該喺真，因為一直未食到香港有呢隻口感嘅麵），😂仲要上咗一堂歷史堂，原來叫Obama粉。燒肉丸米紙卷就比較普普通通，因為同前面碳燒豬肉好相似，而前面個粉又真喺太出色，所以比較之下顯得普通d。食物出品有驚喜，但價錢稍貴咗。

排咗三次隊，終於入到去！每次行過都見門口排長龍，所以試吓排下，睇吓係咪真係咁好。頭兩次排咗15分鐘，條龍都唔郁，而前面起碼有5/6枱，所以放棄..第三次排隊，前面只得兩枱，心想：「飛雲，今次機會嚟啦！」拿拿臨排隊，不過，最後都排咗36分鐘先可以入座！🙈好彩，食物質素同味道都真係唔錯，不枉我浪費了生命中36分鐘！🤣-湯粉個湯底好重肉味！👍🏻-撈檬居然有菠蘿絲，好開胃！🥰-春卷熱辣辣，皮薄且脆！😋-連免費的水，味道都好特別，淡淡清香，原來加入班蘭葉，忍唔住飲多幾杯水！😝希望下次唔使排咁耐隊！I will be back! 😍

越發正宗河內料理係經常大排長龍嘅良心小店、除咗佢哋製作認真、所有越式食品都有獨特嘅風味之外、老闆服務態度同埋親切嘅笑容都係令到顧客再次幫襯嘅原因之一😎小弟今次點左個河內牛柳牛丸粉跟青檸梳打😋湯底夠熱而且好夠香濃牛味、但不會過咸😋河粉好滑、不會斷開、更不會1919👍牛柳同牛丸都好夠牛味👍牛柳嘅生熟程度好適中，而且好新鮮👍青檸梳打嘅青檸好新鮮👍成杯嘢好夠凍🧊唔會過甜，亦唔會過酸☺️好爽好爽🥳雖然地方淺窄、但有食物質素及態度搭救、一定會再encore👍唔怪得知此少點長期大排長龍💪💪

晚上七點幾到 大約排半個鐘先入到安排入座嘅職員應該係老闆？幾勤快同友善招牌牛柳牛丸粉 $99第二次食牛湯好飲 接近飲晒嘅程度牛丸都係非常好味但好似無淨牛丸粉碳燒豬肉越式檬粉 $83即係奧巴馬粉職員話好似沾麵咁食個湯汁就酸酸地咁有啲似春卷嗰隻汁不過再稀啲麵質似碎咗嘅米粉一浸落去都散散地夾返上嚟得六 七成 個體驗麻麻豬肉都係燒得麻麻地好味普通啦下次食返牛會好啲牛油雞翼$78 五隻唔係食開炸到成隻金黃嘅整法上面有炸蒜

🥢一向都好鍾意食😋越南生牛河，不過響香港好難搵返越南食過嘅味道，今日朋友帶我去咗油麻地呢間人氣長龍🐉餐廳。主打北越河內菜。🕛中午12:00開始營業，我哋12:07趕到去，好彩可以攞到最後一張檯唔駛排隊等位✌🏻🪑餐廳係小店，坐位不多，乾淨企理又冷氣充足，坐得舒服。🥢主食🐂河內牛柳粉(HK$83)好鍾意佢成個碗都充滿切細咗嘅香葉，湯頭熱度非常足夠，迅速影完相，第一件事係品嚐湯底嘅味道，牛味濃郁唔會過咸，加咗付上嘅青檸汁同辣椒之後更惹味，牛柳絲浸過熱湯熟度剛好鮮嫩可口，河粉係專程由越南河內運來香港，滑溜之餘又有少少彈牙，加上油條係河內正宗食法，吸收咗湯汁令成個河粉更加香口。🐖碳燒豬肉伴越南檬粉(HK$83)上菜時老闆細心介紹食法係類似日本嘅沾麵，而且檬粉已經細心分成一口份量，豬肉、肉丸係即叫即燒，將香葉搣細放入混合咗肉汁帶甜味嘅魚露湯底，酸酸甜甜好開胃，每一口都充滿滋味🤤另外仲叫咗兩個前菜，不過主食上咗先🤣🦐鮮蝦米紙卷(HK$63)材料新鮮，正常水準🥗🐔河內芽車快(HK$70)非常爽口，酸甜開胃充滿芝麻香，份量頗多幾抵食😆

呢間油麻地越南菜聽講日日都排長龍，難得平日放假所以喺開門前十五分鐘嚟排隊，十二點一開舖就有得入座。餐牌上選擇唔算多，主食加埋小食只有13款。因為唔太肚餓，所以只係叫兩碗粉都夠，下次再嚟試埋啲小食。第一次嚟當然要食招牌牛柳粉，招牌牛柳牛丸河表面放滿香草同青蔥，比想像中大碗，而且出晒煙熱辣辣。配菜除咗平時食pho一定有嘅青檸同辣椒粒，仲有油炸鬼，好特別！牛骨湯底清澈透明一啲都唔油膩，味道甘醇，明顯走清淡路線。河粉爽滑吸收晒湯底同香草香味牛柳肉質鮮嫩肉味濃郁，牛丸咬開有肉汁油炸鬼吸湯力強，一浸落湯就吸晒牛骨湯嘅鮮甜味。越發另一個招牌菜就係有奧巴馬撈檬之稱嘅碳燒豬肉伴檬粉。檬粉同湯係分開上，食法同日本沾麵類似，將一口檬粉放入湯汁，然後一啖食晒。第一次食呢種檬粉感覺有趣。將九層塔、薄荷同芫茜撕碎放入湯汁，香草香氣同酸甜湯汁非常配搭湯汁味道酸酸甜甜非常開胃，碳燒豬肉碳燒味濃郁，仲有一件豬肉丸，同樣都係碳燒味濃，好好味熱情果梳打用上越南直送嘅熱情果，味道酸甜好清新唔會太甜，好啱夏天飲整體嚟講食物質素高，食咗兩款粉都好滿意。食得出小店用料新鮮而且對出品有要求，難怪一直都咁高人氣經常要等位。下次一定會再

💚𝐑𝐚𝐭𝐢𝐧𝐠: 𝟖/𝟏𝟎•招牌牛柳牛丸湯粉湯底好清亦好重牛香味👍🏻😆牛柳非常嫩 完全唔柴🥩牛丸有牛筋入口爆汁 但係剩係得兩粒(🥲)•香露牛柳撈檬夏天咁熱食撈夢真係好正 牛柳好香炭燒味🔥撈檬個汁有啲酸蘿蔔令到成個口感好好🤤•鮮蝦米紙卷好好食！！٩(ˊᗜˋ)وins: @anjibelly

話說突然想吃越南餐廳，之前從來沒有光顧過，但因為周邊的朋友都非常推介，於是前來一試。非常多人排隊，雖然門外的油煙味很強，但是仍然非常值得等待。安排入座的老闆非常健談，知道我們第一次來還推介菜式。鋪面雖然面積並不大，不過坐得非常舒適，最欣賞店舖貼出了一張告示，表示他們並不會主動邀請客人買單嚟咗，他們想坐多久就坐多久。最令我覺得驚喜的是「地道碳燒豬肉伴越南檬粉」，有別於其他越式檬粉，他們已經切好一啖一口，只要在吃之前沾上熱湯及將配料放上面食就可以。湯底清甜，帶有炭燒豬肉的味道，非常推介。另外亦吃了「招牌牛柳牛丸粉⁣」，湯底清甜，牛丸及牛柳的玉米非常濃郁，而且口感非常之好，配上越式香料，味道感覺非常當地。小食配上本人非常喜愛的「鮮蝦米紙卷」，外皮煙韌而且非常足料，比起其他地方同樣的菜色，這邊做得非常出色。和朋友分別是了冷/熱的滴漏咖啡，可能因為平時比較愛喝甜的咖啡，另外叫老闆在上煉奶調味。整體來說正餐晚飯評分十分之高！如果可以不用大排長龍就好了

Get here early or be prepared to queue because this place is tiny and packed during lunch service. One taste of its pho and you will understand why. This place serves Hanoi style cuisine. Their pho is different than the ones most people are used to. This is northern style pho, which is simpler than southern style. The broth is clear and light, but still very flavourful. The beef is marinated and minced, like authentic Hanoi style. And the beef balls are big and chunky. Unlike southern style pho,

今日去油麻地搵好野食，朋友介紹帶我去左食正宗越南粉麵。 排隊用咗好多時間， 餐廳環境好偏細🥴 👅 𝓜𝓮𝓷𝓾𝓼🌟炭燒豬肉伴越南檬粉 一上碟食法好似日本沾面, 原來正宗越南檬粉又叫奧巴馬粉。 好想講，炭燒豬肉好入味好香。 雖然滲咗落個湯度 但味道都多好出好惹味。 檬粉旁邊有薄荷葉可以搣放落個湯度，當食緊檬粉，令到一啖湯一啖麵酸甜得來又清新，好特別好地道🥰。🌟招牌牛柳牛丸粉同平時牛肉湯粉有分別，呢間餐廳用咗牛柳 唔係牛肉。肉質比較鮮甜滑嫩但相對比較薄身。 相反牛丸牛味好出，正正常常唔會有特別驚喜。📍旺角砵蘭街99號地舖

星期日中午經過越發，見不是很多人排隊等開舖，所以和太太排隊等開門，大約十五分鐘，老闆便出來招待入內。店內環境都不錯，檯與檯之間的距離都算寬闊，亦沒有太大壓迫感，而且播放輕音樂。我們叫左河內牛柳粉和碳燒豬肉伴越南檬粉，同越南滴漏咖啡。河內牛柳粉嘅湯頭幾清但是飲到濃郁嘅牛味，至於牛柳應該是比坊間嘅越南🇻🇳食店高一些，所以很嫩滑，牛味都不錯。河粉亦滑溜唔會碎。碳燒豬肉伴越南檬粉嘅特色是撈檬湯，是甜甜酸酸，令人很開胃，而且將檬粉做成一口一啖，食法就好像日本占麵一樣，挾一口檬粉，然後點一下湯來吃。豬肉真是即叫即燒，好有碳香味。不過檬粉只是一般。越南滴漏咖啡☕️都是不錯的，味道苦中帶甘。總括而言，個人覺得值得排隊試一試真正河內越南🇻🇳河粉店。

炎夏34 度之下，中午排隊超過一小時，用餐時間大约40分鐘完成。不喜歡排隊的我，因為很多IG都形容越發是全港最好食的越南牛河，當然要親身去試吓這間地道河內越南食店。1.招牌牛柳牛丸河粉$99聽聞越南正宗吃法是用牛柳，配油炸鬼是當地普遍吃法，越發用牛柳配上大量香葉，加配油炸鬼傳統配搭，並非坊間一般港式用薄片牛肉，牛肉嫩質感，湯底清甜，河粉不會太腍，但河粉不夠滑。2.奥巴馬粉$83待應會介紹新食客，自己撕碎香草，愈碎愈香，加入酸甜魚露汁，將檬粉沾到酸甜魚露汁進食，配上烤豬肉，屬開胃之選，檬粉質感似濱海。3.香露牛柳橯檬粉$884.招牌越南脆春卷$69皮薄，若可以卷多一層皮，口感可能更加香脆，料多，油更多，因太熱用自備剪刀先分開一半，油立即漏到碟底盛滿一層油，味道幾好，只是油太多，好彩先剪開，避免油淋淋。5.鮮蝦米纸卷$63米纸卷上枱外層米纸粘住分不開6.熱情果冰茶及青檸梳打@$29梳打及冰茶無味，完全不甜總括來講，可能太多報章雜誌及綱評推介，生意好好，價錢算中上，但控制食物烹調很重要，要保持水準才可以保住特式小店及用心經營美譽。

牛丸juicy，唔會死硬，彈牙爽口，牛柳有口感，唔韌，湯底幾清甜，加左青檸同辣椒味道更出，升華，河粉滑身，服務幾好，雖然要等位，但值得支持.#牛柳#牛丸#河粉#湯#越式#越南#旺角#人氣#晚餐

呢間店bookmark咗好,終於有時間去食!因為佢係未開門已經要排隊等位哥種~店仔細細,如果第一輪坐滿咗就要等比較耐啲,所以最好早少少嚟排啦~老闆非常好客,每檯都親自去點餐,仲會小吹水一下~見我哋檯頭有袋麵包,就問係咪嘉多利嘅😂我阿媽忍唔住大叫:咁勁嘅你!🤣🤣鮮蝦米紙卷啲蝦好爽口,而個皮超級煙韌~雖然係好簡單嘅菜式,但真係無乜食過邊間令我覺得好深刻~呢間嘅米紙好煙韌但又唔會乾硬,又夠多料,好正!越南春卷一向都係我勁鍾意食嘅嘢~細個嘅時候,屋企人都會喺超市買嚟整~我仲記得特登買咗盆薄荷,結果因為食得太多春卷...棵薄荷俾我哋食到瓜咗!😂呢度嘅春卷新鮮炸起,所以超級熱!但係外邊非常香脆,而入面嘅餡亦唔會係啲核突肥肉,味道不錯~燒肉丸撈檬亦都係因為個甜酸汁出色,所以好好味~個燒肉丸比較似炸過嘅肉卷,味道不過不失~如果唔係趕時間,會比較想試湯粉~整體而言,我覺得都值得排~因為啲嘢食唔錯,特別係小食類~而且好人又好傾嘅老闆實在好加分!