越發地道河內料理

營業中

休息中

大家都應該知道舖頭地方唔大，座位有限剛好同母親大人坐埋最後嗰兩個位之後嘅食客就要排隊隊啦越南凍啡少冰好味啱我口味，我應該要叫少甜想講佢個水都好有誠意，你唔好以為係普通水我飲都係有少少椰味嘅水本身唔係好食牛但係知道佢用牛柳片嚟當牛肉我覺得好有誠意出邊一般嘅牛粉多數都係就咁放片生牛肉落去但係佢嘅牛柳片好淋，係有少少調味唔會太鹹我覺得好好味呀！牛丸雖然係開半扮一粒但係我都夠飽，男士都絕對夠食啲粉食極都仲有，個湯好味唔口渴絕對絕對會encore個油炸鬼就食唔食都吧啦我又試係咁😞差唔多食完先記得影個春卷都好好味皮薄餡料多最期待嘅畫面出現啦⋯⋯牛油雞翼佢唔係一般食到嘅牛油雞翼，好重牛油香面頭脆卜卜，而佢牛油味係有但唔算濃，係用蜜糖封返個面，面頭再加啲乾蒜我就鍾意食嘅不過同我預期嘅牛油雞翼有落差都係鍾意食返平時出面嗰啲嘅越南牛油雞翼多啲

越發地道河內料理（油麻地）呢間絕對係我最最最最最鍾意食嘅越南粉店面唔大座位唔多所以去親通常都要排半個鐘左右先至食到最鍾意食佢個招牌牛柳牛丸粉湯底超香濃河粉比較薄身而且超滑又唔易斷用咗牛柳代替坊間常用嘅薄肥牛肉片咬落好重牛味同更有口感而牛丸係超多汁超彈牙絕對值得排隊去食佢仲會附上少少油炸鬼俾你點湯嚟食不過油炸鬼就唔係好脆嘅而係好淋身嘅所以我就唔係咁鍾意食呢個油炸鬼除此之外佢嘅牛油雞翼同春卷都係即叫即做熱辣辣脆卜卜都係超惹味超好食架😋

評分：🌕🌕🌕🌕（4/5)總評：老闆好熱情菜式選擇唔多但明顯有擺心機落去印象唔錯～——————————————細評：《河內牛柳粉》湯底睇落好清但飲得牛香好濃明顯唔係求其搵啲味精溝出黎河粉亦好滑、唔易斷唔似坊間大部分越南菜係用肥牛似係用質素比較好既瘦牛肉除左食落無咁肥之外，牛肉味亦比肥牛濃亦唔會食到有梳打粉醃過既味最後成碗湯都飲哂😋😋😋😋跟機仲有啲油炸鬼比你浸湯食但因為本身已經淋哂，油益味出哂黎，不吃也罷《奧巴馬粉》話就話係撈檬粉我覺得似沾檬粉多啲湯面浮起好厚層油，有啲誇張試左一啖係比較酸甜、油膩豬肉醃料都係比較甜，唔太岩我口味《牛油雞翼》唔記得影相，外層炸皮比較厚蜜糖多到結左少少硬塊係面，好痴牙～但內裡好juicy，配埋蒜末都好香係圍番一隻近$20有啲少貴

朋友聲稱呢間係佢香港食過最出色的越南嘢特登來試試到底有幾神平曰8:00 都要排隊等下位叫咗一個招牌嘅牛柳牛丸河粉的而且確比我想像中好食真係好有越南風味個湯底同出面其他越南餐廳食得出有分別唔係好勁香料味冚晒其他嘢然後佢隻辣椒勁到⋯由於我怕啦啦我只係不咗其中一粒出嚟擺落個碗仔度諗住調一調味點知佢擺喺個碗細嘅湯入面一陣佢個辣已經滲晒出嚟第一次食辣得咁快但又咁過癮嘅辣椒仲配咗幾舊油炸鬼俾你沾個湯嚟食第一次咁樣食法 都幾特別！佢隻河粉亦都係非常薄身好似你喺越南當地會食到嗰種咁碗麵唔算好大碗 我諗一個人其實都食得晒梗係唔少得嗌下小食呢個雞翼真係必食邊有人炸雞炸得咁靚⋯嗰陣蒜香同埋蜜糖加埋一齊仲要佢個皮好脆！啲肉又好滑如果唔係怕食得太多炸嘢好想再食多碟由於我哋都未係好飽就再叫多咗一個豬頸肉嘅米線球見佢個樣都幾特別佢係好似沾麵咁老闆上菜嘅時候都有特別介紹返米線球全部都已經造成左一口嘅size每啖只要夾起一舊沾湯就可以食個豬頸肉湯都好有越南風味佢係酸酸甜甜 兩樣嘢配搭一齊個感覺好得意但講到味道我自己個人都係鍾意傳統嗰隻河粉多啲呢一道菜就相對係食趣味我哋都叫咗兩杯嘢飲相當滿意呀兩杯都好唔錯一個係熱情果冰茶

今次要介紹下哩間位於旺角嘅人龍越南河. 鋪頭細細幾隱世, 不過出面長期都有人排隊, 就知幾受歡迎啦~ 店舖入面認真係小店格局, 加埋都無廿個位, 難怪要排隊啦! 餐廳主打地道河料理, 招牌嘅有河内牛柳粉同奧巴馬訪越嗰陣時食嘅碳燒豬肉伴越南檬粉. 小食方面米紙卷呀, 牛油雞翼等大路嘅野都有. 飲品方面就比較特別, 老闆話佢哋嘅柑桔同熱情果每星期都會由河內新鮮空運到港, 所以佢哋嘅柑桔梳打同熱情果梳打特別新鮮. 今次我一支公黎, 所以試唔哂咁多樣野, 淨係食左:1. 招牌牛柳牛丸粉 Pho Bo Vien $96 - 賣相已經好吸引, 份量好足, 牛丸切半有七至八粒, 牛肉用上薄切牛柳, 走肥, 非常正宗, 好有喺河內食嘅感覺, 配埋個油條, 直情好似去左河內咁! 食pho第一時間當然要試下個湯, 望落去好清, 無乜油, 可放心飲用. 一飲落去同望落感覺好唔同, 牛味好香, 應該用左牛骨煲左好耐, 咸度適中, 而且無味精, 完全真材實料, 好飲! 河粉係用幼河, 煮到好稔身, 一啖粉加一啖湯啱啱好. 之後我加埋辣椒同青檸落去, 更能帶出陣陣牛味, 更加好飲. 牛柳同牛丸都值得一讚, 牛柳雖

今日經過好難得淨係見到得兩個人排緊隊諗住好快會位 即叫男朋友過黎食點知一等都唔經唔覺等左四十分鐘因為台面比較細,似台灣小店FEEL所以座位唔多,大家食完好快D走唔好坐係到太耐因為都真係多人排隊Pho Bo 河內牛柳粉$80價格偏高,湯好飲 可以一試,下次都會想再食只係佢同平時既Pho唔一樣係d香料已經擺曬落去平時一般會係我地自己放牛柳有點碎好散 跟河粉有埋個油炸鬼Bun Cha Hanoi 碳燒豬肉伴越南檬粉$80個人唔太鍾意呢款首先唔太喜歡檬粉口感呢味似沾麵咁個湯係甜甜地口味唔太岩我另外碳燒豬肉係放埋入個湯度兩個人一人叫樣野食大概$200內埋單

很久之前就已經bookmark左呢間餐廳，但一直被店外排隊的長龍而卻步。今日路過見人龍較少，就毅然決定要試一下。 店裡只有大概20個座位，很cozy。店主自家打理， 雖然每日都吸引大條人龍， 但卻沒有自滿， 很有禮貌很有心。餐牌兩大頁，但已經應有則有。我今次點了果然香露牛柳撈檬及越南脆春卷， 越南柑桔梳打。其實一個人吃有點多， 不過管他呢， 最多晚餐不吃了。香露牛柳檬粉， 配了碗秘制酸汁。上桌時店主會耐心仲紹食物的特點和吃法。牛肉切得很碎但牛味甚濃。應該是他們店的特色， 因為我見河內牛柳粉的牛肉也是相同狀況。脆春卷現炸非常香脆，用生菜及香葉包著吃，再沾上酸汁，口感豐富，好吃。吃飽飲杯柑桔梳打， 解膩兼透心涼。以後可以常來。

一直都好想試呢間餐廳好耐，無奈成日見到好多人排隊，今次經過難得冇人排，就決定一試。結果入座冇耐出面又排長龍，心諗真係太好彩。一日舖頭店主已經好熱情咁招呼，嗰種服務基本上同去酒店冇分別。雖然店舖細細，但係招呼真係好周到。叫咗牛柳牛肉粉，越南菜來講佢都算中上價錢，接近$100一碗，就試吓佢有咩符弗。同出面啲越南粉比，佢啲牛明顯係唔同啲，係好食啲。湯底我覺得普通，可以俾多啲芽菜就好(雖然我冇問佢）另外我仲叫咗杯咖啡，不過不失。如果用返越南啲咖啡沖會開心啲😘😘

無論是吃飯繁忙時間抑或平常的時間，這間餐廳每次我們經過的時候都看見大排長龍，剛巧今天晚上我們有些空閒的時間，所以便晚上 6時多來排隊了，結果最後我們等到晚上 8點才能用餐由於餐廳只有八張座位，同時亦不設派籌的服務，客人需要在餐廳門外排隊，而且排隊時間更需時半小時至一小時以上，幸好現在天氣比較清涼，所以感覺上才比較舒適餐廳的食物選擇其實不太多，所以我們便點了幾款比較熱門的食物，分別包括碳燒豬肉伴越南檬粉、招牌牛柳牛丸粉和越發牛油雞翼，飲品則選了柑桔冰茶和熱情果梳打No.1【碳燒豬肉伴越南檬粉】 $80上菜的時候碳燒豬肉浸泡在湯中，而越南檬粉則另上，餐廳說它的食法和沾麵十分相似，將檬粉沾上一些湯汁後，便可以和豬肉一起食用了但是我萬萬想不到浸泡豬肉的湯汁，竟然是加了越式魚露，它的味道和醋十分相似，而我本人並不喜歡醋的味道，對我而言簡直是味如雞肋最後我直接把所有檬粉泡在老公的牛柳粉湯中，才能繼續享用至於豬肉的份量其實不算太多，但是肉質都算柔軟嫩滑，鮮味多汁，同時亦滲透了魚露的味道，所以基本上我全部都送給老公品嚐了No.2【招牌牛柳牛丸粉】 $96比起剛才「風味獨特」的豬肉伴檬粉，這份牛柳牛丸粉

🅿︎🅷🅾︎ 🆅🅸🅴🆃🇻🇳超推薦嘅良心越南菜🤤可能係全香港最好食!主菜完全無得挑剔😍但係提提大家等位都幾耐🥺weekend 1點幾都要大約45分鐘🥳但係好食係好值得等嘅😍﹎﹎﹎﹎﹎﹎﹎﹎﹎﹎﹎﹎﹎﹎/碳燒豬肉配越南檬粉🐖 $80/湯同奧巴馬粉係分開上🍜係日式沾麵嘅概念🤤好新奇第一次試🤩必嗌🌟湯甜甜地有啲似撈檬嘅汁 豬肉碳燒味好香口 邊邊有微焦 最特別係粒豬肉丸 香料同肉味好balance🐽/招牌牛柳牛丸粉🐄 $96/地道嘅pho🇻🇳比起一般嘅生牛肉🥩片 呢度用牛柳仲稔 牛味又濃 咬落去有質感啲☺️牛丸油香重 有啲黑椒調味🥰湯底正宗 加埋辣椒🌶️同青檸吊味好正🍋河粉好滑/招牌越南脆春卷🌯 $68/春卷包住粉絲 肉碎同菇嘅餡🍖另外有比生菜🥬香草🌿葉可以一齊食唔會太油膩😌相比之下無太大驚喜🙈/河內芽車快🥗 $68/未聽過嘅菜式😌超幼雞絲加蘿蔔片嘅越式沙律🥗好清新解膩一流🥰個汁酸甜又開胃 兩者係甜味出啲 加埋啲炸蒜🧄好香口/越發牛油雞翼🍗 $75/牛油🧈蒜蓉🧄雞翼有5隻啖啖肉 估唔到熱食仲有蜜糖拔絲🍯擺咗一陣反而仲脆口😍但係有少少貴🥺/越發招牌冰咖啡☕️ $39/煉奶🥛咖啡 本身仲擔心會好甜但係咖啡☕️味竟

💛真食評💛💛香港食過最好食既越南菜💛作為越南菜既愛好者，平時一唔知食乜就會走去食Pho，但好難食得返越南果陣風味經常見到呢間越南嘢排曬隊（但明明佢對面都有一間越南嘢🙈🙈），排過一兩次真係太熱頂唔順都係食唔到，之後有次撞啱佢啱啱開門等左一個就有得入去食，超級興奮!!!結果一試愛上，捉男朋友一個月陪我食左三次🤣🤣🤣個雞肉撈檬真係十級好食!!!!雞肉扎肉仲多過啲粉，仲有好多配菜食落一啲罪疚感咁都冇！仲有個春卷一上枱就超吸引，竟然唔記得影相就食晒，熱辣辣又大舊，又係必食推介！呢間餐廳真小店，個店員會好nice同你傾計分享下佢哋對待食物係幾咁認真，亦堅持唔會做連鎖大企業為賺錢棄質素，真心佩服！嚟緊會繼續四訪五訪六訪，因為仲好想試佢個越南包同埋蟹檬同埋越南咖啡！正！

成日見有人排隊 ，終於今日去咗一試.....今日終於去試，大約都明明地點解長排有人排嘅，店長好好服務 同埋啲材料嘅新鮮，就喺佢嘅賣點吧。有啲好快賣曬 同埋六日限定 搞到我都想試，如果唔使排隊我都好想再試吓。香矛紮雞絲撈檬 $76首次食呢種雞絲，我食落就似香矛魷魚絲味 ，依佢味道配菜都食得佢嘅新鮮 ，加埋佢嘅汁，每一啖都有好多層次喺你嗰口入面都幾得意 。碳燒豬肉伴越南檬粉 （奧巴馬粉） $80 因嗰喺我食，所以唔講太多 ，但表弟話比想像中有驚喜，我都飲咗一啖湯都好入面 加埋少少香料味 ，飲落都唔錯 ，同埋都有一嚿一大嚿嘅豬肉。 

呢間餐廳嘅門口用木趟門，一開始以為係食日本野，點知原來係越南餐廳🤣 雖然未去過越南，唔知正宗嘅味道係點，但見到餐牌話呢到嘅河粉同檬粉都係由越南河內嚟，感覺幾地道，一於試下～•🥢 碳燒豬肉伴越南檬粉(奧巴馬粉) $80第一次食店員會講解下食法，係類似沾麵咁食，要先將香葉浸入魚露湯，再慢慢加入檬粉沾湯去食，檬粉專登剪碎咗少少，夾嘅時候就唔會痴到實晒👍🏻 魚露湯幾濃，暖暖地而唔係熱，偏甜，檬粉吸咗啲湯唔會太鹹，不過啲檬粉淋咗啲，有啲扣分😢 豬肉嘅碳燒味好出，幾入味，令到魚露湯入面都有啲碳燒味，入面仲有豬肉丸同蘿蔔等配料，都幾好食～•🥢 香茅紮肉雞絲撈檬 $76成個粉都鋪滿雞絲同生菜絲🤩雞絲好幼，乾身，脆脆地，仲有啲碳燒味👍🏻 扎肉切碎撈勻咗落個麵到，感覺有啲少😢 魚露汁同其他地方食嘅撈檬汁唔同，有啲蘿蔔片，唔會太酸。

估唔到旺角都有間隱世越南餐廳！同女朋友閒日去排隊冇乜人～但當去到7:30pm打後開始最少有5pair情侶係出面排緊隊！好好彩我地7pm已經有位，等左10分鐘就入得啦！！我嗌左個碳燒豬肉撈檬！佢個檬粉係一舊舊咁包好晒擺出黎方便啲客食嘅～個質感好幼滑！而個湯汁係出奇地好味！真係好有驚喜！！因為佢有鹹有辣有酸有甜！！連埋啲檬粉一齊食 真係好夾！！而啲碳燒豬肉擺落去一齊食更加香口！另外入面介有個細嘅獅子球～都燒得好香口！呢碟主菜真心一好食！！另外就嗌左個小食：春卷（唔記得影相唔好意思）有3大條！再包埋啲生菜同個醬汁一齊食真心一流！！）佢入面食到好重嘅菇味！而個生菜🥬亦都幾fresh!!!So far, 呢間野真心幾好食！性價比好高！不過建議各位朋友早啲入去食～因為過左7:30pm基本上出面都有8-10個人！而且都要等45分鐘以上！無得打電話book枱架！！

要排隊，外面油煙大，加上今日30幾度。等5人枱。等了半小時後頂唔順啲油煙問可唔可以分開坐（2人一張，3人一張，唔一定同一個位置）老闆冇理我地要求繼續叫後面啲二人枱入坐。我地話好熱，頂唔順。老闆回答：你睇吓咁熱都有人排隊，你問吓點解。轉頭就俾幾個餐牌叫我地叫左嘢食先，入坐後唔洗等就有嘢食。但係我地唔係等到餓，係等得非常熱。仲要我地快速食快走。最後排了一小時隊，先有位。嘢食方便真係好一般。牛肉粉可以點，春卷油皮硬，牛油雞翼其實係蜜糖硬雞翼。油麻地區，坐得唔舒服，老闆串，食得趕。5人食$830 … 真係唔值得我吸一個鐘頭油煙，同受老闆氣咯… 總結嚟一次就夠。