越興園越南菜館 (已搬遷) 新店位置

係旺角唔食放題好似唔知食乜咁，最後行左入女人街是旦揾間食就入左呢間餐廳食。一開始都希望會食出驚喜，以後除左放題就可以多個選擇，點知上菜時先覺得岩岩期望太高。。一睇就覺得連茶記都不如。。個無骨甜酸鳳爪d骨好硬。。真係呑唔落肚，個味又有d怪，我男朋友平時好中意食呢道小食，今晚食左一半都冇就冇食。。個香茅豬排飯，食左幾啖就冇食。。豬排冇香茅味又炸到超乾越鞋，個飯用d米口感好怪，就咁比少少豉油就算，好冇誠意。。感覺自己求其煮都好食過佢。椰青都甜，成餐最ok算係佢😅咖哩系列好少少，起碼咖哩個味算ok。。呢度價錢唔平，連茶記質素都冇，所以唔會再幫襯。

朝早係旺角做完野 11點幾 想食d野 但呢個時間冇幾多間餐廳開左 行過呢間開左就試下 但係我入去時係一個人都未有😂叫左個餐牌寫嘅招牌 生牛肉河普普通通冇咩特別 係牛肉算多 河都ok嘅$36 咁嘅價錢 有配汽水或熱飲 都可接受

放AL但又被assignment 淹沒既頹廢日子，食個lunch然後繼續努力，印象中間野都幾出名，就入去試下。環境唔錯，2點餐廳d客人好少，坐得舒服。呢個超普通，下午茶餐包熱飲。唔係難食，但亦唔見得好食，有d失望，令我更頹，個湯真係冇味，簡單填飽個肚。唔知其他野越南菜式會唔會好d呢🙈❔

餐廳故意隱藏加一服務費，餐牌沒有寫明晚市一至五要加一，只係寫星期六日要收，門口有寫但係就搵野遮住(有相)，唔係比多十幾廿蚊嘅問題，而係故意誤導陰啲陰啲收錢，好聲好氣同阿姐講聲個餐牌要改，仲要覺得係我眼殘咁， 喺度死撐!生意難做都唔可以咁唔老實！

越興園是旺角其中一間老字號，前身在鼓油街不過旺角租金太貴，多年前就已經搬到女人街(通菜街)但餐廳搬遷後，我卻一直沒有機會再品嚐沒想到今天再度重來但卻驚覺水準不再午食套餐同以前一樣，以越南河粉為主打但都仲有其他選擇，例如蛋白炒飯、海南雞飯等不過價錢就會再貴一啲鮮牛肉粉午食套餐  $36套餐包一碗鮮牛肉粉和一杯汽水鮮牛肉粉鮮牛肉粉的精隨在於牛肉仍未完全熟透，讓食家選擇牛肉的成熟度但鮮牛肉粉送到時，超過一半的牛肉已經完全熟透，實在令人無言不過好彩都仲有少量牛肉半生熟，如果唔係不如我就咁點一碗牛肉河黎食就得啦牛肉的肉質唔算太鮮美，應該只係普通街市都買到嘅冰鮮牛肉但卻食唔出有什麼牛肉味，咬落口個陣就好似食緊一塊淡而無味的肉河粉的湯底有好大陣味精味，原全飲唔到任何鮮牛肉嘅鮮味湯底可以算得上係粉麵類嘅靈魂，連湯底都唔好味嘅話基本上依碗鮮牛肉粉可以話係非常失敗可樂可口可樂嘅味道，但太細杯啦坊間其他餐廳起碼會大多是1/3杯不過杯可樂都只係可以用黎解返碗鮮牛肉粉嘅味精味今次依餐午餐真係令我大失所望假如越興園仍然冇辦法改善水準的話恐怕即使係老字號亦難逃結業嘅命運

去完波鞋街，晚餐在這裡醫肚，是晚點了二人饗，真失望...豬肉蝦片，豬肉硬😓，蝦片吾脆，蝦餅冇味，得粉，鹽燒牛肉好咸又鞋又un😕.雜菜一般啦! 咖喱牛腩飯,冇咖哩味，牛肉鞋😬，飯好爛，衰過茶餐廳..兩杯特飲，comment 吾倒,七彩珍多冰，凍甘吉,好難飲，早知叫啤酒。以前油麻地越興園好正！拍拖經常來，我是在這兒學會吃越菜，估吾到事隔十幾年，變差左，定係外面水準太高。未食過越南餐都不會喜歡吃，貪佢就腳冇乜人。夠靜！唯一要讚係D服務員，招呼好👍👍👍👍

超難食，所有食物都係又咸又油首先坐低無耐，已經見到蒼蠅橫飛叫左二人套餐，小食有北越粉卷，牛肉卷和豬肉蝦片，三者都係非常咸！粉卷和牛肉卷皮厚難咬斷，蝦片太淋主菜有海南雞和蛋白炒飯。海南雞尚可，但非常多油，蛋白炒飯再一次非常咸，但份量足夠飲品叫了紅毛丹思樂冰和青檸梳打，思樂冰有很重藥水味，飲了一口就放棄了(雖然十分口渴)，青檸梳打也是怪怪的最後，這間餐廳是茶餐廳服務，但收加一，且不接受信用卡不可一不可再！

午餐不知道吃什麼的時候，總會逛到通菜街的一帶找餐廳，餐廳選擇眾多一定會選中一間今天想吃得清淡一點所以就選了越南菜。這間是''越興園越南餐廳''不用等位而且有卡位坐午餐選擇很多， 我就點了豬排湯河，朋友則點了生牛肉湯河 （沒拍照）。豬扒煮得很入味而且外皮也有點香口，河粉份量很多一個人吃也差點吃不完。朋友的生牛肉湯河同樣份量很大，午市套餐以$3-40來說一碗湯河＋1個餐飲（送汽水）也算是很相廉的。味道不算非常美味，但也不是難吃，平平地吃個午飯是不錯的選擇，而且店員也很有禮。

門口海報(有原隻鱿魚食)真身算大隻，內裡填滿炒蛋和白飯調味全靠薑葱的香味(清蒸.鱿魚筒，唔油膩)但唔食葱的朋友(要走葱啦)因為葱油味，比較濃個人愛葱油味，鱿魚好鮮，口感彈牙三色冰椰汁不算濃(多冰)，味道不算甜(失色)咖喱雞配蒜茸包蒜茸包香脆咖哩不算太辣(易入口)每件雞都係肉(無雞背，骨位小)啖啖肉好正咖喱濃郁!最驚喜係椰青(好大個，好新鲜，好清甜的味道)-真係好好飲!滿意的晚餐

整體環境一般， 周不時有烏蠅 ，店員服務態度差，係咁吹落單，岩岩入去餐牌揭咗兩頁就問，隔半分鐘又問，明明唔係繁忙時間.... 海南雞飯非常一般 ，雞有啲鞋， 飯又爛，d醬汁咸到蠔油咁....杯椰汁又浠...賣相好又有何用，不過勝在價錢大眾，但不會再幫襯...

讀書時代有時會幫襯的「越興園」，實在不知多久沒有幫襯過了。這一天，沒吃中午飯的我，來到下午茶時間，漫步到通菜街的這間「越興園」，見下午茶款式不少，心中一動，便入內幫襯。吃的是「法式豬扒炒飯」，心想越南雖曾是法國殖民地，部分菜式深受法國影響，但「法式豬扒炒飯」會是怎麼樣呢？到得這炒飯送上，原來飯還還，豬扒還豬扒。炒飯還好，夠熱又夠味，但那法式豬扒，無非是酸甜汁的洋蔥豬扒吧了，雖不難吃，但就沒有甚麼特別，幸好豬扒夠多，以之伴炒飯吃，還算不錯。喝的是「菠蘿梳打」，模樣奇奇怪怪的，高身玻璃杯子裡面有不少小粒的菠蘿，味道也是正正常常的梳打味，但杯中除有菠蘿粒外，還有綠綠紅紅的類似椰果般的物體，就甚是奇怪。始終，這是間越南館子，也許，吃個越南撈檬，會更好吃吧！

今日下午我們去咗旺角通菜街嘅「越興園越南菜館」食下午茶！我們叫咗豬扒撈檬同烤牛肉撈檬嘅檬粉麵質都幾彈牙，豬扒煎得都幾香口，肉質都幾鬆化，牛肉嘅肉質亦好爽滑！生牛肉湯河嘅湯底味道好鮮甜，生牛肉嘅肉質好嫩滑！海鮮金邊粉嘅青口都幾爽甜，墨魚都幾彈牙，金邊粉嘅麵質都軟滑！法式蒜蓉包焗得好金黃香脆！香茅鷄翼係新鮮即炸出嚟，相當熱辣辣，肉質非常嫩滑！

八點半兩個人入到黎叫個烤豬湯檬，烤豬撈檬，拼盤，軟殼蟹。啲食物咸到死都算，點會估到叫湯檬會買一送二，先黎一條長長既頭髮，好，算數，照食，食到一半再發現一隻炸過既小強腳，有無攪錯，火都黎！已後都唔使旨意再幫襯！

呢幾日出街成日都熱辣辣，無乜胃口食嘢，食熱嘢就熱上加熱......所以今日嘅午餐就決定去越興園食撈檬，加埋無限供應嘅汁酸酸甜甜好開胃呢間我同屋企人已經食過好多次，水準都好穩定，而我最愛就係呢個烤牛肉撈檬牛肉整得好好。

放工勁攰勁餓 本想求期食啲野 快快番屋企經過見到呢度二人餐$200頭 好多野食好多選擇咁 決定一試！店員好爽快幫我地落單，野食又勁快到！馬拉盞蛋白炒飯 主菜竟然黎得快過小食😂唔知係咪因為太餓 覺得好好味 夠味得來最緊要係勁夠熱！軟殼蟹之後黎左個軟殼蟹 又係好熱 應該係即炸 不過真係幾熱氣 但好食就唔理了！唔係超多炸粉果種 gd!小食竟然最後到 哈哈香茅雞翼有四隻: 好脆皮！薄切鹽燒牛肉卷: 被個名誤導了 原來係呢種🙈豬肉蝦片就還可以啦 (蒜片同蔥好口臭啊)包兩杯野飲左: 青檸疏打 好冰涼 右: 好似叫椰子乜乜乜 老公稱正常味道😅想叫椰青但二人餐不包 只可選特飲飽到不得了 成餐飯上菜好快但全部都夠熱 值得一讚👍🏻