路邊煱 (已結業)

又嚟到呢間我私心推薦嘅舖頭打邊爐🤩好鍾意嚟呢到因為樣樣野食都好高汁🤘🏻肥牛一向都覺得好正今次試埋和牛真係番唔到轉頭啖啖油脂香又不失牛味🤤另外呢到嘅海膽好肥美 每次嚟都必嗌!😍仲有響鈴同油揚 打邊爐點少得佢地🙈餐前小食又係十級邪惡炸魷魚炸頭腐炸魚皮樣樣都齊不過咁好食真係肥十磅都抵😭

今日同朋友出開土瓜灣做野，行到美景街聞到好香雞煲味，同朋友打個眼色就一齊衝左入準備嘆雞煲!一坐低，職員好親切推介新出嘅海鮮雞煲套餐 (HK$238 每位/ 2位起)，岩哂我地D唔想諗野嘅懶人~ 點菜後職員叫我地細心等侯，因為雞煲即叫即整 主角出場 – 小辣, 雞超超超滑! 份量足夠! 安格斯肥牛 – 自己睇圖，唔想多講，d 雪花炆! 四個字, 入口即溶 蟹子丸x 芝士丸 – 打邊爐必食啦! 即炸響鈴 - 其實我覺得呢個先係主角! 超脆超入味，非一般既即炸響鈴。俾10條我都一定食得哂! 海鮮盤 – 有蠔，肉蟹，蝦，鮑魚，同多寶魚 ，全部都好新鮮同大舊~絕對唔係比平價野。D蝦肉係堅爽架! 鮑魚彈牙。肉蟹係有膏的~~烏冬 – 係彈牙既~最後仲送贈每人雪米滋一粒, 仲要係紫薯味!!! 大滿足~雞煲套餐呢個價錢，呢個食物質素，出面一定搵唔到，值得encore!

冬天打邊爐已經變成香港人習以為常的事，以前細個打邊爐係好難得嘅事，但係現今社會，好多餐廳已經唔搞晚市晚飯，直頭只係搞火鍋就算，因為成本低，分分鐘連廚師都慳返，但就因為咁，導至火鍋店質素越來越差。今次為大家介紹嘅就係為放土瓜灣嘅路邊鍋，呢間唔係第一次食了，，因為性價比高。今次食雞煲，每一件雞都好入味，好滑。牛就唔洗講，切得好簿，一落就熟，牛味絕對充足。海鮮更加唔洗講，上次食完後回味無窮，今次都係為佢再嚟食，好親鮮，啲蝦都好甜。

寒流襲港， 又濕又凍， 是食火鍋的最佳時候。約了妹妹在她家附近路邊煱晚餐幸好訂了枱，walk in 的都無位，天氣凍， 個個要圍爐取暖。選了海鮮雞煲既有海鮮又有雞， 兩樣都是我至愛。叫了碟餐前日本冰菜， 天氣寒冷食冰菜， 感覺就似落雪食雪糕一般， 口感冰涼，凍到打震好爽叫了這兩款飲品，14元一枝火鍋佐料擺放精美， 用小碗仔裝載， 紅紅綠綠，自己混醬雞煲芹菜多，視覺上好綠化， 雖然唔多食辣，都 order 了小麻小辣, 因為實在太凍了, 要刺激下，那種口唇發㷫麻麻感覺， 整個人都立即暖和了，調味醬老板話全部香港製造，可以放心食， 雞新鮮唔肥，嫩滑可口， 兩個人食個不停， 食完雞才放湯食火鍋。海鮮種類有大多寶魚一條、 海蝦、廣島蠔、 貴妃蚌和蟹，樣樣新鮮，唔錯呀！第一次食多寶魚為火鍋料， 好特別， 多寶魚肉不算太滑， 但作為火鍋料好有想頭，入口清甜肉厚， 就算熟透了也不會散哂， 好有口感， 貴妃蚌更是美味， 食落索索聲另有流心芝士丸和蟹籽丸煙韌烏冬安格斯牛肉碧綠生菜兩個一路食一路讚， 非常忙最後送上迷你雪糕， 完了這滿意一餐！

自從朋友生左仔之後，我地就多左踏足土瓜灣，多左上佢屋企玩bb玩貓貓~呢晚玩完b佢就帶我地去食呢間佢地常食既打邊爐，食材新鮮好味，好介紹打邊爐第一步當然係混醬la~跟住食d前菜開開胃先，冰菜爽脆多汁，配日本胡麻醬食味道好夾~雲耳，都係爽口野，個汁酸酸甜甜清新開胃~見到menu有椒鹽粟米，即刻心心眼，平時好少見呢味啊~粟米香甜多汁，連埋d椒鹽炸蒜粒食勁香口惹味，我地完全食唔停~墨魚滑油炸鬼，店員介紹就咁食脆卜卜，兩個男人中意就咁食，我同姊妹就中意好似響鈴咁浸一浸湯先食，各有特色~邊爐湯底我地揀左蟲草花竹生野菌鍋$128湯底味道濃郁，竹生吸哂d湯最正，仲有蟲草花，夠哂滋補~跟住係邊爐必食既牛頸"隻"，雪花分佈得好靚！每片厚薄均勻，落湯幾秒就食得，牛味都幾重，肉質嫩，肥瘦適中~好味~有牛，都要有海鮮至完滿，魚，蟹，蚬，蠔，蝦，每款都夠新鮮~海蝦爽口彈牙，蟹有膏亦有肉食，味道鮮甜，魚肉質嫩滑，啖啖肉~好豐富啊仲有朋友最愛既午餐肉~豬頸肉，鵝腸同菜~最後仲一人中粒有雪米池~今餐好滿足

平時搭車都沒有留意這裡都有平靚正嘅火鍋店，雖然唔係任吃，但食物嘅質素一啲都唔差，今晚就同朋友一齊來過路邊煱，湯底有辣同辣嘅選擇，朋友有啲喉嚨痛，所以選了個鮮味嘅招牌雜菌花甲煱$198，個煱內真係放了好多材料，有芹菜、粟米、蕃茄、雜菌同好多花甲，滾一會就可以先吃了啲花甲，入口鮮甜彈牙爽口，栗米鮮甜多汁！個湯亦好鮮甜！而餐前小吃點了個八味金磚豆腐$48，一個一粒，炸得外脆內軟非常香口軟滑，真係等待湯滾同火鍋料時嘅美食推介！當然愛吃肉嘅我絕對唔會錯過呢個招牌肥牛拼盤$368，一次過有齊牛頸脊、比較少吃嘅牛胸爽同牛脷托、和牛粒、安格斯牛、金錢展，比較特別嘅牛胸爽入口甘香不油膩之餘都十分爽口，而牛脷托都爽口清甜，而其他嘅牛肉亦十分軟熟嫩滑，真係可以慢慢品嘗！除此之外，重點了個桂花蚌$118，超級爽口彈牙還帶點鮮甜，真係唔錯！再加埋個即炸響鈴$38，真係即炸，一出時重好熱同香脆，入口時就可以在口中熔化，唔建議放湯，否則就差不多熔化於湯中！另一個就係個炸魚皮$38，都係即炸所以非常香脆新鮮，熱熱地，加上真係炸得皮薄香脆，真係好正！朋友點埋個白鱔片$88，肉質夠晒煙韌爽口！慢慢吃，真係食得飽飽！原本還

做完嘢係土瓜灣附近搵食，今晚有啲雨蒙蒙，感覺成個氣溫即刻凍左，咁最好梗係打邊爐或者雞煲啦！拍檔話附近有間正野，價錢親民食物質素又好，仲坐得幾舒服添！一於跟佢去食餐好。坐低店員已經推介 Facebook 打卡送泰式生蝦，舉手之勞，即刻送咗四隻，新鮮彈牙，同埋泰式辣汁點小小都辣到飛起，真係刺激有趣裝修格局有齊晒地方小店嘅特色。最緊要都係乾淨企理。熱賣推介有我哋今次食嘅招牌雜菌花甲鍋 $198。真材實料，食極都唔完嘅花甲令成個鍋都好鮮甜美味。打邊爐之前叫咗個小食，肚餓嗎即刻食唔使等！墨釀油炸鬼 $58。酥脆可口好味道。跟住就係好多男人鍾意食嘅鵝腸，口感爽脆。記得唔好滾太耐。我哋幾個都鍾意食牛所以一於大擦一餐，招牌肥牛拼盤，$368 一個價錢食到六個不同嘅部份。最特別嘅我覺得係牛胸爽，牛脷托就唔係周圍都有得食，只不過我最喜歡嘅都係牛頸脊，肥瘦均勻，雪花牛脂入口即溶。除咗牛，呢度嘅特選黑豚肉都唔錯，薄切成朵花一樣，入口爽甜，肉質鮮嫩。估唔到食到最尾仲有甜品雪米糍送俾我地食呢！服務都唔錯。

最近女友話土瓜灣有間打邊爐唔錯, 話要帶我去食, 終於有日放工收早可以去到.原來間餐廳叫路邊煱, 印象中好似有同事食過都ok.一坐低先睇menu, 都幾多選擇.  之後混下醬先.先點小食木耳, 酸酸地好開胃. 仲有個黃金豆腐磚, 外脆內軟, 正.叫左個花甲龍蝦鍋, 蕃茄湯底, 真心好飲, 味道濃, 唔會話淡咖, 證明落足料, 同女友飲完一碗又一碗.另外叫左個炸魚皮, 好脆口 =]  蜂巢豆腐, 硬得黎又嫩滑, 唔會散開哂.當然唔少左點左個生蠔同牛頸脊比女友, 佢最中意食. 牛頸脊好推介, 好爽滑味濃, 肉味較濃郁, 優質油花均勻分佈, nice!

尋晚去左土瓜灣果頭探朋友, 之後夜晚就一齊食飯~ 佢帶左我黎打邊爐~餐廳係路邊煱, 入到去都幾多人...一開始先睇下個MENU, 好多野都想食...侍應遞上醬料比我地混醬.我地一人叫左一杯野飲先, 之後送個麻醬既冰菜, 個人覺得好好食, 好爽口.btw like 左個facebook 有送生蝦刺身 =]叫左個蕃茄花甲龍蝦鍋，超級足料，而且味道好濃郁，超正有屋企感覺，個人好推介！另外我地叫左響鈴、蝦+帶子滑、鵝腸、豚肉、蟶子.響鈴超脆，浸一浸都好好食；蝦+帶子滑好彈牙；鵝腸好爽口；豚肉好香；而蟶子係超級大隻，好新鮮。overall 估唔到呢度都食到九龍城既quality，下次黎開呢頭一定會再食。

今日我們相約一對老朋友打邊爐飯聚，另加一位新成員就係他們嘅寶貝B,所以既飯聚又可玩人家嘅BB講反呢間路邊煱位於土瓜灣美景街，位置唔難揾，餐廳環境整潔，光猛，全店貼滿唔同優惠餐牌對於剛放工嘅我們真係有種食慾大增嘅感覺未點菜前，先做個火煱指定動作>>混醬原先睇中$238/位，又麻辣雞煲又火煱，海鮮盤，仲有安格斯牛，但再望過少少蟲草花竹笙什菌湯，最後民主投票，3.5對1,後者勝淨睇湯底確實係足料非常，而且味道清甜，加上餐廳電爐火力十足，一加料唔駛半分鐘就滾起真係過癮開始前先點倆個小食開吓胃，麻醬冰菜，口感爽脆，配上麻醬香味，真係一道好好嘅飯前小食椒鹽粟米，頭先冰菜係冰，呢個就係火，清甜粟米，過油後拌炒椒鹽香葱蒜粒，十分惹味，意外驚喜火煱不能缺少嘅牛肌肉，油脂豐富，牛味也算不錯。午餐肉鵝腸，豬頸肉，奇怪地豬頸肉看似生切，但又帶有微微嘅紹酒味海鮮盤，有大蝦，龍鯏魚，象拔蚌仔，蠔，肉蟹，個人認為蠔同肉蟹都好食，新鮮，蟹肉扎實蟹籽墨魚滑釀油條，即叫即炸，先試就咁熱食，有香脆口感，再試泡湯又有另一種風味

說到底，一名不折不扣的火鍋控，到時找尋火鍋店也是正常的。今次來到這家叫做「路邊煱」的火鍋店，地點位於土瓜灣，地方就隔涉一點，但絕對沒有因此而影響生意。當天沒記錯是星期一的晚上，也坐得蠻滿座的。幸好我早早預訂了台，也幸好我們準時抵達。要不然又要等上好一陣子方能入座。 這邊也有不少配搭，這是其中一少部分。我們就選擇了$238的海鮮雞煲套餐，感覺這個套餐也蠻化算的。除了有半隻雞的雞煲之外，還有海鮮一份、時菜一份、餐前小食、安格斯肥牛、丸類一份。 先來混醬一下。 這就是餐前小食。呀，先別論原材料的來源地，我也沒有想過會有冰菜會作為餐前小食啦。嗯，個人來說，對於加入麻醬的冰菜嘛，不太討好的，這只是個人口味而已。 先來一個大合照吧。這個餐價錢也算親民的，食材卻這麼豐富。 雞煲也蠻香的，雞件的脂肪並不多，雞件入口也算嫩滑。旁邊的洋蔥、芹菜、芫茜，更把雞煲入面的汁料吸收了，相當惹味。 海鮮拼盤也夠豐富的，它也算是物有所值的。我蠻喜歡它的蝦，有夠鮮甜爽口的。 最後還有甜點，是我很喜歡的雪米糍呀。其實$238來說，也算是不錯，這邊的食材不算最靚，但起碼食落去我是滿意的，而且吃完很滿足。相比

韓國BB象拔蚌 $180/只 生猛海鮮中，有蟶子皇、紅肉羔蟹、龍蝦、鮑魚等，種類真系幾多，可提早預訂確保新鮮，如果系街市揀新鮮象拔蚌，千奇唔好揀脹卜卜吸滿水慨，要揀啲收哂水慨，所以切開薄片，邊位就會好似波浪咁彎起，咬落爽口，好新鮮呢〜

又到左凍冰冰嘅天氣，梗係要去打邊爐暖下身子啦！朋友話好想食火鍋，所以我哋就search下openrice，搵到呢間「路邊煱」入到去就見到一個大牌寫住去就見到一個大牌寫住麻辣雞煲套餐，價錢又唔貴，包半隻雞、海鮮、菜、肥牛等等，見到咁吸引就即刻叫咗，不過可惜我唔係太食得辣，所以只係叫咗小辣同埋小麻雞肉份量完全足夠兩人食，肉十分嫩滑，入口鬆軟，而且都好入味肥牛份量都好多，兩個人真係大魚大肉最抵就係呢個海鮮盆，有蝦有魚，竟然仲有鮑魚同蠔，整之抵食呢間餐廳食野大份兼抵食，材料豐富，而且選擇亦好多，真係好岩一大班朋友一齊食～

今年黎2次土瓜灣,2次都黎左路邊煱打邊邊,上次係蕃茄湯底配海鮮,今次見到佢有個雞煲海鮮餐,記得上次食既海鮮好新鮮,而且我好鍾意食雞煲,覺得雞煲超野味~我地就叫左尼個餐,仲啱哂有選擇困難既我倆~ 哈!海鮮雞煲套餐有:招牌雞煲 餐前小食 : 胡麻冰菜海鮮1盤 : 多寶魚; 大蝦; 貴妃蚌; 廣島蠔; 肉蟹;安格斯肥牛新鮮時蔬 : 生菜蟹籽丸; 芝心丸; 烏冬睇見就覺得好豐富! 餐前小食係胡麻冰菜,冰菜真係點配都咁好食~ 我大愛呀!雞煲真係如我所想勁多雞雞,好野味,香噴噴～但加上湯當湯底就有啲油......全部海鮮都勁新鮮,多寶魚香甜鬆軟嫩滑,廣島蠔熟左仲係脹卜卜,仲有隻肉蟹,睇佢細細隻,但超多膏超多肉,正!

夜左收工，無返屋企食。又約老友近近地， 係附近食雞煲+火煱。上次試左浙江街雞煲，今次試下好多好評既美景街路邊煱。 爺爺雞煲連埋任食任飲打邊爐，九點半後入座$148一位，+10 醬料收費 +20任飲再加一埋單都係二百蚊有找。就試下啦！一入到黎，環境好好，感覺好乾淨衞生 爺爺雞煲，可以分别揀麻辣度兩個人份量都好足，雞都好正嘅，好滑又有雞味飲咗六罐啤酒，啲肥牛同羊肉片好正，仲有有廣島蠔任食，肉丸同蔬菜都幾好。總之結論係超值，有誠意之作！一定要試