路邊煱 (已結業)

以前也有吃過路邊鍋，但卻未來過美景街這一間，這次與朋友前來初試，感覺不裕，整體亦能讚以正評。我地數人點了一兩碟前菜，一個雜菇蕃茄烤魚煲，其後也另點了數碟邊爐配料，已有八分飽。烤魚煲實為搶味之作，蕃茄湯底濃濃，並非平常蕃茄酸，而是酸中帶微辣，蕃茄辣湯配上雜菇，令湯底更見出色，口感層次更鮮明。烤魚帶焦香，金黃外脆，與湯底混合，實為出色的火鍋配搭。次配料，初嘗豚肉，花紋有序顯見，未嘗味已飽眼色，肉質細緻不膩，與一般豬肉而言，缺了一分韌感，多了三分豚肉的肉香，配上蕃茄辣湯，實在推介。但本人愛素，不喜多肉，除了豚肉外，亦只沾各款蔬菜，娃娃菜與粟米，菜看新鮮粟米重清甜與否，兩者亦達合格。整體而言，初試烤魚煲大有驚喜，豚肉亦令我十分歡喜，值得大家一試。

食左咁多次雞煲, 今次我地班怪獸就轉轉食蟹煲啦我一行人就入左去土瓜灣試試~其實呢到除左招牌雜菌花甲蟹鍋外亦有好多種類的煲選擇, 個蟹煲好大, 除左蟹佢仲有好多材料係入面, 例如: 好多蜆, 芹菜, 蕃茄, 草菇, 栗米等...湯好甜, 而且有少少胡椒的香味, 未食我已經飲左兩碗湯蟹肉好鮮甜, 吸埋D湯的味就更加野味, 蟹的SIZE都唔細, 而且啖啖都係肉啊!!! 另外我地叫左唐生菜, 特選黑豚肉等等...而我地另外叫左一個避風塘茹子同手拍青瓜另外特級黑豚肉好新鮮, 食落好鮮甜, 不用打醬油都好好味下次要再試下其他煲先得

打邊爐係就係肥架啦，但又方便wor，中意食咩就煮咩，其實我都好中意架。不過淨打邊爐又悶左D，呢度食就有得食左個花甲蟹煱先，之後就用佢D湯黎打邊爐，真係一班fd食飯ge首選呀。呢度唔算好大，但都坐得舒服ge，都係黎搵朋友先知呢度有間咁好食ge野自選醬料，我係會咩都落曬架個煱未黎叫住小食先，個豆腐堅好味，外層仲有D八味粉，好香好有下酒菜feel主角到，大大個煱，除左有蟹，D配料都唔少隻蟹仲有好多膏添，正呀牛牛，我最愛ge牛牛，成盆有牛頸脊、牛胸爽、牛脷托、和牛粒、肉眼邊、金錢𦟌，個樣都靚過人ge牛ge花紋都好靚，食過好鮮味，牛味好香，不過我最意係個和牛粒，牛味最濃，而且就算煮耐左都唔會硬身，真係想食左幾舊呀四寶丸，全手打，好彈牙好新鮮基圍蝦夠大隻，而且好抵食呀，D肉好實好新鮮最後唔夠飽叫多左個水餃，都唔錯，唔似出面D雪藏貨，都抵食ge

今日收工同同事食嘢，同事介紹之下，嚟咗呢間打邊爐，店員介紹我哋食呢個川味魚煱，真係冇介紹錯個煱一上到嚟好香，見到湯底好濃，忍唔住飲咗一啖，果然係落足料，裏面有成條魚，好多魚肉，肉質嫩滑，而且仲有多雜菌，金菇，雞髀菇，份量非常之多我好鐘意食啲菇之後叫咗個小菜，墨魚釀油炸鬼！係咩料見到覺得好特別，大家都好有興趣，所以叫嚟試吓！估唔到墨魚滑同油炸鬼又幾夾，食落口感好豐富，油炸鬼入口感覺唔會太油，可以一試之後叫咗打邊爐嘅餸，呢個係手切本地肥牛拼牛頸脊，係我最愛牛肉睇落好新鮮，肥牛嘅肥瘦比例好靚，係入口即溶，打邊爐有咁嘅質素真係好驚喜，牛頸脊亦都好嫩好好味，同個湯底好夾，呢個拼盤個人推介必食！仲有就係呢個紫菜響鈴卷，無錯！！佢入面有紫菜㗎！店員話呢個係新鮮炸起的，我平時食響鈴鐘意浸一兩秒食，入面有紫菜再加上佢本身落左啲味粉，口感係幾正，個味比起平食果啲更香口，推介！

路邊爐!!!!講左咁耐終於去左食一次。之前聽人講呢間邊爐幾正，但一直無咩機會去土瓜灣，早幾日探婆婆就順便一家人去食!!yeah!! 叫左個蕃茄煎魚既湯底，好似叫「招牌烤魚鍋」好濃味，十級讚!!佢係小小辣既，配左d雜菇，我d配料未黎之前就停唔到口不斷飲個湯底，飲落係酸辣湯既感覺，但蕃茄都好重味，就變左係酸辣蕃茄濃湯，條魚煎得好香，可惜就無咩肉，唔多夠食啦，但味道黎講係茶樓果d湯包邊爐真係比-唔-上呀!!之後前菜嗌左少少啦，有一碟係紫菜響鈴，即叫即炸，上枱果陣仲有好微微油彈既聲音，擺一分鐘等佢無咁熱就忍唔住要食，我中意響鈴冧哂先食，尤其是今日個湯底咁正，浸湯食一流。第二樣要推介就係牛骨髓，唔係個個都好內臟，但因為呢度d內臟都唔會有內臟味，所以都好食，本身無咩食，建議大家可以點醬食。最後一樣要介紹既就係一個手切牛肉併牛脊拼盤，淨係上枱果陣睇到d花紋就好心動，果然一上枱就要即刻搶住咁夾，好快就無哂。肥牛有脂肪，好嫩唔un，佢係一塊塊分好比你咁上，唔駛好似酒樓果d咁扯極都唔甩，完全無雪藏味，呢個真係好重點，入口未至於即溶，但好易咬，婆婆都食到，唔錯唔錯，價錢小貴，不過勝在出街食，唔洗洗碗，牛係算

打邊爐最緊要係咩？就係個湯底！估唔到烤魚煲做邊爐湯底都好好食😋😋😋個煲材料有雜菇🍄、烤魚、蕃茄🍅所以食落時會覺得酸酸地，到喉嚨就開始辣辣地，雙重口感😻🐟條魚好大條，經過烤制先放入個湯度煲，既保持魚既鮮味，亦吸收哂湯既精華😋好入味，完全吾洗再加其他醬汁朋友太耐冇食炸魷魚，就叫左碟黎試試魷魚係即叫即炸，卜卜脆，咸味岩岩好，而且唔會太油，配埋個甜酸醬汁，兩樣加埋配合起黎非常之夾！另外仲叫左碟紫菜脆響鈴，同樣地都係即場炸起，熱辣辣之餘仲好脆口同出邊食開既響鈴唔同，炸響鈴中間有塊紫菜，都係第一次食，但食完真係返唔到轉頭，放入湯幾秒就將成個湯既精華吸哂，超入味打邊爐最鍾意就係有爽口既配料，牛栢葉係我必嗌既食物之一呢度有唔係成日見到既黑栢葉👀本身就中意黑栢葉多過白色既牛栢葉，覺得會新鮮d (白色好似漂過黎 -，-||| )而呢間既黑栢葉都好新鮮，洗得好乾淨，唔會有怪味，絕對放心食用👍🏽PS. 店內環境非常企理同乾淨，冷氣充足，吾會食到成身汗，最緊要最緊要吾會有陣邊爐味！而且餐廳好貼心，係門口安排左櫈，就算等位或者等人都可以坐住得等，吾洗罰企

朋友話呢間打邊爐非常唔錯，佢哋用料好新鮮！於是今日放工就同同事過去試下！我哋叫咗個川味魚鍋，條魚真係好大條，佢哋將條魚煎完先至放上個鍋度，所以條魚都幾香口！而且條魚好新鮮，啲肉質好實同好鮮甜雖然佢係川味魚鍋，但係唔一定要好辣，因為店員會問我哋要幾辣！佢裏面除咗有好大條魚之外仲會有好多其他雜菌：金針菇、秀珍菇、雞髀菇等等。佢哋仲會有豉油同埋好多唔同嘅配料可以比客人自己調味！不過其實佢哋個湯底已經夠晒濃，好多野都唔需要用豉油已經好夠味呢個係墨釀油炸鬼，佢主要係由油炸鬼同埋墨魚釀製而成，表面再加上少少蟹子，令到口感更加豐富！佢墨魚嘅份量佔咗三份一，所以都好香墨魚味，而且油炸鬼都炸得好鬆脆香口成個配搭好新鮮又好夾！我哋仲叫咗份新鮮肥鵝腸，絕對唔係雪藏，佢拎黎嗰陣，見到d肥膏已經流晒口水肥鵝腸超級爽口！入口嗰陣再加上少少肥膏簡直就係天衣無縫再叫多咗一份杯仔鮮蝦滑，佢哋嘅鮮蝦滑絕對係落足料，好香蝦味而且食落幾爽口彈牙，絕對值得一試！

同朋友慶祝生日去左佢屋企附近食野😁 真係唔黎唔知原來土瓜灣都幾多野食 以前成日都覺得交通唔方便好少可入黎呢度😕😕第一次食路邊煱 環境都幾好😊😆 夠大 每張枱都跟左爐 我地6個朋友坐大枱都唔迫 叫左個烤魚煲既湯底 係蕃茄味🍅🍅為主 條魚🐟煎得幾香 咸咸地又帶少少香濃既味道 配埋湯底就香脆得黎又有少少湯味 好開胃 但要小心有魚骨 整體而言算幾開胃 食完個魚煲用返同一個湯底就可以打邊爐😄😄🍜因為我地都算細食又想食清d 所以叫既配料都係菜呀菇呀為主 翠玉瓜同蓮藕都有驚喜新鮮同埋好爽口 蔬菜材料新鮮既邊爐店真係加哂分 無諗過成餐邊爐我食得最多同叫得最多碟既竟然係最簡單既蓮藕😮😮 因為每位客人都可以預先揀左配汁先 有一隻咸咸地啡色既醬點蓮藕食真係一流 爽口又滋味 果感覺好似食緊潮州打冷咁 我既朋友都跟我點醬食 推介大家去既話可以試試😊😋其實令我想推介既仲有係佢既前菜😍 我地叫左一款炸魷魚🐙 係會新鮮炸比你果隻 少少熱卜卜脆 配再飲啖蕃茄湯底 好開胃 整體都幾滿意 冷氣少少凍 去既話記得帶多件外套👚👚

約了班大學同學Dinner, 大家對食咩都冇咩意見。咁岩見到其他人POST 呢間路邊煱既相, 見到有蟹湯火煱提議左試呢間。去到大約7點,都幾多人下。好在住得近既大同力左位先!黎到呢度當然一定要叫最吸引我既花甲蟹煱啦!點知原來有我最憎既芫荽心諗呢餐唔洗食啦 , 點知個湯好香好濃, 完全食唔到D芫荽味!太感動了叫得呢個蟹煱當然要食佢入面個蟹啦, 個蟹煱上左一陣1分鐘都冇, D姐姐就同我地講"食得架啦!"個蟹真係好食到不得了, 好多蟹膏D蟹肉好鮮好嫩, 蟹膏又多又肥美, 正有咁大隻蟹係入邊, 個湯當然係好好味啦!而且好重胡椒味,好香濃!另外叫左D小食:金磚豆腐,手拍青瓜咁, 都整得好好味可以叫黎送,雖然我地冇.... 手打四寶丸,我冇食齊四種, 但食左既都好彈牙!鵝腸睇落都好似好肥美, 雖然我冇食到.....招牌肥牛拼盤, 呢個不得了! 有不同牛部位, 頸脊、胸爽、脷托、和牛粒.....D牛好好食,肉質軟腍,牛味好足,必食 ! 廣島蠔,新鮮好味!基圍蝦好抵$68only!佢放到咁我仲以為我地叫左個甜品蝦好大隻,新鮮!!水餃, 正常!又係大大隻既~依家又開始掛住個花甲蟹煱啦~真係好好好好味!

朋友帶領下，黎到呢間地道邊爐食晚餐先黎小食－麻辣豬耳好脆口！麻辣味好夠比勁多豬耳我地夠份量作為餐前小食真係好好之後叫左個雞煲加鮑魚鮑魚唔會太硬軟軟的！好大隻！海水味重加落去點少少汁就食得建議每人加一隻食完雞煲打邊爐叫左最愛的靚豬肉！厚厚的！滑過bb面豬登！正啊用黎打邊爐正到痺好推介大家食！

朋友渣車話帶我去土瓜灣食好野，原來就係去打邊爐。入到門口坐落已經好大冷氣，好再侍應好醒目見我地叫凍就幫我地較細個冷氣！我地叫左幾個前菜，其中呢個炸豆腐唔錯！即叫即炸，食個時要灘一陣先，因為真係好熱，但師傅控制火喉了得！炸到外脆內軟，入面豆腐總會係個口腔到浪浪下，感覺好得意！我地叫左個花炠蟹煲，個湯一滾我試左一碗黎飲，好鮮甜，飲落都唔覺係味精，真材實料！我自己本身好鍾意食響鈴，叫左個紫菜炸響，唔錯，脆口得來有紫菜香味，落湯浸3秒！岩岩好食得！當然唔小得叫番d肉啦，叫左個午餐肉，好肥好香，其實好想問下係邊隻牌子當然叫埋肥牛啦，脂肪夠，有牛味，可以一試！最後要介紹就係泰國基圍瑕！真係好大隻總要係生猛，個長度係長過隻碗，呢個最推介大家食！總括講食物有水準有誠意，不錯！

雞煲興左成妁年都仲係咁多人食,我都好耐無食過今日同朋友去左土瓜灣做考察,之後就是但搵間餐廳食野食左個麻辣雞煲,唔算太辣但幾好味入面鮑魚幾滑,幾好味雞肉唔算太多,但好夠味入面仲有豬大腸,好肥美由於餐廳唔太多人,可以慢慢坐到佢地拉閘,好開心

早一陣子跟朋友來到土瓜灣,好友不見的朋友們,相當掛念你們呢我們一行3人,有傾有講的來到這餐廳餐廳在平日人流實在慘淡,所以位置我們可以任選,我們選了一張5人枱,方便放袋子滿是食物介紹之下,我們看中了辣味雞煲由於是吃火鍋,所以醬油裡的調味料我們自行調制,相當方便吃火鍋前先來個小吃,香脆豆腐磚熱騰騰相當好吃,外脆內滑,用的是新鮮豆腐,不過小心燙口我們選了餐廳知名的辣雞煲,下單後大約15分鐘便出場了,相當令人期待打開後蒸氣撲面而來,撥開雲霧後便看清雞煲的全相,雞的數量比想像中多,而其他配菜亦相當吸引不過辣雞的風頭卻比一配角搶掉了,正是一級鮑魚才有此能耐,外型相當吸引刷頭內的鮑魚肉相當堅厚,吃起來卻軟滑無比,口感一流另一驚喜之處便是豬大腸,這兒的豬大腸相當吸引近看之下豬大腸相當肥美,比一般地方吃到的更粗更大條,而辣味亦令豬大腸味道昇華至另一層次雞肉相較下沒以上2樣吸引,但仍是不錯就這樣,我們吃吃喝喝,邊講邊笑,便渡過了愉快的一晚

最喜跟老婆和女兒三人一起的時光,無論吃什麼也是相當高興的今天我們來到家裡附近的一家餐廳,吃個簡單3人晚餐吧我們吃了一個雞煲,小辣因為要遷就小女孩雞肉十分夠味,不過份量不算太多,3人吃只是一個前奏,不過雞肉多骨小,真的不錯之後變為做打邊爐,吃了蛟子,皮厚肉滑,吃起來不錯肉丸類的也是十分新鮮,爽口彈牙特別是這個咸蛋黃墨魚丸,彈牙之餘味道亦十分複雜,感覺相當吸引食物相當不錯,而且價錢便宜吃過晚餐後,又要努力工作呢

encore 當然係有吸引之處，環境、食物都不錯，用料都新鮮。今次首先試下小食 ... 麻辣牛展，麻辣好甘香，牛展好入味而幾煙靭。雞煲...今次買相更好，雞件大細適中...味道牛肉D花紋好靚，食落好林，基本上放落雞煲火煱味道已經好好，唔雖要加調味料。蝦非常新鮮、大隻，好爽口。小丸子...選擇咗牛丸及墨魚丸，都可以。聖子中型size，都新鮮、好肉地。響鈴...脆，10秒即食，正。正菜...皇帝菜及冬瓜，火煱最佳配合，又新鮮。