輝哥私房菜

營業中

休息中

生日月朋友話請我食九大簋聽完都好興奮，用左togetda訂購可以半價優惠食九大簋矜貴晚宴。優惠價每位$298價錢都唔錯，有龍蝦、黃鱔、和牛、咕嚕肉、海斑、杏汁豬肺湯等好多野食，味道唔錯食完超飽。煙三文魚凱撒沙律兩份估唔到前菜係西式沙律，滑滑的煙三文魚配凱撒醬美味。香草芝士焗龍蝦兩份波士頓龍蝦蝦肉彈牙，佈滿邪惡的芝士，每位半隻有點唔夠喉。清蒸海斑原條石班份量夠晒二人享用，魚肉軟滑蒸煮時間剛好，簡簡單單清蒸鮮美好味。杏汁豬肺湯個湯呈奶白色幾好飲，好香杏汁味，入口順滑味道甘香，唔錯。滋味一口和牛一口一粒，肉汁從口內爆發，肉味濃郁，肉質柔軟炒得唔會過老。新鮮菠蘿即炸咕嚕肉咕嚕肉口感酥脆，味道酸甜開胃。吊燒雞例牌份量而已但夠食，皮脆肉嫩都幾入味。原汁黃鱔焗飯用上原條黃鱔非常慷慨，魚肉肥美魚油滲透於飯中，魚香四溢仲有飯焦非常好食。甜品食到飽飽最後有細細杯甜品，有杞子圓肉桂花糕和特色奶凍杯。二揀一清香的桂花糕我最愛。

難得同媽咪去街，行到攰攰地一於去輝哥私房菜食餐好嘅。今次我哋book咗九大簋矜貴晚宴，係togetda訂購仲有半價優惠🤭🤭分量方面真係好多，仲未想飯同埋甜品我哋都已經好飽了🤣直頭同老闆講飯要一個share試味咁食就夠啦！真係超級抵食。再講下食材，每樣野都好新鮮，啲蝦煮之前仲跳下跳下。個湯先係精品，大大的椰皇裏面裝咗元貝花膠竹笙菜乾同埋瘦肉一齊燉，唔使加好多調味已經好鮮甜🥰真正健康的美味。媽媽話好鍾意❤️呢度的咕嚕肉同樣好出色，食得出煮法同外面唔同愛皮香脆加埋啲漲甜甜的再食一嚿菠蘿好惹味。其他甜品和主菜同樣出色，呢個價錢邊度搵😭真心推薦。🏠輝哥私房菜 (佐敦)@FaiGorKitchen佐敦長樂街18號18廣場2樓折扣link：https://bit.ly/3yuqZbd

難得平日放假，好想去飲茶食下點心。醒起佐敦輝哥私房菜有午市點心放題。星期一至五平日價格$99 全包仲有汽水、啤酒任飲，呢個價錢真係平絕全香港!茶類就只有壽尾/普洱兩款。超過50款點心、小食、粥品、炒粉面任點及大排檔小食到自助吧領取。時段11:45-13:15 12:50 last order，侍應夠鐘前會提醒食客。任飲櫃都有果汁、汽水、啤酒8-10款。自助區有即煎羅白、冬茸海鮮羹韭菜豬紅、咖哩蘿蔔魚蛋、炒腸粉每人送一份灌湯餃，比平常就細隻D第一轉叫得比較多碟少少慢慢食肉碎蠔仔粥都有3-4隻蠔肉八味脆豆腐外脆內嫩，魷魚鬚就無咩味。蒸腸粉有5款，選左蜜汁叉燒腸，味道質地正常。蝦餃雖然細細粒，勝在飽滿及蝦肉爽彈。燒賣賣相差D，但豬肉紮實味道幾出色。燒汁牛柳粒質地都正常。最後仲點了棉花雞。總括$99任食點心都無咩可以投訴。

如果你係點心愛好者，點心放題你一定唔可以錯過。唔少酒店都有點心放題食，不過價錢當然都要 $200 以上。如果大家budget有限，又想填飽個肚，都可以嚟試下輝哥私房菜嘅午市點心放題！首先讚一讚就係佢選擇都算多，而且真係任食唔嬲，汽水飲品自助任攞。而且冇隱藏式收費。所以大家都可以盡情大吃大喝。食物質素就普普通通，某啲點心都值得一讚嘅，如果大家著重食飽個肚坐下吹下水。咁都係一個唔錯嘅選擇。點心我都係鍾意想散叫多過放題，因為本身食量都唔多，而且點心都幾易飽。

今日朋友帶我食「經典懷舊港式點心放題」，聽講係全講最平呀。 首先每人贈送一盅古法灌湯餃，可以慢慢食住揀嘢食！限時90分鐘，有足夠時間，唔駛急。 睇睇點心紙有好多選擇，張紙有嘅嘢食都可以點，而大排檔小食呢就自己出去出邊攞，連湯羹都有，限量供應㗎。 點左嘅嘢食好快就上枱，有效率！首先飲茶必食嘅蟹子燒賣王同水晶蝦餃王，每籠有三件，回本之選。炸物偏油，個人比較鍾意八味脆豆腐，一口一粒。流心奶黃包真係做到流心效果，掂！經過90分鐘嘅肚皮放縱，好飽

朋友介紹佐敦輝哥私房菜是很有特色 的放題，所以安排了時間今晚過來食。餐廳晚市海鮮盛宴放題每位$188，有茶位及加一，超過50款海鮮、小炒……等，有主食、爆鑊甘、小食、游水海鮮、田園蔬菜、炒粉麵飯及甜品……等放題任食！餐廳先送上青口及白灼游水海生蝦。海生蝦顏色橙紅橙紅的，見到已令人食慾大增。鮮蝦爽口又鮮味，青口很鮮甜。海鮮類要了芝士牛油焗北海道元貝及芝士牛油焗生蠔、蓉粉絲蒸貴妃蚌、金銀蒜粉絲蒸北海道元貝……，任叫任食食得非常開心。小食要了椒鹽魷魚鬚，魷魚鬚剛剛炸起還熱辣辣，外脆內軟，很香口。還有白洒煮海螺當然最矚目的當然是橋底炒肥美肉蟹，叫一份有大半隻，肉蟹香噴噴，肉質鮮甜美味，任食~~正~~潮式蠔仔肉碎泡飯，湯面上見到有菜芯片、泡飯面有蠔仔、梅菜、肉碎……等，湯底鮮甜，蠔仔細細隻、很有蠔仔的鮮味。豉油皇煎游水海生蝦，份量很多很香口！還要了金銀蛋菜苗、豉椒鵝腸、香煎蠔仔……蛋等。最後當然是以甜品陳皮紅豆沙及杞子圓肉桂花糕做為今餐的完美結局，好味哦！

#cassiegojordan-日式放題平時食得多但係私房菜放題你有試過未？最近輝哥私房菜推出豪華海鮮晚市放題，只需$188起即可任食50款菜式，好啱一家大細一齊去食。因為平時屋企長輩未必想食太多生冷野、刺身同壽司。私房菜放題會對於佢哋來講有多啲選擇！👍🏿-前菜小食已經好開胃，有口水雞、話梅豬手、胡麻秋葵等，其中椒鹽魷魚酥好脆，食極都唔停口。喺屋企絕對炸唔到依個效果，一定要好夠鑊氣先至可以炸得咁脆。😋-海鮮類有有好多選擇，除咗多海鮮揀之外，每款海鮮仲有兩款煮法揀，包有一款啱你心水，有幾款都好好食，包括金蒜蒸北海道元貝、芝士牛油焗生蠔、梅酒蒸清口、金炒鮮魷等。除咗特色海鮮，仲有主食、鑊氣炒、炒粉麵、甜品，絕對唔會比酒店自助餐差。✴️-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 輝哥私房菜 (佐敦)📍 佐敦長樂街18號18廣場2樓--

朋友係大胃王😆，好鍾意去食自助餐、任食火鍋、任食午餐 / 晚餐 … 呢日佢約我喺佐敦食飯，帶咗我嚟呢間喺樓上嘅餐廳，果然都係任食，非常適合我朋友嘅胃口同性格😆呢度叫「晚市海鮮盛宴放題」，每位$188，都相當多嘢食😆。我哋食咗 豉椒炒蜆、豉椒炒蟶子、金銀蒜粉絲蒸元貝、蒜蓉蒸蠔、豉油王煎蝦、滑蛋牛乳蝦仁、水煮牛肉、四川口水雞、啫啫白鱔煲、椒絲腐乳通菜、金銀蛋菜苗、白灼蝦、帶子海鮮粥 等😆真係好飽，起碼有50款菜式任食，連大胃王朋友都食得好飽😆😋

話說平日有78蚊下午90分鐘任食點心, 今日見得閒約埋朋友去試下o唔ok.環境似屋邨嘅舊酒樓, 都算乾淨企理。而且酒樓員工做嘢/ 收碟都爽手.一嚟就送上半隻燒乳鴿味道唔錯，唔乾身，仲有肉汁，應該係即炸炸雲吞好食, 夠脆, 皮薄餡靚 八味脆豆腐外脆內軟山竹牛肉、豬肚燒賣都唔錯水晶蝦餃皇, 如果對皮要求唔高, 其實都 ok 的鳳爪就不過不失流心奶皇包, 必食, 完全驚喜！杞子圓肉桂花榚, 清甜好味！叉燒包, 諗住奶皇包好味, 所以試埋叉燒包, 嗯, 都係食多次奶皇包開心 d

最近俾我搵到輝哥私房菜有做緊優惠🎊！我即刻同朋友去試下佢嘅晚市海鮮盛宴放題😋！放題主打食海鮮💦，有肉蟹🦀、貴妃蚌、北海道元貝、蠔🦪、蝦🦐、蜆、海螺🐚等等嘅最正嘅海鮮！一坐低店員💁🏻‍♀️就即刻送上海鮮拼盤，有凍蝦、翡翠螺、青口，都好新鮮👍🏻，另外仲有蒲燒鰻魚一條🤗！餐紙上嘅超過50款菜式都可以任意俾我揀選我特別鍾意呢幾款菜式：🌟芝士牛油焗生蠔🦪：蠔肉多汁，加上芝士同薯蓉焗得香濃無比！🌟招牌凍大眼雞🐟：魚肉鮮甜💖🌟薑蔥炒蟹🦀：夠香辣入味！🌟豉汁炒蟶子：超大隻，味道清甜，加埋豉汁更加好味！小菜麵飯方面:🌟水煮白鱔片加上帶子海鮮粥🥣：鱔片無骨嫩滑而且好入味！🌟菠蘿咕嚕肉🐷：酸酸甜甜好開胃🤤🌟麻辣口水雞🐔：辣到啱啱好雞肉好嫩滑😍最後叫埋杞子圓肉桂花糕、啫喱、紅豆沙做飯後🍚甜品！成餐飯都非常滿足🤩！

我好中意食海鮮呢度有好多野食即叫即煮所以上到枱時都熱辣辣凍盤有青口及鮮蝦蝦肉大隻，爽口青口都新鮮鰻魚很厚身，幼骨易入口不算燒得好燶，基本上好入味薑蔥炒蟹很大隻，蟹肉仲係一梳梳醬汁沾滿蟹身，就甘叫多幾份都回本廚師好好，已經將蟹整碎，食的時候都好方便豉椒炒蜆份量多，很惹味蜆都多肉，薄殼最鮮味蒜蓉粉絲蒸蠔，扇貝，食出鮮味蠔肉大隻，高溫蒸熱很安心食得出鮮味，蒜蓉粉絲份量都足夠另外扇貝都好鮮味，處理得好乾淨海鮮粥都大碗，夠兩個人分享有元貝仔，鮮蝦，粥底都好夠米氣加上青蔥又幾鮮味叫了腐乳通菜炒得夠鑊氣，通菜爽口腐乳味香濃仲有脆豬手，小炒王一樣甘正豬手肥瘦適中，皮都夠薄脆

今次去佐「輝哥私房菜」食海鮮盛宴放題🍽.冷盤🌊有凍蝦同青口🦐兩款都唔差，而蒲燒鰻魚醬汁味道濃郁，好肥美.小食🥒胡麻醬秋葵，幾開胃🤤.海鮮🐚北海道元貝用金銀粉絲蒸、芝士牛油焗都好好味🧀蒜蓉粉絲蒸貴妃蚌🧄生蠔用蒜蓉蒸就比較夾🦪芝士牛油焗會有好creamy嘅薯蓉🥔白酒煮海螺大隻🍶幾款海鮮都鮮甜唔腥🥰.爆鑊金🔥菠蘿咕嚕肉酸甜香脆🍍🧅值得一試😬金薯牛柳粒有咬口🐮而且炒得幾入味.田園蔬菜🥬椒絲腐乳通菜同金銀蛋菜苖🥚蔬菜新鮮翠綠，調味剛好👍🏻.主食🥢黃金炸饅頭即炸，外皮金黃香脆✨點煉奶食超邪惡👿.甜品🥣有杞子圓肉桂花糕同南瓜西米露🎃2款都整得幾好味😋.飲品🍻🥤可以升級為飲品放題

今晚去左食輝哥私房菜既「北海道元貝、川味蟶子、牛油焗生蠔」晚市海鮮放題，聽個名好吸引，但係根本就係「掛羊頭賣狗血」，晚市時段20:00-22:00，入座坐底，打開張點菜紙，侍應已經同你講，冇蟶子、冇大眼雞、冇泥鯭、冇蒸魚雲乜野叫放題先？坐底點菜乜都話冇好，唔緊要，order薑蔥炒蟹、豉椒炒蜆、白灼蝦、30分鐘都上唔到菜，上到菜d野食係凍冰冰，賣相差，仲以為自己叫左冷盤order蠔仔肉碎泡飯，蠔仔唔新鮮，腥到不堪粉絲蟹煲-上菜即時影既相，賣相差，味道更加唔洗講衰過食團餐芝士牛油焗生蠔-睇個款似蒸多d，生蠔完全唔新鮮總結：食物質素差、賣相差、員工服務態度非常差、性價比超低，三個字「超級伏」

早兩日去佐敦道工作，差不多晚飯時間，同事介紹附近有一間叫做輝哥私房菜，海鮮多到不得了，一於去試吓 😄飯店裝修酒樓格局，一坐低店員來了，三碟冷盤：第一碟有海蝦青口，第二碟鰻魚，第三碟翡翠螺🦐🐟食完第一round，自選部份，叫了芝士牛油焗生蠔，蒜蓉炒青口，金銀粉絲焗元貝，豉椒炒蟶子，豉油王煎海蝦，橋底炒辣蟹…真是多不勝數🦐🦀🐟海鮮食到差唔多，來多個round，香煎生蠔仔餅，乾炒牛河，椒絲腐乳炒通菜，還有我最喜愛的菠蘿咕嚕肉🐖🐂還有這裏啤酒汽水任飲，前前後後，一路食一路飲，成個人飽晒 😇

每次飲茶 樣樣都想試下🤭真係好難喺點心紙上面取捨啊所以今次放假就嚟試下好多人推介嘅輝哥點心放題首先要講嘅係佢每樣都係細細碟可以試多幾款唔同款式嘅食物🥰而食物質素都唔會因為做放題而下降入座每位送店舖皇牌半隻脆皮紅燒皇子鴿 皮脆多汁 肉質細嫩鮮美😋食咗嘅款式太多我都記唔曬咁就不如講下我自己印象深刻嘅野食啦我就特別鐘意佢地嘅八味脆豆腐外皮香脆豆腐嫩滑 豆味香濃 我叫咗3次😂😂經典嘅蝦餃皇 皮薄通透煙韌 蝦肉爽實涼拌拍青瓜 夠酸夠清爽 非常開胃☺瑤柱帶子肉片粥 粥底軟綿 帶子鮮甜流心奶黃包 外層嘅包薄餡多 食落有一股濃滑嘅奶香👍🏻鮮蝦腸粉 蝦肉爽彈 腸粉皮晶瑩透薄 超滑溜～炸魷魚鬚香脆惹味 食到停唔到口唯一係我碟蒜片牛柳粒略咸😂呢度仲有經典嘅懷舊點心👉🏻豬潤燒賣但係可惜我唔食內臟🥲所以冇點到不過我見餐廳坐位唔多如果怕要等或者冇位可以先致電訂座100蚊唔洗嘅價錢 就可以任食點心真係好抵鍾意飲茶嘅朋友一定要嚟試下啊