輝哥私房菜

營業中

休息中

見做緊優惠，黎到位於佐敦嘅輝哥私房菜食吓佢嘅晚市海鮮盛宴放題。放題主打食海鮮，有肉蟹、貴妃蚌、北海道元貝、蠔、蝦、蜆、海螺等海鮮，仲可以自選煮法。另外亦有游水鮮魚同其他小菜、炒粉麵飯、甜品可以揀。一坐低先有海鮮拼盤食住先再慢慢點菜，拼盤有青口、白灼蝦同蒲燒鰻魚。海鮮整體黎講唔錯，算喺新鮮，而且即叫即整，唔喺行貨，貝殼類亦都冇砂。推薦薑葱/橋底炒肉蟹，有辣有唔辣，炒得惹味。另外芝士牛油焗生蠔亦都唔錯，蠔肉juicy，加埋芝士同薯蓉焗得香口。金銀蒜粉絲蒸北海道元貝大大隻，啖啖肉。如果鍾意食香口嘢，金沙炒鮮魷就夠哂邪惡，每一口都喺咸蛋黃香。至於小菜麵飯方面，食左水煮白鱔片同帶子海鮮粥，鱔片冇骨嫩滑而且入哂味。最後仲食左個菜，食埋個杞子桂花糕做甜品，大滿足。。。輝哥私房菜佐敦長樂街18號18廣場2樓。

老公一向鍾意食中菜和小炒，同事話佢知佐敦輝哥私房菜晚市有放題，有新鮮海鮮，超過50款菜式任食，係訂座平台訂重有特別優惠。今日佢就叫埋我一齊去試吓！多款飲品任飲。入座後，侍應立即送上海鮮拼盤，有凍蝦、翡翠螺、青口，都好新鮮，另外還有蒲燒鰻魚一條。呢啲係一次性。餐紙上的食品任叫任食。薑蔥炒蟹夠惹味。白灼蝦鮮甜，豉油王煎蝦香口。滑蛋牛乳蝦仁：蛋炒得夠嫩滑，蝦仁爽口。啫啫白鱔煲：醬汁調得夠濃味，白鱔肉質彈牙！呢個蠔應該同餐牌有出入，食落似薯蓉焗生蠔，薯蓉口感creamy,生蠔冇腥味！金銀蒜粉絲蒸元貝味道清淡，加點醬油比較好味。剁椒蒸魚雲：魚雲滑溜，辣辣地好惹味。菠蘿咕嚕肉酸酸甜甜好開胃。八味豆腐口感好滑。甜品杞子圓肉桂花糕、啫喱、紅豆沙。唔錯的飯後甜品。

第一次食輝哥私房菜晚市海鮮放題🥰一坐低就自動送上螺、青口、蝦和鰻魚，蝦和螺係彈牙好食嘅👍呢度的海鮮款式好多，仲可以揀煮法（清蒸、金銀蒜粉絲蒸、油鹽水浸、白灼等等）我哋叫咗好多轉海鮮都冇漏單的情況出現👍👍啲小菜的份量都適中，唔會太大份，可以試多幾樣😋😋蒜蓉炒青口～新鮮肥美✌️芝士焗蠔～大隻又香粉絲蒜蓉蒸扇貝～大隻鮮甜薑蔥炒肉蟹～野味豉椒鵝腸～鵝腸洗得好乾淨輝哥小炒王～好正，有鑊氣菠蘿咕嚕肉～熱辣辣，非常開胃魚香茄子煲~有水準廈門炒米～炒得夠乾身最後來2個甜品，完美結局😋😋

輝哥私房菜，喺佐敦出曬名，之前試過book好多次都book唔到位，今次真係好開心終於畀我book到，佢有兩個時段任食點心，我今次就揀咗頭段十一點九，90分鐘大把時間，食完仲有大把時間剩，可以去行下街。上到去已經發現好多人入咗座，咁都係嘅，78蚊任食，唔爆場先奇。唔講咁多，睇下有咩好嘢食先，真係估唔到七十幾蚊任食嘅點心有咁多選擇。出面仲有啲即食嘅小食任拎。豉油王炒腸粉：都幾有鑊氣，又唔會太油膩，入曬味。韭菜豬紅：細細碗剛剛好，啲豬紅好入味。椒鹽鮮魷：即叫即炸，外脆內軟，炸漿唔會好厚，好重椒鹽味。水晶蝦餃皇：好大粒，大過五蚊銀，皮薄餡料多，晶瑩通透。目測入面至少有三至四隻蝦。口水雞：細細碟剛剛好，麻辣味好香。灌湯餃：原來每位送一盅，超級好食用了十足。原來仲有個放題飲品櫃，都有五六款嘢選擇，仲有啤酒飲添。總結：其實仲食左好多野不過掛住食同太多選擇，影唔到咁多，但咁嘅價錢咁嘅質素出面邊度搵到。

網上見到推薦話呢間輝哥私房菜晚市兩舊水左右可以食到超過五十款嘅海鮮放題而且網上訂位仲有特別優惠好似幾抵飲品除咗果汁汽水之外仲有紅白酒同啤酒全部無限量供應任飲勁抵小食最近天氣咁熱坐低當然嗌兩碟涼拌拍青瓜同涼拌小木耳醒下胃先頭盤每位奉送海鮮拼盤以及蒲燒鰻魚；拼盤有齊凍蝦以及翡翠螺同青口質素都幾唔錯；蒲燒鰻魚膠質豐富而且肥美甘香貝殼海產類海鮮種類繁多淨係貝殼海產都有接近十款選擇而且煮法多樣；偏好清淡可以選擇白灼或者金銀蒜粉絲蒸；想要惹味嘅梗係要揀薑蔥炒或者豉椒炒游水海魚類豉汁蒸黃立䱽魚肉夠哂嫩滑而且細細條兩個人分啱啱好主食/炒粉麵類嫌淨係食海鮮唔夠飽嘅話仲可以叫碗粥或者炒個粉麵；潮式蠔仔肉碎泡飯啲蠔肉都幾飽滿鮮甜；乾炒牛河夠晒鑊氣加上醬油夠晒濃香惹味爆鑊金食咗咁多海鮮想要食返啲菜所以叫咗碟欖菜肉鬆四季豆健康得嚟又夠鹹香甜品南瓜西米露香甜濃稠加埋粒粒西米口感豐富

朋友介紹下book咗佐敦輝哥私房菜食晚飯，開頭未試過海鮮放題諗住唔係咁多嘢食，點知上到去原來超多海鮮選擇。一坐低頭盤先嚟兩大塊鰻魚、白灼蝦及青口，鰻魚汁好濃而且夠厚實，好味。白灼蝦及青口夠新鮮，點埋特製嘅豉油食感覺一流。之後我哋就開始不停點menu上嘅海鮮，分別點咗啫啫白鱔煲、生滾蟹粥、豉油王煎蝦、蒜蓉蒸鮮魷、薑蔥炒肥美肉蟹、芝士牛油焗生蠔、白酒煮海螺、金銀蒜粉絲蒸北海道元貝、豉椒炒蜆、油鹽水浸蜆、剁椒蒸魚雲，仲有叫咗香煎蠔仔蛋、菠蘿咕嚕肉。其實每樣海鮮都超好味，而且每樣海鮮都可以無限encore，又有小菜、粥或者粉麵選擇，蒸魚我今次都未叫，下次嚟一定會再試埋。最值得推介係呢度嘅薑蔥肉蟹及蟹粥，因為d蟹超大隻而且好多蟹膏，我最喜愛。而最後甜品食埋芋頭西米椰汁糖水，呢餐食到好飽。。

之前夜晚係佐敦附近，見openrice推薦呢間私房菜就同朋友上去試下啦。一坐低就首先會送冷海鮮拼盤，仲會有蒲燒鰻魚添。呢度呢度晚市主打海鮮放題，食物種類真係好多，特別係海鮮都有好多款選擇，例如有游水海生蝦、北海道元貝、蠔、青口等等。而且仲可以選擇埋煮法，例如會有蒜蓉蒸、白酒煮、芝士牛油焗、金沙炒、蒜蓉粉絲蒸，可以試曬唔同嘅口味。而且除左海鮮之外，仲會有唔同嘅小炒菜式可以選擇，而且出面嘅飲品亦都係任攞。

經開佐敦，之前有朋友講附近18廣場有間酒樓做緊點心放題$78 一位任食90分鐘！經open rice訂更加平$10一於試下啦！餐廳環境有點似工廠大廈多過酒樓。因為放題分左timeslot，分別係11:30同13:30。大家留意未到13:30係要係出面排隊，但因為lift lobby有d窄，等有d熱，所以建議大家不用太早到，點心選擇唔算好多，但想食都有提供。燒賣更附有多個版本。出面亦有自助區，提供蘿蔔糕、韭菜餅、豬紅等亦有汽水任飲⚙️⚙️⚙️⚙️⚙️⚙️⚙️⚙️⚙️⚙️⚙️⚙️⚙️質素反映了價錢如果想飽肚，放任地食點心，算係不錯的選擇。但值得留意，又令我較介懷的是要與人搭檯，而透明板以不太高⋯疫情期間希望餐廳可以做足d⋯🏮輝哥私房菜 (佐敦)佐敦長樂街18號18廣場2樓

見到網上介紹呢間有海鮮小菜放題，就相約嫲嫲去試吓，因為佢老人家至鍾意食海鮮㗎啦海鮮拼盤及鰻魚入座就送上海鮮拼盤及鰻魚，海鮮拼盤有蝦、青口及翡翠螺，整體都夠鮮甜爽彈，鰻魚亦夠肥美海螺類有秘製辣味同白酒煮，老人家唔好辣所以叫咗白酒煮，酒味唔太濃，螺肉亦夠淋唔韌主食:潮式蠔仔肉碎泡飯/肥美肉蟹主食有兩款粥，一款泡飯及黃金炸饅頭選擇，選擇蠔仔肉碎泡飯喺因為自己整比較麻煩，洗蠔仔工夫多，所以一定要試吓，蠔仔細細粒都幾飽滿同鮮甜；肉蟹都喺有兩款煮法，橋底炒(辣)同薑蔥炒，梗喺薑蔥炒啦，咁先可以食到蟹嘅鮮味嘛，而且仲勁多蟹膏添游水海魚類有五款選擇，叫咗豉汁蒸黃立䱽同剁椒蒸魚雲；䱽魚原條上用豉汁蒸非常惹味，魚雲啖啖肉夠滑溜，雖然配剁椒蒸，但不算太辣田園蔬菜有六款選擇，點咗金蒜蒸勝瓜，勝瓜清甜同金蒜味道很夾爆鑊金成十款選擇，欖菜肉鬆四季豆喺我至愛，四季豆甜肉鬆惹味，很夠鑊氣炒粉麵類有四款選擇，唔嗅米氣嘅老人家就叫咗碟干炒牛河俾佢，牛肉唔韌而且炒得香口爽身精美甜品甜品固定有兩款，而精美品就每日不同，今日喺南瓜西米露，非常香甜

上網見人介紹 👉🏻 輝哥私房菜 👈🏻 嘅晚餐係海鮮放題，超過50款菜式任食，仲要只係每人$2xx ，就去試下喇👅..一坐低就送咗個”凍海鮮拼盤” 有蝦、青口同翡翠螺，蝦嘅肉質鮮甜，幾好👌🏻 再送多個”蒲燒鰻魚” 肉質緊實，配上鹹甜鹹甜嘅蒲燒醬汁，送餸飯係一流➰.“油鹽水浸貴妃蚌” 食得出貴妃蚌好新鮮，鮮甜可口，配上粉絲，唔錯🙆🏻‍♀️.“豉汁蒸黃立倉”魚肉好嫩滑，用豉汁蒸簡單得來食到魚本身嘅味道💯.“ 金銀蒜粉絲蒸北海道元貝類”元肉夠鮮甜，加上吸晒鮮味嘅粉絲，好食😋.“秘製辣味海螺”爽嫩嘅新鮮海螺，配上麻辣香味，令人不自覺吃完一粒又一粒💯.“豉椒炒蜆”呢個要廚師炒得夠唔夠鑊氣，蜆肉加上惹味醬汁，香噴噴之餘又惹味，正⭕️..“生滾蟹粥”啖啖都有蟹味，而且蟹上面好多蟹膏，幾好味❗️.“薑蔥炒肥美肉蟹”果然無令我失望，蟹腳同蟹鉗入面全部都係肉，可以再嚟多碟😌.🔥留意返...係app訂會有特別優惠喔🔥

一向都好鍾意飲茶，不過點心逐碟計，一啲都唔平，叫吓叫吓隨時都幾百蚊埋單。最近有朋友約咗我去佐敦「輝哥私房菜」食點心放題，原來佢之前嚟過，覺得店舖嘅點心不但花款多，而且價錢經濟實惠，網上預訂，每位都只係 $78，另收加一及茶芥，就可以 90 分鐘任食超過 50 款點心，所以想同我嚟試下。一坐低就即刻剔點心，點心全部自家製作，即叫即蒸，有蟹子燒賣、鮮蝦腸粉、奶皇包、棉花雞，另外仲有多款巧手小食、粥品及時蔬等供應，款式超多。燒賣表皮薄透，配搭頂端的蟹子，光是外形就已經令人食指大動。入口果然唔錯，蝦肉好大隻好煙韌，蟹子也很脆口。豬肚燒賣亦值得推介，豬肚爽口之餘，下面的肉球亦十分彈牙美味。蝦餃皇晶瑩剔透，外皮薄得嚟又夠均勻，入口帶點柔韌，唔會一夾就爛，蝦肉爽口新鮮。鳳爪好大隻，醃得夠晒入味，肉質軟腍香口。馬拉糕甜得自然，而且糕身蒸得又鬆又軟，絕對是水準之作。奶皇包熱辣辣勁流沙，食嘅時候小心奶皇漿爆曬出嚟！八味豆腐外皮炸得十分香口，內裡嫩滑，豆味香濃。魷魚鬚亦值得一試，炸粉唔會好厚，入口乾身鬆脆，而且椒鹽味甚香，完全無油溢味。唐生菜新鮮嫩綠，口感爽脆，加上用了麵醬來烹調，更為惹味。肉片粥嘅粥底好綿

原來點心亦有放題，位置比較隱蔽，不是一般的酒樓，而是樓上店私房菜，價錢78元+!!!!!!午巿只有2個時段: 1145 或1330開始，90分鐘任食2樓全層，出電梯就看到大大門面，入門先登記，探熱，按排入座。入門已看到任飲的韓國罐裝飲品及雪梨水午餐座無虛席，2人的都安排搭枱，4人一枱，中間有隔板每位入座計，就會送乳鴿半隻，非常入味，吃完對點心亦有期待點心紙看到大概50款不同款式，但大排檔小食要自取，可惜選完點心不到10分鐘出去一看已沽清了... 只剩下碗仔翅... 第一次來不知道吃不了... 幸好點心很快便上枱，點了很多款，推介以下的:蝦餃，燒賣必點，大大粒，味道亦有水準口水雞，點了3次，非常好吃奶皇包，是我的最愛，熱吃有流沙感覺炸雲吞，點了2次，炸得非常脆口，配上甜酸醬味道一流馬拉糕，小女兒也非常欣賞 (要注意，佔座位的小bb也會算1位價錢)下次再來，必先自取大排檔點心!

又到每星期至少一次嘅食好西啦😋今次就去佐郭“輝哥私房菜“食海鮮放題，完全迎合我最鐘意嘅海鮮。一坐底 ，就先即刻上個冷盤， 有凍蝦同青口 然後再嚟多個 蒲燒鏝魚。之後就可以坐定定寫紙仔， 每次最多限叫8樣。 而且每份係二人份量。 樣樣都細細碟，唔怕浪費食物 ，亦可以多啲quota試多啲野食。上菜時間唔會太耐。估佢唔到 有咁多種選擇 。海鮮之餘亦都有小菜、小食、炒粉麵 幾大食嘅男士都唔駛驚食唔飽。豉椒炒蜆夠哂入味， 風味十足。貴妃蚌個人推介油鹽水浸 ，另外白酒煮海螺堅夠清酒味。特別推介 金沙炒鮮魷， 真係堅正，要encore 。薑蔥炒蟹 都好多羔🤤另外爆鑊類 燒汁牛柳粒 ，菠蘿咕嚕肉 👍🏻👍🏻👍🏻不過第一轉個咕嚕肉冇菠蘿🍍 encore時remark要菠蘿 待應叔叔好好 特登夾返幾舊菠蘿俾我地🤣欖菜肉鬆四季豆 唔會太咸， 淨食都冇問題。蝦仁炒蛋都好出色，蝦肉大大隻， 咬落蝦肉十分爽脆 ，而且蛋亦都炒到好滑，一啲都唔輸蝕大酒樓。重點雖然係放題，但勝在碟碟都熱辣辣上枱 。所以建議返 好似我哋兩個人去食咁 唔好吓吓一點就點哂8款 因為（蒸海鮮尤其）凍咗就冇咁好食啦～其實野食方面仲有其他選擇例如黃

咁大個人都未食過咁垃圾嘅海鮮， 唔新鮮不在話仲要啲嘢食好似冇落調味咁， 啲海鮮又唔熱只係暖暖哋， 價錢有伏位，因為佢加一要用原價，居然原價係三百八十幾， 仲要收埋加一茶位，一個人要另外畀多五十五蚊， 成三百蚊一位，食個咁嘅海鮮餐， 食完返屋企途中肚痛返屋企屙到七彩， 以後唔會去。

好耐無飲過茶啦！最近發現有間餐廳有點心放題而且又唔貴，就同媽媽去試下$78/位點心任食都幾抵食，佢有分2輪時間，我地諗住食第二輪時間13:30，13:20黎到都要排隊啊一入到去都係中式酒樓既格局，餐廳都唔算大間既，所以好快就坐滿左坐低就睇下有咩食先，點心紙上都算多野揀既，點心、粥粉麵飯、小食、菜…都有，仲有d係自取既大排檔小食大排檔小食就有d豬紅、咖哩魚蛋、煎糕、煎韮菜餅、仲有椒鹽瀨尿蝦！飲品都有罐裝汽水揀另外又有蜂蜜雪梨汁任飲開始已經有每人半隻乳鴿，燒得好香又脆皮，都唔錯另外點左涼拌雲耳、青瓜同口水雞，三款都微辣，雲耳酸酸辣辣，好開胃點心揀左蝦餃、燒賣、菜苗餃同腸粉，全部都係即叫即蒸熱辣辣，食落去都好新鮮，唔錯春卷同韮菜餅都好香口，甜品點左桂花糕，大排檔有紅豆沙，唔會太甜，幾好