輝哥私房菜

營業中

休息中

秋風起，又到食蟹嘅時候～呢餐全蟹宴喺Togetda買，$298包九道菜，價錢真心抵。餐廳只可用安心出行，環境乾淨企理。全場汽水、紅白酒、花雕任飲，極推薦花雕酒，餐廳特登用熱水坐熱咗，仲有話梅可以加落去，飲完花雕再食埋粒索滿酒嘅話梅，人生一大享受！環境幾寧靜，餐廳最少有六間包廂，非常有私隱。清水大開蟹都幾多膏，橙黃橙黃勁吸引，蟹肉都有甜味。生拆蟹肉凱撒沙律，蟹肉份量唔少，配埋生菜清甜清爽。日式釀焗蟹蓋，手板咁大個，忌廉比較流質，唔會太黏口，有啲奶香味，好易就食曬一份。黑毛豬蟹粉灌湯包個皮又薄又滑，湯香肉鮮，餡料豐富。燕液金湯蟹肉羹幾香滑，可能因為落咗蟹肉，幾鮮味，肉眼都見到絲絲蟹肉。活蟹龍崗鷄煲有蟹又有雞，好豐富，煲仔上夠香，味道濃郁偏咸少少。蟹皇燴伊府麵質素幾高，有好多蟹肉，伊麵又條條分明，唔錯唔錯。蟹粉扒菜苗份量幾大，蟹粉汁鋪滿全部菜苗，食完一注又一注。蟹肉果醬曲奇撻啲生果幾甜，加咗蟹肉幾得意，又甜又咸。

衛生情況水準低下，窗邊有疑似米奇便便廁所污糟，嘢食一般，呢個價錢有咁多選擇冇嘢投訴，不過一定冇下次有一個身材比較短小嘅夥計態度比較差 收得茶介應該要多啲選擇 而唔係剩係得普洱壽眉冰箱有啤酒汽水果汁選擇都叫多樣化如果純粹係想食好多樣唔同嘅點心呢度還勉強可以同埋其實一個鐘9個字時間好短 因為嘢食上得比較慢 我都明白係即叫即整 所以落單要落多啲如果唔係有排等都係果句衛生情況欠佳 同埋留樓底矮感覺好侷促 我好少寫食評 不過衛生情況真係要警惕下其他人

早排同朋友去咗輝哥私房菜食佢嘅「九大簋矜貴晚宴」，個名好貴咁，但其實好抵食㗎🤣香草芝士焗龍蝦 (半隻) 估咭到都幾厚肉，而且好香口，上枱就聞到香濃味道😌煙三文魚凱撒沙律 中規中矩，但得兩片煙三文魚🥲 anyway前菜無咩所謂～原個泰國椰青竹笙花膠菜膽元貝 超級推介！足料到不得了之餘，每啖湯都飲到椰青清甜嘅味道😋法式鵝肝蝦多士 呢個配搭有啲新奇，下面竟然係蝦多士嚟🤣 鵝肝偏薄，所以同蝦多士一齊食都唔會油膩～新鮮菠蘿即炸咕嚕肉 酸酸甜甜嘅嘢好啱我胃口，即炸好脆口👍🏻👍🏻吊燒雞 雞肉有少少乾身，好彩雞肉調味啱啱好，都唔錯🍗油浸筍殼魚 第一次食筍殼魚，上網睇咗油浸呢個煮法都幾出名，食落外脆內嫩，魚肉仲好鮮𠻹，愛上了🥰新鮮荷葉飯 人頭份量都幾得意😆 入面已經埋藏哂啲配料，啖啖都有餸🤗古法蓮蓉焗布甸 又係超級香，熱辣辣，口感綿密，用嚟作結好滿足☺️如果你鍾意睇我嘅食評，不妨關注我，支持吓我，謝謝你☺️💕

雖然上網大家都話食點心放題，不過今次去咗私房菜，就專系去食九大簋矜貴晚宴！講真真係好耐冇食得咁好啦，每一樣都咁好食！芝士焗龍蝦雖然細細隻每位半隻，肉質好爽彈，芝士味唔會蓋過龍蝦， 比較creamy原隻泰國椰青竹笙花膠菜膽元貝超正嘅燉湯，好香濃，完全冇味精，唔口渴而且係清甜嘅！法式鵝肝蝦多士脆卜卜，好香口，鵝肝好滑好香！新鮮菠蘿即炸咕嚕肉酸酸甜甜好開胃，係一個好清新嘅菜！吊燒雞油浸筍殼魚第一次試呢隻魚，原來好滑㗎！味道啱啱好！

見openrice買劵78蚊位，加埋一同茶介99蚊，咁抵，就算評價有好有壞都決定去試下。講真，呢個價錢仲要任飲任食 ，我當然唔會期望食物同服務有5星級質素。最怕就係好似d負評講咁衛生有問題同埋要受氣。好喇，做好哂期望管理先去就ok 喇。整體黎講除左排隊入座安排之外，真係冇野可以話唔滿意。我地book左第2輪，早左小小到，一出lift就逼到要搵位企，有一排櫈俾人坐，已經坐滿人，又冇明顯分隊頭隊尾，咁我地就行去最遠門口位置等。點知新到出lift既大部份人完全冇理咁堆哂門口，連上輪離開既人都出唔到。夠鐘放人入去，冇乜秩序可言。好彩入到去後發現個場唔係好大，d人打尖入左去都係嗌下要咩茶咁，差唔多時間開始。我地兩位要搭枱，中間隔左透明板，張枱好彩夠大，平鋪5至6款點心加醬料都冇問題，而搭枱兩位都nice 既，唔係打尖果批，咁算啦。坐低問要咩茶，得普洱，壽眉揀，選擇係小，都算大眾化既。冇所謂啦，反正汽水任飲。跟住有個特別好服務既伯伯 (我估係老闆) 埋黎話雪櫃既汽水任飲，可以隨便攞，大家可以tick 住點心紙先，大排檔開果陣會通知大家。之後因為掛住攞汽水，tick點心，冇及時係大排檔開既時侯出去，

朋友介紹呢間平靚正海鮮放題， 平日夜晚＄188 又真係幾抵食！頭盤有凍海鮮都算幾新鮮， 仲有鰻魚添畫紙形式都見有超過50款海鮮任食而且即叫即煮所以上到檯都熱辣辣我地比較鍾意食貝殼類， 所以叫咗蟶子， 炒蜆， 貴妃蚌味道都唔錯， 我自己食唔到有砂， 友人食到一兩隻有， 不過我覺得REASONABLE嘅估唔到打冷系列嘅蠔仔粥同鵝腸都有， 果然多選擇！我見隔離檯有蒸魚同炒蟹又香份量又大不過我哋得兩個食唔得太多下次都係要叫多幾個一齊食先開心D服務員上菜同收碟速度快速地方都算乾淨企理可以再嚟

難得同媽咪行街，今次就去佐敦「輝哥私房菜」食高級粵式私房菜，九大簋矜貴晚宴完全迎合我口味！一坐底就先即刻上個【開胃頭盤】煙三文魚凱撒沙律，細細碟，三文魚夠鹹香，並以爽脆的沙律生菜為主，生菜沒有一點苦澀味，加上麻醬，挺清新醒胃。【生猛海鮮】香草芝士焗龍蝦（每位半隻）大大隻，食落去好多肉，口感唔錯，估唔到龍蝦又幾彈牙，真係超級抵食！【滋補靚湯】原個泰國椰青竹笙花膠菜膽元貝，好足料，感覺冇味精。肉味極為香濃，花膠膠質豐富，元貝和竹笙口感不錯，椰青味濃郁！【矜貴小食】法式鵝肝蝦多士，鵝肝跟車厘茄一起吃完全不油不膩，鵝肝雖細細件，但肥美油香重，外脆內軟。 【輝哥私房菜】新鮮菠蘿即炸咕噜肉，呢度D咕噜肉好脆，誘惑橙紅色，肥瘦均勻，外層脆身，新鮮菠蘿爽口香甜。【輝哥功夫菜】吊燒雞，平時好少機會食到，從高到低的大致排列順序為去皮的雞肉，食落去皮脆雞肉嫩，味道鮮美。【深海美饌】油浸筍殼魚，肉多而厚。聽店員講原條有成五斤重，先炸後上豉油，份量夠晒二人享用，魚肉軟滑細嫩，好鮮味。【飯香十里】新鮮荷葉飯，荷葉香滲透於飯中， 有蝦米、乾瑤柱、冬菇等配料，口感林身。【香甜滋味】古法蓮蓉焗布甸，比想像中好吃，西米有

第一次嚟呢一度食飯，因為朋友介紹，所以特登嚟食佢嘅點心放題。餐廳嘅位置喺彌敦道附近，唔算太遠。同其他地方一樣，坐低嘅時候要開茶。呢度嘅汽水亦都係任飲，款式亦都比較多。每人都會有一份鰻魚做見面禮，跟日式餐廳嘅水準差唔多，但係只可以食一份。白灼蝦幾唔錯，肉爽。水煮牛肉亦都比較辣。白汁芝士焗蠔大大嚿，但如果佢嘅蠔可以再焗耐啲嘅話，就會更加好。水蟹粥亦都有提供，但感覺上就似係水蟹加白粥，如果可以兩者再融合一啲就更加好。之後喺倉魚，坦白講，真係冇諗過可以食到原條倉魚，而且肉質都算差，唔係比較好。最後仲會有啫喱提供⋯算係幾圓滿嘅一餐。

前牌喺Togetda(link: https://bit.ly/2RwStO2)見到小菜+ 海鮮放題只係$168，平時去大排檔食餐飯都要咁嘅價錢啦，所以一於買兩張嚟試吓！一坐低店員會先遞上海鮮拼盤，包括青口、翡翠螺、海蝦、鰻魚，整體質素唔錯。Tick紙仔嘅海鮮選擇好多，有魚、蝦、蟹、蠔、帆立貝、象拔蚌等等，而且可以自行選擇點樣烹調。另外小蔡都有好多款，特別推介豉油王鵝腸、咕嚕肉，吵得夠鑊氣，而且個味都唔差。

點心非一般難食，燒賣乾爭爭，椒鹽魷魚冇味不脆🦑，鳳爪味道似上色烚熟咁，好多點心甩皮甩骨，唔夠熱，嘆咗好耐咁硬晒，岀面啲一包包豪大公仔點心都好食啲，真係可一不可再，好伏🙈

早前已留意到呢間餐廳成日做任食優惠下午係點心放題，晚上係海鮮放題朋友一直想試晚市海鮮放題，主打任食海鮮，有元貝，蠔，肉蟹，蝦，元貝等等，除左海鮮更有小炒，粉麵，飯等等，選擇幾多先送上凍海鮮拼盤，每人半條鰻魚叫左薑蔥炒肉蟹，白酒煮海螺，金銀蒜粉絲蒸元貝，豉油皇煎海蝦炒肉蟹味道係不錯，略唔夠熱最好味係金銀蒜粉絲蒸元貝，夠大隻又夠熱金沙炒鮮魷非常邪惡，充滿咸蛋咸香最後仲叫左金銀蛋菜苗，豉油皇炒麵，炒麵幾夠鑊氣，炒得夠乾身

輝哥私房菜香草芝士焗龍蝦作為頭盤小食，用龍蝦作為開場真係十分吸引，見到賣相已經流晒口水，極度邪惡嘅芝士加入香草調味，再鋪係龍蝦肉上面，鹹鹹地同龍蝦好夾。煙三文魚凱撒沙律同西餐廳嘅沙律差唔多，都係用芝麻醬整嘅沙律。有幾塊三文魚片，唔腥，好開胃。椰青竹笙花膠菜膽元貝呢個湯真係落足料㗎。首先一嚟到，已經俾佢嘅外型吸引咗，係一粒完整嘅椰青，裏邊仲有好多材料添，夠晒滋補。法式鵝肝蝦多士鵝肝比較細粒，一口多士，唔夠過癮新鮮菠蘿即炸咕嚕肉醬汁酸酸甜甜，有新鮮菠蘿粒，真材實料。而且咕嚕肉炸到好鬆脆，肉質夠結實，好有咬口。燒雞網絡個樣同普通燒雞冇乜分別，但係一食便知龍與鳳，雞髀位置真係勁滑勁juicy，消費時間剛剛好，外皮鬆脆，亦都唔會令肉汁流失。油浸筍殼魚煮法比較特別，第一次食，魚皮炸到脆卜卜，魚肉好啊，不過比較多魚骨，食嘅時候要小心。新鮮荷葉飯不過不失古法蓮蓉焗布甸係中式甜品，偏甜

Yeah 比我搵到一間任點任食點心嘅酒樓呀🤩原來佢唔係淨係點心㗎喎，炒粉麵飯粥都有，真係好周到呀👍78蚊計埋加一100蚊都唔使抵食我真係點咗好多點心㗎😋但每樣點心份量好少，我諗係可以比我地食多d不用款式嘅點心掛😅特別在佢有懷舊點心有鵪鶉蛋燒賣🥚豬潤燒賣呢d點心呀🤭唔使入元朗先食到啦懷舊系列鵪鶉蛋燒賣同埋豬潤燒賣兩個都好好味呀😁一咬食落去食到粒鵪鶉蛋“好正”呀👍睇下👍仲有口水雞真係辣辣地好有四川風味喎👍牛柳粒軟淋淋好味呀👍椒鹽魷魚鬚我嘅至愛呀😁 奶黃薯棗同埋炸雲吞真係好好味呀😉奶黃薯棗我要Encore添呀🤭小晶蝦餃d蝦🦐都唔細架、鮮蝦菜苗餃d皮好薄、燒汁牛柳粒雖然細細碟但係牛柳粒😋真係好好味喎😂百味炸豆腐脆卜卜好好食义燒包細細個啱晒、 葱花蝦腸好滑架、 豉汁鳳爪、 馬拉糕、 桂花糕，仲送咗兩碗灌湯餃好耐冇食過啦 ，出面仲有得攞甜品芋頭西米露唔太甜正👍出面仲有個自助形式嘅醬汁豉油自己揀，仲有蛋花湯，所有汽水橙汁仲係任飲添呀只係任飲任食得個半鐘時間好短臨到最後尾嗰十五分鐘就拉last call😅淨返嗰十五分鐘送得嘢嚟要即刻食呀😁因為啲員工已經開始收枱同埋叫我哋快啲食因為要清場地個時段囉😑😑

朋友介紹 一間超平嘅點心放題 人均消費低於100就一齊去試下呢度分左兩round 90分鐘放題11am-1:30pm1:30pm-3pm都幾多人 要提前預訂位置係樓上鋪 走廊有啲窄亦都無得預早入去坐 熱辣辣同多人塞左係度等環境係一般酒樓格局 因為佢本身係食私房菜所以都好多間房 而我今日都係坐房嘅入到去姐姐會俾左茶水先 但選擇唔多只有普洱 同 壽尾餐單上所有野都可以點 可以忽略價錢抵食之處係有炒粉麵飯大排檔小食就要自己出去拎初初都無留意佢指明限量供應食下食下就發現…好多小食出左第一轉之後就無再出現了仲要第一轉係啲呀叔呀嬸勁搶嘅一轉實在唔明白 點解蘿蔔糕同韮菜餅咁難搶…點心屬正常水平 無漏單好味嘅有蝦餃 大大粒 漲卜卜 皮唔會厚燒賣有好多品種：芫茜牛肉燒賣..其實即係牛肉球多塊燒賣皮蟹子燒賣皇就好食嘅 蝦肉彈牙嘅 溫度都夠熱有椒鹽魷魚鬚原來係期待 但略嫌係凍嘅 炸得太燶蒸鳳爪 醬汁唔夠味綿花雞 綿花係薄薄一層 唔索味最後 鍾意嘅蒸腸粉 叫左叉腸同蝦腸餡料少就預左 但豉油太甜 同有陣臭臭地嘅米漿味炸雲吞就屬正常 皮係脆嘅呢個價錢 係會食得飽 但質素就有待改善

點心賣相不佳、吾夠熱，每碟上枱都好吾精神。餐廳環境麻麻地，而且見到曱甴，加一加茶芥後每位$99, 今餐非常失望，相都無影，而且食到12:50last order, 汽水雪櫃已經吾比攞野飲，我寧願比多幾十蚊食好d坐好d。又一再証明睇落好似好抵嘅嘢多數都係伏。炸雲吞同春卷我覺得算最好，好多㸃心吾夠熱，又甩皮甩骨，食慾由最高㸃插落谷底，$99本來係覺得抵，但咁嘅質素食其他野或者貴d食其他㸃心放題好過。最後想知道此輝哥是否無線輝哥為食遊同一人呢？🤔