農民泰菜 (已結業)

係新城市做完Facial想食野，可能因為疫情最近好轉，成個新城市都多人到不得了！😰😫 然後記起呢間泰國菜嘅黃店 專登嚟幫襯！2:30左右到達已經有茶餐～仲有好多人幫襯添🥰差d要等！ 佢係泰菜茶記嘅路線～叫咗個炒金邊粉加熱奶茶 $60，金邊粉既味道唔錯 略嫌有啲太濕（奶茶就好普通😟）份量都幾多，如果唔係太肚餓嘅話 可以兩個人share一碟！講真價錢真係唔算平（茶記來講）但作為沙田市中心絕無僅有嘅黃店 絕對值得支持！😚

與其話係泰菜 呢間似係泰式茶餐廳多D😅Lunch Time黎到都幾多街坊生意☀️，選擇都非常多👍🏻⭐️ 海南雞冬蔭湯金邊粉 拼鹵水蛋/蘿蔔 🐔⭐️ 凍奶茶 🥤海南雞咬落尚算滑，而且唔會太肥😋 但係完全無味😅😅 湯底望落似清湯加左辣椒碎🌶 完全無冬蔭功既感覺 蘿蔔既份量幾多🥕，夠曬腍，但係唔夠入味 成碗份既感覺都好淡茂茂😕但係凍奶茶竟然幾有驚喜🥰 因為加左煉奶，甜甜地有泰國風味😊 而且茶味好濃，好似金標茶包既味道☕️👍🏻👍🏻

叫了一個香茅豬扒煎蛋飯和豬頸肉湯金邊粉配蘿白。豬扒薄如紙，白白嫩肥肉多，劣等陳年豬扒，$49一碟，顏值不高，味道真係麻麻，霉霉的，低性價。豬頸肉湯粉還可以的，蘿白不夠入味但淋的，雞湯不似雞湯，唔難飲的。總結，味道一般差，份量小，既不滿足口腹之慾，又不填滿肚腹， 不會再試。餐廳是以快餐形式經營，先買票後自行拎餐，但無論在味道及質量上，比坊間的大財團快餐店差得太遠了，最起碼給顧客半點尊重，不要給大家吃這樣劣質豬扒，碟頭飯不一定是頹飯，頹飯也可以賣相好一點吧。

冬蔭功海南雞米線、 生菜肉碎包兩個字: 過癮!快餐店形式的泰菜, 自然不追求什麼正宗啊風味啊, 快餐求快靚飽, 此店份量足, 尤其是生菜包, 滿滿的肉碎, 少許辣椒籽和洋蔥碎。 雞米線的雞肉亦足夠多, 米線一人份剛好。 調味方面, 要辣有辣, 要鹹有鹹, 要酸有酸, 完全符合期望的比例👍

呢間鋪開咗喺嗰度一排本身都冇諗住食佢直到知道佢係黃店咁作為沙田友梗係去支持下啦🤣點知食落好有驚喜😍😍😍男朋友叫左個青咖喱飯唔記得咗係牛腩定雞肉🤣🤣但記得青咖喱好香 椰汁味超濃 送飯一流👍🏻👍🏻上湯生菜正常發揮🥬有少少炸蒜喺度 叫做無咁dry🤣🤣分量合理不過價錢係呢間鋪來講叫做貴🤣最有驚喜嘅係呢個Pad Thai首先佢係即叫即炒 上到嚟熱辣辣👍🏻👍🏻同埋好有獲氣🤣🤣🤣勁大碟好足料雞肉同蝦仲有蛋都好多😍雞肉唔會鞋👍🏻蝦就麻麻 不過呢個價錢收貨有突👍🏻👍🏻食泰菜終於唔駛出到九龍城沙田都有好食既😍😍最緊要價錢仲好抵🤣🤣🤣

農民泰菜 💛沙田💛平價親民泰國嘢～-🔍 Tea set：雞絲冬陰功金邊粉配生菜 $47冬陰功湯底酸辣度啱啱好，開胃得來又惹味 😋-🔍 炒金邊粉 $60當中用雞肉炒，份量亦都好充足🤓-📍 農民泰菜 (沙田)沙田橫壆街1-15號好運中心3樓186-192號舖

豬師奶今日同朋友尼食下衣度既泰菜，衣間餐廳好隱蔽，唔係有次行街經過都唔知原來衣度有間餐廳，衣度係快餐店形式，先去收銀order比錢，再去廚房拎睇完個menu好想食個滷水雞比飯，於是放棄左試海南雞，來一個茶餐廳晚餐。雞比好大隻，滷水味重，好入味，仲有隻滷水蛋，個汁都okay,飯份量好大，只係49蚊朋友叫左海南雞湯金邊份，海南雞正正堂堂，湯既味道不過不失，整體尼講okay,份量正常，而且都係53蚊加左個時菜，份量同味道正常

作為一個普通人，唔係咩食家，食完呢間平價泰國餐廳，講真覺得非常之好。首先，真係好平，幾廿蚊一個餐，仲要係泰國嘢，我相信都真係好難搵到第二間做到咁。其次，味道上唔會令人失望。佢啲咖喱，講真我食唔岀同外面百幾蚊一碟嗰啲泰式咖喱有咩分別。。。豬頸肉又好彈牙，咖喱味又好濃，而且椰奶夠，所以都滑。睇圖就會明。幾廿蚊咁。。。個咖喱仲要勁大兜，飽到嘔。。。所以我都好難挑剔。如果我住沙田，應該都會成日嚟食，因為好抵。

年幾前食過晩飯覺得麻麻，之後一直沒有再光顧，最近知佢係黃店，於是今日再去食lunch支持下，叫左青咖哩牛腩飯同香茅豬扒荷包蛋飯，加埋熱鴛鴦，三個字-好失望，咁耐都冇改善過啲廚藝，青茄哩水渦渦冇咖哩味，入面啲南瓜紅黃椒好似冇煮過咁，硬掘掘。香茅豬扒荷包蛋飯還可以，但豬扒冇乜香茅味，齋似一般煎豬扒飯。嗰杯熱鴛鴦超難飮，得個苦味似齋啡，多加少少奶應該賣相同口感會好啲。最後，寄語農民泰菜要加油，如果只係要食客支持黃店，而不顧食物質素，咁好難會長遠撐落去。最最後，俾多次幾會佢，臨走叫左個外賣雞肉炒金邊粉，加多$1有杯冰紅茶，好彩這個都唔錯，幾好味唔太油，杯冰紅茶唔會太甜，加返少少分

良心小店系列💁🏻‍♀️好耐未試過食泰菜咁抵食😆平均一個餸先50零蚊😆都好多款式下最後叫咗6樣嘢 先係$300鬆啲咋！我自己好鐘意食青咖喱 但我又唔食肉，我嗌咗個雜菜版自私食😂青咖喱本身質地係稀身嘅 所以重點係佢個味一上菜個椰香味超濃郁啊！首先個金菇超入味，佢個汁好正啊椰香同辣味岩岩好！我食晒成個飯同個汁😂 勁開胃😆其他炒金邊粉呀生菜包啊嗰啲都清得一乾二淨😂 如果大學家經可以頭又想食抵食嘅泰國菜記得黎試吓☺️

泰國菜，是最受香港人歡迎的外國菜之一。Popular 到早已經成為平民的飲食店，更有些是以港式茶餐廳既形式去經營的泰、星、馬、印尼食店。有一天，同太太及兒子去沙田 book 旅行團，事成後就在同一個商場食野，吸引到我們的，是一間有少少茶記 feel 的泰式食店，名叫《農民泰菜》，而店員推介我們食泰式咖喱。這是一間先購票後用餐的食店，令大家都感覺到，這家店其實是一間茶餐廳，更甚的，因為"先購票後用餐" ，令我更覺得，這是一間快餐店。收銀的姨姨非常之友善，不太知道想食甚或及有甚或好食、啱食的我們多口問一問，兩個店姨姨就好熱悄地介紹。不吃辣的小朋友就推介了一客無骨的海南雞飯。雞肉香滑，黃黃地色的雞肉，令大家都覺得，未放入口就已經是一份充滿雞油香的美食。放入口，果真是皮香肉嫩，除雞翼位外，所有雞肉都沒有骨，阿仔吃得很開心。太太來了一份青咖喱雜菜飯，青咖喱不會太辣，入口就帶有濃濃的椰油香。本來預計都是純蔬菜的配料，但咖喱內附有幾件南瓜，令蔬味中多了幾分的甜美。我吃辣一點的，就選擇了紅咖喱雞飯。咖喱中的雞肉，是純雞柳肉，完全沒有肥肉的，吃起來似乎有點點的健康。同樣，咖喱伴有甜美的南瓜，香辣中帶點點

叫咗嗰佢地本店介紹最出名嘅青咖喱雞，點知嚟到之後嚇咗一跳，啲所謂咖喱完全係用啲青青緣綠啲水裝住幾片雞肉....然後我問該店嘅收銀兼店長，問佢呢度啲咖喱係唔係好似水咁樣，定係廚房搞錯咗？店長比我嘅答覆話：係，因為本店所有食物即叫即做嘅關係，所以本店啲咖喱係咁稀係咁水狀嘅....我聼完之後真的無話可說，原來即叫即做嘅咖喱係水狀先係正常嘅，而我將所謂咖喱汁倒進白飯𥚃面，根本就係跟一碗湯飯完全一樣.....這位收銀兼店長解釋真係非常好......所以跟朋友決定以後都唔會再來此店光顧，免得食完一肚氣。

今日同男朋友行開沙田，見到呢間叫「農民泰菜」嘅泰式餐廳，決定一試！果然有驚喜！餐廳係用一個快餐形式，自己點菜自己拎，嘢食好快有得拎，茶水紙巾可以自己拎，價錢都好親民！選擇仲好多！我哋叫咗「海南雞飯」（$55），啲雞都幾滑，以呢個價錢嚟講食到海南雞飯都真係幾抵！而且份量一啲都唔少，絕對對得住個價錢！另一個因為我哋都想食啲有湯嘅嘢就叫咗「海南雞湯金邊粉」（$54）：感覺呢個係健康之選！有菜有雞肉有蘿蔔！

喺沙田揾野食，行下行下去到好運中心見到有間泰國餐廳叫農民泰菜，好耐無食泰國嘢，入去試一試，雞絲金邊粉加白蘿蔔，都幾大碗，個湯又幾好味，下次一定會再黎，繼續支持良心小店

帶小孩經過好運中心，其實都有些餐廳作午餐選擇，不過小孩經過時見到大大的餐牌有海南雞飯圖，便想試吓！誰知道「中伏」😫落單售票時，收銀員還說一句：「我們是即叫即做的所以等叫號碼自己去攞食物！」心諗以為食物新鮮，用心製作，唉⋯⋯！滷水雞髀拼滷水蛋冬陰公米粉：首先，所謂即叫即做唔知是什麼意思，只吃到雞髀是凍的！另外冬陰公湯並非真材實料，只是似冬陰公湯味！失敗！小孩點的海南雞飯：從相也可見，雞飯似黃色的冷飯多啲，沒有香味道。海南雞非常「鞋」，色澤也沒有，賣相及味道也不討好！肥牛拼荷包蛋雞湯米粉：樣樣都沒有特色，荷包蛋是煎定的！價格與質素不成正比。唯一可取時凍奶茶有茶香、奶香嘅！