道頓堀御好燒專門店 (康怡廣場) (已結業)

十分失望的午餐中午帶屋企人去食，12點入去，安排坐下後驚覺檯面油lumlum, 自己用濕紙巾抹左成張枱，又見抽油煙機上有幾滴油就跌落黎咁，嚇親，即刻抹咗。點解無同店員講？因為望過周邊既枱都接近咁樣嘅情況。點解仲繼續坐？因為同屋企人食，lunch時間好難等位。有冇影相俾大家睇？因為忙住清潔。。。😩連飲水個杯都有油😖😖😖無諗過佢一開門就咁，點講都係第一round客，點解可以咁唔衛生？只可以講無下次！

今次嘅疫情好耐都冇出過街食嘢同旅行，見疫情緩和左今次終於去咗太古嘅道頓堀食 。店裏面嘅衛生都好好，又有卡版格住枱同枱 疫情期間都食得安心。最值得欣賞嘅係店舖職員同埋好記得有個職員叫Seven 佢雖然好忙但都好用心教我地同幫我哋整大阪燒 仲整埋唔同嘅DIY 簡直係食得放心又玩得，你大阪燒質素同食物就好似去咗日本一樣 。值得一去！

平日去食但個場都多人，我們又都趕住睇戲所以都就咁食午市套餐，午市套餐抵過單點好多又包沙律同飲品。嗌左個道頓堀雜錦同炒麵，2個人食都好鬼飽但見到店入面既侍應都係得幾個而且都好忙都唔係好好意思叫佢哋幫手整，所以兩個人夾手夾腳整埋佢。好彩最後都唔差，食得落😂再叫多個雪糕食，有甜品既一餐先叫完滿haha但希望可以增加番多啲人手，見到店員都做到冇停手，而且有時都應唔到咁多客人，上菜速度都一般，因為可能都出唔切咁多野，我見附近既客人都係嗌放題

鐵板燒、燒肉放題食得多，但有無諗過自己可以化身成為大版燒師傅，自製廣島燒同炒麵等嘅經典日式小食？曾經去日本，幫襯過商場入面一間大版燒店，店入面嘅擺設類似，不過係店員親自落手。今次嚟到道頓堀御好燒專門店，唔單只可以一試日本風味，仲可以親手下廚，的確係趣味十足。而餐牌旁亦都有教學話俾食客知唔同款式嘅製作時間，亦好貼心地附上一個計時器。海鮮5品 御好燒御好燒當然係今餐唔少得嘅主角，已經預先調製嘅海鮮5品賣相相當唔錯，海鮮望落都算係幾足料！製作方法其實只需要將所有材料攪勻，務求有足夠嘅空氣感，就可以落鐵板燒。整體出嚟無論味道賣相都同出面食到嘅大版燒好類似，而足料海鮮亦都豐富咗成個御好燒口感。加上燒汁、沙律醬、紫菜同木魚，其實就係原原本本嘅日式街頭風！肉類雜錦炒麵除咗大版燒，當然唔少得日式炒麵。相對於御好燒，其實炒麵嘅技巧唔算太多，味道亦好取決於調味同埋本身麵質。整體肉類（豬、牛、雞）味道一般，但麵質都尚算彈牙同有咬口，可以算得上不過不失。加拿大豬面肉 ＆ 上級牛肋肉當然，作為一隻食肉獸，如果今餐只係得大版燒同炒麵係絕對唔會滿足嘅，所以亦都嘗試咗佢嘅牛同豬，兩款肉類味道都算係上佳，當然亦唔能夠同

疫情期間，好多人都同我一樣好掛住家鄉～日本！我同老伴最鐘意去大阪，去親道頓堀都一定會食御好燒（其實我以為叫大阪燒）！咁啱要去康怡買嘢，就順便食個快dinner 懷念一下日本的味道啦！平日嘅晚上唔係太多人，疫情關係都有塊版隔住傍邊張枱，不過枱與枱之間距離比較近。隔左好過冇隔咁囉。 至於店員態度好好，由我地落單到煮御好燒都自動過黎幫手煮同教我地！讚！道頓崛特選御好燒 $108  ( 蝦🦐，魷魚🦑，豬肉，八爪魚🐙＋拉麵🍜 雞蛋🥚)  呢款比較複雜，要先炒一炒個拉麵，跟住落哂全部材料，整好個型。一共要反兩次，每次5分鐘，一共15分鐘，最後要開蛋（即係煎蛋再放個大阪燒上去），好彩唔係我自己整，有店員幫手！店員仲教埋拉花！好靚又好味！ 另外點了肉類精選 $88 有豬肉及牛，唔知點解唔記得左影相，煮法一樣係咁煎，每邊5分鐘。呢個自己都識燒！好味！

第一次食 諗住小朋友可以玩下情急下點了放題第一次落單 怕份量多只點了一點點之後開始落第二張單時等左半個鐘都未上追問服務員程重大聲講 食放題預左慢 唔係有小朋友在場真係想爆佢最後第二張單既野黎完 同我講45分鐘前lastorder 如果唔想做放題就cancel佢啦 只做單點況且單點套餐唔貴 上菜又快速希望只係太古呢間有問題 下次再食都唔會去呢一間 同埋叫套餐或單點可以了

We had an awful experience at this restaurant. The staff was very rude. Dinner was ok, the food is nothing special. customer experience and letting service slide can break one’s business. l believe I didn’t get what I paid for. I would not recommend it!!!!!

康怡廣場間台灣店一葉家轉左做道頓堀都已經好一陣子但作為太古城居民，我一直都未試呢間店終於一次有friend黎到我至第一次來試-首先有個沙律，有啲海苔、生菜、洋蔥，配搭芝麻醬，幾開胃-飲品我叫左凍乳酪飲品，感覺似稀釋了的益力多-來到終點，道頓堀炒麵！佢俾左啲材料我地，例如椰菜、豚肉、紅蘿蔔、炒麵、芽菜但我地完全無概念點整...亦無乜興致自己整所以我地就叫staff幫手整過程都幾得意嘅本身錄左片，可惜openrice呢度無得post video最後仲加了一些醬料食落幾惹味嘅但個人認為味道其實只不過係不過不失不過睇師傅喺你面前整鐵板燒道頓堀炒麵都有趣嘅😃👍🏻👍🏻下次會想試廣島燒個樣好似惹味過呢個道頓堀炒麵

餐廳經理及部分員工服務態度勁差，碟同杯有已乾嘅食物及污跡，同員工進行反映卻換來反白眼同黑面，道歉都無句，經理於未完成用餐時間趕客人走，態度勁有問題，問少少野都唔願意答，唔樂意可以唔做。

自己整大阪燒真係好好玩 而且價錢都OK呢度仲有炒麵炒飯可以比自己整 亦都有雞蛋泡菜等等配料 可以比自己加而佢嘅西柚特飲真係好好飲 真係比半個西柚你自己倒落去大阪燒仲有其他紫菜沙律醬咁俾你任整！

very easy to make, just follow the instructions on the card given.We had so much fun cooking them and eating them!!!!

話說成日經過依度 都見到有人排個日抵唔住好奇心就入左去試初頭以為一定要食放題但原來可以就咁單點好啦咁我地一行三人就叫左個二人餐再散叫左個沙律 枝豆 同牛黎食一黎就見到咁混亂左一陣 咁都知係落油呀 撈呀 等五分鐘再反咁咁兩款啦一個廣島燒 一個大阪燒無話邊款特別好味 因為都係食緊粉一款有烏冬一款無咁係好失敗既 因為都唔完整另一個就好啲但味道上無乜分別依個係另外加既沙律大份過原本既跟餐沙律不過都其實好少依個雪糕都係跟餐送既好古怪既形象後尾再加左個pancake 其實都係貪得意同埋最主要都係因為隔離枱個小朋友好似玩得好開心依個比之前兩款容易得多比之前既有成功感得多可能我下次想玩 都淨係會黎食依個同屋企人食完大家一致覺得食完唔知食左乜同埋唔會再番黎食啦年紀大喇 所以都係想食原形食物多啲試過就好 玩下就算同埋再加左雞翼但都無影因為太多雞毛同太唔好食58 四隻仲有我地發現個抽氣管係假架😂🤷🏻‍♀️因為燒完肉既煙 係無被吸入去唔知係咁岩我地個條壞左定點⋯最後埋單都7百幾蚊⋯太貴喇 咁既價錢黎食粉團⋯

第一次食呢間野，我一行二人，叫左最貴個放題，$3xx，第一，一坐低就計時，侍應講解完，再等佢拎張紙黎都無左15分鐘，強調一夠鐘就要走！第二，我食得放題，仲要限時，所以我只會叫一轉，除左蝦同帶子叫左10隻之外，其他都係一份兩份咁叫，豬肉都只係寫左一塊，第三，兩個鐘已經不停摌，好攰之餘都食唔切，最後，食剩左椰菜紅蘿蔔洋蔥(當然唔會比成個你啦)，支豆，一隻生雞蛋，幾條魷魚鬚，最後埋單先後有兩位侍應同我地講，下次唔好咁落單.....，第一個我答佢我第一次黎唔知佢地份量係點，第二個我即時答佢：放心啦，唔會有下次，以後都唔會再黎食㗎喇！全部唔係貴價野，食7百幾蚊，比人係咁吹仲要話下次唔好咁咁咁，乜你覺得仲會有下次？Backlist左啦！

話說尋日一行8人去左康怡呢間度慶祝2位朋友生日。可能平日，晚市唔算多人，都坐得舒服。大家全程玩炒炒下幾開心，去到最後，可能真係唔多人，我地又好煩咁問個侍應哥哥點炒（雖然有教學），點知個侍應哥哥將個燒餅整到甜品咁靚，真係好有心機，我掛住食無咩點影，影左張佢既完成品。仲有，個人覺得個泡菜鐵板魷魚好好味😋

好耐無黎食，都唔知而家進化到係放題既玩法。我地玩最平人頭198既版本，其實都幾多款式了，如果每樣都點一次會飽到喊。以下係其中一啲叫左既野，無樣樣影。佢有唔同既冷盤沙律，全部都細細份，可以食下菜呀豆腐呀枝豆呀咁。肉就試哂雞，豬五花同豬頸肉。豬好食，始終肥肉就燒出黎會香口。泡菜豬肉御好燒。細份過平時，可以叫多幾款。我地兩個好似食左五六個。有得玩有得食，係幾開心既！最後要左個奄列蛋包炒麵。蛋既量太少，完全包唔到咁大個麵，笑死。