道頓堀御好燒專門店 (康怡廣場) (已結業)

同事仔生日想食廣島燒，其實哩間餐廳幾年前追軍香港時我已經話要食，成日都無腳陪，今日終於食到！我本人不太喜歡自己煮，因為無耐性加無興趣煮野食，但其實都唔難煮，因為你仲之喺燒焦前食都無問題！

我地原本食$98不限時放題 但係首先等位都等左成個鐘 入到去先同我地講15分鐘後已經係last order 之後仲要漏單 大部分野食14:50先到 跟住有個侍應突然同我地講如果15:00食唔晒就要俾正價 明明係佢地做錯晒啲嘢 但就要客人負責 真係令我覺得呢間野好垃圾 最大問題係啲侍應連最基本既禮貌都無 我同朋友食食下啲侍應問都無問就收左我地未食既野 跟住佢過嚟同我地埋單 另一個侍應竟然好大聲咁話叫我地自己出去埋 真係唔明而家啲人嘅服務態度點解可以咁差 所以真係奉勸大家千祈唔好去呢間餐廳 就算啲嘢食幾好都好對住啲咁嘅侍應都食得唔開心！

嗰日德哥因為睇戲，所以唔夠時間食呢間野，呢間野挑龍又挑鳯，幾個字冇可能食完。我都知德哥個心意，同女一樣，唔食過唔心死。嗰日就同阿嫂一齊食下呢間野有幾個價錢係放題嚟㗎未食過都可以試吓，佢除咗係燒肉外仲有大阪燒嗰啲咁嘅花巧嘢去大阪去旅行好多人都會食過好唔好食呢見仁見智但我好肯定係花巧嘢講真仲貴過日本食肉質唔見得特別靚佢贏在塊板可以比自己產下啲窿野但係由於全部都自助同埋整嗰啲乜乜燒密密燒需時佢哋又控制住唔知個半定兩個鐘定一個鐘唔記得貪新鮮可以試吓

第一次食，幾好玩，幾好食，我地2個人，5:30入座，食到7:00先走，坐得舒服。叫左一個芝士薯仔年糕御好燒 + 炒麵，2個人食好夠飽。不過有最低消費每人100蚊，所以叫多左個甜品，食到好飽。如果無最低消費仲抵食。

呢間嘢係日本餐廳，在日本好多地方都有分店，係當地非常大眾的鐵板燒餐廳。太古城呢間鐵板燒店都好闊落，去過幾次都係lunch hour去，基本上都唔使點等位。 lunch hour人均最低消費一百蚊，基本上每人嗌一個course再加杯嘢飲都會夠數。大阪燒自己整自己燒，好玩又過癮。同朋友一路燒一路傾計，都幾好，感覺relax。我比較鍾意食炒麵，攞住兩個鐵板炒下炒下，好似日本學園祭典成日會見到嗰啲炒麵咁，睇到都想食。

有一日無意之中發現佢地做左午市套餐，不過好似只限星期一至五，新開張食過一次，無lunch set, 所以埋單都幾貴下，今日試左佢地厚切牛胸肉，真的厚切，有兩大塊，加左少少黑椒碎係上面，跟埋雜菜，全部要自己在鐵板上面煎或炒，套餐仲有沙律，白飯同飲品，$88另加一，都算幾抵食下

Like most of other Hong Kong people, I love to eat Japanese food. If you don’t have time to go to Osaka, this is a good place to get a taste of it.It has time limits for each seat, but don’t worry. You definitely have enough time to make your own 好み焼き and there is clear instructions on how to cook a 好み焼き. It is fun and tasty. This is a restaurant you should try if you like Osaka

阿媽突然帶咗張宣傳單返嚟，話呢間嘢好似好吸引咁超想去試下，老豆見到都表示好似好正咁。好計啦，好彩今日有得早收工，就同屋企人出去食呢間啦。佢就喺康怡廣場，大快活隔離。叫做係道頓堀御好燒專門店，主力係食燒肉同埋大坂燒廣島燒之類嘅。我哋6點幾到，人流唔多，walk in 就有位。我哋食嘅係57品放題，應該係最抵食嘅一款嚟嘅。仲有張List介紹日本唔同燒嘅唔同做法，感覺都真係幾講究下喎。一叫啲嘢燒嚟食下先，我哋叫咗豬五花、牛五花、牛舌、牛肋肉、豬頸肉。肉類就比較上普通啲，有啲硬，唔感冇咁好，不過好在有比牛油去燒，會香口啲。另外仲有海鮮：虎蝦、魷魚、蒜茸牛油帶子同鐵板泡菜魷魚。帶子係當中值得一試嘅，同埋泡菜都做得唔錯。然後就係今日嘅重頭戲啦！今次試咗個廣島燒同埋野菜盛合。係呢度我唔詳細講步驟啦，大家睇圖啦！燒得又幾似模似樣㗎！食完個燒我可以好肯定咁講呢間嘢主打只有呢種御好燒，其他啲燒肉呀海鮮呀根本唔重要。最後我哋每人仲會有一球食黃少少果兩個係柚子味，少少甜又不失柚子嘅少少酸味；另外就係雲呢嗱味。

因為無訂位 所以都等左成30分鐘先有位佢餐牌選擇都好多 有套餐 有放題 有單點我地就揀左個二人套餐食佢都有好多野食啊!二人套餐 $398Caesar Salad with Bacon廣島燒廣島燒唔同嘅地方就係有麵佢會有個menu 教你點整😆一開始要倒面漿係pan 到先 之後再放菜同肉 同時要炒左個麵 再放上去途中要不斷反來反去 因為佢都比較厚😖所以你要煎得耐d 先會熟曬 但就因為係咁 佢一開始落嘅漿就會邊到好硬 🙁但就咁食入面嘅材料係ok 嘅! 御好燒 肉類雜錦佢menu 有3款御好燒比我地揀 我就揀左肉類個隻呢隻比廣島燒簡單 只係將材料係個碗到撈埋一齊再放落去燒就ok👍🏻而且佢好快熟 😋雖然整完後外表睇落差不多 味道都比廣島燒好食呢 我自己覺得😋鐵板燒 上級牛肋肉牛肉唔會太肥或太瘦 用黎當鐵板燒係幾特別幾好食👍🏻牛油帶子比起帶子 我更加覺得佢似帆立貝🤔佢都好新鮮 但係我覺得如果佢可以比多d 牛肉我地用黎燒會更好!跟餐仲有2杯飲品同埋雪糕 所以都食到超級飽啊!🤩

We didn't know that the restaurant had a minimum charge of one hundred dollars per person. When we walked in, the staff never mentioned about this. I admitted that I didn't see the sign at the front door, but I think that they could remind us about this when we were ordering. Food was average.

一直都心思思想試下道頓堀御好燒，貪佢可以自製大阪燒，過下手癮！之前黎過太古呢間，不過初開店人太多，等得耐就放棄左～今次第一次食，雖然係星期六晚但係我同男朋友6點半左右就到左，唔需要等位就入得！但走時8點左右，見都多人排隊攞位呀！我地點左二人套餐($398)，食完覺得係貴既，抵食方面就麻麻，不過勝在係一個幾特別既用餐體驗～另外menu仲有御好燒、鐵板燒、炒飯麵等等係散叫的(掛住整同食menu忘記影相🤣)至於套餐有咩食，包括煙肉凱撒沙律、廣島燒一份、御好燒(三選一)、鐵板燒(二選一)、牛油帶子一份、飲品兩杯、甜品兩份。鐵板燒 (牛肋肉或 豬肉雞肉，二選一)牛油帶子 (一份有4粒)御好燒 (肉類雜錦或 流心芝士或 道頓堀雜錦，三選一)揀左道頓堀雜錦😆 裏面有蝦、八爪魚等等，食落係一個好傳統大阪燒既口味，不錯！廣島燒內有炒麵，所以食完會好飽🤣 不過整廣島燒算係比較複雜其實味道都係來自佢調味醬汁，濃味淡味都睇你點整，不過整體我覺得道頓堀都幾好食 (同幾好玩🤣🤣) 我見隔離未必整得好靚仔/會唔記得要返轉等，我見職員行過都會提點下，當然佢本身都有menu教你點整！

點了二人分享套餐，埋單連加一差不多$460。除非你好想試親手煮，玩下過手癮，否則我認為呢個價錢也不值。我們點了三款肉的御好燒，但店員比錯另一個海鮮款⋯我食到一半先知，再搵返個店員，佢先同我講落錯單⋯但無計我都食左一半，無得要求佢再換；另外套餐會有2款單球雪糕，點了綠茶&袖子味，其中袖子味雪糕差不多融左一半先上枱⋯要叫佢再換新一球⋯但都要等好一陣子雖然店員都有道歉，但我覺得整體服務一般，也不值這價錢，不會再黎。

有幾可有得玩煮飯仔，e間店就有得自己煮自己食喇，食物主要分廣島燒，御好燒，同文字燒，理論上佢地嘅用料係差不多，比較特別嘅 係文字燒，煙煙un un,鐘意食年糕嘅朋友一定要試下！值得一提嘅係燒魷魚 真係超級好味，佢仲送咗個燒肉，都好好味！本身都鐘意食泡菜，配埋個魷魚係好夾，e度好就好在生熟可以自己控制，唔怕太老，我地燒到啱啱好，食落真係一流！e個叫富士燒，我地覺得好得意所以叫咗，不過其實都係一樣咁燒😆 😆

第二次食呢間餐廳。想同朋友聚久／新朋友仔見面好適合，有得玩有得食，唔怕尷尬。今次去食大約係夜晚9點左右，店入面既人數已經唔多。叫左份雜錦廣島燒，牛舌同埋草莓pancake。雜錦廣島燒好難煮，不得了，d海鮮好難堆埋一齊，但玩得好開心。醬汁比起上次食鹹左，唔知係唔係今次既小夥伴唔識煮野，上次好味好多，哈哈。而牛舌，之前去日本食牛舌好味到念念不忘。但呢間既牛舌真心好普通，味道唔出色亦唔會入口即化。草莓pancake係最愛！製作難易度低。同埋好治癒。每面2分鐘，失敗率好低，味道亦好好味！

想同朋友玩下煮飯仔 所以就去咗道頓堀啦 望住個Menu 太多選擇啦 於是就嗌咗個二人餐啦個人覺得佢個二人餐都幾抵食 388有一個御好燒同大板燒 前菜有煙肉沙律仲有一碟牛添 而且仲包嘢飲 如果要加特飲每杯加$10咋 仲成個Menu嘅嘢飲都加得 最後仲有甜品添作為一間唔係專食牛嘅鋪頭 我覺得算係唔錯 起碼唔係橡筋牛肉 用依塊鐵板燒牛 感覺仲幾新鮮添我整御好燒其實啲Step錯左 落面糊落錯左 搞到成舊野好散 但係望吓 加番啲醬汁都似模似樣啊 而且食落味道 我估無論係點整都係咁上下 始終食材同煮法都係咁到大阪燒啦 呢個我覺得都幾易整 攪拌完啲材料 就可以直接燒 然後每面燒5分鐘睇吓我個製成品 呢個係幾簡單㗎而最值得推薦係依個芝士年糕 每面燒4分鐘就會燒到變咗金黃色啦 入口個皮脆卜卜 入面係軟綿綿嘅芝心 我覺得比起主菜更加正 不過依個就要自己另外俾錢買啦另外 用openrice訂枱買滿$300仲會送牛添 抵食