道頓堀御好燒專門店 (康怡廣場) (已結業)

喺太古睇完戲，已經下午三點幾，呢個時間經過鋪頭，難得地無人！既然唔使等，咁就不如入去一試啦。我嘅選擇係唔知咩文字燒，有肉類。可能因為鋪面唔多人，所以侍應生亦處於一個比較空閒嘅狀態，佢體貼地提點我先燒熟肉類先再同麵團合體，結果如下圖所試，都相當成功。當然小弟都有多年入廚經驗，要處理呢種料理難度亦唔大。況且店內餐牌說明亦都十分清晰，就算之前無接觸過都好易明。如果係一對小情侶想試下有啲情趣嘅晚餐，呢度絕對係好選擇。不過，以味道嚟講，個人認為唔值得付出咁多時間去烹調，等仲多過食。店鋪方面嘅營銷策略非常成功，因為預咗要等，所以我同朋友亦嗌咗燒肉。燒肉就唔太特別，一般水準，無影到相。總括而言，間中，非常間中地去食一次半次我覺得係ok，尤其係晏就唔使等又諗唔到食咩嘅情況。味道唔差，係油煙大少少。

想食得特別又有意思，最岩黎呢間啦，又好玩，又好食。店員會為你準備好材料，之後可以自己落手落腳去煮，如果唔識店員又會幫你，醬汁配料自己鐘意放幾多就幾多，份量自己可以做決定，小油都可以。

依間餐廳最大的問題就是等很耐位一定要早少少來食 如果唔係你就要等個半鐘兩個人需要最低消費$100間餐廳座位係幾舒服嘅 因為兩個人都會比四個人嘅座位你成餐飯可以自己煮，可以大顯身手。而且Menu教你點整，所以好難會失敗的

得九十分鐘入座時間，完全冇人教你或幫你煮，一到差不多時間就催埋單，催走。到最後係因為跟佢的煮法會煮唔切，所以把部東西都放入鐵板中，炒熟就食，因為那一刻已被催兩次了。唉，食左8百幾元，感覺超差，完全自己服侍自己，不會再下次了

行行吓街見到道頓堀御好燒，突然回想起我前一次喺嗰度食係兩年前，所以決定再入去食晚餐!呢間店嘅噱頭就係可以自己整廣島燒，所以我同我男朋友一入到去就點左個雜錦廣島燒，牛肋肉同埋泡菜魷魚!!🤤🤤本人覺得個牛肋肉有啲硬，麻麻地好食...而且$68得6塊細細塊所以其實唔抵😶泡菜魷魚味道都唔錯但係魷魚就切得有啲細塊~到到主角雜錦廣島燒!!!喺枱上面擺咗說明書教你點樣燒唔同嘅嘢食所以唔需要擔心點樣燒，而且仲好貼心俾咗個計時器俾大家計時⌛呢個雜錦廣島燒有好多材料例如魷魚粒，雞泡魚乾，蛋同生菜等等🦑🥚🥬創作嘅成個過程都好有趣!😆最後仲可以加沙律醬同埋紫菜!製成品嘅味道亦相當唔錯😋整體來講$300以內買到單，好玩又好食，會推介俾大家!👍🏼

試過幾次想訂位食飯，總是額滿。 剛剛星期日行過反而walk in有位。 限時個半小時，説真的，時間有一點趕，可能自己玩大阪燒的經驗不多。我們點了粟米沙律、海鮮廣島燒和富士山。 餐廳已一早預備步驟圖，以供參考。 一家三口合作之下，總算製作出屬於自己的大阪燒，過程中充滿歡樂，都是一個幾好的親子時間。 以綠茶和雲尼拿雪糕作總結（無特別，可以不吃）。整完一個又一個，時間相當充實，從未試過一頓晚餐咁忙咁趕但又咁開心🥳

同事話要增進感情，又想離開成日食開個啲地方，所以走左去康山看看有無特別野食。呢個道頓堀聽就聽左好耐，但因為之前太多人排隊。拖拖下拖到而家先食個晏晝。呢兩碗既 我同事叫既，佢都係 第一次黎。所以碗野黎到 爭啲以為就咁食哈哈哈，好在場內職員有位幾有心既哥哥仔走黎教路，就識得要攪均去煎。我就因為 ON DIET幾日，是日不能食澱粉，有驚喜原來除了御好燒、大阪燒都可以選 燒肉。正！我不用破。戒。亞同事賴係CUTE另一同事明顯好渴慕愛。。。。。。。因為呢款的燒係糊糊地，所以最後有職員來教路幫手煮左幾下上碟。整體啲食物質素合符期望，雖唔算驚喜好食，但因著啲職員服務幾好，加上除了食大阪燒，有其他燒物選擇，味道都唔錯。 價錢上百多元，我覺得想食特別一餐來說，這間是可以間唔中來下，可翻單的選擇。

上次食完自己燒好過癮 今次又再去食過！選返兩人套餐唔駛諗食咩好岩岩去果時冇咩人店員好主動咁走黎幫我地燒野 我地可以慢慢食但係始終有個人企係度好奇怪 傾計都就住就住 開始又人喇 店員無暇幫我地 我地就自己燒 煎帶子 好好玩！牛似都唔錯 油脂分佈平均 不錯！最後以兩球雪糕作結 柚子味雪糕好清新！

食完呢餐之後，完全體現到自己廚藝有幾差😂上個星期同朋友嚟食咗啲間太古嘅分店，一坐低嘅時候服務員就好詳細咁，介紹餐牌上嘅食物。雖然餐牌上有好多唔同類型嘅食物，但係我同朋友都覺得好似一模一樣，所以掙扎咗好耐唔知揀食邊一樣好😂最後我哋就嗌左呢個文字燒我地一開始就scan左餐牌上嘅QR Code睇教學影片，其實都教得好仔細，但整完之後，我同朋友都煮到出哂汗😂講返個文字燒先，佢上面嗰啲燒汁、沙律醬同紫菜都係俾你任添加嘅，所以即使咁大塊同朋友Share之後，都可以按自己嘅口味去添加配料！

我跟另一半非常喜歡日本的美食，經常嚷著要去日本，因為日本的食物就是特別好吃，什麼也愛吃，但總不能經常去吧。因此，為了暫時一解我的癮，另一半便找來了這家專門吃大阪燒的餐廳。剛進店才知道，原來這家店沒有廚師的，因為全都是do it yourself!! 當下我可興奮了，覺得很好玩。原來有分三種，大阪燒，御好燒和文字燒，各有不同的煮法。好！要開始了，我們專心的看食譜再用心製作，其實算是容易控制，還有侍應會從旁協助，所以即使沒有下廚經驗也不用怕，整個過程充滿著快樂和肚子的滿足。

見很久沒去道頓堀御好燒就找了朋友一起去！我們兩點左右到達，完全不用等位 (′▽‘*) 上餐速度也很快～！芝士味噌飯糰 ($48/2個) - 焦香的飯糰加上了芝士已經很不錯，再加上味噌更是香氣十足且十分滋味喔！芝士四重奏文字燒 ($88) - 因為很喜歡吃芝士才點的，不過燒的時候要很小心 ...這個感覺上比起其他的更容易燒焦 Orz 但鹹香的芝士實在很吸引嘛！道頓堀特選御好燒 ($108) - 之前來吃時也有點這個，主要是因為有麵的關係！而且配料亦很豐富，十分滿足喲！武士御好燒 ($108) - 這款是日本以外限定！當中有大蒜、米飯、年糕、豚肉等，感覺很特別個人喜歡吃那年糕煙煙韌韌的，豐富了御好燒的口感。大蒜的味道也頗濃，這個不用另外加醬來吃也很夠味！

其實之前想試呢間大阪燒好耐了，今日終於的起心肝與友人一試。我地大約6:30去到唔洗等位，不過就限時90分鐘同埋有每位最低消費$100，我地叫左一個廣島燒（$98），燒飯團（$38），芝士年糕（$38）重有雪糕（$15球）。所有食物除左雪糕，其實都係要自己動手，對於平時絕少入廚房，煮野食唔叻嘅我地，煮起上來真係有點失禮，其實係有餐牌教你點燒，煮完晒再加醬汁同木魚絲等，都叫見得下人，味道有醬汁幫手，其實唔會差得去邊嘅。至於飯團，我地可能燒得唔夠燶，好似冇出面餐廳咁好食，芝士年糕我個人覺得太「漏」感覺但友人覺得好味！整體而言，好玩，都好食，不過抽氣就麻麻，餐廳內較油煙，食完會有陣大阪燒味跟住你

因為睇片好似好簡單，所以我地就去試左DIY 大阪燒!點左一個大阪燒一個廣島燒既料，然後係度睇說明書。😂😂😂冇面條個隻還好，好難失敗，加料等一等，放料，之後反幾反再加埋終極必勝既醬汁同沙津醬，完全好味!但有面個個就難搞了!!反個陣已經好驚，反完一pat都算，再要加野反多次! 好癲😂最後急急腳用醬汁同沙津醬收尾!都算完成到!整體都好味，但加埋有得玩梗係更開心啦！但都係過癮下，除非真係好掛住大阪燒先會再黎食😂😂😂

有得玩又有得食! 搞到一頭煙都值!想嚟呢度玩好耐㗎喇， 今日好早，六點鐘就入去食晚飯，無乜人仲可以揀位，舒舒服服!海鮮御好燒最簡單嘅一款煎餅，由於我廚藝不精，唔敢向難度挑戰，加上用料我又中意，就簡單dd，務 求提高成功率!用了十分鐘， 燒餅整好喇，又靚又好味!豚肉廣島燒難度最高嘅日本燒餅，朋友向高難度挑戰，讚!由於掛住食，沒有影到製成品，哈!白桃乳酸梳打酸酸甜甜，配上煎嘅食物，可以解油膩白桃燒酎有燒酒嘅成分，味道不錯燒餅用嘅醬料及配料，建議煎餅之前望清楚有什麼，以免煎嘅時候手忙腳亂燒餅製作說明書一定要詳細閱讀，如果唔係，煎嘅時候才睇，根本睇唔切，哈!

一直都鐘意食御好燒，之前去大阪無緣食到，今次終於心願達成。我地叫左個二人餐，有御好燒同廣島燒兩種燒可以食。首先上御好燒，第一次試整估唔到都幾簡單，跟住簡單既教學menu就好易成功，最後淋上燒汁木魚粉同海苔粉就食得，大家唔好好似我咁差d落錯拉麵汁。好彩係我準備落汁既時候被細心既Matthew發現，差d就落錯左拉麵汁hahahaha 好險😛跟餐仲有幾塊牛同埋4粒牛油帶子可以燒。食完無耐就上廣島燒，呢個廣島燒技術含量好高，對於我地黎講係好高難度🤯，好彩有熱心既Matthew幫我地手，如果唔係反黎反去好易散哂🙈廣島燒真係好有挑戰性同好味，入面炒麵好彈牙！我地食到差唔多Matthew 就同我地講如果下次再黎食記得搵佢仲有其他新玩法可以教我地去DIY呢個燒。之後食埋雪糕呢個晚餐就完美落幕啦！今次廣島燒多得Matthew先可以整得咁完美，仲有花紋架，Matthew 話個花紋要好細力如果唔係好易整爛個蛋，Matthew真係好好人好好服務態度！呢類餐廳雖然係比機會客人自己去整個燒，但係都好需要有好好既侍應從旁協助同客人互動，咁先可以令到餐飯真正食得開心！