道頓堀御好燒專門店 (荃灣廣場) (已結業)

其實日本既御好燒、廣島燒都開咗一段日子，平時都好少食，因為男朋友提議我地去又食又玩就咁就被人賣咗去食因為平日6點去到仲有好多空位，坐低先餐牌上詳細地圖文並茂咁介紹點樣自行整既步驟同煮野時間，新手可以好似cooking mama咁跟住黎玩我地叫咗個二人set,帶子一面煎一分半鐘，放埋牛油煎好香啊帶子粒粒肥美飽滿又新鮮，而牛肉都牛味濃正廣島燒既技巧高過御好燒，係御好燒既基層再加炒面，有埋炒面又多咗一個層次同更加飽肚，上面煎好後灑上木魚粉、海苔粉、蛋黃醬、炒面醬一齊進食，好熱好熱又好味啊。跟餐我地叫咗柚子雪糕，我同男朋友食落第一口係一致大叫柚子蜜，與其話係雪糕不如話佢係柚子蜜雪芭來得貼切，每一啖都食到果皮

今日同朋友去慶祝生日，去左荃灣既道頓堀！叫左兩款大阪燒，同埋幾款燒肉。但係幾款燒肉都太咸，而牛舌比較淡味。最期待既係整呢個大阪燒，但我地整得唔太好😂😂味道都比較普通。overall黎講佢所有食物都好咸味😂😂😂😂

今晚朋友提議食鐵板燒，要自己郁手整都幾得意。一開始整御好燒都冇乜難度，自己整果然好食啲，但之後嚟個廣島燒完全冇落廚經驗嘅我地真係搞唔掂，好彩都可以搵員工幫手。呢餐真係個肚滿足，自己「落廚」個心都滿足！

同朋友行行下商場發現依間道頓堀御好燒，見到入面嘅食客玩得咁開心都心癢癢想試下，等位大約等左１５分鐘到，而且上菜都好快，7:57分入座，8:10就可以開始食喇！同埋個環境都好闊落，完全唔會覺得逼。我地一開始就煎左帶子先練熟左手勢先，之後先開始煎御好燒，覺得其實都唔係太難（HAHA 味道係靠自己落沙律醬同埋燒汁自己調味嘅，鍾意重口味嘅可以落得重手Ｄ，又好味又好玩。

自己晚餐自己燒，今晚小倆口的晚餐定在 荃灣廣場 的 道頓堀御好燒 開餐 ~ 小時候看過港產電影 <鐵板燒>，曾經想過做個 鐵板燒師傅，現在有機會實現兒時夢想 …… 哈哈…… 我佩服鐵板燒師傅的厨藝…… 真是不簡單 ~Menu ~ 就是鮮果梳打也要自己動手榨汁 , 真是既健康又好玩 ~基本上除了食材之外 , 大多數的食物都是要自己落手落腳在面前的鐵板上煮 , 所有食材都準備好 , 煮得好不好吃就要靠自家功夫 , 當然若是太過雞手鴨腳的話 , 店員是會前來幫手 , 所以還是放心 , 一定會完成的 ~御好燒 , 看似簡單 , 而且有足夠指示教授如何煎煮 , 但知易行難 , 親手上埸做起來就發覺並不是這麼簡單 .... 炒得夠不夠香口 , 下麵糊夠不夠均勻 , 何時反轉再煎 , 時間的掌握 , 一切一切都很考功夫 , 亦很考耐性 ~總之有得食有得玩 , 夫復何求 ~本篇完 ~

御好燒，廣島燒究竟有咩分別? 我地每樣叫咗一個，但係食完都係唔知有咩分別okonomiyaki 點整都係咁上下，不過耐無食都唔錯嘅。啲醬汁任落，我真係落咗好多 hahah 都整得幾成功呀 😁 明明全部嘢都係自己燒，點解仲要收10%服務費嘅 🤔 收咗去邊呢

周圍都勁多人 見呢間lunch 有位唔洗等就入去試下😀😀😀因為太肚餓 唔記得影相淨係影左個前菜 沙律 同和牛蘿蔔絲芝麻醬清清地幾好食呢個就係和牛啦$139 連埋前菜白飯有5塊 其實仲叫左個炒飯同炒麵全部都自己落手落腳整架真係有得玩又有得食仲有人講解 教你炒咩先炒幾耐戰後現場😚😚😚

今日年三十晚，同同事去呢一間度玩下大阪燒完結一個豐富嘅狗年。一行六個人都去到呢度食大阪燒，每個人揀嘅都唔同。我揀嗰個係最簡單嘅御好燒，開YouTube睇佢介紹點整嘅片段同點樣整，以為好簡單。點知一落手其實好難，六個人都係得一個爐用，其實唔係好夠地方整，一個正常嘅午餐時間係食唔晒。同埋其實係同其他大阪燒冇乜分別，因為大家都系會落同一樣嘅醬汁，所以其實唔係太特別。反而大家愈整愈燥底，因為根本唔會整得好食。同埋，年三十晚算咩紅日，竟然話假期無正常午餐menu。完全唔make sense

今次尼到荃灣，星期五夜晚時間，間間都排長龍，今次想試下食大阪就係到等，大概等左廿分鐘就有位，都算ok可能已經係第二round (around 8:30pm) 所以唔算好多人好嘈咁今次食御好燒，份量都好足夠，不過本身啲野就無咩味，都係要靠啲醬汁嘅味最後叫左個豬頸肉，但係就好失望，切到好厚，一尼好難燒，二尼都好難咬反而牛舌就唔錯，口感幾好整體尼講，試下新野，又有得玩下煮下係ok嘅,但如果真係想食啲好味嘅野，尼個價錢就未必會選擇尼一間喇

餐廳位於荃灣廣場，鄰近荃新天地，但在商場在比較偏僻的角落，需要一點時間才能找到。餐廳模仿日本大阪燒自助形式，選擇好菜式後，店員會給食客相應的材料，根據餐牌上的指示-製作出相應的食物。除了大阪燒外，還有很多不同的肉類和蔬菜。但燒烤的爐比較熱，小孩子要小心一點。味道方面，不是十分出色，沒有在日本餐廳吃的味道。價錢方面，不算是十分高的價錢，以日本餐廳的水平來說，價錢合理。

朋友食過都極力推介，今次就同老公黎試吓，我哋兩個就order咗個二人餐二人餐有沙律，廣島燒，御好燒，鐵板牛肋肉，鐵板牛油帶子，雪糕同埋有兩杯飲品，而且每人加$10就可以有杯大嘅啤酒飲啦鐵板燒嘅牛肋肉同牛油帶子最簡單嘅燒物，熱一熱身先廣島燒，只要將佢嘅材料全部混合埋一齊就ok 啦原來都好簡單㗎相信平時冇落廚嘅話，都一定識做🎊🎉最後將啲醬汁撈埋一齊就搞掂好味御好燒，御好燒就有少少難度，不過都有說明講話點做因為我哋都想confirm清楚係點樣做嘅，而佢地既Waiter 相當之友善，見到我哋有猶豫之際，就過嚟教我地，同講解俾我哋聽啦，想喺度特別表揚一下員工呀 Yin , 因為佢好有heart 咁對食客，見每一次有食客有疑問佢都好耐心咁解答，好友善講返個御好燒，就記得要睇返個解說，逐個step 點樣做，因為都有啲難度，如果唔明嘅話就可以問下waiter 哥哥啦係認真製作下，都做得有板有眼，大成功總括嚟講我真心推介呢間食肆，唔單止有得食，仲有得玩(煮), 而且食物水準一流，Service都非常之好，仲有好抵食，CP 值超高

想食大阪燒，試下黎呢間專門店有得自己玩自己燒店員都有教我地要點做，而且枱上都有指示同計時器食物味道不錯我地鹹點甜點都各點左一個轉甜食前個侍應都有幫我地清左個鐵板一次先個問題就出喺埋單度我地到埋單先知最低消費係每人100，仲要係未加一前我地揀勻成個menu都會咁嘅注意事項問返個侍應先知喺門口有張告示😥我地都到埋單喇你仲expect食啲乜叫啲乜呢夾硬又要叫個雪糕又要叫個凍豆腐黎湊單雖然你話門口有提示啫但無留意到就無留意到員工係咪不再提醒，係咪菜單又不會提示呢？真係值得再商榷囉下午茶時段係咪真係可以一人一個大阪燒呢？呢個規矩係咪全時段都適用呢？本來美好嘅用餐體驗就破壞晒喇🤷🏻‍♀️

今日lunch 突然興起想食大阪燒之類，又突然醒起呢間野bookmark 左好耐而又無食過，所以見今日有時間就出黎試試了。因為係紅日，雖然係lunch 時間，但都好多人排隊，排左差唔多半個鐘，終於到我地了。我地被安排係最角落頭既位置，自成一角。因最低消費每人要$100, 而我地有兩個人，叫兩個御好燒又未夠$200, 所以另外再叫左碟牛舌。我地揀左芝士四重奏御好燒同埋道頓堀豪華7品。牛舌首先呈上，燒完好快食得，味道都唔錯。然後到重頭戲，御好燒！先將佢地搞勻後，直接倒落板到燒五分鐘，然後反轉再燒。其實餐廳內有教學點煮，所以大家都唔洗擔心。燒完後加上醬汁。搞掂！兩款都好好味，都推薦！

第一次試呢一間鋪頭，原來呢間主要自己煮，難得终於試到老公手勢😅🤭。 煮法有啲似鐵板燒；DIY製作自己的燒餅，有得食，有得玩，增加一份樂趣。 不過煮嘅時候時間要控制得好好，又要記得咁上下時間就要反轉，如果唔係就會膿， 所以其實都幾考功夫

呢晚訂枱同朋友慶祝生日，因為人數眾多，被安排到房間就座，私隱度高，唔怕騷擾到其他食客。大家可以DIY製作自己專屬既御好燒、廣島燒同文字燒。其實製法都係大同小異，將基本材料攪勻，直接倒落鐵板上面煎，每5分鐘反一反以免煎燶，15分鐘後淋上日式醬汁、蛋黃醬，再撒埋海苔粉、鰹魚粉就大功告成。御好燒醬汁香口，外脆內軟，啖啖材料好豐富！不過，記得要落足眼力去睇火，一不留神就好容易煎燶，真係少啲功夫都唔得！但假如對自己嘅手勢同廚藝無咩信心，店員都好樂意幫忙。全晚都忙於製作燒餅，其實所有燒餅都係同一隻味，不過味道係其次，同朋友一班人笑下﹑食下，開開心心又一晚！