道頓堀御好燒專門店 (荃灣廣場) (已結業)

如果想整大阪燒，尖沙咀同埋旺角分店太多人，可以去荃灣呢間試吓。六點半去到完全冇人等位。我和朋友今次就聰明，三個人點了兩人套餐。因為之前玩過大阪燒，所以今次就比朋友玩。服務員好helpful，有啲步驟唔係好知點整，服務員即刻幫我地整，而且仲幫大忙，但其實我哋想自己整多d😅😅套餐有沙律、燒帶子、大阪燒、御好燒，仲有雪糕。全部味道都係普普通通啦，不過價錢合理，又可過吓癮，不過玩一兩次就夠㗎啦😂😂

本身只有荃灣廣場一間鋪頭，但在今年已經加開不同地區。環境係好靚好有和式風格，但完成不適合侍應觀察客人的需要。有一張學習如何煮食的紙板，上面的說明不是很詳盡需要時間了解，我建議睇片學。肉類雜錦御好燒$88口感一般，可能粉漿比較多。在煎煮過程中一定要把肉類平均分配。廣島燒$98記得炒麵醬油不要放得過多，雖然炒麵顏色不是很深色但味道已經足夠。1cm厚切加拿大自然豬腩肉御好燒$118經過肉類雜錦御好燒和廣島燒的練習後這個御好燒就煮得非常順手。1cm厚切加拿大自然豬腩肉御好燒十分好味。芝士薯仔年糕$38芝士超重，外面口感有些像麻薯。外面煎煮到金黃色，也不是表示已經熟透，因為它是在雪櫃拿出來的裏面可能也是冰凍。上級牛肋肉$75，豬五花$45這兩款給我在選擇我只會選擇轉五花，肉汁比較多性價比高。

周五係好日子，跟朋友迤個下午茶，聊聊天，隨意走到荃灣廣場找食肆，走了兩圈，大多是連鎖餐廳，並且都試過，只想試新嘢，反正早餐都Skip咗，見到與大阪道頓堀同名，駐足一看，除了基本的下午茶餐，沒甚吸引，轉眼看到套餐，包含兩種燒餅，還有牛肋肉和帶子鐵板燒，睇落吸引，即管一試，還可大顯身手😂😂😋先來沙律，一般可接受。接著係牛肋肉和豬腩肉，在鐵板的高溫烘烤下，份外味美，肉質還很嫩滑，正😋再來是御好燒-道頓堀雜錦，經魔術手變法，再配合燒烘時間，馬上成形，朋友都驚訝色香味四溢👏🏼👏🏼😘壓軸就係廣島燒，再由「大廚」出馬，按步就班，原來都係咁「簡單」，就算食到呢個階段，似乎有點滿足，但面對這大餅也忍不住餅來張口，味道十足，加以醬汁，更覺味美，其餅底、炒麫、雞蛋蓋頂，融合不同的口感和味道，簡直係完美結合，為呢個「下午茶」劃上完滿的句號。有機會都想跟多一點朋友共享，值得憧憬！👍🏼😋

萬眾期待嘅！鐵板燒！終於可以去食啦😋😋自己動手煮嚟食！😋😋一行二人lunch Time去食可以選擇lunch set，內有一款叫一cm厚切加拿大自然豬腩肉御好燒，不用多想就選擇叫這個是二人份量剛剛好，包一杯嘢飲跟及沙律。首先來了材料自己撈勻再自己看短片跟住做🤣前前後後大約煎了15至20分鐘左右不停反轉再加埋蛋再煎多5分鐘左右在自己加上喜愛的醬汁及調味粉就可以成為外面鋪頭叫的樣子👍👍食物味道都很好味，豬腩肉燒完後不會很肥膩👍👍😋

友人話食嚟食去都係個啲 有啲悶有冇新搞作？既然係咁 不如比你做大廚啦😎佢有二人餐提供 唔想諗既情況下所以叫咗而且最近主題係Melody中意Melody既朋友更加不要錯過🤣御好燒同鐵板燒就係自己落手落腳化身大廚既好時候但顯然地感覺都係食緊一堆嘢加大量菜🙈因為佢提供既汁料其實都係一樣而佢亦都有提供每款整法示意圖一步步教你點整出嚟 所以都唔洗太擔心會整唔到 賣相另計😂御好燒成品鐵板燒成品而且有得玩又有得食 其實都唔算貴不過有時等位時間會較長 同埋必須有定心理準備食完個人 會一身油煙味🙊

又是每月一餐的時候，今次是4人，友人推介去大阪燒，平時經過尖沙咀分店都好多人下，友人選了荃灣分店，因為新店同似乎冇咁多人，thank友人訂了位～來自日本的dohton bori ， 說到大阪燒，去大阪時都冇試到，今次係香港可一試了。平日的晚上，不算太多人，因有限時90分鐘，我們等齊人先入去呀。 期間限定的my melody x kuromi，好可愛呀。 內堂面積頗大，裝潢甚有日本風，暖色的燈光，感覺好wram。 坐的尚算位子寛敞，每枱設有長煙囪抽氣管及鐵板燒，小心熱呀。 四人分享套餐（全11品），$638。 前菜-和風蕃茄沙律。 御好燒 廣島燒 肉類雜錦炒麵 鐵板燒-野菜盛合(檸檬牛油醬油) 上級牛肋肉 鐵板泡菜魷魚 牛油帶子 雞肉 甜品-雪糕(雲尼拿/柚子/抹茶)X4 飲料(+$10可點主餐牌內各款飲品)X4 有大阪燒的教學，圖文並茂，仲要有埋QR code 可睇影片教學，好窩心呀。 大阪燒用的醬汁、調味料及油。 跟餐+$10的飲品。 鮮果燒酎梳打，真係要鮮榨呀。 跟餐+$10轉的飲品。 桃味骨膠原活乳酸燒酎梳打，桃味唔太算好出，少許乳酸及酒味，甜甜地，都不俗呀。 友人

本身想自己本大板燒好耐，之前經過次次都排哂隊，今次咁岩經過竟然見無咩人於是就入左去食喇。佢有二人餐，不過我同個朋友都係志在想食大板燒於是無叫餐，叫左一個雜錦廣島燒同芝士四重奏文字燒。其實燒完我地都分別唔係好到佢地既唔同..因為..落左同樣既醬呀嘛😂有哂說明書教點整，初初都驚唔成形、但原來都幾易整，同朋友一人整一個，都好順利！好好玩添賣相睇落都唔錯呀，食落都幾好味！食完我地都覺得唔叫餐係岩架！食左兩個燒無論個肚定開心既程度都非常滿足！極力推薦想試整大板燒的你快點黎試啦！又唔駛自己預備材料又唔駛洗..一人百幾蚊有得玩有得食的晚餐，抵到爛呀！

間餐廳開咗咁耐，終於去第一次去試 。見係自己燒嘅好似幾吸引，覺得好好玩，每次煮都要每一個step都望一望個餐牌個。第一份分別係廣島燒$98店員會準備好晒食材，雖然有一張食譜教你點煮，不過最後都只係倒晒啲材料落去炒，再加啲調味料落去，希望味道都唔會太差🤣呢款廣島燒入面材料包括有大量椰菜絲，煙肉、炒麵、加上粉漿，整起來有成功感。怕咸嘅朋友就唔好加太多醬 ，因為醬就幾咸之後再黎左個御好燒和炒麵。少了新鮮感加上呢個有D難道，又怕中間唔熟，而且醬汁味道差不多跟餐還有每人一杯飲品、一份泡菜燒魷魚、燒牛舌和雪糕，食得勁飽，套餐份量太大，岩哂大食既人。下次會試下散叫，食唔同既野。

一班人一齊燒下玩下笑下傾下計，時間過得好快，不經不覺坐左好耐。平時都好鐘意食大板燒，而呢間餐廳嘅賣點就係有得比你自己燒。比埋教學你睇，scan QR code 仲可以睇埋片，唔會怕失手得出邊！ 咁岩有期間限定有melody做主題，幾得意！應該吸引到唔少fans! 如果你有食過平時food court 連鎖個間大板燒，有對比之下就知有幾好味。連鎖個間非常非常咸，而且粉漿好厚，食完會好滯。呢間唔會好咸，貼近真大板口味！其實呢間餐廳連廚師都唔洗請真係好聰明，慳唔少，難怪愈開愈多分店。

朋友生日，今日去了荃灣道堀食大阪燒。前幾個月已經想食，去咗尖沙咀分店，但六點幾已經超多人，所以今次去荃灣店。打電話問過只有六點半可以預訂，最後決定walk in。七點鐘嚟到冇咩人，仲可以所有人入咗去先開始計時90分鐘。我哋三個人點左個二人餐，有一個大阪燒，一個御好燒，一個沙律和同燒牛肋肉。煙肉沙律上的煙肉要先燒30秒，然後先放上沙律上一齊食。沙律菜爽脆新鮮，但醬汁太多，味道有點濃。餐廳有整唔同燒餅既說明字卡（附圖片）非常貼心。整大阪燒時，唔知幾時落海鮮，服務員都好好人，幫我地整左一般，之後在教我地點整埋佢。自己可以根據需要落醬汁，完全自己控制。大阪燒味道不錯，我地都整得好成功，完全無失手。不過再整御好燒，就發覺味道和大阪燒差不多，都係用相同醬汁，驚喜欠奉。所以自制大阪燒，其實玩一兩次就夠，如果餐廳有多d其他食物選擇就更加好，唔會食極都一樣味😅綠茶雪糕🍦唔夠綠茶味，而且好冰，不夠軟滑。

三五知己一行5人👭👭諗住一邊食一邊傾計，我喺奈良食過大阪燒，係由日本人幫我料理的，但這裏就全部自己負責，我另外4位朋友未食過大阪燒，一曉不通怎樣調理，我也忘記了怎樣，店內有一張卡有說明怎樣調理，我們便硬着頭皮問侍應怎樣煮，但有位四眼男侍應：「我哋呢度係自助形式，請你自己睇返嗰張卡」吓...😱使唔使咁呀😡🤬我哋跟住話老花冇戴眼鏡睇唔到👓(因為啲字真確係細)👓佢就好求其咁叫我地全部撈埋晒到落去就得啦😒吓...係咪咁嘅服務態度啊🤬🤬🤬佢跟住又走過來收我哋啲碟時，我地又刻意地話唔知點整，佢見到我哋將啲嘢整得唔啱，佢都真係唔出聲😤😤😤😤😤😤當我地食完呢一款之後，我見隔離兩個女仔都係煮緊我哋呢一款，但就唔係咁樣煮囉🤦🏻‍♀️唉個嗰四眼仔侍應啲服務態度真係衰我哋叫咗個4人套餐 $6xx，再加1碟腩肉2條($108)+芝士年糕1碟2個($36)，食到好飽，價錢係抵食嘅，$865/5人，味道一般般啊，不過食完返到屋企就真係超級，超級，超級口渴了💦💦💦💦💦💧💧💧💧💧

本來打算來一個早晚餐，見早了吃飯就選擇了玩住食點知捉蟲了🙈起初睇餐牌是沒有不妥的，有廣島燒又有燒肉，滿足哂。一開始上菜當然是燒肉-牛肋肉，不錯，滿有牛肉香，然後到文字燒...... 燒足廿分鐘（應該有吧⋯⋯ 肚餓時時間過得好慢好慢......），個底好似overdone😱，但都只有繼續等食......等等下就煎埋豬臉肉食住等...... 最後，發現唔夠飽🤣🤣 呢種其實係咪營運策略，客人煮食，出動勞力，較易唔飽🙈如是者我地又叫多一個炒麵食，食完都仲要出去即刻食兩球雪糕🤭值得一提，呢度每個爐溫都差不多二百度，而且爐面大，所以帶著小朋友的人士請留意。

之前一窩蜂人人去食，逼爆k11間店，估不到，原來係荃灣都開左。之但係，無我想像中咁正....首先，餐廳只是提供材料供客人自己玩。其實這並沒有問題的。但問題是食物本身不便宜，而座位跟醬瓶都有積，餐牌跟油瓶都油淋淋就唔太好囉。食物方面其實都可以的。個豬腩肉御好燒，自己都燒得幾好食。如果店員可以主動介紹點整，唔使全程自己望住個張油淋淋紙會好好多。依家成個感覺係，借個爐俾你燒野，完。返食指數: 2.5粒星(最高5粒). 其實個豬腩肉係幾好食。但好食係因為個個燒汁同蛋黃醬....成100蚊個，叫兩個已經200幾，都幾貴下.....

今天為慶祝老公生日而外出食飯兼親自下廚，選擇了這新嘗試，嚟之前都上網睇左好多攻略，希望90分鐘內能夠煮曬同食曬啲野! 我們一家三口，叫了一個二人套餐，剛剛好夠食，又唔會飽到抱住個肚出門口。 餐廳內有好清楚的指示教點煮啲大阪燒，圖文並茂，好貼心啊! 服務員的服務都好有禮貌，我訂左位，但其實可能因為平日，所以都唔洗等位。一開始先來了前菜沙律和一片煙肉，仲有一碟好美味的牛和帶子，由於太肚餓，所以好快就放進肚子裡了，忘了拍照。之後有兩款大阪燒俾我們自己燒，都算是幾成功，好有樂趣的一餐，我們一家三口都嘗了反一反個大阪燒，如小朋友不是太細，都可作為親子活動啊！

知道呢間大板燒成日要排隊，荃灣廣場呢間有得用app拎位，好方便！第二次食仍然係奶味道，對於中意有得食有得玩既人黎講就最好男朋友仲可以show off下自已既廚藝氹女朋友開心。整體都唔算難整，有哂教學都幾易跟👌🏻今次叫左個廣島燒，係我覺得最好味既一個燒，雖然最難整。但入面既菜同炒麵真係好好食。另外仲叫左個御好燒，整法簡單d，但層次亦都簡單d，無廣島燒咁實在。最後唔少得梗係要加醬，係精華所在另外都有叫芝士年糕同pancake,不過不失，字試過既都值得一試。自己仲可以整唔同形狀既pancake