達人包車 (已結業)

與好友共聚，放棄最穩妥的傳統韓國餐廳，為的是嘗試一下新的韓式飲食文化，結果…………。Order侍應介紹的招牌芝士排骨五條以及蜜糖炸雞。前菜賣相味道均不濟，而且只有三小碟！ 芝士排骨學星爺話齋，芝士冇芝士味，排骨冇排骨味，排骨又乾又瘦，炸雞好一點，除左不是啖啖肉之外味道算正常！幸好有任飲set$88 per head補救下，可以叫啤酒，燒酒或cocktail, 不過時間上由以前的不限時改至現在的90分鐘 （我是從餐牌上看到以前是不眼時的，而且要飲完一支才可叫另一支， 老實說如你飲酒速度不夠快的話那散叫一支算了。侍應服務非常一般，踢一踢才郁一郁，木無表情！不過不重要，因小妹也不打算有回頭的一日，食美味的芝士排骨相信在韓國才找得到！

上次食完達人包車話過要再番去試佢其他味既炸雞今日放工係到同男朋友研究食咩既時候就決定去達人包車本來都係心思思想叫番蜜糖炸雞但係店員話醬香炸雞都唔錯 所以就改變主意炸雞來到 果然無令人失望呀我覺得醬香比蜜糖更好食的醬汁較多 咬落去好juicy而且即炸即食 好香脆另外再叫左一個部隊鍋感覺同年糕鍋味道差不多又係愈食愈辣最喜歡部隊鍋中的午餐肉 切得比較厚身好有口感另外食韓國食物比較熱氣必需飲凍飲叫了一杯西柚果汁飲料 正達人包車的炸雞真的令人很回味不過炸雞味道唔可以mix又要等下次先再試另一重味Lu

一向都過意食韓國野，放工最開就係可以食大餐！yeah當唔少得泡菜左邊係芝士排骨鍋，燒住勁多芝士，再將熔左既芝士包住排骨，正到... 排骨又多肉，六舊同friend子share都非常足夠。仲有啲韓式腸同年糕，都是我的最愛味道有少少辣。另外配三球紫菜飯，紫菜醉混入飯，好味，圓錄錄似飯團右邊係食韓國野必食既部隊鍋，個湯都是辣辣的，有芝士同茄汁豆調味，材料中最愛兩款韓式腸，脆皮十分不錯仲有拉麵年糕，豆腐，菜。提提大家，gas爐超快煮好，餃子要趁早食，否則會爛。嗌左兩杯梳打，味道不錯

今日同朋友嚟到銅鑼灣, 食咗一間幾呀特色嘅韓國餐廳, 友人點名話要嚟呢度試吓, 反正都比較少食韓國餐廳所以就由朋友發板😊黎到叫咗一份泡菜紫菜包飯韓國嘅紫菜包飯其實即係壽司卷物, 唔知日本嘅咁花巧, 配上簡單嘅泡菜仲有酸蘿蔔同青瓜, 泡菜食落比較酸, 鍾意食酸泡菜嘅人一定唔可以錯過! 達人包車嘅嘢食除咗好大分之外仲有啲好特色嘅飲品見到隔離枱有人掛咗一包好似血包造型既雞尾酒飲品😆 好搞笑嘅造型足足有一米長嘅大串燒, 可以話係均衡飲食嘅菜式之一！因為內裏其實都有好多蔬菜, 青椒, 南瓜, 菠蘿, 洋蔥等... 唔似一般出面嘅燒肉只係有肉類沒有蔬菜, 食起上嚟肉質好嫩! 職員控制火候控制得好好! 唔會燒到好干! 恰到好處, 保留到肉汁原有嘅濕度, 好味道❤️西柚果汁飲料 & 柚子果汁飲料味道唔會過分甜, 而且果汁飲料只係加左有氣既飲品落去, 唔似一般嘅柚子飲品, 不過又冇汽水咁多氣, 食得多燒肉飲翻幾啖真係幾舒服😆😆😆😆👍🏻

今晚約左朋友仔去銅鑼灣行街順便聚一聚，之前有朋友介紹達人包車d食物都唔錯！咁我就拉埋朋友仔2個去試一試下先！坐底之後睇下Menu，見到呢個芝士排骨好似好好味，由於我地得2個人，所以只係叫左最細既份量5 pcs！然後我地見到隔離枱叫左條超大串燒實在太有趣！於是我地又叫左黎試！但其實真係好怕食唔晒！環境都算不錯！不過我覺得2人枱可以再大d，因為食物份量大大份的話一定唔夠放！先黎2個前菜同特飲，我地各自叫左一杯柚子蜜同西柚特飲！味道同其他餐廳沖都大致上一樣，所以無乜特別驚喜！呢個芝士排骨真係好味到不得了！首先講中間既韓國年糕真係辣得過癮！煙韌程度好足夠，好好味！最精彩係會有人幫忙用芝士卷排骨，睇住已經等唔切好想食！排骨好入味，煮得好軟好入味，配合埋芝士真係絕配！今次真係要食完先減肥喇！哈哈！重頭戲就係想黎試呢個超大串燒，齋睇已經好有睇頭，因為真係好大串咁先放係枱旁邊，之後又係會有人幫手將佢地逐一放落預備左既煎爐上面，整串串燒有排骨、腩肉、雞肉、腸、洋蔥、青椒、車里茄、菠蘿、菇等等...真係好吸引！肉類既味道全部都好入味！咁多種食物，又有色香味，都算值回票價！其實2個人食咁既份量係好多好飽既！

每次到銅鑼灣逛街，總是拿不到主意到哪裡吃晚飯好，可能是太多選擇了，選擇困難症發作。不過到銅鑼灣逛街有個好處就是...總會有食店的宣傳阿姐提你夠鐘要食飯，哈哈，好像每次跟友人逛到不知時候就會遇到阿姐向你招手及推介。就這樣，是夜來到位於銅鑼灣駱克道京都廣場的《達人包車》來過韓風的一個晚上。對於韓國菜，不論是鍋物、炸雞，或是傳統的韓燒，就是有種莫名的喜歡。一進入店內，有張卡提醒客人用餐時間90分鐘。其實雖然香港食店在繁忙時間普遍都有設用餐時限，但我就對此限制卻有點反感，香港人生活節奏已經急，有時就只能在晚上跟朋友一起用餐，悠閒的細說生活點滴。最怕有些食店，每分每秒都幫你計著，不過都有好的食店，都會在見沒太多客等候時，會放寬時間，今次用餐雖有時限，不過服務員都很有善，都不用特別催促客人。一入座，店員會端上每人一份前菜。見到几乎每枱都會吊著一個好像醫院裡的點滴，有OPPA幫客人打點滴，我也點了一份呢~ 哈~ 不過順帶一提，這裡的OPPA 較cool的。<吊環雞尾酒(石榴)> $78石榴味的血包飲品.... 像在輸血似的。有得食有得玩，心情都輕鬆很多。點滴有開關控制器，可以自行調節

今日難得約上好姊妹黎銅鑼灣行街, 反正過海當然要食啲平時比較少食嘅餐廳啦! 銅鑼灣嘅食肆有好多, 其實真係有啲花多眼亂... 討論之下大家一致決定食韓國菜, 所以就揀上咗達人包車, 同尖沙咀分店一樣, 主打食炸雞同芝士排骨.. 仲有一條超過一米長嘅大串燒🍢雖然係星期一晚, 不過在場客人都幾多, 雖然唔需要等位, 不過場內已經坐滿左九成客外場以石牆圍起, 方便同等候既客人分開, 設計幾特別❤️1米超大串燒 $328真係超級養眼🙊🙊🙊 職員一放上枱, 其他客人所有嘅目光都注視係我哋呢串串燒上面, 好好笑😂韓國女職員好好服務咁會幫我地處理串燒, 將所有既肉類同蔬菜都煮熟😚😚😚 服務真係一流啊, 不過佢每一次知道我影相佢就即刻避開🙊 好似有心唔俾我影咁🙈我同好姐妹係佢仲煮緊燒肉嘅時候已經迫不及待咁食😹 其實有啲肉已經熟咗牛肉醃製適宜, 食落好夠味而且好juicy, 超正😍👍🏻👍🏻👍🏻除咗牛肉之外, 仲有豬肉雞肉, 同埋個款嘅蔬菜, 因為洋蔥同菇煮嘅時間唔使太耐, 建議盡快食用! 如果唔係就會過火左😊串燒包含咗個款肉類同埋蔬菜, 顏色非常之豐富! 最後嘅成品色彩繽紛, 賣相真係十分之靚❤️❤️❤️每款肉

最近係facebook睇到達人包車出左芝士火鍋，仲送朱古力火鍋!!先$228嘛。好抵咁即係book台食下午茶去，得我地一台客一共3個人，嗌了個芝士火鍋+朱古力火鍋，仲嗌了一份半半炸雞 一半原味 一半蜜糖。啤酒做緊半價幾抵，一人一支大概等了20分鐘上菜，芝士火鍋既配菜有蝦，腸仔，青口，八爪魚，薯條，紅黃椒。朱古力火鍋有士多啤梨，火龍果，青提子，橙，棉花糖，蛋糕。芝士火鍋個汁好大陣酒味，酒味濃到我食唔到芝士味我個芝士呀因為唔鍾意陣酒味，食左一啖冇食了。但意外地，朱古力鍋個汁好味!士多啤梨加朱古力簡直係無敵呀棉花糖都唔錯，鍾意甜食既人會like份炸雞都算滑，蜜糖炸雞甜甜地，但肉比較淡味。食完第一舊，見到個骨係紅紅地色本身冇留意，但我爸食蜜糖雞脾果時，連d肉都係紅色炸唔熟(我唸大概只有5成熟) 十分驚訝，舉手問侍應。佢拎走了隻雞脾入廚房。再出黎拎埋2碟雞走，然後話void了張單，向我們道歉講唔好意思。我們見服務態度唔錯，又肯void單認錯，所以都滿意個服務態度。食物水準一般，整體中評。

韓風吹極都仲咁hit，朋友介紹達人包車，話成間鋪都由oppa主理，果然無令我地失望，所有waiter都係韓仔，只係d oppa有少少cool！有得食又有得睇，果然無推介錯。芝士排骨，有成8件排骨，醃得好入味，有D辣，又夠淋身。另外仲有D飯團、車厘子、腸仔同年糕，撈埋芝士食，超級邪惡，又有韓式風味。芝士雞蛋卷，超級大份量，有芝士及洋蔥味道，配上茄醬同沙律醬，令原本普普通通既蛋卷，變成重口味小食，由於我一向都係嗜蛋人士，差唔多一半蛋卷都係我食哂。超大串燒BBQ，真係好大串，成一米咁高，送上台時兩位朋友都不禁企起身觀摩，佢地都望到呆左，豬肉、雞肉、菠蘿、香腸⋯乜都有齊哂，oppa會走黎幫我地逐件拎出黎燒，連周圍D食客都不斷望過黎我地張台。

有7折優惠的關係(指定身份證姓名優惠)與親戚一行7人試試這家餐廳點了芝士排骨(6件),,追加炒飯魚餅串,,雜菜炒粉絲,,石鍋拌飯,,人蔘雞湯,,烤牛肉紫菜包飯人蔘雞湯~味道很淡,,不論湯及雞也沒什麼人蔘味石鍋拌飯~用醬汁拌勻後夠惹味,,但略嫌飯不夠乾身雜菜炒粉絲~味道就只得鹹字！烤牛肉紫菜包飯也很平庸啊！魚餅串~算是較好吃的一道菜啊！湯底味道清甜,,食材都吸收了湯汁！夠入味！芝士排骨~是日重點之一份量很多,,排骨煮得很稔連芝士一起吃,,中和了辣汁的味道但芝士味不算濃排骨下的年糕則吸收了辣汁的味道,,很惹味！整體食物味道來說,,屬於一般吧～只得芝士排骨&魚餅串略為好一點啊！飲品方面,,親戚們都較愛喝blue lemonade另點了石榴味的吊環雞尾酒,,這個的味道偏甜呢！

好耐之前已經聽過特長燒串，所以一直以為只有呢個特色，但因為朋友約會，竟然發現除了招牌食品外，竟然有其他更正點了醬汁烤肉，一望到堆生牛肉已經覺得好激動，特別是牛肉汁在眼前發出滋滋聲，真係好吸引。再慢慢看到牛肉由紅變啡，好滾動。期間店員亦有幫手烤了幾下，很快牛肉就可以吃了，肉質很淋很甜，而且牛肉不會太乾，因旁邊的洋蔥及醬汁都令牛肉很香口。在邊邊有少少粉絲，非常爽口入味。另外，點了韓式炒粉絲，粉絲不會太黏太咸，每條都乾爽，不太油，而且味道亦十分恰當，中間有肉絲，蘿蔔絲等，非常健康。這晚享受了高級的服務及高質數的食物。

很久沒吃韓國菜，朋友約在銅鑼灣，還要求韓國菜，上網查吓，見到達人包車頗吸引，一於去試吓。芝士排骨（5件），頗人性化的選擇，由5至8件，由你話事，減少浪費。盤邊圍有4格，分別係滿滿嘅芝士碎、紫菜飯團、蕃茄仔，世界中心就係排骨，伴以年糕和腸仔。芝士加熱後會慢慢的溶掉，店員就會幫我把濃濃的芝士慢慢的包著排骨，然後給大家享用。排骨夠入味，肉腍，配上芝士，直情係地獄來的使者。醬香炸雞，配上薯角，雞炸得很嫩，皮脆，水準之作，加上特色的醬，一定推薦。烤牛肉蛋衣紫菜包飯，牛肉碎配上紫菜包飯，再加上雞蛋包邊，味道不錯。藍色檸檬特飲 ，凍凍的加上檸檬的酸酸，既解渴，又解辣。

日前突然想食起在一年前到韓國旅行時,食過的芝士拉排骨,於是上網搜尋一番,終於發現位於銅鑼灣嘅達人包車,它有很多特別的韓國新式菜還有不少好評。於是急不及待就趕到,地點很就腳,地鐵C出口一出對面街就係。 重點當然是芝士排骨,由於只有兩個人食飯,而侍應細心提醒食物份量比較大,所以另外只是叫了 雜菜炒粉絲 +兩杯飲品。 等待期間發覺餐廳內所播放的音樂聲浪剛剛好,絕對適合情人知己食飯時聊天談心,因為以往覺得坊間太多韓式餐廳音樂聲量實在太大,太吵耳。等多了一會,食物終於上桌, 首先芝士排骨要開火令芝士開始溶,然後侍應會幫忙將芝士拉成絲再繞上排骨比客人。芝士食落好軟熟,奶味略重而排骨好有肉地, 難怪說食物份量比較大。中間還有年糕、腸仔，外圍則有小蕃茄和飯團。不得不說中間的辣醬真的很惹味。而 雜菜炒粉絲略嫌不夠乾身,但味道都是好食的。而且份量和配料比想像多，吃得很開心。它的名字雖然叫作雜菜粉絲，其實當中是有肉的，味道不會太寡。粉絲很彈牙，可充當主食，很飽肚。檸檬和西柚梳打顏色亦很好看，用來呃LIKE一流。生果味不錯，感覺很FRESH，喝起來不會像藥水似的。非常期待下次試其他新式菜。

今日想食炸雞，友人就選了這間，座位都比較闊落，我們剛坐下，店員已立刻為我們送上小吃，有青瓜、粟米、泡菜。西柚果汁飲料西柚汁調製而成，杯內還有一大片的新鮮西柚，酸酸甜甜，頗開胃！如果份量多番一些，CP值會更高！芝士排骨 5pcs這款芝士排骨可選擇不同件數的排骨，我們就選了五件。外圍有2格裝滿厚厚的芝士，待芝士溶化後，店員就過來幫我們處理，把一層一層的濃厚的芝士卷在排骨上排骨的肉質後軟熟，味道不錯！雖然排骨的味道是比較辣，但濃厚的芝士有助減低辣度旁邊還有車厘茄、紫菜飯團、年糕，很豐富！醬香炸雞 + 調味炸雞去到韓國餐廳點樣唔食盤炸雞呢？今次我地選了醬香炸雞 & 調味炸雞，不過因為我已很飽，所以只有食了醬香炸雞，外層有著一層秘製醬汁，甜甜辣辣，每一啖都有醬汁，非常惹味！炸皮也弄得很香脆，雞肉頗嫩滑拌碟的還有薯角，不要以為只是配角，薯角炸得很脆口，熱騰騰，正！

之前已經離過達人包車品嘗幾次，覺得已經系一間品質幾高既韓國餐廳，最近又同男朋友煩惱緊究竟有咩好食，亦都聽説最近多左lee個高質既餐點，所以就忍唔住拉左聚離嘗試嘗試lee個系前菜，一離已經比到個好印象，因爲餐廳各提供一碟比每個客人，相比其他餐廳前菜可能衹有泡菜而且量少好得多左起系泡菜，忌廉粟米沙律然後就係韓式醃菜，酸甜均有的前菜，骨子得離亦都好好地吊起到胃口至於今日我地主攻就係哩個主菜lee道就系一直好多人推介而且最近出既菜式，牛肋骨既大型排骨侍應一上菜已經幾驚訝，因爲個排骨size已經大到可以覆蓋我塊臉， 我甚至興奮到戴左手套ling左離瘋狂自拍賣相非常好，牛肋骨覆蓋到成個大鍋，而底下既系一直汁煮既蔬菜侍應好好人，見到我地對住個大排骨手足無措過左離幫我地剪開一件件容易入口既size牛肋骨肉質好鬆軟，好彩因爲我好怕食牛好韌咬爹好辛苦，同時亦都熬得好入味，無膩，個feel有少少似打邊爐，配埋底下既雜菜食一流難得離左三四次水準都唔話差左，而系一直保持水準同埋有時候依舊會有新菜式推出，值得一贊高水準既餐廳，會再離