影片
港鐵尖沙咀/尖東站 B2/ P3 出口 步行约10分鍾
繼續閱讀
電話號碼
91702433
營業時間
今日營業
12:00 - 15:00
18:30 - 23:00
星期一至日
12:00 - 15:00
18:30 - 23:00
公眾假期
12:00 - 15:00
18:30 - 23:00
公眾假期前夕
12:00 - 15:00
18:30 - 23:00
以上資料只供參考, 請與餐廳確認詳情
有關獎賞計劃
餐廳只得一張U形壽司吧枱 近距離看著師傅的熟練手藝 像看表演般賞心悅目 店舖採光十足 環境明亮舒服 這裡的午市Omakase Set有兩款 分別是$530和$880的價位 當中包括茶碗蒸 手握壽司 卷物 湯及甜品 ..【前菜五品•壽司九貫•卷物•茶碗蒸•湯•甜品】| $880.▪️前菜五品: 魚子醬海膽豆腐 | 兵庫縣赤穗蠔 | 鹿兒島伊良魚 | 秋刀魚 | 煎白子.前菜有五款 當中較喜愛生蠔和秋刀魚 兵庫縣赤穗蠔肉質肥美 配上木魚啫喱頗有口感 秋刀魚是時令食材 蘸上秋刀魚肝醬 味道濃郁甘香 .▪️壽司九貫: 石烏賊 | 北寄貝 | 縞縿池魚 | 中拖羅 | 醬油漬吞拿魚 | 熟成拖羅 | 海膽手卷 | 甘蝦配蝦頭膏 | 燒右口魚邊.多款手握壽司中最喜愛中拖羅 醬油漬吞拿魚和甘蝦配蝦頭膏和燒右口魚邊手卷 中拖羅相當厚切 油脂豐腴 紋理分佈細膩 入口即化 甘蝦配蝦頭膏甘蝦鮮美 即席炙燒濃郁甘香的蝦頭膏 燒右口魚邊用火迫出魚油 油脂甘香 .▪️卷物拖羅蓉手卷以鮮甜的拖羅蓉混合爽脆的蘿蔔絲 以及酥脆的天婦羅碎 層次豐富..【茶碗蒸•壽司12貫•卷物•湯•甜品】| $53012貫壽司包含$880 omakase set中的多款壽司 如中拖羅 醬油漬吞拿魚 秋刀魚 甘蝦等 其他壽司印象較深刻的是熟成鰤魚 配合帶微辛辣的柚子胡椒和蔥花更添香辛感 另外眼仁奈帶有清新柚子香 入口清爽帶煙韌 煎白子則外脆內嫩 質感如奶油般順滑細膩 平鯛魚肉質鮮嫩 配上鹽昆布增添風味 赤貝配上紫蘇花和青檸汁更加清新 ..餐廳裝潢以簡約高雅的和式為主 環境寧靜舒適 內裡鋪面不大 每次招待大約十位客人 午市的Omakase Set性價比頗高 喜愛Omakase的話不妨一試💆🏻♀️
繼續閱讀
遖 Sushi Apare📍尖沙咀漆咸道南115號達成商業大廈7樓本來打算趁重陽假期快閃一轉台灣，但最終都因為種種原因取消計劃，不過既然已經攞咗假，我同朋友決定久違哋食返餐おまかせ，好好farewell難得嘅四日連假。今次我哋到訪一間鄰近尖沙咀歷史博物館、座落一商業大廈內嘅日本餐廳，品嘗令人回味無窮嘅日料。午市有兩款套餐供應，價錢豐儉由人，因為想食多幾款壽司，我哋都揀選咗較便宜、有12貫壽司嘅套餐。 💰$530昼の御品 👨🏻🍳茶碗蒸し 🥚磗紅色小碗內嘅茶碗蒸滑嫩無比，表面絲絲分明嘅蟹肉不單提升口感，更令蒸蛋多咗一重蟹肉香氣；蒸蛋內放有一粒清甜白果，更置有鮮美貝類一小粒。簡單一個小碗，盛載住蟹肉、貝類、蒸蛋等食材嘅原汁原味，為後面嘅餐點開咗好頭。握り寿し12 貫唔肯定有興趣食おまかせ嘅朋友係抱咩心態去食，但我同朋友都不約而同哋因同一原因喜歡上食おまかせ—新鮮。我講嘅新鮮除咗係食材嘅新鮮，亦指整個用餐體驗。有一啲餐廳會用好搶眼嘅裝置、好精美嘅擺盤作招徠，務求滿足食客對新鮮感嘅追求；有一啲則會選擇即場處理活生生嘅食材，為食客呈上最新鮮嘅餐點；仲有一啲餐廳，既無花巧嘅擺盤，亦無如同耍雜技般嘅料理過程，全程都只埋頭用心處理食材、為食客遞上食物時簡而精地介紹、手起刀落地將客人面前嘅新鮮食材，轉變成美味可口嘅餐點⋯⋯「遖」呢種唔造作、純粹嘅感覺，對於我哋呢啲成日周圍食嘅人嚟講，實在非常新鮮。個人認為食おまかせ另一個吸引點，係唔到嗰刻都唔會知道自己會食咩，亦有好多情況係聽完個名都唔會知道係咩味道，呢種無法預測嘅新鮮感的確有少少刺激，亦令多數只食蝦類、貝類嘅我，有機會嘗試多種魚類刺身。言歸正傳，接落嚟我會簡單介紹當日食過嘅12款壽司，每款都以赤醋飯配師傅按時節嚴選嘅刺身手握而成，希望藉相片同食評同大家回味一番：✿ 桜鯛白裏透紅嘅櫻魚鯛片色澤鮮明清晰，帶淡櫻花色澤嘅外皮柔軟，皮下油脂則風味清爽，整體肉質緊實，搭配蒽花更添滋味。✿ 関鯵深海池魚片雖然脂肪結實、肉質肥嫩，但入口異常順滑柔軟。師傅喺生魚片上放上紫菜醬，增加風味，越嚼越香，一股淡雅嘅油香填滿口腔。✿ アカガイ首次接觸紫蘇花，淡紫色撞鮮橙色，形成視覺強烈對比，令赤貝壽司搖身一變成為藝術品，為視覺、味覺帶來無比享受。除可觀賞外，紫蘇花亦係食用花，既有花嘅清香，又有比紫蘇葉較淡嘅味道，非常特別。赤貝顏色鮮艷、肉質爽厚富層次，口感清新，食過都話正！✿ スルメイカ全白色嘅錫烏賊較一般烏賊硬身，而且烏賊味更重。呢件壽司最令體會師傅刀工，正所謂「刀工影響口感」，掌握好刀工切刺身先唔會影響其口感同味道。師傅喺錫烏賊上工整地𠝹上花紋，令將由滲透烏賊每一角。最大驚喜係喺烏賊刺身下包有赤海膽，雙重滋味，雙重滿足，係我同朋友呢餐心目中排第二位嘅壽司！✿ キンメダイ金目鯛外皮鮮紅亮眼，皮下油脂含量豐腴，多數會連皮一齊食。金目鯛刺身片肉質細膩，味道鮮美，而且有一陣淡香柚子味，令人印象深刻。✿ 鯵小池魚肉質緊實爽口，油香適中，味道鮮甜，仲有些少麻油味，食落油而不膩，齒頰留香。✿ マグロ漬け醬油漬吞拿魚特別之處係以醬油、味醂、昆布、海鹽等保鮮熟性，令本身油脂少、筋部多嘅吞拿魚變得柔軟鬆化，提升吞拿魚嘅香氣，同時平衡魚脂。師傅再喺魚片上𠝹上幾刀，令口感同層次都得以昇華。✿ 中トロ即使中拖羅油分比大拖羅少，但仍有入口即融嘅口感，油香四溢且無筋，有豐富嘅魚味，其味鮮甜無比，令人想一食再食！✿ コハダ小鰭又名小肌，屬偏多細骨嘅青背魚，一般都要靠鹽同醋調味醃製，口感至得以變得滑順、帶有香氣。師傅喺小肌魚片上劃上整齊、均等嘅花紋，令魚肉入口時更能配合赤醋飯嘅味道，享受小肌獨一無二嘅魚鮮味。✿ サンマ有無諗過人稱「日料燒物皇」嘅秋刀魚，生食反而更好食？同大家隆重介紹，朋友心目中嘅MVP！正值秋季，秋刀魚份外豐盈肥美，但仍然要夠新鮮至可以製成刺身、壽司。生秋刀魚片富彈性，為提鮮，師傅喺魚片上放上取自同一條魚嘅魚肝，製成香味濃烈、入口甘香嘅秋刀魚肝醬，入口非常驚人！當然，師傅亦提醒，可以先淺嘗魚肝，如果接受唔到佢嘅味道，就將佢撥開就咁食件壽司。✿ 甘エビ內有甘蝦頭膏至於呢件甘蝦壽司係我今日嘅MVP、number 1！甘蝦既比甜蝦鮮甜，肉質又比牡丹蝦細綿，師傅更將同一隻蝦嘅蝦頭膏款上壽司飯上，令甘蝦味道更上一層！✿ 海膽壽司產自北海道嘅秋山海膽顏色比一般海膽金黃、口感更幼滑，味道鮮甜甘香，無絲毫澀味。師傅喺我哋面前打開一板海膽，快手影張靚相後，就開始處理壽司。一片紫菜包裹住快要滿瀉嘅海膽，淨係睇相都已經覺得好澎湃！入口後感受到海膽creamy嘅質感，喺口腔內擴開嘅鮮甜，滿足感、幸福感同步直線上升！卷物トロ手巻き拖羅蓉拌有青蔥、酸蘿蔔粒等，口感層次豐富，拖羅味道突出但不搶戲，強列建議大家一從師傅手上接到就要食，紫菜先會保持脆脆口感！お椀食盡12種刺身壽司後，店員為我哋送上一碗熱辣辣嘅麵豉湯，入口味道較清淡，帶有海鮮嘅天然甜味。聽店員分享，師傅會用加入魚類熬煮湯底，難怪會有鮮鮮甜甜嘅味道。デザート 🍨最後嘅最後，餐廳安排用日本直送開心果雪糕作收尾。濃郁嘅既開心果味搭配啖啖開心果碎，非常滋味，為整個套餐畫上一個完美句號。
繼續閱讀
生日梗係要食好啲架喇!! Lunch time打頭陣慶祝，去咗好抵食嘅廚師發辦 ~ 遖🤎原來lunch set有兩個超抵食Omakase 套餐 $530/$880咋!! 分別在於$550 有12貫壽司; $880 有9貫壽司再加前菜5品, 其他茶碗蒸、湯、甜品等基本都一樣, 真係CP值超高! Omakase 店地點超方便, 係正旺區尖沙咀漆咸道南, 想平平地體驗、慶祝或者見客都好岩啊!! 餐廳座位大慨只有8-10位, 勝在大廚可以照顧周到, 不過提提大家記得要預先留座喇! 餐廳燈光柔和, 坐位舒適, 難得可以即席欣賞大廚手藝,今次我咃就兩個餐都享用了~ 𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓈒𓏸𑁍𓏸𓈒ᵂᴴᴬᵀ ᵂᴱ ᴼᴿᴰᴱᴿᴱᴰ 𓐎茶碗蒸蟹肉蒸蛋熱呼呼, 多蟹肉而蛋又幼滑。𓐎仲有, 佐酒小吃鱈魚干配沙律。 前菜-𓐎魚子醬赤膽豆腐-特別係用上了赤海膽，更加味濃而豆腐又幼滑,加上魚子醬有多重口惑。𓐎兵庫縣生蠔 - 肥美生蠔上面加有木魚啫喱, 口感新鮮又清爽。𓐎梅酒蕃茄，加了柚子鹽的貝類刺身，真鯛- 旁邊伴有竹炭鹽，柚子鹽。𓐎秋刀魚- 加配了蔥和豉油。 𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓈒𓏸𑁍𓏸𓈒 𓐎壽司9貫🍣1.帆立貝 加上檸檬汁2熟成鰤魚3錫烏賊4池魚仔配蔥蓉5醬油漬吞拿6中吞拿7北海道赤海膽 (平川極赤海膽）8甘蝦 -上面沾有蝦頭膏9右口魚吞拿魚蓉卷𓐎湯𓐎焙茶雪糕， 綠茶紅豆布甸𓐎芝士蛋糕𓏸𑁍𓏸𓈒𓂃𓂃𓂃𓂃𓂃𓂃𓂃𓂃𓈒𓏸𑁍𓏸𓈒𓐎壽司12貫🍣1.青鲷2.伊佐木3.帆立貝4.熟成獅魚5.錫烏賊6.池魚仔 配蔥蓉7.醬油漬吞拿8.中吞拿9.北海道赤海膽10.甘蝦-上面仲有蝦頭膏好好味啊!11.右口魚12.吞拿魚蓉卷𓐎湯𓐎杏仁咖啡雪糕 可以細心欣賞師傅功藝,品嚐一道道新鮮的握壽司, 仲可以邊傾偈邊吃, 就係小妹覺得Omakase最吸引之處, 每件壽司都係師傅精心挑選時令新鮮款式, 真係要親身去到才可以明白當中的微妙之處~已經決定下次要品嚐埋晚市, 因為師傅會再加有稀有或更精選食材,一定要再來啊~BTW, 多謝餐廳的安排,打風都照開門，仲送我Birthday Cake🎂~開心🥰
繼續閱讀
今次同男朋友去食廚師發辦慶祝紀念日😍搵咗呢間上網好多人推薦既遖 晚市去試一試先 記得提前預約 佢哋店舖採光十足 環境明亮舒服 而且晚市有兩個價錢$1380/$1680 有齊前菜料理六款、手握壽司七款、卷物、茶碗蒸、魚湯同甜品‼️-🖤鱈魚片｜燒得香脆可口 微辣 配咗蛋黃醬好惹味🖤京都豆皮配赤海膽｜鮮甜之餘豆皮味道香濃🖤岩手縣生蠔｜第一次食生蠔配上青提 蠔肉飽滿鮮甜 清新之餘配搭一流🖤北海道帶子｜帶子用咗兩種做法 可配搭柚子鹽/海藻鹽 食落清新爽脆 而且鮮甜無比 仲會有青檸啫喱 食完好開胃🤤🖤日本稻草鰹魚｜燒到好香濃 配左蔥蓉同麵豉🖤岩手縣紫海膽｜海膽鮮甜 配埋吞拿魚蓉 口感一流-🍣膠原真鯛｜食落比普通嘅真鯛肥啲 養殖個陣加左骨膠原 清新🍣北寄貝｜爽脆無比🍣泥漿烏賊｜漿口鮮甜 食落鮮味十足 🍣熟成拖羅｜厚切得泥入口即溶 油脂感十足🍣北海道海膽｜好creamy之餘鮮甜至極 好滿足😋🍣縞蝦｜味道10分香濃 仲睇住師傅好有心思逐隻逐隻拆肉 配左蝦膏同蝦籽 蝦肉鮮甜 肉質彈牙有粘口既口感 是日mvp💯🍣赤鯥魚｜嫩滑味道香濃 滿滿既魚油香👍🏻-🔥右口魚邊手卷｜燒得好香 油脂感十足 紫菜香脆 入口即溶🔥茶碗蒸｜蛋味香濃入口嫩滑 🔥魚湯｜食完壽司飲返碗湯好暖胃🔥北海道雷電蜜瓜｜香甜無比
繼續閱讀
尖沙咀 📌【 遖 】今晚來到我老板大力推介，位於📍尖沙咀漆咸圍📌【 遖 】品嚐 Omakase🥢是晚真心相當享受在吧抬前欣賞著師傅精湛的手藝，逐一品嚐廚師發辦精挑的優質日本食材的每道菜式 🥢 女店員先介紹晚市 Omakase $1,380/位 或 $1680/位 的選擇，我倆挑選咗$1,380。先說上枱漬物有沖繩苦瓜 & 柚子蘿蔔，苦瓜口感爽脆，味道甘香獨特；蘿蔔亦相當爽甜，帶有淡淡柚子香味；而奉予客人上綠茶亦一絲不苟，分別有🍊蜜柑綠茶 🍓士多啤梨綠茶，我想講：2款綠茶都十分十分好飲喔 🍵🪭 香烤鱈魚片 I 鱈魚片燒得相當香脆可口，配上蛋黃醬超惹味，絕對係一流佐酒小食。🪭 京都豆皮配蝦肉赤海膽 I 以嫩滑腐皮托底，上層放著厚身爽彈蝦肉、粒粒三文魚子，鮮甜赤海膽，還有金箔點綴，絕對視覺、味覺一大享受。🪭 鮟鱇魚肝 + 八爪 I 鮟鱇魚肝屬日本高級食材，口感滑嫩細滑 ，如鵝肝般細滑、入口融化的口感，加一點 Wasabi，味道提升至另一層次； 八爪🐙 相當鮮甜，口感軟腍腍 。🪭 兵庫縣生蠔 I 兵庫縣生蠔🦪 有「海牛奶」之稱，味道甘甜爽口，配上木魚啫喱，生蠔鮮味倍加昇華。🪭 熟成6日 • 鰤魚 + 北海道粒貝 I 真係勁鍾意輕炙鰤魚，入口油脂緩緩散開，充滿濃郁鮮味，交織著芽蔥淡淡清爽微辛的葱甜香味，令我當下一度回味，私心大愛🩷 而粒貝鮮甜爽脆，有嚼勁，口感滿滿，可配以柚子鹽 / 海藻鹽，味道更提鮮，最後以青檸啫喱粒 refresh 下味蕾。🪭 秋刀魚刺身 I 淨係個賣相已經滿分💯 秋刀魚魚味濃郁，不帶腥味，肉質鮮嫩，配上特調秋刀魚肝醬，混合豉油，味道昇華至另一層次。🪭 茶碗蒸 I 茶碗蒸口感滑嫩鮮甜，吸滿高湯精華的蒸蛋，鋪滿鮮甜爽脆的三文魚子粒粒，難以形容的滋味享受。🪭 錫烏賊 I 烏賊 🐙漿口，既鮮甜又有口感，驚喜在壽司飯內藏有鮮甜海膽，完全係雙重滋味享受。🪭 醬油漬吞拿 I 醬油漬吞拿魚赤身令肉質更柔軟，更提鮮味。🪭 小肌 I 小肌肉質嫩彈，入口帶有鹹鮮魚味道，以醋作調味，微酸的味道令鮮味更突出，味道更濃郁。🪭 中拖羅 I 中拖肥美得很，油脂豐富，掃上少許醬油，當下入口即溶，口感、味道、層次真的不得了。🪭 赤海膽 + 紫海膽壽司 I 爆滿瀉的海膽震撼眼球之餘，赤海膽味濃帶甘香；紫海膽味道甘甜而帶有香氣，不斷衝擊衝擊我味蕾，好味至極，難分高下。🪭 大拖 • 熟成10日 I 熟成10日大拖羅，有火炙過油脂大爆發，入口即溶的幸福滋味瞬間湧上心頭。🪭 鯖魚棒 I 鯖魚肥美結實，經火炙後，皮香之餘，更能吃到其魚油原味，味道較濃郁，相當好味喔。🪭 魚湯 I 奶白色魚湯，味道濃厚，加入滑捋捋豆腐粒粒，正值秋風起🍁 飲完即時暖笠笠 ~ 好正🩷🪭 北海道雷電赤肉蜜瓜 I 橙紅🍈瓜肉纖維細滑，入口如蜜香甜，果肉充滿甜香，這個「飯後甜」簡直係給我是次廚師發辦拍畫上完美的句號 💕總括而言，【 遖 】無論食物、服務都相當高質，女店員細心殷勤，師傅對每道菜的專注 (專注的男人多吸引😍) 又詳細講解食材，是次廚師發辦真心比預期的高質更性價比高，難怪我老板咁大力推介，我一定會再回訪😎⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹餐廳 🥢【 遖 】店址📍尖沙咀漆咸圍達成商業大廈7樓均消💰 $1,380@ #愛吃miniの尖沙咀⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊹
繼續閱讀
您可能會有興趣的...