醉藥雞 (啟志樓) (已結業)

frd子知我第2朝要返早，所以今晚講明唔飲啤酒紅白酒，就帶左我黎嘆醉雞🐓砂鍋雞湯麵 選 刀削麵 $68雞湯底真係稱得上驚艷，上枱時熱辣辣，成煲湯都仲滾緊，湯底雞味濃郁又鮮味 湯面唔會有油膩感，雞件每件都鮮嫩彈牙 完全無乾柴情況，揀咗刀削麵 麵質滑溜 麵身較闊掛湯一流，食到最後成煲湯飲晒醉三鮮 (飽魚x1, 蝦x3, 花螺x7) $75呢個份量抵唔抵就見仁見智 而味道就真係好一般，好似全部嘢烚完再用少少花雕浸住咁，好明顯嘅酒味同海鮮原味分離醉苦瓜 $28我本身除咗黃金煮苦瓜之外 所有嘅苦瓜菜都唔會食 呢個又係有驚喜，上菜時 望到個樣總係覺得會食酸菜咁，佢食落有好輕微嘅酸味 實際味道偏甜 而完全冇咗苦味，值得一試麻辣牛舌 $48質地唔係平時日式厚燒牛舌 反而好似中式牛腩厚切，爽滑而嫩滑 完全唔會痴牙，麻辣汁 辣度岩岩好 就算我本身完全食唔到辣 依然可以慢慢入口，會為咗佢再食多一次麻辣*六點半入座仲有好多位，7點鐘就滿座了

@the_weakest_chicken specializes in nourishing clay pot chicken noodles, served sizzling hot in a casserole 🍲 with tender chicken 🍗 and a hearty chicken soup without msg 💫 different noodle options available - rice noodles, vermicelli, knife-shaved noodles, rice, silver needle noodles, and thick rice noodles 🍜 they also serve various drunken (wine) dishes 🍶醉藥雞 主打砂鍋雞麵 食完暖笠笠 滋補養身粉面用砂鍋上 熱辣辣 翻騰滾熱 🍲雞件肉質嫩滑 🍗 雞湯清甜 無添加味精 💫可以揀 米線 米粉 粉絲 刀削麵 白飯 銀針粉 瀨粉 🍜除咗砂鍋雞麵 仲有好多款以酒入饌嘅小食 🍶⭐️ 午時 12-6PM 埋單 粉麵減 $10⭐️ 每日仲有三款特價小食

一直很喜歡這間醉葯鷄，每次經過路德圍揀完一輪都係食返佢～餐牌都算多選擇：佢個砂鍋鷄湯翅好夠味，粉底可以有不同選擇。而我每次都係揀銀針粉，我覺得係最配個湯底嘅～砂鍋鷄湯翅銀針粉 68元- 鷄湯滾燙，味道香濃，面少少油膩，不過飲落口卻不會太油，配銀針粉一流～麻辣口水雞撈麵 58元口水雞夠滑，醬汁有輕微辣，不過啲麵有點不夠彈～醉三鮮 85元有鮑魚，蝦，花螺，花生，以花雕調味，酒味太重，完全掩蓋本身味道，我不太喜歡～泡椒豬手 58元本身冇乜味，全靠醬汁，加上極少肉，好難咬～仍會繼續幫襯鷄湯粉，至於小食就看心情吧～

一向都鍾意去荃灣路德圍個邊既餐廳搵野食，比起商場連鎖式既餐廳，小店係會有驚喜D，點知今次係有大驚喜我地係下午時間去，都見人流都唔少，證明都好多街坊幫襯呢間醉藥雞裝潢係似新派餐廳，乾淨又舒服，坐位都唔會好密麻麻，我同朋友一入到去就有一陣陣既藥膳香味，好正我地叫咗砂窩雞湯翅配新竹米粉，🍲成個砂鍋上就熱辣辣，出哂煙，飲一啖雞湯，真係好鮮甜，再試下件雞，好滑同埋好多肉汁，而翅既份量都唔少，真係一朿朿🤩✌🏻另外當然要試冷盆既小食啦，醉雞就試得多，醉乳鴿都係第一次見，點知原來好好味，仲超入味添🤭再想食埋海鮮，就叫埋醉三鮮（鮑魚、蝦、花螺），樣樣都好鮮甜，特別係鮑魚同蝦，好彈牙，食得出好新鮮仲叫咗支豆漿，豆味亦好香濃整體黎講，呢間餐廳食材夠新鮮，仲要環境好舒服，一定會推介多啲人黎幫襯

外賣自取同堂食份量差咁遠同樣價錢不同份量，堂食至少多2舊有啲過分又未到臨收鋪，如果冇或唔夠可以出聲絕對冇問題唔係就咁求其比客人$69價錢唔係便，有啲貨不對辨😡

之前上網見到呢間餐廳食物嘅賣相幾好👍🏻，有唔同款式嘅藥膳雞鍋同醉雞醉海鮮比大家選擇🫶🏻，今次同朋友經過路德圍，咁就一於入去試吓先🥳🍀鮑魚砂鍋雞翅新竹米粉 $108入面有雞🐥鮑魚翅同火腿喺入面，令湯底帶有鹹香味👍🏻，雞嘅味道都幾突出，翅都幾有咬口🤤，配米粉都係一個幾好嘅選擇，米粉質地爽口，就算浸係湯入面咁耐，都唔會變到好淋😍🍀砂鍋醉藥雞飯 $68雞肉🐥煮既過程中加入咗酒調味😋，紅棗同雲耳令湯底帶有藥膳嘅功效，酒嘅味道提升左其他食材嘅鮮味👍🏻，雞肉嘅質地嫩滑，湯底既雞味突出同酒味嘅配合啱啱好，配飯嘅味道都幾正🥰🍀溏心醉蛋🥚 餐配+$10醉蛋嘅酒香都幾突出🤤，入面蛋黃夠晒流心嫁，醉汁唔會剩係得酒味，會帶少少甜味，令蛋香味更加突出😍🍀醉乳鴿 $98乳鴿會預先切到一片片🫶🏻，食落大細啱啱好，乳鴿嘅肉質嫩滑，浸過醉汁後，酒嘅味道入晒乳鴿入面🤤，酒味豐富但唔會影響咗乳鴿原本嘅味道👍🏻整體來講食物嘅質素都幾高👍🏻，而且選擇上都幾多🤤，食完之後都唔會頸渴，都幾推薦大家嚟試下🥰好食：❤️❤️❤️❤️❤️抵食：❤️❤️❤️❤️🖤📍醉藥雞 (啟志樓) (荃灣)荃灣路德圍8號啟志樓地舖

平時都知道路德圍都有好多唔同款式嘅餐廳🤤，有朋友介紹一間餐廳既醉雞醉海鮮都唔錯😍，屋企人都幾鍾意食呢一類型嘅菜式😋，一場嚟到路德圍，今次一於試吓先🥰🧊砂鍋胡椒豬肚雞米線 $78一上到枱夠晒熱辣辣🔥，入面都幾足料，面頭鋪滿左嫩滑嘅雞塊🐥同煮到啱啱好嘅豬肚🐷，第一啖點少得試下個湯底，飲落雞同豬肚嘅香味入晒湯入面，胡椒味都幾香濃🫶🏻，胡椒味道令雞同豬肚更加好味👍🏻，米線好有咬口，煙靭嘅質感食落都幾正㗎🤭🧊砂鍋醉藥雞米線 $68煮嘅過程之中，加入咗紅棗同雲耳，令湯底帶有少少藥膳啲嘅味道👍🏻，加入左少量既酒一齊煮，酒味啱啱好又唔會太過濃搶走咗其他食材嘅味道🥳，但雞既味道都幾突出，而且雞肉質地嫩滑，配埋煙韌嘅米線，味道一流🥰🧊溏心醉蛋🥚 餐配+$10平時都比較少喺餐廳食到醉雞蛋，蛋黃夠晒香濃😍，酒香味入哂蛋入面，酒嘅香味唔會搶走咗蛋嘅鮮味👍🏻，配麵一齊食麵幾正嫁🧊醉三鮮 $75醉三鮮有蝦🦐、鮑魚同花螺🐚，三款海鮮經過醉汁嘅浸泡，酒既味道融入咗海鮮之中🤤，每咬一啖酒嘅香味同海鮮嘅鮮味都會喺口入面爆發👍🏻，蝦嘅肉質爽口都幾大隻，鮑魚肉質啱啱好又唔會太韌，花螺咬落鮮甜，整體都幾好味😘🧊醉三寶 $52醉三

🍜🍜🍜荃灣路德圍出名多野食、今次推介既餐廳主攻熱辣辣雞窩生滾麵、藥膳雞窩，加埋酒浸小食，相當吸引砂窩雞鮑翅配刀削麵($98)砂窩熱辣辣，鮑魚有兩隻，一邊食都隨時可以夾到一塊塊既翅，成個窩都好足料，雞湯好濃，怕膩既朋友可以先撇油，但食落湯底都唔算油膩，雞件好大件，配左刀削麵，麵質好有咬口，唔會太腍或太硬，食完超滿足👍🏻👍🏻👍🏻砂窩醉藥雞配米線($68)招牌藥膳雞窩指明煮雞酒，見有米酒、紅棗、雲耳等食材，同雞肉非常夾，就算成窩連雞件去煮，都唔覺油膩，湯底算清甜唔鹹，藥膳味唔太濃，加上少少酒味，加埋米線去食，真係想連每啖湯都飲埋，係必試推介菜式👍🏻👍🏻👍🏻👍🏻醉三鮮($75)有鮑魚一隻、醉蝦三隻同埋螺，米酒浸半滿地浸住食材，好香，配有花生粒，鮑魚唔韌好易咬開而且好入味，醉蝦好鮮好彈牙，螺好鮮好爽口，餐廳仲有其他酒浸小食冷盤，價錢都係$100內，的確好值得試下👍🏻👍🏻👍🏻溏心醉蛋($10)賣相超吸引，同樣酒浸亦配有蟲草花，醉蛋夠溏心亦夠酒味，睇得出用心製作，小小既醉蛋絕對不馬虎👍🏻👍🏻👍🏻👍🏻

想食「醉」系列既小食，非醉藥雞莫屬！餐廳有多款酒味既小食和養生米線，冬天食既話真係暖笠笠⋯🔸砂鍋雞湯翅米線🔹$68♨️養生米線，入面有真翅！雞好滑肉鮮嫩又大舊，個湯好好飲，雞既精華落曬湯度😋😋😋😋————————————————————🔸砂鍋醉藥雞(煮米酒)米線🔹$68♨️雞係大大舊好足料，鍾意食米酒味米線必食，好香米酒味，米線硬度剛剛好。差d飲曬d湯。🔸醉肝鮑🔹$75♨️超足料入面有4大塊鵝肝，鮑魚夠爽口，仲有兩隻糖心蛋，超滑同流心，樣樣都超香酒味，爭岩配米線。🔸醉乳鴿🔹$98♨️超大份，啖啖肉。原隻上，有埋鴿頭，擺碟好靚。另外仲配有少量花生🥜，有少量酒味之餘又食到鴿既香。

○ 砂 窩 雞 湯 米 線 // $68用砂窩上菜嘅好處就係上枱都仲熱辣辣滾緊，先飲一啖雞湯，無添加味精而且唔會好油膩，仲有少量花膠，養顏健康 ~可以揀米線 / 米粉 / 粉絲 / 刀削麵 / 白飯 / 銀針粉 / 瀨粉，米線軟硬度啱啱好，食到最尾都仲爽彈，同雞件一樣份量都好多。肉質厚肉嫩滑，雞味濃郁 .ᐟ.ᐟ○ 醉 乳 鴿 粉 絲 // $78湯底可以揀藥膳或者濃雞湯。藥膳湯底超濃郁超足料，有蟲草花、紅棗、紅棗、杞子、淮山、木耳，藥材味唔算好濃，清甜滋補，飲完全身暖笠笠。乳鴿另上所以食到酒香十足，帶有少少甜味，肉質鮮嫩唔柴，味道非常出色。○ 溏 心 醉 蛋 // 麵 + $10一上枱即刻聞到重酒香 .ᐟ.ᐟ醃得非常入味，味道甘甜，橙黃色嘅溏心蛋黃好靚，伴碟有花生、蟲草花、杞子。平時食醉雞會飲埋醬汁，依碟真係唔敢驚會醉○ 醉 三 鮮 // $75小拼盤有鮑魚、蝦、花螺，酒味冇醉蛋咁濃，食到有少少桂花香，保持到海鮮嘅鮮甜。三款入面最中意花螺，肉細細粒但爽口入味。○ 皮 蛋 豆 腐 // $28賣相好靚，豆腐香滑，配埋皮蛋 + 醬汁好惹味。最中意食醉雞 + 藥膳湯底，嚟依度可以一次過滿足嗮

🐥 醉藥雞 🐥 <🐓砂鍋雞湯翅米線 >超抵食 必食💫熱辣辣原個砂鍋上 係熱到出煙果種一嚐個湯超重雞湯味 勁濃郁 我地飲晒咁濟雞肉好嫩滑 份量都有5-6件68蚊黎講 翅都幾多👍🏻😍 <🐓招牌砂鍋醉藥雞>叫得招牌 一定要試睇下佢係最弱雞定醉藥雞😂個湯用左黃酒、淮山、紅棗、木耳等等熬製 所以個湯充滿酒香味 但飲落順口 後帶紅棗既甜非常養生同好飲❗️配刀削麵都唔錯 <🦐醉三鮮>有螺，蝦同鮑魚樣樣都好入味 一樣重酒香☺️鮑魚唔會韌蝦爽口彈牙 加上蝦本身既鮮甜，非常好味🤤 <🥚醉溏心蛋>Perfect池既溏心蛋又好香酒香，入晒味😍必叫 <🥛豆漿>係大和豆漿😂好食既 豆味濃.__. .__. .__.🐥🐥🐥.__. .__. .__. 總結: 非常推薦，食物好高質，一定要試！環境：🐥🐥🐥🐥/5服務態度：🐥🐥🐥🐥🐣/5 食物質素：🐥🐥🐥🐥🐣/5 性價比：🐥🐥🐥🐥🐥/5 回頭率：🐥🐥🐥🐥🐣/5

點左一碗藥膳雞麵如油所示，啲雞係湯渣般嘅存在，好痴牙。本身試個湯，係不過不失嘅藥材味，但無乜黃酒香。重點係個刀削麵超淋，可能唔應該點刀削麵，好難食。好似食緊啲煮到難曬嘅餃子皮咁之後食加$12有個小食，泡椒雞腎，呢幅相係我已經食左一半，口感幾好，但就無乜泡椒味，當鹽水雞腎食嘅話，$12係超值，但個麵真係好難食，難食到無心機至於個環境，成場係到播啲普通話收音機轟炸人。但呢間餐廳有紙巾提供，非常貼心，但應該以後麵唔會再食，食完個人好唔開心

路德圍不嬲都多野食，今日就純粹因為太少接觸醉物，就黎試下呢間，當嚐鮮。本身想食螺，但原來超受歡迎，7點幾已經賣曬～sad👅砂窩雞湯翅配新竹米粉（$68）最推介呢個！⭐️⭐️雞湯翅湯底超級鮮甜，又有落少少金華火腿吊味，雖然上檯時都覺得賣相稍微欠佳，但食落完全大翻轉。很濃郁美味，以往出街食米線都會少飲味精湯嘅小編，今次清底！行動支持！👅 醉雞+濃雞湯底+粉絲（$58）呢煲咁大窩嘅濃雞湯小編覺得稍鹹，但係醉雞一流。酒香濃濃，浸著滑嫩嘅雞肉。後悔無叫夠半隻雞份量。👅醉三寶（牛舌、豬肚、薰蹄）（$52）冷盤牛舌大大塊，豬肚同薰蹄充滿住花雕香酒味。👅醉肝鮑($75)啲鵝肝食落去有淡淡既花雕酒味，口感似牛油果，少腥，但沒有油膩感。小編麻麻，但友人喜歡，唔鐘意食太濃油哋既人就岩哂。另外有醉鮑魚x1隻，鐘意彈牙、有咬口感既人可以點。呢碟醉肝鮑另有配溏心蛋。食落去嗰陣啲蛋黃會喺口入面流出嚟，mix埋表面啲酒味，好夾

醉藥雞主打砂窩雞湯麵🍲，仲有一系列酒醉同涼拌系列既小食，午餐時間仲有所有粉麵-$10同埋小食優惠，都幾抵食~🤣💫 砂窩雞鮑翅 $98砂窩雞一黎到d泡就bobobo咁，夠哂熱辣辣！雞湯鮮味得黎調味剛好，唔會過咸過淡~飲哂都無問題~仲有兩隻鮑魚同爽口既魚翅。麵底選擇比較多，可以揀米線、米粉、粉絲、刀削麵、銀針粉或者瀨粉😗亦可以跟飯🍚今次揀左少見啲既瀨粉，好滑溜～雞件份量大約有6件度，有啲係啖啖肉、亦有雞翼同雞尖位~🌟 砂窩胡椒豬肚雞 $68朋友既胡椒豬肚雞有好香胡椒味道，但飲落幾順口，好似好滋補咁🤣💫 醉鵝肝 $98一碟有大約7件厚鵝肝，帶點酒香，入口即溶超邪惡！🌟 麻辣鵪鶉蛋 (優惠) $18今次做優惠既小食有醉涼瓜($12)、口水鵪鶉蛋($18)同醉豬肚($24)~優惠小食份量話會比正價少，但想講都有好多粒🤣🤣🤣

呢間店其實已經on list咗段時間，但由於荃灣太多美食，今次終於輪到佢啦🤣! 砂鍋醉藥雞 見佢係招牌就一定要試下! 果然係唔錯，入面有紅棗，薑，雲耳等配料，湯底應該係用黃酒煮雞，個湯底真心好飲。砂鍋人蔘雞雖然佢就冇咩配料, 賣相爭少少，但勝在人蔘味夠得嚟，又唔會同雞湯搶味，算係幾balance。依家除咗酒樓，都好少地方會有得嗌瀨粉，十分難得!!口水鵪鶉蛋份量都幾多, 口水料都夠辣，不過就唔多入味啦。其實見到佢有肝食，不過麵嘅份量實在係多，唯有下再試啦