金不換泰國餐廳 (已結業)

又係頭痛午餐食乜好, 今日去到荃灣廣場的金不換, 一行六人, 第一個到的是肉碎煎蠔餅飯, 一放入口發覺飯同餸都係凍的, 即找個服務員問, 服務員反問, 係咪叮叮佢, 同事話唔係, 係要換另一個, 服務員好無奈咁帶走了碟飯, 新一碟就正常返, 其他陸續送到, 我點的是蝦炒金邊粉, 味道唔錯, 蝦亦彈牙, 其中五人都差不多食飽之際, 第六份仲未到, 唯有請服務員跟進一下, 最後都到了, 但同事將最後一口飲品飲完放下杯, 唔夠三秒, 服務員就好快咁執枱, 另一個服務員就9秒9放埋張單比我地, 同我地講有好多人等位, 明白的, 快d回枱賺多d, 但可否理會一下食客感受, 真係好似比人趕走咁, 總括味道係不錯, 但服務就可以改善一下. 

先唔講食物，亦無乜特別，父親節晚上到訪，支客阿姐態度勁差，似多個客唔多，唔休做，仲同個客嘈，不知所謂！經理愛理不理，唔阻止，有個咁嘅支客同咁嘅服務態度，佢老細應該好多謝佢哋倒米！身處地牢，wifi唔好就好心唔好參與商場個攞枱系統，既然係系統，個支客阿姐竟然話睇唔到個客留咗嘅电話，其實係咪阿姐唔識用系統？即場攞飛系統又一樣死機出唔到飛，遲早執！！

Was craving for Thai food, and normally there are many people waiting in line, but luckily we only waited for 10 mins, so it wasn’t too bad.All staffs were super busy... and the restaurant was all packed. For lunch, they have a lunch menu with different sets to choose from. Each set comes with a hot or cold drink. Lunch sets are $50-60, so it’s ok for legit Thai food. Overall, I’ll rate the restaurant 4/5. Boneless Hainan Chicken on Rice: - delicious tender chicken, nicely seasoned and can

佛誕假日獨自一人食午餐，天氣實在太炎熱又流很多汗，心想食點濃味食物，便想到食泰國菜。看餐牌價錢大眾化，便決定食金不換。一個人不需要等位，立即有座位了。我點了泰式炒粉絲及凍的泰式奶茶。其實炒粉絲賣相不錯，色彩豐富，很吸引人的食慾。可一路吃一路吃，就發現全是素菜，有蕃茄、黑木耳、蛋、紅蘿蔔絲、芹菜、菜絲等...一隻蝦/肉都沒有，有點失望😞雖然價錢非常抵食，可試一次便足夠。而且咸味不足，跟泰國人主理的小店相比，味道完全沒有層次，只有油的感覺。泰式奶茶不是很甜，但感覺更容易入口，可能比較迎合香港人的口味。整體感覺一般。

平時，中午來荃灣都會去呢到食lunch 菠蘿炒飯滿滿的，味道👌lunch 食加麻飲品正我推薦椰汁冰，如果吾怕酸可以飲味道清新的青檸冰燒鱔飯有點失望，冇之前咁肥美，肉質麻麻

星期六的午餐搵fd去聚聚，坐位寬鬆，可以坐得舒服，不錯感覺。午餐單點嘅選擇很多，但最終我們選了2人套餐，每類揀一款，省時快捷。想不到上菜都很快，不足5分鐘，主菜都上枱了。不夠10分鐘連最後的小食及飲品都送到試咗個冬蔭公，酸味好夠，辣味只是BB班，對我來說就剛剛好海南雞有夾雜著雞胸肉，都唔嚡，算幾滑，但個飯係一般白飯，而且仲好硬添飛天通菜，唔係炒到油立立，可以食到落底蝦餅 新鮮炸起，都有點水準。飲品 龍眼冰及咖啡

係附近做野 有一排無嚟食 食番一嚟無以前咁好食 仲要因為多人食 唔怕無生意做 服務態度極差 落單已經話你諗好未 跟住杯野都未飲完就趕你走即係我食完 你想做多d 生意我都明白 但個問題係我都未食完！ 真係除左份量夠 都唔想幫襯

今日陪女朋友去中環行街，識飲識食嘅佢帶咗我去一間個樣睇落好講呂夏嘅咖啡店，粉色系嘅門面裝修，令我行入去嘅時候都有少少尷尬。作為一個24孝男朋友，我有點可以為咗少少野而尷尬呢？不過講真，呢度真係幾少女風，個個入嚟嘅都係少女或者外國人，氣氛唔錯嘅係。女朋友叫左一個佢話睇落應該好健康嘅pancake，佢睇落又唔似American pancake, 但切開嘅時候好鬆軟，蛋味亦都幾香濃，加上班戟上面嘅水果，增添左一絲絲嘅酸味，令味道層次更加豐富，我覺得唔錯架。

海南雞飯係普通切雞，無雞味，飯出黎係又凍又濕又爛，亦唔係海南雞飯嘅油飯，另外剩係得酸辣醬而唔係三種醬.....................上菜唔係擺你面前，而係擺枱嘅另一端要你伸手攞返面前(一人用膳only)...........................不是我要求高，不過佢收費仲貴過隔離美心，但美心都好食過佢，又有三種醬，見微知著，諗清楚先好幫襯......................

午飯時間，趕頭趕命食個快速午餐午餐選擇都叫多，我叫【香葉肉碎飯】【青檸梳打】。【青檸梳化】唔會太酸，太多冰，可以嘅【香葉肉碎飯】，第一次食白飯底，初初見倒有d失望，但食左幾啖後，ok喎，豬肉碎加埋d洋蔥、紅椒、蔥粒、芫茜炒埋一齊，有小小汁拌飯食，格外好味。

第一次來這裏，選擇也算多，同埋好多人的。跟餐有飲品。熱龍眼茶，龍眼五六粒夠晒甜。咸魚雞粒炒飯，好香又乾身。足料呀。這個炒到幾好！蝦醬豬肉飯，都幾香的，不過咸了d。這個海鮮金邊粉。賣相好靚，味道一般，不是好特別。濕炒海鮮河粉，完全見唔到河粉，有魷魚，魚增，菜，好味的，只是河粉太碎身。豬頸肉薄身好香，加泰式醬好惹味，夠辣。拼盤，好大盤呀，有蝦餅，魚餅，春卷，香葉包雞，中間有些酸蘿白甘笋，蝦餅魚餅好香口好疏化，好味呀，春卷也好疏化香脆。酸蘿白好開胃。

中秋翌日一家人又到金不換食皆因我想食蟹。六點三以為唔洗等位, 最後都等到6點10先有得食事不而遲! 去相必飲嘅冬陰公湯。佢冬陰公個味道好飽滿豐富, 一口飲落去好鮮好甜酸酸地, 辣嘅程度都剛剛好好好飲。有啲後悔叫左細碗, 有啲唔夠喉。上次食左咖喱蟹, 今次就試下辣椒膏炒蟹。個人喜歡咖哩蟹多啲。不過呢款都幾醒胃。蟹膏有啲難食, 但蟹鉗就啖啖肉。飛天通菜。正正常常, 不過不失。冬陰公炒飯。調味唔錯, 炒得都好有鑊氣!明爐青檸蒜粒烏頭。呢條魚又係我至愛。首先本身烏頭呢種魚好少骨, 魚身都好鞋。佢用青檸, 又有啲苦瓜, 蒜粒同其他調味將魚本身嘅鮮味逼出黎。而且佢keep住下面明爐爐火咁加熱, 就完隻蟹先慢慢返黎食條魚都仲係熱辣辣。

好中意食泰國菜，今日同屋企人終於全家夾倒時間食金不換了。整體而言食物都十分和味，每道菜都有咁上下水準！筆者最鍾意呢個咖哩蟹：Ｄ咖哩汁唔係好辣，但係好香，同Ｄ蟹肉本身的鮮味好配合～雖然我成日覺得食蟹好麻煩，要左夾右篤先食到少少蟹肉，但係呢個真係幾好食！　我呀媽就鍾意呢條魚（我唔記得左個名），大概佢下面有個火爐燒住令條魚ＫＥＥＰ住個溫度～條魚Ｄ肉實實地，唔係好滑果種，不過就冇咩骨同好鮮甜！至於每間泰國餐廳必食既蝦餅就麻麻地，唔難食但都真係冇咩特別。啖啖肉咁但係我鍾意食彈牙Ｄ。冬蔭公都好好味，但我地３個人ｓｈａｒｅ飲我就有ｄ唔夠喉咁樣囉！總括而言，係好食既！會再幫襯～

2/9/2017同男朋友媽媽慶祝生日，知佢都鐘意食泰國菜，見呢間金不換都唔少好評，每次經過都座無虛席，襯呢個機會試試呢間菜館。一到門口見到帶位姐姐做到塊面變左包大人算啦，話哂生日飯，陪媽媽食個靚飯先，點左菜先算。食泰國菜無論如何點都要叫碟生蝦頭籃開開胃既，碟生蝦一黎就同我想像中既有少少出入，因為十間泰國菜館做生蝦都係用冰鋪底營造新鮮食材既感覺，見佢咁夠膽用菜碎，好，即管試下你咩根底。一入口，唔可以話係唔好食既，仲有D咬口既，不過用既蝦唔算好大隻，証明左冰底對生蝦既存在價值，同配汁真係好辣。媽媽最愛既咖喱蟹，叫左個香辣咖哩蟹，滑滑既蛋花，正但個蟹肉都唔夠實，蟹肉有D水水地，整體已被蛋花蓋過，由於蛋花既力量，香辣咖哩蟹變左香滑咖哩蟹，我當然無問題啦(其實係我怕辣)，不過對一向愛辣既媽媽就....（媽媽：咁都叫香辣）呢個鹽燒烏頭，雖説鹽燒，但手法可能出左問題，成條烏頭我完全感覺唔到有咸味，結果成家人每一舊魚都需要用醬汁，但個醬汁對唔頂得辣既我太辣喇，綜合都係條無味魚，我只能狠心地呢個拼盤又係媽媽指定要叫既，本身係想要兩個春卷一個蝦，不過侍應姐姐好冷淡講左句唔比重覆呀就施展輕功好快咁行開左喇唯

舊同學聚會兼慶生，今次揀左泰國菜，地點係荃灣廣場裡面的金不煥泰國菜，貪佢冇限時食幾耐都得，嘻嘻！我地訂左7點，準時到達！收工好肚餓，好快就點左菜柚子沙律，超有驚喜，仲要係大大碟，食極都仲有，柚子唔太酸，仲有少少椰香，越食越開胃必叫！泰式鳳瓜，好有泰式風味，辣辣地，鳳爪爽口入味，開胃前菜豬肉生菜包，好惹味，豬肉瘦多過肥，唔覺得好油，正！菠蘿海鮮炒飯，超足料，冇欺場，不過炒飯底可以再乾身d !泰式豬頸肉，燒得好嫩，配埋特製辣汁，超美味！海南雞，味道淡左少少，雞都好嫩，要點汁食！整體水準唔錯，每人都係$150左右，抵食！