金不換泰國餐廳 (已結業)

今日極度想食炒金邊粉，行經荃灣廣場，目測到呢間就試一試。午餐時間衝左入去，都唔難搵位。一埋位當然叫個炒金邊粉，再加多個海南雞飯，但到我order果陣，個職員就問我係要唔要蝦果個，因為餐牌上係有2款既，一個係寫炒金邊粉，一個係蝦炒金邊粉，佢仲話d味有唔同既，之後我就叫左蝦果個。佢個餐仲包d凍熱既特色飲品，有椰汁冰、籠眼冰…… 我就叫左杯泰國奶茶個海南雞飯黎到，個賣相都執得算靚仔，佢仲配埋個泰式汁比你，個飯係油飯黎既 幾滿意，又唔爛d飯，粒粒分明 不錯不錯，個雞係去晒骨，又好滑，再點埋個汁，個汁係有些少辣仲加左d薑蓉，係幾開胃係好味既之後到個蝦炒金邊粉，有些少失望，一黎心諗個外觀唔似平時食開粉粉地色果隻，食落個味直頭係中式炒面，平時酒樓擺一圍圍最後上菜炒伊麵果款，但個蝦幾爽既，可惜食唔出果種酸酸既泰式味，定諗深一層係職員一開波所講2款唔同有2隻味呢？咁就唔知啦最後到個泰國奶茶，OK既 唔太甜 微甜，幾滑 但唔算香，飲得出有些少椰奶味整體水平合格既，因為個飯我會想再返黎，順便試一試佢另一個炒金邊粉

路經此餐廳，看見有午餐優惠，平時甚少發現，於是入来試試。點選了一個蝦金邊粉、燒鱔飯、青檸冰和龍眼茶。蝦金邊粉，二個字形容"好味"，蝦多及好味青檸冰夠酸，夏天飲夠哂開胃。龍眼茶夠哂補，適合我完全被燒鳝的味道俘虜左，以後無得食都唔點算好

本身諗住食第二間餐廳，但要等好耐位，近近地係商場是旦揀左間，平時係尖沙咀果間食覺得唔錯，7點左右，唔洗等就有位，不過坐係門口，入座時限時半個鐘，可能唔太滿最後都趕人走類似蠔餅，鐵板上所以好熱，好足料好多蠔👍冬陰公，唔算太辣炸軟殼蟹，唔錯金邊粉，例牌食泰國菜必點本身想叫馬拉盞通菜，點知原來無，得蝦醬，不過都好香唔大咸最後收尾食返個甜品，千層糕，熱辣辣，好香椰汁食到9點幾先走，味道都ok，不過環境就真係同尖沙咀果間有差別

一陣冇黎，今曰Lunch 路過，見有位、原来有lunch set, 試左，質素冇咁好 😓叫左個二人歺$178蝦餅，炒芥蘭，冬蔭湯，海南雞加左個菠蘿炒飯$55蝦餅 - 正路普通，冇乜蝦味炒芥蘭 -正常冬蔭湯 - 昵個好味嘅，still good!海南雞 - 好似煲湯煲完嘅湯渣，你懂的菠蘿炒飯 - 冇味，撈飯咁，同以前唔同哂我估可能係做lunch set , 平D, cost control, 同晚上完全唔同味，但係都唔好差到難食，都要保住個牌子至得架！

母親節提前慶祝 都知正日一定多人 所以提前1日預祝去到攞飛 排第4個 因為第1批食晚餐既先岩岩開始 所以都等幾耐下 不過可能因為要等得耐 前面2 3號都走左 我地好快就有入得等個震已經睇緊食咩 所以入到去再睇多睇就好快落單 我地叫左4樣菜 叫完冇耐就好快到 食落去系熱既 都算新鮮整 好快手 份量仲好足 貴得黎都值 仲食得好飽仲唔會趕人走整力推薦

午餐必選, 環境不嘈雜, 坐得舒服. 最重要午餐不貴, 亦包一杯飲品,普通餐廳飲品甚至椰汁冰, 珍多冰都有. 很愛在這裡吃.平時吃冬陰公, 不過今天轉轉口味, 肉碎飯及蠔仔煎旦飯, 份量很大, 一個大男人都未必能吃完. 性價比超過. 午餐之選.

見到午市餐牌有10多款選擇, 又想食冬蔭功湯粉、又想食菠蘿炒飯, 真係揀到心大心細, 而最終就揀咗燒鱔飯 ($57).  我本身都幾鍾意食鱔, 但就從來就冇試過喺泰國餐廳食過, 所以今次一於點返份試試泰式燒鱔係點嘅樣先!嗯~ 單睇賣相都幾有碟頭飯feel, 不過個燒鱔真係好食, 好似燒鰻魚嗰啲味道!  只係配嘅sauce係嗰啲杰杰地嘅燒汁,有少少寡.講真金不換嘅午市又幾抵食, 飲品轉特飲唔駛加錢之餘又冇加一, 下次可以再嚟食其他!

今次真係要比劣評你
等位安排等好差!!
希望負責人可以睇到!!!!!!!!!!!!我唔知你負責帶埋果個人係點樣分配d台比客
有一張大台就比左一張飛3人同一張飛4人既入搭台咁坐
下張大台我地叫左我地入咁都算
前一張飛6號既人突然返左黎就可以stop左我地唔比入叫我地等多陣
大佬叫左人地又無人應又刪又走左都可以咁？
人地5個就比大台人個待應仲要話:你地10個一定坐唔落架啦你地都係食飯架啦洗咩一齊坐啊咩態度黎!我鍾意點食都要你批準丫？你係我邊位！
仲話咩人地排先人地走左都計咁我朝早拎定飛啦
仲有果張係for6人以上點解我你要比人搭台都唔比人
你咁樣雙重標準姐!!!
仲有上台d野食係唔熱既!到抵想點先
係唔係嘈完就比d咁既野人
好唔得囉真係!

現在荃灣發展得很快，有幾個大型商場， 我約了朋友去荃灣行街， 行完街緊係要食飯la ！食飯緊係要上openrice 啦! 我選了正面評價的泰國菜 「金不換」因我朋友鐘意食泰國菜， 泰菜香料眾多如九層塔、薄荷葉、青檸、椰奶等食材. 而味道方面， 多以酸酸辣辣為主， 好有特色. 我最喜意食海南雞， 雞件嫰滑，有雞味配上秘製醬汁，醬汁酸酸甜甜， 帶有少少辣味， 好開胃， 食慾大增！ 燒豬頸肉都是一個不錯的選擇， 肉質爽口， 味道不錯！ 金邊粉就一般， 我不太喜歡，可能火候唔夠！ 抄菜都ok, 但是太油膩， 我就鐘意沙油少鹽 ！

今天放假，去荃灣逛逛，再睇戲，睇戲前食埋個晚餐先，時間不多，見到金不煥冇人龍，就安排左入坐啦，餐廳好大陣香料味，肚皮已經打鼓，我地揀左好耐都揀唔定，太多菜式，樣樣都好想食，最後捒左青咖哩豬肉，細既冬蔭公湯，鹹魚炒椰菜苗，兩碗白飯。先黎冬蔭公湯，好靚既橙色，足料，好多蘑菇，蝦有1.5隻開邊，但是不是新鮮，因為蝦頭黑色的，湯底酸辣味道適中，試過有一D冬蔭公湯辣到喉嚨好辛苦架，我飮唔到多過一碗，反而呢度我可以不停添飮，好開胃，而且嗅得到有好香的香料味青咖哩豬又係好好味！好香的椰香味，豬肉頗多的，青咖哩好溫和，不太嗆喉，撈飯一流！！炒椰菜苗份量好多，鹹魚吊出味道來，不會過鹹，椰菜唔係炒到黃哂，仲好爽脆架下次一定再黎！

食左好多年，一直都好鍾意呢間的泰菜，星期六下午多數都來食lunch, 無論1人二人餐都比晚餐平好多,我通常都係叫二人餐的，可以食到最愛最愛的冬陰公夠濃味夠椰奶味好香又唔會超辣，正到，泰式鳯爪夠爽汁夠酸辣，諗返起都流口水，多蒜泰式炒菜，平時少食菜都覺得好入味菜，同麻麻的海南雞，不過個汁超好味知道呢間餐廳樓面應該好大壓力，差不多個個都黑面，服務態度也不太好，次次來佢地都唔開心，其實野食真的好味，希望餐廳員工都開心d⋯⋯

荃灣廣場有大口仔影，我又點會放過呢？勁勁勁多人排隊，好得人驚呀！影完就例牌同老友搵下野食，金不換竟然唔使加一？是關今日係星期二既lunch time，原來佢午市係唔使加一喎，平日夜晚好貴我都唔捨得食....唔使加一可以多d幫襯！一般都係5X-6X起，我叫左個海南雞飯，$52仲送埋椰汁冰，海南雞好快就黎唔使點等，飯當然係油飯啦，幾香但係唔夠油，海南雞是去骨雞肉，食起上黎好方便！睇落個飯好細個，但其實一d都唔細，食完好飽！雞肉好滑，而且都有好香的油飯味，不過建議去雞皮食，因為雞皮肥膏好多！老友叫左濕炒海鮮河粉，d汁多到就快漏出黎XD，雖然汁多，之但係無乜味，不過海鮮多到值回票價！斑腩最好味，炸得好香，魚肉仲係食得出咁滑，另外仲有蝦同魷魚，都係好好味，魷魚好爽口彈牙，其實成個炒河都唔錯，見得人！

今日lunch老闆sub錢食到會 想食泰菜同事又推介金不換 於是外賣自取返公司食大概order左十樣野 大概十個人食先講賣相：可能系外賣落盒關係 無美感可言至於份量：每盒size都滿滿的 味道方面：正 特別系豬頸肉 配上秘制醬汁超惹味的整體而言，呢間野幾抵食，下次去開荃灣廣場會入去坐低慢慢食

餐廳位置近OFFICE，所以間中LUNCH都會幫襯呢間餐廳。食物水準、價錢都OK，但今日卻食到一肚氣！入座時，有個WAITRESS喺隔離枱執嘢，突然有隻污糟筷子飛埋嚟，本人右腳FEEL到、亦睇到有汁！點知個WAITRESS死口唔認自己手快快飛咗隻筷子埋嚟，堅持係我件衫勾到隻筷子！(我今日係著一條連身直身牛仔衫，何來件衫會勾到？！)本來只要佢一句SORRY就可以解決事情，但有關WAITRESS堅持責任出在我身上，態度極之惡劣，仲要大大聲話返我錯，直到本人要求見餐廳經理，有關WAITRESS先至後補一句「SORRY囉」，係！佢係講「SORRY『囉』」！明顯毫無悔意。然後我再三要度，有關WAITRESS先至拎張紙巾畀我抹乾淨腳上汁液，而佢提供紙巾時，更係「啪」一聲放喺枱面。我明白LUNCH係繁忙時間，壓力係比較大，但你有壓力，點解要發洩到顧客身上？仲要死口唔認，反指顧客唔啱。明明食物水準、價錢都OK，但因為一個態度惡劣嘅WAITRESS而影響餐廳服務質素，真係可悲。

胃口一般時總想食酸酸辣辣的，泰國菜就最合，因為可以有生菜包作前菜生菜包：生菜看個樣都知新鮮，很爽，肉碎主要用廋肉做，辣度剛剛好，食落去很開胃蒜容包:外層焗成金黃色，蒜容包最重要的蒜容味都做得很好，叫一份兩個人食已經不需要叫飯，好夠飽雞肉串燒:燒得很均衡，肉質緊致，咬落去啖啖肉串燒汁都幾好，不過如果可以多些椰子味會更喜歡飛天通菜:食左咁多肉，最後當然要食番些菜，這個菜確實有點辣，比生菜包更辣，喜歡辣的應該幾喜歡，但平時唔食很辣的食完就要飲多些水了整體來講價錢不算平，但食物質素確實幾好，會再來食