金兜記海鮮菜館

營業中

休息中

話說今年未食蟹，咁啱約到都食蟹嘅朋友😎，但又想方便，唔想自己係屋企自己蒸，就決定出街食😋，上網搵嘅時候見到呢度係任食，但當晚去到就無左任食，而就變咗大閘蟹宴，個餐係每人有6隻蟹，有兩種食法，油鹽焗，清蒸，另外仲有其他食物🍲，非常之豐富架絕對係飽到上心口埋單走人嘅，🦀️大閘蟹宴 🦀️🔺清蒸🔺油鹽焗🔺花膠響螺燉湯🔺黃金蝦球🔺鹽香BB乳鴿🔺蠔皇原隻鮑魚🔺生炒臘味糯米飯🔺散叫左 👉🏻拔絲咕嚕肉， 好好食推介，因為外面好脆，口感好好👍🏻

金兜记之前叫菜食饭，幾ok！今次放題話貨不多，改6隻/人，諗住都夠食，點知只系3-3.5两大，拆蟹都難拆，仲系冇乜肉，有D凍🥶🥶，有D暖，全部都系公，雖有D有膏，但唔多，一半有一半冇，極之差！😭😭😭😭😭😭😭😭😭😭其他菜只有糯米饭比較好，嗰湯冇乜味系有夏鸡脚，差，鹵水乳鴿系冷盤，全凍🤮🤮🤮原黄金蝦系冇乜咸蛋黃嘅炸蝦，唉。服务員又唔夠，叫極冇人應，冇人加水，真系去鸿星/東海好過。食物應熱唔熱系死罪，4佰幾一人，等同食垃圾！從今black list咗金兜記！

秋風起，又到一年食大閘蟹嘅季節啦，絕對系要嚟報告一下戰績😂😂😂。話說哩間任食大閘蟹餐廳金兜記幾乎可以用人山人海嚟形容，冇book就勢必冇得食，book咗都比裡面嘅人潮嚇一嚇。可能係D類餐廳嘅原因，終於可以大家坐埋一圍，大大聲閒話家常，明白嘅明白嘅！講返任食大閘蟹都係398，哩個價錢絕對系抵玩。上枱首先嚟一盅花膠海螺燉湯，雖然有味精但系都幾好飲嘅😂，不過一定要熱飲，因為凍咗會覺得超級鹹。再嚟個炸蝦球，其他人話味道唔錯，而我就留返d quota等陣爲大閘蟹奮戰😂😂。第一round大閘蟹係每人2隻鹽焗同2隻清蒸，每隻大概2-3兩，上檯時係岩岩蒸出嚟，所以系熱辣辣🔥。之後服務員見你差不多食完就會問你要唔要加蟹。當晚全部都係蟹公，雖然唔係爆膏但系絕對系可以收貨👍👍👍。中間上桌係每人半隻乳鴿同糯米飯，佢個糯米飯系粒粒分明，適合趁熱食。題外話，隔離檯有幾個C9起碼食咗起碼一百隻，將d蟹蓋疊起來成座山咁高😲😲😲。

一行八人，第一次到金兜記食大閘蟹 ，估唔到有喜出望外收穫。主菜係任食大閘蟹，$398呢個價錢，就無預D大閘蟹會好大隻，但非常值得一讚就係D膏真係很肥美爆滿，肉質都很鮮味，大家都食到得非常滿足。當日雖然全場爆滿，但每次落單都很快上蟹，大概10分鐘，每轉每人兩隻，枱枱啲人都至少叫四五轉。咁嘅滿座環境，同埋細酒樓，本身都預咗冇乜服務，但竟然啲姐姐侍應服務態度非常好，好盡力好快處理食客要求。另外套餐黃金蝦和墩湯做得很好。呢個價錢值得推薦。

每年也會到酒店或酒樓食一次大閘蟹餐，這幾年開始轉攻略，改食大閘蟹放題 ，因為始終主角係大閘蟹，如果只是食一兩隻，真係唔夠喉，再追加，收費也不便宜，食大閘蟹放題相對價錢比較化算。$398另收加一服務費， 任食兩小時。A時段: 5:45pm 至 7:45pmB時段: 8:00pm 至 10:00pm閑日A時段明顯人流比較小，目測也有空枱，而且感覺比較舒服自在，而B時段巳有很多人在等位，餐廳變得非常擁擠。酒樓環境比預期中好~ 黃金蝦球 ~ 每位一客兩隻要趁熱食 ，大蝦仁彈牙 ，但外皮沒有太大的酥脆感。~ 鹽香BB乳鴿 ~ 每位一隻肉質和味道也不錯， 淮鹽味濃。~ 花膠燉響螺湯 ~ 每位一盅滋潤的湯水，一大嚿花膠~ 油鹽焗大閘蟹 ~ 每位兩隻味道不錯，但蟹質麻麻，不是新鮮的~ 清蒸大閘蟹 ~任叫任食 ,上枱速度也快,熱辣辣, 所以要襯差不多食完，就立即再encore，等蟹身攤凍一陣再支解， 但 大閘蟹質素參差， 上枱有時就兩公兩乸一碟，有時就四隻公蟹一碟， 蟹膏質素，大部分只一般般，多數也是淡黄色的。蟹膏好壞參半，間中也有質素不錯的，蟹膏是橙紅色的。生炒臘味糯米飯~水準之作, 缺點係花生不

大閘蟹放題：$452 包加一及茶錢超抵~環境服務一流，已很少見到一家酒家咁夠人手~ 唔會再勞氣！蟹每次叫4隻，食完補給好快，不用等沒有拖時間。 店員很友善會同每枱客人吹水，感覺好有人情味~主角大閘蟹：我地每人食左13隻蟹的質地新鮮唔算細隻，因為蟹公係11月最肥，所以而家食會少點白色膏，但蟹新鮮同打開個魚鰓唔會黑好乾淨。我自制紅醋薑汁沾大閘蟹食勁消滯~可以食到13隻大閘蟹的秘密武器燉湯： 真材實料,好夠熱同足料，有螺片同花膠雞脚。油鹽焗大閘蟹：好香~糯米飯： 有煙煙韌韌感~正炸黃金蝦球：好脆口，蝦彈牙油鹽乳鴿：好特別估唔到咁好味~薑茶：夠薑，掂！

10月4日晚和朋友興祝生日來食大閘蟹任食，完全貨不對辦，其他野食唔講，淨係講大閘蟹，大部份都削肉冇膏，仲要是凍的，唔知擺放左幾耐，十分唔新鮮。反映左幾次，終於黎d是熱的，但依然都是大部份削肉冇膏。再者，在限時2小時任食下，keep著叫上蟹好合理。過了1小時後，叫加蟹時侍應故意唔入單，提了幾次仲態度好差咁話而家9點15分，9點12分先入單，但我們其點9點叫加蟹了。最後，咁多年來，食過咁多唔同放題、自助餐和任食等，創下了當晚食飽肚竟然最後是靠最後的生日蛋糕，再加食糖水，我同朋友們仲要係食晒成個蛋糕加自己碗糖水！

喺公司附近去食午餐時行過見到，順便上嚟試吓地點要上1樓，入到去，都發現都幾多位，現場見到老人家比較多啲。跟住手快快落單，午餐得1個鐘，要爭分奪秒落咗單之後，都大概等咗最少17分鐘，啲嘢食可能即叫即蒸，之後望住冒煙嘅點心新鮮熱辣第一次見金錢肚 底部係烏冬，有d奇怪時間關係冇特別影。棉花雞就正常，有雞肉+冬菇+炸魚肚，底部係炸芋頭珍珠雞嘅糯米係平時食咸肉糭嘅味道，感覺似食緊棕之餘，又係珍珠雞黎，怪怪咁叉燒腸粉都係大路貨色，不過不失叫咗四樣嘢埋單16x

成日經過見到門口賣鹽焗雞，琴日終於有機會同屋企人試吓堂食!中午時間，有小菜，又有點心，我哋都睇到花多眼亂。最後嗌左唔少嘢食，包括咕嚕肉，蟹肉粉絲煲，炒飯，燒賣，包等等。啲餸逐樣上！咕嚕肉色水好夠，味道亦都啱啱好。食落有啲似係豬頸肉嘅部位，肥得黎有少少爽口，雖然比較邪惡，但都忍唔住食咗幾件。粉絲煲份量都唔少，粉絲炒得好乾身，香氣十足，撈埋蟹肉一齊食，爭啲忍唔住食晒成煲🤣其他嘢食，整體水準都唔錯，特別係燒賣好好味呀！屋企人都好滿意，值得下次再嚟試吓其他餸菜。

今日行過金兜記，見到羊腩煲，問左幾錢，佢話200一份，包好晒。又無得睇下。返到屋企，打開一睇，哇！而家啲酒樓食水甘深既咩，經濟吾好者，吾洗甘丫？啲羊腩得5-6件，仲要無乜肉。講真，完全吾值200，食水深。甘既然買左，都要食啦，味道又吾好食，好似擺左好耐，我屋企人見到盒嘢，o 哂咀，話我比人呃左囉。個心勁吾舒服。盒羊腩系勁多骨。果盒白色飯盒甘大盒以為系羊腩，原來系生菜。我吾推介呢間食店，食水太深，無下次！而家呢啲時勢，有心做外賣就比個心出嚟做啦！

一年一度嘅大閘蟹又出場啦，搵到好友Coey一齊來撐枱腳任食大閘蟹宴每位$378連埋茶位$14、加一實付每位$432.4限時食兩小時， 8:15pm去到，舖頭入邊人山人海，六點食果場嘅人未走，八點果場嘅人已到，搞到樓面亂糟糟，客人煩躁，侍應都做到顛顛地。每人一碗杏汁燉花膠，因為已經8:30pm，非常肚餓，杏仁味濃郁，好味道花膠都OK啦，隔離枱有位女士大聲呼叫投訴，話呢啲唔係花膠... 質問侍應，服務員都好無奈，其實比呢個價錢嚟呢度任食大閘蟹，你想人哋比乜嘢高質素花膠你呢，啲人真奇怪黃金蝦球、豉油王BB乳鴿、炒臘味糯米飯、薑茶全部我都好鍾意食，覺得好好味，仲略嫌份量唔夠多添，但係望到人哋枱個個都食唔晒，我真係好大食清蒸大閘蟹每次落order都會嚟四隻，我哋兩位好努力咁拆蟹、叫蟹、拆蟹、叫蟹...我哋合共叫咗24隻，每人食咗12隻，食到好攰準時兩小時，10:15pm離坐，雖然我哋每人食咗12隻蟹同埋有熟食，個胃都仲係好空虛，返到屋企都11:30pm，忍口等第二朝食早餐。

好幾年冇食大閘蟹，今次經朋友介紹試下，初頭以為係三蟹餐，去到先知係放題套餐，所以初頭都驚會有啲浪費。是日六點半就到餐廳，發現裡面都差唔多坐滿晒，不過枱與枱嘅距離近左少少，有呢方面考慮嘅朋友要考慮下。而且佢地只有提供蟹公，想食乸嘅唔可以去呢間了。首先黎左個杏汁燉花膠，感覺還可以。之後好快上左豉油乳鴿，算係幾好味。另有黃金蝦球覺得粉太多，所以只食左裡面隻蝦球當然好快就係戲玉大閘蟹。發䁷戈佢地俾嘅蟹都算細隻，一開頭嗰兩隻都唔算好多膏，所以好快再叫下round。食完基本同侍應講就得，好快番蟹。之後再食左兩round 都算幾多膏，而且顏色都算鮮艷，好豐富嘅蟹黃味食完三輪蟹都已經飽了，再黎糯米飯個份量（呢個係二人份）真係細，我諗佢預左啲人食完蟹都冇胃口所以無謂浪費？最後仲有一碗薑茶，雖然我唔係咁鍾意飲但係為左驅寒都要整番碗。是晚套餐價378 加一，計埋茶芥大概445 一位，唔介意淨係食清蒸，仲可以係任食嘅話唔算好貴。

上星期同朋友一行四人享用大閘蟹任食套餐。限桌令下有得4人坐埋1枱聚餐十分難得呀！首上女仕們至期待的杏汁燉花膠，真材實料很滿意。之後每位半隻豉油皇乳鴿+黃金蝦球快速送上，真係打咭都嚟唔切！跟住首輪熱辣辣每位兩隻大閘蟹上枱令全枱美食鮮味爆滿，朋友開心話靜係享受氣氛都值滿分。蟹公蟹乸我哋都食過，部份爆糕爆到冇朋友。我哋加左4次order，每次約5分鐘就送上，質素都一樣夠熱夠新鮮。咁算回本啦卦！埋單時店主話個任食優惠做到12月初，因為近日訂枱實在太滿，已加開4:00 - 6:00pm場方便客人享用餐後預留時間行街和休息。未訂到枱的可以考慮呢個時段，咁又幾OK喎！

同屋企人計過數，散買返屋企一隻都$80+不如出去任食。結果平均一人食左6隻。蟹新鮮熱辣辣，唔好expect好大隻但隻隻都係爆膏。好似話係日本大閘蟹黎。套餐送個椰子乜乜潡湯好有驚喜。乳鴿同黃金蝦球都好食。隔左兩個星期之後再同朋友食多次，蟹水準依然keep到爆膏，連個場都爆過上次。總括黎講滿足到食爆膏蟹既心願，400頭黎講係好有驚喜。

事隔一年，今年再次聚會去到金兜記食大閘蟹宴，依然滋味，服務態度依然很好，不枉我地未到蟹宴時間就已經plan好要再book位去食😂 今年一去到，跟前年最大不同之處就係人流多左好多，滿坐的了，前年去只是數張枱，心諗好彩訂左位咋！😅不過因為8個人，我哋都需要分兩張枱坐，不過店員都好好地安排隔壁的枱，我地亦不被抗疫措施而影響心情🤣🤣跟友人談開才知道餐館今年都有被受雜誌採訪介紹，所以人流亦因此而增多了👍🏿👍🏿值得～ 上大閘蟹之前，首先係黎左乳鴿、黃金蝦球、杏汁燉花膠湯😋好味道啊，吃完了剛好就是上主角既時間，「每人兩隻，thx!」開始動手，比賽開始，每食完一隻半左右，我地就即刻舉手🙋🏾再叫、再叫、再叫... 職員沒有因為我地瘋狂的加蟹而黑面， I like this😂 蟹不算是很大的品種，聽聞好似係日本蟹（唔肯定），但蟹羔都不會失禮，都爆，我鐘意😍一d都唔膩，我既戰績係... 8隻，另外跟我同枱嘅都食咗10隻，我輸咗了😅哈哈。最後就是炒糯米飯和薑茶來作一個完結，糯米飯唔油唔濕唔太乾身，超好味啊，食食下成大半碟給我掃清😂😂 薑茶好夠薑，好正，飲落好舒服。因為食尾段，嚴格上都沒有看到