金兜記海鮮菜館

營業中

休息中

今日一行五人 為食大閘蟹已戰 大閘蟹放題香港唔係好多間 今次就試下金兜比蟹唔孤寒 用人頭計每人二隻 雖然全場滿人就樓面都好勤力 見的地就食完就自動幫的地再上下一輪蟹 掂讚 其他送菜好似黃金蝦同乳鴿都唔錯 食左4-5轉大閘蟹 最後飲一碗熱辣辣既薑茶 好滿足

食大閘蟹恨咗好耐，上網搵資料搵咗幾間大閘蟹放題，睇到好多網友推介呢間金兜記任食大閘蟹餐！今日終於約埋幾個朋友一齊去拆蟹！由於太多人嘅關係，佢分咗兩個時段，我哋book咗八點，早幾個字已經要係樓下排隊搭𨋢先上到去，好誇張！個套餐其實都包咗幾多嘢食，有杏汁燉花膠、黃金蝦球、潤燒乳鴿、生炒臘味糯米飯同薑茶、當然仲有任食足4両的日本大閘蟹！其實d前菜已經好好食, 我最鍾意食個乳鴿，如果唔係有個任食餐我應該會再叫多隻！日本蟹食落好似真係唔同啲，勁爆膏！同埋大閘蟹嚟講佢都算好多肉！咁樣計落都食咗有十隻八隻，攪到都唔得閒影相！仲有佢啲蟹都算洗得好乾淨，唔使自己剪繩！同埋佢加蟹既速度都好快，完全冇就住，其實食得多真係超抵！整體服務都好好，自動加蟹同執枱，值得推介。

上星期同女朋友去金兜記食大閘蟹任食唔夠瘋狂，今個星期約埋一大班朋友一齊去金兜記狂食大閘蟹，估唔到今個星期啲蟹可以比上星期靚咁多😎這隻蟹都爆高，尤其係啲白糕😋以下係我哋瘋狂去食蟹記錄😅六個人一共食咗98隻🧐

本身幾個朋友仔上網睇咗好幾間食大閘蟹既，見呢間見好 評比較多住過嚟試吓，特登夜晚收工趕過嚟呢邊港島區 灣仔想食好嘢。點知完全係浪費咗我哋既時間同埋金錢book左晚上任食大閘蟹。一開始過到瞭都OK既,好快手 就可以安排入座。不過真係坐滿晒人，有少少迫。差唔多 成個場都滿座,但係樓面就得三兩個，佢哋自己都忙到踢晒腳。等咗陣間，同我上咗啲前菜。也蝦球同埋乳鴿，平心而論的確幾好食，仲有個杏汁花膠，真心幾好食嘅⋯終於去到今晚既主角大閘蟹,按人頭每人兩隻上一次。第一碟嘅大閘蟹都唔錯嘅,蟹膏同埋蟹肉都係穩穩當當。到第二碟既時候就出事!!成碟蟹上到嚟都係好深色, 吐晒黑泡泡,我哋幾個就知出事即刻開的蟹出尼。全部腮都系黑既,個腿真系黑得離譜的！臭到不得了, 完全接受吾到🤯🤯🤯🤯！！！叫個樓面姐姐過隙收返曬蟹，換俾我哋。樓面其實都好快手過嚟幫我換蟹。以為咁就冇事，點知換一碟都係死蟹，又臭又黑咁樣,邊個食得落？完全都有解決到件 事,今次就連廚房既人都出嚟幫我換碟。換一碟就真係可以,新鮮而且蟹膏都靚靚仔仔甘樣。 點知到下一碟就出事！灰灰黑黑甘,聞落去又係臭到不得之了。。。😰😰😰完全失望囉，今次叫個樓面姐姐 解

因為訂咗6點30時，所以準時6點20分到。5分鐘唔駛就上咗乳鴿同湯，再約5分鐘後就上第一輪大閘蟹，香港地預咗任食（2小時）嘅嘢就實係麻麻架啦…細隻不特只，最慘係啲膏完全無平時食嘅香氣同味道!而嗰湯話係花膠，不過我就覺得係一塊平價魚唇囉。最好食嘅反而係隻豉汁鴿，雖然橡皮，但肉嫩。最差嘅食咗約45分鐘就自動上咗個臘味飯，呢個時候我哋啱啱開始食緊第二輸蟹，即係要我放涼佢食冷咗變硬嘅糯米飯啦？再差啲嘅係食咗約1小時10分嘅時間，就同我講話last order蟹喎我心諗有無搞錯呀？不過我年紀大，食12隻（就算咁細隻都好，怕涼!）就夠，而我隔離枱同我差唔多同時入席嘅女士就立即有反應，所以再可以食多4隻。講就無用嘅，大家請睇相自行判斷。最後，店方就唔差得晒嘅，第一係啲蟹一叫就立即上，第二係都有禮貌嘅。右邊嘅炸蝦丸可以唔食「花膠」味精湯大定細，看官自己判斷

一年先得幾個月食大閘蟹，梗係要把握機會，於是收工同同事即興搵左間大閘蟹放題。我地幾個都未食過大閘蟹放題，所以都係上網隨便搵，見佢唔太貴，就膽粗粗試下。由於太full嘅關係，我地book左八點鐘，但實在太肚餓，所以都早左去到，佢都好好人，有枱就即刻幫我地安排，等左陣就入座啦！上菜超快，一嚟到上左個杏汁燉花膠湯我地，花膠我就食唔到，不過都幾好味，之後就上咸蛋蝦球同鼓油皇乳鴿，個蝦球好好味，襯熱好食啲。乳鴿見佢唔係脆皮，都無乜期望，點知又幾好食喎！好快就上埋主角大閘蟹！唔係太大隻，似係外面4,50蚊隻個啲，但真係好多黃，食到停唔到所以都無影相😆重點係佢真係無拖鐘，未嗌佢加都主動加俾我地，我地每人食左6隻左右，已經好飽下，最後上埋糯米飯同薑茶，雖然已經好飽，但個糯米飯又幾好味，雖然好飽都食左半碗。全程都無俾人催走，中間keep住有人執枱同加蟹，蟹季完之前會嚟多次😋

又到左大閘蟹季節，往年都有食大閘蟹習慣，係近兩年因為啲蟹質素問題所以冇食。今年好想試試放題（以往一向食套餐），就去咗評價不俗的灣仔「金兜記」。佢都係套餐形式，有湯、小菜、飯、薑茶，只係蟹可以任食，一人$378，另計茶芥$28，仲有加一。任食分兩個時段，6:15-8:15、8:15-10:15，有次walkin去博下，結果當然冇位，所以即場預約，如果想星期六食，都要等兩個禮拜。強烈建議食第二輪，第一輪食到8點已經開始被人催（好聲好氣的），點都有壓力，第二輪雖然9:30左右已last order，但點都輕鬆啲。仲有，最好8點前到，只要有枱店家都會安排你提早入座，唔係想講可以食耐啲，而係8點後一大批客人到達，塞晒喺𨋢口（地方淺窄），要等安排入座都頗耐頗混亂。講返正題，金兜記選用日本蟹，比較細隻，蟹殼只有女仔手掌三分二咁大，而且只會提供公蟹，鍾意乸的就要三思。基本上一坐低都唔需要睇餐牌同點菜，職員就會主動波陸續上菜。最先上杏汁燉花膠，有淡淡杏汁味，但感覺味精味更重，花膠仲係爽口唔腍的。接住上嘅係每人半隻乳鴿，同每人兩粒黃金蝦球，乳鴿正常發揮，頂下肚ok的，蝦球反而唔錯，蝦球大隻爽身，鹹蛋外層甘

2020年第一餐出街食既大閘蟹, 之前食過稻香同小南國, 今年試下金兜記。套餐$378 加 一，包 1. 大閘蟹任食 2. 花膠湯 3. 黃金蝦球 4. 豉油王乳鴿 5. 生炒糯米飯 6. 薑茶八點去到, 話book左四位即刻有得入。未食之前睇食評話餐廳比較地踎, 以為係大排檔咁既樣, 所以去到發現係酒樓即時覺得環境都ok。坐低冇耐就上花膠湯, 幾好飲。黃金蝦球, 朋友話好食但我覺得蝦肉有d梅。主角大閘蟹, 黎左兩輪, 第一輪全部都係公, 以為佢第二輪會係乸, 點知又係全部都係公, 而家應該係食乸既季節, 唔知係冇乸定見我地冇問就俾哂d公我地, 食左兩輪已經好飽所以冇問佢有冇乸, 不過真心失望。建議下次去既朋友如果想兩樣都試下就問下佢。蟹公唔叫太多膏, 但每一隻都有, 冇咩特別。乳鴿ok, 不過都係冇咩特別。生炒糯米飯同薑茶冇影相, 朋友話糯米飯好味, 我見到個糯米飯得d花生, 興趣不大就淨係試左少少。價錢黎講算係咁, 不過如果為左食大閘蟹我會揀返稻香。 

生日黎試一次人生第一次任食大閘蟹。實在好懷念上年食足3人既大閘之旅喔!!依到有2個時段, 頭段6:00尾段8:00, 我地選擇左尾段食得舒服D搭MTR 於A3出口出, 過對面行左邊於太和街入口入, 直行到底向右轉灣仔道路痴既我又兜左個大圈。 但都好過去九如坊次次都搵餐死去到都有人等位, 搭lift上到去塞滿門口, 好彩D朋友一早到晒。 一黎就黃金蝦球🍤, 味道可以但個皮就粉左D再上杏汁燉花膠, 湯既外觀就比較例湯Feel , 花膠少硬雞腳反而唔錯, 大家當例湯好了之後主角出場....燈燈燈tang, 大閘蟹出場。 Size 有大有細 3 兩-4.5兩都有, 全部都係比公。 蟹膏一般唔算香, 白膏亦未係時間唔夠多。 當然咩價錢就係咩貨式,  上蟹速度都好快唔會慳住, 值得加許。豉油王乳鴿。。每人半隻但大家都無時間食, 但味道其實唔錯糯米飯, 無咩配料, 但夠乾身都OK 最後的薑茶大定一定要飲呢, 因為大閘蟹真係好寒, 我番到屋企仲會飲多碗黑糖薑母菜先瞓

Today was the first time that I visited the restaurant since the outbreak of COVID 19 pandemic. Business was quite good with half of the tables filled around 12 noon. I ordered the steamed grouper and congee with fish ball. The grouper was fresh from the pool which was just done making the flesh super tender. I have no reseevation to give this dish a thumb up. the congee however was a bit disappointing. It was boiling hot when it was served on the table but It was tasteless and the congee looked

尋晚去金兜記食大閘蟹放題，1人食咗12隻蟹隻隻都有蟹膏，肉質結實係靚蟹，密密食條脷同上顎有點𠝹損，兩個鐘食咗12隻我覺得巳超出預期，我以為最多只食到6隻。佢加蟹算快，可能我地剛好坐在出菜位，阿姐有時唔知係邊張枱叫的蟹，見我哋張枱吉左就會俾我哋🤣當枱面清空時就食下蟹腳，手口都冇停每次每人派兩隻蟹，全部都係公蟹花膠湯好味，鹹蛋蝦球好味，但乳鴿是凍的就麻麻地。而因只有蟹是任食其他食物只會來一次，份量少，乳鴿只有1人半隻，糯米飯也不夠一人一碗，會食唔飽，話就話兩個鐘任食，但食90分鐘就話last order無得再加蟹，而其他菜都係得1份食得出有鹹蛋黃味，蝦彈牙一人半隻BB乳鴿(勁細🤣）但凍嘅，如果熱嘅再加話鹽就正啦！最後上糯米飯，兩個人得一小碟，一人都無一碗仔，又無得添食，真係食兩粒鐘都唔飽囉😂 半夜起身已肚餓因為我食完頭幾隻係就有啲暈，我叫咗一壺薑茶$30 （原本每人包一碗薑茶），一壺都有5、6碗份量，幾好飲。另，茶界$14一位，加埋1，埋單$448一位全場爆滿，晚市至少做兩輪客，要預訂，Walk in都冇得食。總括來講，服務好，阿姐見客人枱面吉的時候會主動加蟹同上菜，食得暢快，值得一讚。食

Guys... Hairy 🦀 season finally comes 🤭We tried #金兜記 all you can eat hairy crabs (only MALE🦀👍) set $378 including other dishes:1. doubled boiled almond fish maw soup2. pigeon 3. deep fried shrimp with salted egg4. glutinous rice 5. ginger teaFor the price, it was still a really good deal for the crabs only. They served 3-4 leung hairy crabs.Open the shell, get to the rich roe and slurp away😋! forget all legsEverybody is too busy trying to eat as many crabs as possible in 120 minutes. I ate 8🤭. Ba

今年我和蟹真係有個約會。。。剛剛星期一才萬豪咖啡室吃蟹主題自助餐。。。只相隔三天我又跑到吃大閘蟹🦀🦀兩小時放題任食。。Book咗6:30入座當時只有幾台客。。。我們被安排坐在角落位置。。侍應很快開了茶水🍵查詢了我們是否可以上菜。。食物就開始火速送到。。首先即上杏汁燉花膠。。再來豉油王乳鴿。。每人少少哋有半隻。。之後仲上埋黃金蝦球🍤。。。當然主角嘅大閘蟹立即上場。。。第一個round每人先送上兩隻大閘蟹🦀🦀🦀🦀。。。食到差唔多就可以order。。。呢間餐廳都算上蟹速度快。。基本上order完不消幾分鐘最多10分鐘內一定出下一轉。。。。絕對冇拖你時間呃你鐘。。呢樣野係非常抵讚。。。蟹嘅質素以任食黎計都算OK。。雖然size唔算大。。但係啲蟹膏🦀都算多。。當然最緊要係新鮮熱辣辣🥰。。 酒樓大約七點多的時候開始坐滿了。。。附近就聽到此起彼落的order加蟹聲音這台又要加蟹🦀那台又要加。。。氣氛十分之好。。而且最後大概20多分鐘有位時應溫馨提示是否需要加蟹🦀因為那時order。。幫你加了蟹🦀之後就上埋套餐包的薑茶🍵和糯米飯。。 兩個鐘真係用到盡啦。。。。😈😈😈😈整體來說服務態度也不錯👌。。。冷氣

去完日本二十幾日旅行，食得太多魚生，拉面，旅途中，群組的人不停講大閘蟹，搞到我流晒口水，一返到香港，立即約人去食今次去灣仔金兜記，朋友仔食過，覺得水準不錯，上蟹快！套餐是358每位，預約了七時，已經坐了六成客，每時今時已經不錯了雞腳螺頭花膠每人一碗，湯味濃，好甜，不錯黃金蝦球即是炸蝦球，不過不失，燒BB鴿不過火，肉嫩，幾碟套餐最完美這餸清蒸大閘蟹每次每人上二只，每次再order都好快手，不像其他任食拖慢上，值得讚，由於已到大閘蟹季尾，要求不要太高，每隻也有差不多三兩，膏還可以，有一，二隻還有意外驚喜，我足足食左九隻，回本…哈哈生炒糯米飯完全不行，很硬，而且不太熱，吃了一小口，已沒興趣最後還上了姜茶，可以中和蟹的寒涼總括來說，不過不失.不過我是志在吃大閘蟹，也算不錯

點了大閘蟹放題，本來湯、蝦球、乳鴿都不錯，扣分在糯米飯份量實在小得可憐，用一個小碟上，平均一人一碗也沒有，莫非食尾輪飯已不夠分？另外待應服務態度冷淡，叫冲水唔記得，叫多對手套唔記得，埋單都不會說多謝，我不是要求殷勤的服務，但都要基本的禮貌。最後是個人問題，比你放題的蟹都唔慌大，食了四、五隻都剝到手軟了⋯⋯