金城餐廳 (已搬遷) 新店位置

素知筲箕灣東大街是美食的集中地，當然也不只得切腩撈粗及魚片頭湯河這類選擇，記得年初來此吃煲仔飯的同時，也順便逛個一圈，其中見到一間茶餐廳，可是人頭湧湧，其門如市的場面，再看門口的介紹，原來其中的老闆娘吳太，本身是漁民出身，每天擁有穩定的優質海鮮貨源，加上知名食家推介的焗豬扒飯、摩囉雞飯等，就此記下地址，再等合適時份再來，一拖再拖之下，已是上週五的時份了。由於環境實與一般茶記無異，這方面的敍述也就此略過，只知牆上掛有即日的海上鮮，鑒於海班的價錢稍貴，正值黃臘鱲當造，本應是最佳的選擇，問過侍應後卻是已經售罄，這時只得金鼓魚及牙衣魚二者任選其一，這時侍者力推前者，既來之則安之，也就無謂異議了，八十六元的價錢，已包括白飯及中湯，價錢來說尚算公道，當然還是要看那條蒸魚的質素。以往很少為一碗例湯而花功夫來陳述，今次卻是不得不提，看呈現出深濁的色澤，入口下可甚有火候，既嚐出濃郁而清甜的味道，卻是十分的順喉受用，直追那些老火燉湯，還以為那麼「好死」，會用上甚麼名貴的藥材及食材來熬製，問明之下只不過是普通的菜乾湯，可能加了些許瘦肉之類，卻不知用上了甚麼法門，會來得如斯的高水準。說時遲那時快，等約廿分鐘之

終於食到喇幾年前已聽聞佢嘅龍躉炒河and焗豬排飯了得，嚟過好多次都只食到焗豬，叫親龍躉都話無，只得普通斑片。因為公司搬過九龍，以後就小d機會響呢頭食lunch, 所以一條友特别搭丁丁過嚟。一坐底就習慣叫斑片(普通)炒河，点知老細話：無喎，得番龍躉，要唔要？……咁好彩？！即答：要。慣例亦加多杯凍0茶少甜。單叫88蚊碟，唔明点解加了凍0茶都係89蚊龍躉炒河來了！河是幼幼的，龍躉是滑滑的，那些DHA睇得到的(即魚皮下透明的那層膠狀物體)。新鮮的食材，不用什麼花考，亦能做出一碟簡單而美味的食物。龍躉鮮、滑、入口有彈力。雖然有加入薑片去炒，但我相信就算無薑片應該也沒有問題。比較奇怪的是加了蛋絲入去一齊炒，成件事睇唔到蛋絲發揮d乜嘢作用。

上週末落筲箕灣食飯，本來想去民聲，因為好多人排隊，就去左金城。 第一次幫襯，除左招牌焗豬怕飯得，其他有ｄ失望。焗豬扒飯　－　對版，個汁酸甜度剛好，豬扒厚身，唔鞋口，個飯亦乾身，好味。菜遠班腩炒麵　－用鮮班頭腩，不過頭多腩少，味道ok，炒麵就炸得唔夠脆，有d韌F餐 – 菜遠肉片 – 好次炒定咁，一落單唔夠兩分鐘就上檯，只係暖o既，No good:

不經不覺，與現任女朋友共渡第11個情人節，過往情人節令我非常煩惱，一來人多、二來消費比平日高，加上我的工作時間長，好多時要女朋友等收工食飯，今年就唔同喇，因為confirm收6點，可以早點接女友收工，女友在筲箕灣返工，於是今年提議到筲箕灣東大街搵食，心目中有三個選擇，第一係食恆河咖哩屋，第二係金城焗豬扒飯，第三係日式拉麵。去到咖哩屋，冇得散叫只得情人節套餐，即時say no，行返去金城，剛好有一張二人檯，唔使講即刻坐低。見到menu主打都係情人節套餐，收$400但最大問題係食物唔合心水，記得配搭好奇怪，有小食頭盤，乳鴿、墨汁海鮮意粉同埋煎三文魚，中西合壁，可惜係剛巧三款主菜女友唔鐘意食，加上呢度冇規定要食情人節套餐，於是點了呢度兩款出名既焗飯，第一款係焗豬扒飯，材料唔多講，味道只可以講普普通通冇驚喜，最欣賞係豬扒斬件加上肉厚。而最喜出望外係嚤囉雞扒飯，炒飯底好特別，黃黃地色應該係加左D香料去炒，雞扒大件肉厚但非常嫩滑，雞扒上舖了一隻煎蛋，隻蛋剛剛熟所以蛋白非常滑，另外還有一塊煙肉。味道唔錯，不過炒飯加入了提子乾，唔係咁合我口味，個人扣少少分，但整體上滿意，兩碟飯加兩杯飲品都係$102，

呢間既焗豬扒飯已經俾人報道到出哂名，就算平時少食豬扒既我都黎試下食。因為係附近工作既關係已經食過幾次，其實係裝修後整體感覺都好左。唔只焗豬好食，仲有嚤囉雞飯同其他野都好食。係東大街食店林立既地方，有自己出名同獨特既出品係更勝一籌既，佢既焗豬每次黎食，佢既豬扒都係整得咁鬆軟真係抵讚，仍然保持水準。唯一本人覺得美中不足係個茄汁，唔係話佢個茄汁唔好食，又或者我本身唔係好食茄汁，所以覺得個味同豬扒唔夠夾。當然呢個係我個人口味姐，豬扒質素係無可挑剔既，尤其是係呢個賣個面都要八九十蚊既年代，四十幾蚊個豬扒飯算係有交代啦。總結：黎到唔使多講一定係食焗豬扒飯，必食

還記得今年八月廿二日，在下於草根食堂嚐到焗豬扒飯，可是卻令在下大失所望。同樣地在廿年前左右，在下於一百分快餐店吃過豬扒飯，同樣喊咁口，後來在下絕蹟一百分。對於上兩次的經驗，要找好味的焗豬扒飯，就要有緣才可相遇。原本身在紅磡，後來突發奇想，乘車轉到筲箕灣覓食。來到筲箕灣東大街，確實不愁沒有得吃，只是閣下有多大的胃納。？在下有好幾間心水餐廳，包括金鐘大，恆河咖哩屋及金城餐廳，右挑右選，終於在金城餐開餐。坐下後便點選了一客焗豬扒飯及一杯菜蜜。焗豬扒飯終於上桌，單是看起來，確實有緣相遇，未吃都知道好味。呷一口茄汁加飯，就讓在下感受到茄汁的鮮味，再呷一口茄汁豬扒，就覺得豬扒焗得恰到好處，豬扒肉質焗得鬆化，而豬扒加上 了茄汁和芝士，使整 主菜變得可口及帶來芝士味道。而炒飯也炒得很好，可見每米飯都沾滿了雞蛋，而且粒粒分明。在下相信到目前為止都未曾嚐過這麼可口的焗飯。至於菜蜜，查實都很一般而言，都是茶仔一般貨色。整體而言，焗豬扒飯確實味道較佳。而餐廳兩旁都是卡座，可惜的是坐位間卻較狹窄，這也是一般茶記常見現況，都係咁啦。

招牌豬扒雖好, 食得多都會無味... 而且近日多吃素菜, 所以晚餐決定食呢個「葡汁焗雜菜」.意料之外的好吃, 由於有加芝士焗, 所以好香口,葡汁也很好撈飯, 好味道.雜菜亦有很多款式, 起碼有唔同口感.所以雖然是一大碟菜, 又無肉, 但真係食唔停口 (有時食素好寡架嘛...)佢個白飯哩... 份量真係多到一大碟, 壯男都可能食唔哂,細食的女生, 可以叫佢半飯都仲得...個人覺得呢個係green monday的好選擇!

其實我第一次幫襯時, 唔知原來咁出名...友人叫佢招牌的焗豬扒飯, 我就叫咗個豬扒炒意粉.焗豬扒飯 - 我試咗件扒, 好厚身鬆軟, 茄味少甜, 不錯.豬扒炒意粉 - 個人更喜歡呢個, 雖然豬扒相對好似薄身少少, 但食落較惹味. 意粉亦炒得夠乾身, 唔會太焾, 有驚喜.價錢約@$50, 當然稱不上便宜...但... 成條東大街的食物依家都貴哂 (除非食粉麵), 所以我覺得仍然值得!

見朋友經常去筲箕灣東大街食焗豬扒飯, 好奇之下, 又去了解一下... 店外貼滿了媒體的報導...時間尚早, 不用等候, 更有卡位, 但要搭枱... 在茶餐廳搭枱是必然的, 不明白同枱之女孩為何要報以憤怒的眼神, 帶了相機也不敢拿出來, 用電話影相算了...老闆應該很滿意這裡的裝修吧, 連餐牌的封面也用上...金城芝士焗豬扒飯 $50 -- 我是第一次食, 聽朋友說已經沒有以前那麼美味, 我單用眼睛也能感受到... 那片芝士, 真是少得可憐!!! 豬扒大大片, 很鬆軟, 茄汁只有色素, 沒有香味, 亦沒有茄味, 炒飯底雖加了蛋來炒, 飯很乾身, 但沒有半點香味, 與白飯無異... 我真心相信它曾經是很好吃的, 因為它不怕麻煩地用蛋來做炒飯底, 又很有心思地加了芝士來提升香味和口感, 只是現在可能為節省成本而節省了原有的美味...蝦醬叉粒炒飯 $37 -- 快餐有3款, 包湯及飲品, 價錢頗相宜, 飯炒得很香, 有點始料不及, 蝦醬味特濃, 叉燒香甜有咬口, 飯粒乾身, 但多吃幾口後開始覺得好鹹... 餐湯 -- 味道偏淡, 應該沒有加味精, 能清楚啖出青紅蘿蔔的味道, 不錯...阿華田味

雖然家住港島，也知筲箕灣有不少美食，但就覺得不芝就腳所以沒去。上星期和老公到筲箕灣修理電腦，順道午飯，才有機會品嚐這馳名焗豬排飯！小妹一向是大家樂焗豬的粉絲，最愛其厚身JUICY的豬排配甜酸番茄醬，後聽聞世上竟有更出色的焗豬，當然要試試！ 飯一到已叫人無比興奮，醬面微焦，上面還有溶芝士，正呀！吃一口，下面的蛋炒飯炒得乾身，蛋香也濃，果真是真材實料；再醮點汁，番茄味濃，沒大家樂的酸，還有焗得軟硬適中的紅蘿蔔和洋蔥，又香又有咬口，非常好吃！吃到主角豬排才夠精采，蓋著茄汁的豬排外皮脆卜卜，肉是名符其實的厚切，鬆軟肉厚又JUICY，店家真是藝高人膽大，如此厚的豬排不會硬也不會生，入口富肉汁，火喉控制式一流。同場加映久違了的肉絲炒麵，炒麵脆卜卜，肉絲醬材料豐富，有肉絲、芽菜、雞腿菇和冬菇等，味道其實太淡，不過對剛吃過超濃郁焗豬的我們來說，清淡一點更好！這一餐真是滿足！

真係好日都唔會去吓筲箕灣，難得來到，當然發揮我為食的精神，先搵食再算。肚子其實挺餓的，衝入去區內名牌茶記，來客焗豬扒飯。大概已過了飯市，人不算多，可以獨佔卡位。即場的焗起，熱烘烘，面頭少少的燶，很香，又因加進了芝士，更香。飯是蛋炒飯的，做得不錯，混埋開胃的茄醬送飯，很輕易便可清碟。至於豬扒，入味又鬆化，卻又不會腍得失真，好吃。喝完杯檸水，又三點了，抖一陣又要才吃過。

一如以往, 與熊小O覆診後都會乘小巴到筲箕灣尋吃, 無去一排筲箕灣, 這邊的食肆改變得很快, 原本想吃「拖鞋雞扒撈米線」, 可惜店子結業了 後來, 想去一間在英基學校附近的經濟小店, 結果是同樣的失望一直走到東大街, 心裏還在盤算着要帶熊小O吃餐美味的下午茶, 遠望見到金城餐廳有開 最喜歡吃這店的嚤囉雞飯及班片炒河 咦......班片炒河又加咗價, 成七、八十元 時值下午茶時段, 當然要試試那「金色下午茶」熊氏倆就叫了兩份T3餐吉列豬扒拼沙律 $26 ... 看到切口就知道吉列豬扒上枱時就非原塊, 舊油炸豬扒所以外皮黑黑, 肉質比較瘦削, 可算是0脂肪因此口感較乾；那些沙律主要是粟米粒撈沙律醬再加少許蟹柳絲, 看樣貌是很引人去吃 沙律入口不冰不凍, 似是比室温低少許, 粟米粒食落有渣, 一點也非飽滿 沙律醬是稍為落得剛剛好, 沒有太酸或太甜的出現。炸雞脾拼沙律 $26 ... 雞脾size袖珍, 五啖內已可KO它 同樣的舊油就炸出同樣的黑脾, 而且炸的時候沒有用心, 雞脾肉既乾且嚡, 完全無晒水份 粟米沙律就如上述, 沒什麼分別跟餐熱啡氣味香, 味道又未至於淡如水的地步, 普通啦~還是

今日屋企冇飯食，行落東大街睇下有嘜野食先金城裝修完都末幫襯過，好就試下先裝修完乾淨同前衞咗餐牌都靚l咗Menu凍奶茶唔錯呢到主打焗豬排飯，豬排軟熟飯係抄飯底, 份量超多, 食唔晒下次一定要試下個嚤囉雞扒飯先得

係現今既社會除非你退咗休,作為打工仔可以輕輕鬆鬆食個午飯唔使趕頭趕命真係冇乜可能.有時唔係你唔想輕輕鬆鬆咁食,就算你想,你食完阿姐都要立即清場,做多一輪生意,你都要起身讓位.所以有時去吓其他地方食晏,當係享受吓食晏"樂趣"都係一個唔錯既選擇.今次就去咗筲箕灣.知道佢地出名用石班,龍躉去做碟頭飯呀,炒河等.所以今次去到想試吓佢個班腩飯,但咁啱冇,只可以退而其次食佢既焗飯,因為見到其他人叫既焗飯都好似樣.所以就叫咗個咖哩焗豬扒飯($48),而同行既優閒一族分別叫了味菜肉絲炒面(有相)同勝瓜蝦仁飯(冇相).咖哩焗豬扒飯送到嚟,有兩塊切開四件既豬扒.份量足,當中只有一塊係比較乾身同實肉,其餘三塊都仲係軟身.可以接受.咖哩味唔係太濃郁但係佢有一個地方係好多地方都冇既就係佢係一個炒低既咖哩炒飯.第一眼睇,收$48,好多人可能覺得一啲都唔平.但佢個咖哩炒低都已經顯得係抵佢收呢個價錢,炒得一粒粒,入咗焗爐都唔係太乾身,入口軟硬度適中.食完係有少少油,但佢應該係用濕咖哩.至於味菜肉絲炒面,面低好香口,但香口既代價就當然係多油啲,味菜唔錯,唔太酸,唔太咸,再加埋啲肉絲,打個獻唔算太濃,啱啱好.總括唻講,金

朋友揸車到東大街搵嘢食，我本身又感冒想食D無咁熱氣既嘢，朋友就推介去呢度食湯飯，介紹左我食牛仔粒羅宋湯飯，飯一上台＂嘩＂又香又大碗，味道濃郁丶牛肉又滑，食到停唔到囉，下次要再唻食招牌焗豬扒飯至得。