金子半之助 (利東街)

營業中

休息中

喺出面等咗差唔多半個鐘 入面不停有人出嚟 大約出咗廿個人 都未入過一個人🤯入面嘅空位好多 位都執埋 就係唔放人入去 我哋排最後都等咗半個鐘 前面應該排得更耐…結果仲要好普通 大家唔好浪費時間同金錢🫡

假日晚飯時間經常排長龍，今次終於一試，同朋友分別叫左江戶前天丼 $138、上天丼 $118。兩個嘅配料都係一樣，只係白身魚變左做星鰻。個人覺得味道唔錯，不過晚餐時間等食物嘅時間比較耐，大約15至20分鐘，上枱之後唔係樣樣野都夠熱，部份配類係微暖，有待改善。個人比較鍾意烏冬，但係無得只揀烏冬配天婦羅，一定要配飯再加烏冬。如果唔洗排隊可以再食。

之前已幫襯過相關分店，例如葵芳分店，態度都好好，服務體驗都好好。但今次呢間分店態度非常惡劣，服務體驗超級差，排頭幾位都寧願唔再食去搵其他舖頭，都唔會幫襯灣仔呢間，等咗好耐位，明明有好多空位，但一直冇人出嚟帶位，入面去問係咪有位，有一個短頭髮戴眼鏡嘅中年女店店員一開始無視我哋，再細問佢同我哋講「我哋淨係會做咗外賣先，唔會理你哋街客，等下啦，入到嚟都要等㗎啦！」，再同佢講但入面有位喎，佢再答「都係要等㗎啦，唔等得你咪走，大把人係出面。」。都明白，食lunch係繁忙時間，店員好忙，食客係要自己決定，其實只要佢態度好啲，同我㗎講返個情況，等唔係問題，但服務態度都可以影響食客會唔會想幫襯。呼籲大家想食呢間店，去其他分店啦，無謂幫咗一間咁樣態度嘅舖頭嘅生意額。永久blacklist呢間分店。

📍位置：近灣仔B2站，在利東街的盡頭。🏠環境：黑底日字的招牌，日系門面，室內有兩層，地面一層有開飯式廚房連吧台，可看到師父是即點即炸，樓上一層的牆上貼上櫻花牆紙，為餐廳點綴上優雅和風，整體以淺木系為主，是日式傳統裝潢，好像走進了日本名店。🤵🏻服務：QR Code點單，收取加一，上菜前都有一壺黑豆茶，茶味濃郁並有黑豆泡著，吃完天婦羅後來一杯解茶，是很好的配搭。🍽️晚市：提供多種類的丼飯、烏冬麵的定食，皆以天婦羅為主題。🥢江戶前天丼🍚 $138每份定食皆有前菜和味噌湯，前菜是醃漬蘿蔔和海藻子薑，微酸開胃。主菜天婦羅炸物有穴子、🦐海老、小柱🦑魷魚天婦羅餅、溫泉蛋、海苔和莢豌豆，其中穴子（星鰻）長達30cm🤩，又長又厚肉，肥美嫩滑，而小柱魷魚鮮甜彈牙，這兩個特別好吃😋。金子半之助的天婦羅色澤會較普通的深色，原來是採用日本特製高級胡麻油炸起，😋香口鬆脆，保持原汁原味。🥢松葉蟹🦀丼🍚 $158以松葉蟹🦀腳、🦐海老、莢豌豆、海苔、溫泉蛋及小柱🦑魷魚天婦羅餅，🤩最想不到是溫泉蛋都有微炸過，但依然保持流心😋，再配上帶點甜味的醬汁，☺️很滿足的一餐。

灣仔日本過江龍天婦羅店｜金子半之助來自日本過江龍🇯🇵每日Lunch time都大排長龍襯Tea time較少人等位😂即衝入去一坐低☕️店員即奉上黑豆茶😊香濃豆味亦可解解天婦羅膩感😌餐牌上選擇唔多😃好似日本咁🤓專注幾款食物🥢江戶前天丼🥢呢個丼相當豐富，天婦羅炸物有穴子、海老、小柱魷魚天婦羅餅、溫泉蛋、海苔等等…穴子勁吸睛，真係好長，幾乎有剪臂咁長，厚肉軟滑，溫泉蛋天婦羅一定要分兩半，一半就咁食，一半撈飯食，正呀！😙每款天婦羅都加左自家製無添加醬汁😆令天婦羅炸物增添風味🥢迷你天丼&稱庭烏冬(熱)🥢一個餐滿足兩個願望，一個迷你天丼、一個稻庭烏冬，雖然話係迷你，但份量一D都唔少架！迷你天丼當中嘅天婦羅有海老、南瓜、菇菌、溫泉蛋、海苔等等…稻庭烏冬爽彈，提供5款配料，令烏冬味道更上一層次😋金子半之助 📍 灣仔皇后大道東200號利東街地下G16號舖

眾所周知 天婦羅係應該熱辣辣炸完即場食先最好但今次由於趕時間都係外賣自取一次試試之前都有介紹過 都係my all time favorite 江戶前天丼(穴子、海老、魷魚天婦羅餅、海苔、豌豆)的確外賣天婦羅係會稍淋左少少但都可以接受 不過要注意 餐廳由於衛生問題 外賣係會無咗溫泉蛋而且便當形式 本來滿滿嘅天婦羅感覺都冇咁震撼另外都試咗期間限定嘅松葉蟹天丼同江戶前天丼相比就係穴子同松葉蟹嘅分別結果 松葉蟹腳只有兩條 仲非常 “的骰”價錢仲比江戶前貴 呢款性價比唔太高

下雨天想食個快dinner先返屋企，突然想食利東街嘅日本天婦羅 - 金子半之助！以木系裝潢，日式風十足！天婦羅仲係即叫即炸, 十分新鮮！🍤松葉蟹天丼🍱 $158今次試下期間限定嘅松葉蟹天丼！巨型又炸至香脆嘅松葉蟹腳, 蟹肉鮮甜嫩滑勁好味，其他配料包括炸蝦、小柱魷魚天婦羅餅、紫菜、小豌豆同溫泉玉子等！樣樣都好味！🍤上天丼🍱 $118同事點了上天丼, 包括炸蝦同白身魚; 白身魚炸到卜卜脆，咬開就係軟綿綿嘅魚肉, 口感鬆化，炸蝦鮮甜, 食香口唔太油! 配料一樣, 我自己最鐘意小柱魷魚天婦羅餅！口感軟彈！推介! 🍻啤酒：食完炸嘢飲返杯啤酒清熱氣啱哂！金子半之助 地址：📍 灣仔皇后大道東200號利東街地下G16號舖

金子半之助有日本第一天丼美譽，仲連續5屆榮獲「日本全國天丼金賞」。而家係香港有5間分店。多數想食天丼都會食呢間，食過好多次，每款丼飯都跟味噌湯同漬物。。上天丼 $118配料包括白身魚、海老、小柱魷魚餅、溫泉蛋、海苔、豌豆。蝦同魷魚嘅質地幾彈牙。天婦羅嘅炸粉夠薄，又唔會油腍腍，用左日本特製胡麻油所以外層比較深色。除左天婦羅做得好，個汁都出色，平時食天婦羅個汁好淡，呢個甜甜地。隻溫泉蛋都有炸到，篤開有蛋漿流出，撈埋飯同醬汁一齊食，好好味！。江戶前天丼 $138配料大致同上天丼一樣，係白身魚變左做穴子。穴子用左星鰻，有成30cm長，都算厚肉，好味！推介指數：9/10📍 金子半之助 灣仔利東街葵芳新都會廣場東涌東薈城荃灣廣場大角咀奧海城

成日經過金子半之助都想入去，終於試左！睇門面以為高級食店，入到去原來親民架。一坐底係少少失望，因為選擇唔多，好似得五款天婦羅丼揀，同埋天婦羅個樣全部一樣，選擇果難症人士真係唔識揀。後最叫咗兩樣，食完係開心返嘅。江户前天丼 (HK$138)天婦羅有穴子、海老、小柱魷魚天婦羅餅、溫泉蛋、海苔、莢豌豆一上菜就嘩一聲，穴子真係肥厚同長，咬落juicy厚肉，對得住價錢呀🤩 另一樣鍾意嘅係溫泉蛋，無諗過蛋都可以炸。餐廳建議食到一半先咬開個蛋，用蛋汁撈飯，唔錯。海苔脆卜卜一樣好味~ 小柱魷魚食落就食帶子多啲。松葉蟹天蓆丼 (HK$158)基本上同江户前天丼一樣，只係穴子轉左做松葉蟹 🦀 都好味嘅，但份量感覺上細啲。天婦羅佢已經點好哂醬俾你，唔需要自己落。食完會有少少膩 😅 餐附味噌湯、漬物，唔錯。佢地茶係自家黑豆茶，幾特別。

每次經過利東街都被一天婦羅丼專門店所吸引，今晚特意相約好友一試店名是店主以祖父之名而命名，繼承了爺爺的閻魔帳，在日本連續7年榮獲日本天丼金獎日式木系環境感覺舒服，開飯式廚房拉近了與廚師的距離牆上櫻花圖案的剪影為餐廳點綴上優雅和風經專業烘焙的黑豆茶乃日本第一天丼之解膩聖品，香氣撲鼻期間限定松葉蟹天丼有松葉蟹腳、海老、莢豌豆、海苔、溫泉蛋及小柱魷魚天婦羅餅，再配上帶點甜味的醬汁，真的超滿足丼碗運用了源自江戶時代的陶瓷工藝佐賀有田燒來製作，碗底部份特意做成空心設計，更能保持碗中食物的溫度，由外觀賣相到實用性，都是一絕的江戶前味道熱湯稻庭烏冬，店員會配送一個儀式感滿滿的長形木盒，食客可自行加入各式各樣的配料木盒內有天婦羅碎、蔥花、海藻、鰹魚花和半熟溫泉蛋外脆內流出滿滿蛋漿的溫泉蛋於食到一半時將蛋汁撈飯，別有一番風味金子半之助採用日本特製高級胡麻油，製成的天婦羅芳香撲鼻，色澤較深味噌湯選用紅白味噌特調比例，甜味中嚐得到鰹魚高湯的鮮味

考完試終於出關，今日會經過灣仔，順道去拜訪這間口碑不俗嘅天婦羅丼飯專門店。店員先放上一壺黑豆麥茶，是店家自家炮製，一邊食比較香口嘅天婦羅炸物，一邊飲黑豆麥茶啱啱好可以解油膩～前菜有醃漬蘿蔔和海藻子薑～這裏嘅天丼飯，每次都吃得滿足！採用日本嚴選嘅高級麻油，炸物出爐芳香冇油益味，加上同樣來自日本嘅天婦羅小麥粉，雞蛋，調製出黃金比例的天婦羅炸漿，令外層鬆脆不油膩，仲鎖緊食物保持原汁原味。👍🏻👍🏻😋江戶前天丼份量超大。最注目嘅就當然係穴子（星鰻）天婦羅。肉質肥美而且魚味甚濃，足足有手掌咁長。醬汁可以分開上，自己控制份量更適合不過。炸海老，肉質夠彈牙，而且明顯係新鮮海蝦。其餘仲有炸溫泉蛋，蛋白層夠柔軟，篤穿雞蛋流出蛋汁，配合日本米飯和秘製醬汁，真係超勁美味。味噌湯唔會太鹹，足料夠熱！另一款值得追加嘅係「帆立貝魷魚天婦羅餅」，帆立貝切得大大粒，外面酥脆，肉質柔軟有彈性，比魚更有海鮮味。👍🏻朋友另外揀咗「迷你天丼和冷稻庭烏冬」。稻庭烏冬好滑溜，冷麵汁唔會太鹹，啱啱好。迷你天丼在女士嚟講份量都唔少。內有玉子，海老、南瓜、荷蘭豆和菇菌，同樣豐富。吃畢整份天丼，肯定令你綁着肚子而回。

平時泊車都會泊喺囍匯停車場，但因為做嘢嘅關係就從未試過喺度食嘢。所以就同Honey提議喺利東街搵食。泊好車後走到利東利，真係大紅燈籠高高掛，見到都忍唔住影咗幾張相。遊走完一圈就揀咗金子半之助，因為門口大大個牌寫住連續七屆日本全國天丼金賞，拎得金賞都已經唔好勁，仲要連續七屆，咁真係要試吓。點咗兩個餐，包括：- 江戶前天丼- 迷你天丼+稻庭烏冬另外再加咗小食，包括：- 小柱魷魚天婦羅餅- 天婦羅菇菌- 天婦羅海苔- 溫泉蛋- 味噌湯江戶前天丼內的天婦羅比個碗還要大，長嘅程度保守估計都應該有成把間尺咁長起碼30cm！而明顯呢度係食天婦羅嘅特製醬汁，因為每一件天婦羅都沾滿呢度特製古早秘傳醬汁。另外個碗嘅最大特色係同我喺日本食丼飯一樣，碗底中空設計完全保留到食物嘅溫度。食到底嘅飯都仲係熱！而我點嘅迷你天丼+稻庭烏冬，烏冬好滑好煙韌，沾咗特製嘅烏冬汁，少少芥辣味配上冰冷溫度，好啱熱嘅天氣食。另外迷你天丼嘅天婦羅配上特製醬汁，再加埋日本溫泉蛋嘅蛋黃汁，平時唔鍾意食飯嘅我都食哂成碗。小柱魷魚天婦羅餅嘅魷魚好好味，魷魚肉厚身，食落好鬆軟。菇菌炸完都好香菇味。海苔香脆，食落口感似薯片。食完終於明白點解可以

嗰日同同事早咗出嚟食晏，諗住食好啲啦，跟住就揀咗呢一間，上一次食就係食江戶前天丼，最吸引我嘅地方係穴子，不過佢唔係好濃味，清清地幾好。幾好食嘅，果次冇寫食評。我覺得值得等咁耐，通常就等半個鐘到啦。同埋覺得兩個人會快搵有位。今次就揀咗上天丼，原來都有半條魚。118呢個價錢真係唔貴。你諗吓灣仔食個頹飯都80幾，118有海鮮，仲有半條魚。啲飯又喺日本米，個醬汁又好味。等緊嘢食黎嘅過程，見到佢原來有外賣，但係外賣會唔會林咗呢？因為佢砌得幾靚，我就有幫佢影相。之前嗰次出餐比較慢，但係啱啱呢一次，又出去好快，我可能之前啱啱用晒啲料，要再炸過所以要等好耐，係幾好食嘅。同事平時係超細食嘅，因為幾好食都食得晒所有嘢。如果佢有多啲位就好啦，就可以縮短等位既時間。

脆卜卜🍤🍱1. 松葉蟹天丼 $158有兩大隻天婦羅蟹鉗 十分厚肉 食到一絲絲蟹肉 又有兩大隻天婦羅蝦 都幾鮮甜 仲有一大塊天婦羅小柱 好多粒元貝帶子仔 再加紫菜同毛豆 全部都炸得十分酥脆 再加埋粒流心蛋撈飯 十分夠味 十分滿足2. 迷你天丼&稻庭烏冬 $118一次過滿足你兩個願望 天丼有天婦羅蝦 菇 南瓜 毛豆 紫菜 同樣有流心蛋 味道一樣十分滿足 再加個熱熱地嘅烏冬 暖笠笠 湯底係類似鰹魚湯個種甜甜地 仲可以加好多配料 包括蔥花 海藻 天婦羅碎 鰹魚花 正………………………….🌝天丼味道唔錯 炸物酥脆 仲有黑豆茶飲解膩 店員亦會簡單講下食法 幾有禮貌 久唔久可以食一次🌚平日晚上唔洗排隊 之前試過weekend排隊………………………….

今日約咗friend食lunch，揀咗中間位，喺利東街食，決定試吓呢間天婦羅。呢間嘢冇得訂位，晏晝都等咗大約四個字到先入到去，因為佢入面都唔算多位🙈睇完佢個Menu，我覺得都唔算多選擇，天婦羅丼好似都係得四個選擇到，最後決定試呢個餐，有一個迷你天婦羅丼飯，再配烏冬，可以試晒兩樣嘢🤣首先講丼飯，因為係迷你版，所以食材比較簡單，都係蝦，菇，南瓜等等，個人覺得炸得中規中矩，炸物來講唔算特別出色。至於烏冬，我揀咗凍烏冬，不過佢係偏幼嘅烏冬，個人唔係特別鍾意，汁就係普通嘅豉油湯汁總結來講，我覺得以主打天婦羅來講，佢嘅天婦羅都唔算特別出眾，可以一試，但係唔會特別推介