金子半之助 (利東街)

營業中

休息中

突然想吃丼飯，剛好附近有一間，便拉著同事來。進入餐廳後，我們立刻被木製的裝飾和日本風格的氛圍所吸引，迅速點了江戶前天丼和迷你天丼套餐，再加上一些小點心和啤酒，期待著美味的餐點。等待期間，先嘗嘗一杯很特別的黑豆茶，淡淡的清香，潤喉的滋味，還有回甘，期間服務員拿了一大個木盒配料來，原來是一會兒熱烏冬的配料。江戶前天丼$138非常豐富的一碗丼，內有海老，魷魚天婦羅餅，溫泉蛋，海苔，豌豆，最特別是招牌穴子，天婦羅長達30cm，超厚肉身，肥美軟滑，天婦羅麵衣包著，令魚肉汁不流失，然而我們入口時發現這天婦羅並不像一般的天婦羅脆口，一問之下原來是用了傳統做法，將新鮮的炸食材放在飯上，再均勻淋上天丼醬汁，讓每件天婦羅都沾到適量的醬汁，味道果然更加均衡呢，還有陣陣胡麻油的香味，醬汁有些甜甜的搭配一起吃絕對是美味，聽說醬汁也是古早秘方，感覺就像置身於江戶時代。迷你天丼+熱稻庭烏冬$118服務員很貼心的把之前那個木盒中的配料放進烏冬中，熱烏冬可以自由配料, 蔥花, 海藻, 木魚片, 天婦羅碎,   溫泉蛋，烏冬麵條煮得剛好，口感彈牙另外迷你天丼份量一點打不少，碗中有蝦，溫泉蛋， 菇， 南瓜， 海苔， 豌豆，

呢個天婦羅想食好耐！平時睇啲相都覺得好正🤤呢間係利東街都幾方便~未食之前有杯黑豆茶，都幾特別，食完飲仲可以解解膩~佢係open kitchen咁，所以見到天婦羅係即炸🤤要等一陣先有得食原來隻碗都有啲來頭架！係運用咗江戶時代嘅陶瓷工藝，佐賀有田燒來製作，碗底部做咗空心設計，係為咗保持碗中食物嘅溫度~· 車海老帆立貝天丼 $168店員話可以食咗天婦羅先~之後再拮開隻蛋撈飯食~而側面都放咗張食法比大家睇架！想講有2大隻嘅蝦!!!蝦肉唔錯唔會腍，即食係脆卜卜🤤帆立貝都係就咁食正啲🫢溫泉蛋撈飯好食！隻蛋仲要係炸過下😋其他炸物都ok，外脆內軟另外仲跟咗碗麵豉湯~· 迷你天丼＆稲庭烏冬（冷） $118其實份量都好多下🤣烏冬唔會太腍，都彈牙🤤不過係幼身嘅烏冬嚟~配埋迷你丼就唔會太過飽個烏冬汁係要加蔥同wasabi，再拎適當份量嘅烏冬沾~迷你天丼就有海老、海苔、南瓜、溫泉蛋等而底下會有豉油~記得撈埋食!!!不過我覺得呢個飯量嚟講，豉油多咗啲~佢係用日本特製高級胡麻油，胡麻油製成的天婦羅芳香撲鼻同埋色澤會較深~迷你丼嘅海老就細條嘅~但都好有味，唔會腍！另外仲叫多咗溫泉蛋 （以為碗野無🫢🫢）PS 建議天婦羅

今天突然很想吃天丼，突然发现在湾仔的利東街裡有这家来自日本的金子半之助，这次我点了他们的江戶前天丼里面有很多不同食材，有鳗鱼，海老，海苔，温泉蛋等等的 再搭配他那个咸咸甜甜的酱汁好好吃

久未到訪今子半之助，某天心癮一起，與友人同往午餐。餐廳以二維碼落單，怎料我們要兩個同樣的天丼，卻落來落去都只能夠落到一客，結果都要店員落單！軟殼蟹天丼便當主角當然是軟殼蟹，自然先食。軟殼蟹都算大隻，兼且頗香蟹味，頗不錯。可惜其他炸物就不過爾爾了……以前食小柱魷魚天婦羅是爽身的，今次食卻是腍的！炸蝦更加又細又實；炸碗豆不夠脆；幸好炸蛋仍然很滑漏汁。天丼之外我們還追加了松葉蟹腳以及舞茸。記憶中之前食期間限定的松葉蟹天丼，松葉蟹又大隻又好味，難道追加的會是縮了水？這隻蟹腳不能說難食，惟滋味程度一定跌呢。炸舞茸亦細件了，食味仍維持水準。份量明顯變少了，食完依然空虛。

如果要食天婦羅丼飯金子半之助係我嘅首選😎😎每次食都一樣咁正🔥🔥除咗餐牌上嘅選擇，不妨留意一下佢哋嘅季節性特選天丼，今次有松葉蟹天丼！超吸引，一於試試！如果唔夠喉，仲可以另外單點鍾意嘅天婦羅松葉蟹天丼有兩隻長長既松葉蟹腳🫶🏻🫶🏻香脆，鮮甜，啖啖蟹肉，性價比非常高！除咗溫泉蛋之外，最近愛上咗佢哋嘅天婦羅豆豆🔥🔥🔥感覺特別清脆😎😎上天丼可以食到小柱魷魚天婦羅餅魷魚一粒粒，配上脆脆炸漿，口感豐富！每一款定食仲有跟麵豉湯，咁樣嘅晚餐就非常圓滿😌

🦀️松葉蟹天丼 $158入面材料非常豐富，有松葉蟹、海老、魷魚天婦羅餅…估唔到蟹腳炸完都仲好鮮甜，係是日MVP🌟而且白飯用上日本米，粒粒分明，輕鬆KO一碗飯🧡🍤上天丼 $118呢碗就用上赤甘鯛同海老作為主菜，個人覺得魚肉比蝦好食😋兩碗既天婦羅都唔會好厚粉，食曬都唔會好膩🤩暫時無得去旅行，唯有食住日本野止癮❤️灣仔呢間分店都係第一次幫襯，食物質素同服務態度都唔錯！下次食天婦羅一定會再黎💁🏼‍♀️

同家姐嚟灣仔整身份證，帶佢去利東街dinner 😆食來自日本嘅過江龍～金子半之助。餐廳燈光柔和，以木製顏色為主格調，分兩層，我哋鍾意寧靜，就搵咗上層嘅位置。我哋兩個share嚟食，✨海老天丼、✨迷你天丼＆稻庭烏冬，再加一份✨野菜天婦羅盛合每款丼都有配搭一粒天婦羅溫泉蛋，一拮落去蛋漿流晒出嚟，見到都覺得好療癒🥰天婦羅即叫即炸，海老即是海蝦，金黃色嘅海老天婦羅，外皮酥脆，蝦身都算大件，肉質彈牙。迷你天丼 天婦羅份量都唔少，覆蓋咗成個飯，稻庭烏冬吃起來有嚼勁，加上淡淡地凍冰冰嘅醬油，非常清爽。好適合夏日！

2023年5月23日 星期二今晚難得約咗舊同事喺灣仔食飯，決定食好啲，去咗一間日本過江龍餐廳由於我哋到達嘅時間未到繁忙時段，所以唔需要等位就可以入座，餐廳裏面仲有分兩層，我哋位於上層比較隱蔽嘅空間，夠晒寧靜方便傾偈餐牌都有好多款式可以選擇，其中天丼都有好多款，最後我哋決定share嚟食，所以點咗一個江戶前天丼、海老天丼同迷你天丼配稻庭烏冬，另外再加多個野菜天婦羅盛合添等咗大約15分鐘左右，食物就開始陸續送到，首先嚟到嘅係海老天丼，見到飯上面有好多配料，包括海老天婦羅、溫泉蛋、海苔等等，海老天婦羅一咬落去脆卜卜，蝦肉好彈牙，而溫泉蛋一拮開裡面既蛋汁就流晒出嚟，同蛋一齊食好夾之後江户前天丼就黎到，即刻俾飯上面既穴子嚇左一跳，因為真係好大條，有成個飯盤咁長，一個人肯定食唔晒成個飯，呢個穴子比起一般嘅鰻魚更加有口感，無太多油脂，而且口感紮實，食到魚既鮮味，至於旁邊既小柱魷魚天婦羅餅都唔錯，魷魚有咬口，食完又唔會好油膩至於呢個就係迷你天丼配稻庭烏冬，店員突然拎個盒出嚟打開俾我哋睇，原來係擺滿放烏冬嘅配料，冇諗過咁貼心，而且夠晒特別，除咗蔥花之外，仲可以放紫菜碎同木魚添，烏冬口感好幼滑最後仲有雜菜

金子半之助．日本過江龍第一天丼想食好味的天婦羅一定係去金子半之助即點即製好滋味仲有期間限定的天丼喜歡日本料理的朋友不能不吃吧今次正是和極愛日本炸物的朋友去灣仔食丼金子半之助的裝修設計為日式木系風格環境舒服，年輕食客為主大家都是為了天丼而來款式多多，以炸蝦及海鮮為主可選飯或麵我們當然是以吃招牌為目標一定選丼飯！這裡更有細心的小牌子教你食丼飯啊店員先送上黑豆茶這是經烘焙的黑豆，配上熱茶沖入味道有豆香，可以中和炸物的油膩而且有清水腫的功效，女生不妨多喝我們點了一份上天丼及一份期間限定的松葉蟹天丼上天丼一份只需 HKD 118上天丼材料包括有赤金鯛、海老、小柱魷魚、溫泉蛋、海苔、英豌豆漬物小前菜有醃蘿蔔、酸薑，另有一碗好好飲的味噌湯整理來說非常豐富海老炸得香噴噴，入口不帶油膩感外脆內嫩，極好吃赤金鯛肉質很好保持了內裡的嫩滑鮮美外層薄脆可口內裡甘美好吃可說炸得恰到好處朋友點的期間限定一定要試松葉蟹天丼有松葉蟹腳、海老、莢豌豆、海苔、溫泉蛋及小柱魷魚天婦羅餅松葉蟹腳肉多又夠鮮美，是堅好吃的滋味小柱魷魚天婦羅餅炸得脆身又彈牙保留了原汁原味，又添加了香脆是極引人的滋味吃天丼的貼士：一定要先食炸海鮮的天

這家過江龍在香港已經開業一段時間，在競爭激烈的香港市場，天婦羅丼要突圍而出一點也不容易。我選了最基本的天丼，天婦羅包括有大蝦、菌類、魷魚、豌豆、還有店家主打的流心蛋。雖然點餐app顯示製作時間需要20分鐘，不過我在點餐大約10分鐘後，餐點已經送到。天婦羅最重要的是剛炸起的那份酥脆感，很可惜這裏的並沒有。天婦羅蝦肉質不算新鮮，而且所有天婦羅外皮的炸粉已經半淋，的確是有點失望。而店家引以為傲的天婦羅流心蛋，戳破後流心效果明顯，包圍著飯粒，令味道昇華，尚算可取。

💚 金子半之助📍 灣仔皇后大道東200號利東街地下------------------------------1️⃣江戶前天丼便當 $138推薦指數：👍🏻👍🏻👍🏻穴子-星鰻、海老、小柱魷魚天婦羅餅、溫泉蛋、海苔、莢碗豆2️⃣軟殼蟹天丼便當 $158推薦指數：👍🏻👍🏻👍🏻軟殼蟹、海老、小柱魷魚天婦羅餅、溫泉蛋、海苔、莢碗豆便當配有前菜及味噌湯前菜(醃漬蘿蔔和海藻子薑) 酸酸甜甜 開胃🤤味噌湯 熱辣辣 用料足 配有豆腐及海帶 味道不錯 不會過鹹☺️主菜天婦羅份量十足 炸物豐富😍炸得剛好 外脆內嫩 即叫即整 新鮮熱辣 還搭配日本珍珠米及甜醬汁☺️黑豆茶 豆味香濃 可解油膩 不錯💕------------------------------食物質素尚可 惟落單後等了40分鐘食物才到 極需要改善🤨服務員態度不錯總評味道：⭐️⭐️⭐️環境：⭐️⭐️⭐️服務：⭐️⭐️

呢個餐廳被譽為日本第一天丼，主打日式天婦羅飯，其中30 CM長的海鰻絕對係最昅睛！除左日本，香港、台灣、美國都開左分店，作為過江龍，水準絕對要同日本睇齊，食材、醬料都係日本空運過黎，希望做到還原日本原味道！🍤江戶前天丼 $138★★★★☆炸物包括有穴子、鳳尾蝦、魷魚海鮮炸餅、青龍、半熟玉子、炸海苔片。呢到最出名亦係主打嘅穴子即係星鰻，一上枱就眼見長長一大條，唔同一般鰻魚，炸完超級酥脆，入口唔會咁重脂肪油感，食落比較上似普通魚咁，肉質緊實少少唔腥。仲有炸蝦新鮮爽口，仲帶少少麻油香。小柱魷魚天婦羅餅細細粒，食落有咬口彈牙之餘有鮮味。炸物上面除左有祕傳醬汁之外，仲會有啲柚子皮，食落有清新柚香，開胃解膩。除左啲魚、蝦呢啲主魚，炸物仲有海苔片、青龍，但一啲都唔馬虎，同樣酥脆好味！仲有個炸到半熟嘅玉子，拮穿佢蛋汁撈埋個飯食一流，大滿足！🍤上天丼 $118★★★★☆上天丼有炸蝦同白身魚，同樣做到卜卜脆，炸粉厚薄剛好，唔會成口油。白身魚魚味冇穴子咁濃，但會帶少少鮮甜味，但同樣係啖啖肉好軟綿。炸蝦新鮮爽甜。其他配料都同上面相同。如果大家食到有少少膩，仲可以飲番杯黑豆茶，香濃豆味又解膩。🌟總括：天婦羅無得

位於利東街嘅日式天婦羅丼店，行呢條街嘅人節拍都好慢，感受到歲月靜好10分映襯呢一間店嘅氛圍。個人覺得入到呢間舖頭其他嘢都唔使試淨係試過烏冬同埋天丼就已經夠。呢個亦都係記憶點餐廳，我咁講無一個天丼整得好食過佢。江户前天丼份量超級勁爆大，每一個食材甚為新鮮。最欣賞嘅地方係佢會預先將醬汁同飯混合好。唔會好似平時出面剩係得白飯，又或者因為食材堆起上邊而難以混合嘅情況。好奇妙佢既炸炸份量同食材份量都係啱啱好達致一個Perfect right稻庭烏冬朋友食落覺得有啲鹹，但係我覺得OK最令我經驗嘅係佢會攞一大個木盒調味料俾你去自助挑選。有種入到日本酒店可以自行調節喜好嘅感覺。

星期五lunchtime 灣仔搵食嘅時候，嚟到利東街，呢間出名食天婦羅丼，最近天氣好熱，呢間食飯時間就排晒隊，但由於在地利東街地舖，等位排隊冇瓦遮頭，真係曬住等好熱。12:30前就已經排隊，到12:50好幸運可以入到去坐低，侍應已經講明食物要等比較長嘅時間，叫我地快啲落咗單先。我們是坐上層的面牆位置，眼見樓下座位數量並唔多，所以繁忙時間有心理準備要等好耐。食物選擇並唔多主要四五樣。叫完嘢食都真係等咗大概20多分鐘到先至有嘢食。期間眼見佢有位置吉出嚟，也沒有叫外面嘅人入嚟坐，加上又不斷有人入嚟想取外賣，感覺上啲食物係煮唔切。所以入到去坐住等已經好運。我個人選擇了上天丼（赤甘鯛），另外朋友叫了天丼（軟殼蟹）沒有影相。套餐麵豉湯同少少醃蘿蔔同子薑片，主菜就係魚同軟殼蟹嘅分別，其他炸物都係一樣。朋友俾咗半隻軟殼蟹給我，蟹厚身多肉鮮味。我的魚就一般，整體來講天婦羅炸得比想像中老身同油感重，但食材就感覺係好新鮮。題外話，奇怪就係個碗，你唔好見佢好似好深，但係其實好淺，只去到一半，個底係裝假狗，仲要鬼咁重，感覺唔係咁好。

喺出面等咗差唔多半個鐘 入面不停有人出嚟 大約出咗廿個人 都未入過一個人🤯入面嘅空位好多 位都執埋 就係唔放人入去 我哋排最後都等咗半個鐘 前面應該排得更耐…結果仲要好普通 大家唔好浪費時間同金錢🫡