金子半之助 (荃灣廣場)

營業中

休息中

《金子半之助-荃灣》係香港好少食天婦羅，因為好食嘅唔多，同埋都唔平。其實都唔係第一次食金子半之助，之前食過灣仔，感覺CP值幾高，一直有好印象，所以呢一晚返荃灣又去試下荃灣店。好多朋友都係咁講，金子半之助嘅天婦羅係好香麻油味，呢個係傳統京都造法，大家都可以理解咁造法成本有幾高，所以香港地唔係貴野好少會食到呢種天婦羅，呢度真係算係平民價，俾你感受下係咩一回事。江戶前天丼 ＄138之前係食呢個，今次由朋友叫，我試唔同野。賣相一定吸引，份量好多，當然不得不提咁大條嘅穴子，我本身就喜歡穴子的味道，用炸的方法，增加了一份濃厚的風味！穴子、炸蝦、小柱魷魚天婦羅餅、海苔、流心蛋天婦羅鋪滿碗面，見唔到飯咁濟。粉漿當然唔係你平時出去食幾十蚊果d厚粉炸，嗅上去真係好香！咬落去呢間就冇灣仔果次咁脆了，真係時間管理問題，天婦羅就係咁難處理嘅一回事，不過味道係同之前一樣的。底層有一層飯，唔多的，因為都知食咁多天婦羅會好飽，所以白飯唔係用黎餵飽你，而係足夠的量去吸收天婦羅醬汁的味道，以天丼的造法令天婦羅上升一個層次。車海老帆立貝天丼 $168我叫左呢個！帆立貝、車海老、海苔、蛋同小柱魷魚天婦羅，入面有唔少我平日好少

金子半之助荃灣分店, 以淺木製傢俬為主， 樸實簡潔， 洋溢著日本風情, 環境舒適 , 侍應服務態度一流， 原來餐廳連續五屆榮獲日本全國天丼金賞， 我怎可錯過！客人坐低後， 店員先送上黑豆茶， 豆香香濃， 黑豆仲有補肝明目的功效， 健康有益，亦可解天婦羅的油膩感。車海老天帆立貝天丼 $168新登場北海道直送帆立貝， 被薄薄的粉漿包裹著， 炸得金黃鬆脆， 熱燙燙，香噴噴 ， 入口鮮味又滑溜， 香脆而不油膩， 車海老及魷魚天婦羅，含有豐富鈣和鐵質 ，肉質彈牙緊緻， 令人回味無窮， 吃到一半後， 再將半熟的溫泉蛋刺開， 金黃溫泉蛋液緩緩流出， 包裹著每一粒米飯， 濕潤滋味， 口感一流 , 跟配的味噌湯，熱燙美味， 醃蘿蔔爽脆入味。迷你天丼及稻庭烏冬 $118追加白身魚 +$28迷你天丼， 輕盈份量，最適合女士享用， 跟配的稻庭烏冬， 煙韌充滿彈性，十分掛汁， 店員送上一個精緻的盒, 內有木魚絲､ 昆布絲､ 溫泉蛋及香蔥粒等配料提鮮，憑個人的喜好, 自由配搭出一份個人口味，讓人大滿足。 雪白的白身魚， 魚肉鮮味柔軟。

啱啱喺附近睇完戲所以就決定嚟呢頭食埋飯，揾到間新開無耐又幾出名嘅餐廳所以就入咗去😌餐廳入面裝修好靚，好似去咗日本咁，牆上面仲有幅好靚嘅櫻花畫🌸聽講呢間餐廳嘅天婦羅好出名，所以我就叫咗個上天丼😆呢度嘅天婦羅好大條🍤咬下去嗰陣外嘅酥脆感同內裡嘅柔軟食材相輔相成，帶嚟令人愉悅嘅咀嚼體驗😍蔬天婦羅雖然炸到金黃酥脆，但食落嗰陣依然保持到原有的鮮味和香氣☺️我覺得食嗰陣加返少少醬汁就更加好食😋之後朋友叫咗個軟殼蟹天婦羅飯，呢道料理結合咗軟殼蟹同炸天婦羅飯嘅絕妙組合😍😍軟殼蟹嘅外殼炸到金黃酥脆，入面就係嫩滑多汁嘅蟹肉，一咬落去即刻感受到蟹肉嘅鮮味🦀配埋炸天婦羅飯，米飯嘅香氣同口感同蟹肉嘅鮮甜相融合，令整道料理更加豐富同令人滿足😚軟殼蟹嘅份量都十分足夠，差唔多有我隻手咁大份🤪跟餐仲有埋味噌湯，有興趣嘅朋友經過呢頭可以試吓呀🥰地址：荃灣大壩街4-30號荃灣廣場B1樓B111-B113號舖

今日又突然好思鄉（日本），所以就去左食個天丼望梅止渴先~好彩今日平日夜晚唔算多人，唔洗等位即刻入到去~我地每人叫左個set,另外再加左個天婦羅穴子~稻庭烏冬配迷你天丼（溫）暖既稻庭烏冬配湯會有配料，配料有蔥花/海藻/鰹魚花/天婦羅碎/溫泉蛋，可以根據你鐘意既口味去加不同配料；迷你天丼既天婦羅有菇菌/海老/南瓜/海苔/莢碗豆/溫泉蛋，海老好鬆化，蝦肉鮮甜，菇菌好大舊，天婦羅海苔夠酥脆，天婦羅醬汁配埋溫泉蛋撈飯好好食！食到停唔到口~車海老帆立貝天丼呢個係特選天丼，有車海老/帆立貝/小柱魷魚天婦羅餅/夾豌豆/海苔/溫泉蛋，車海老好大條，蝦伕好爽口彈牙，帆立貝好鮮甜，小柱魷魚天婦羅餅既小柱鮮甜，魷魚彈牙！Set仲有前菜同埋麵豉湯~好豐富!

好耐之前食完已經念念不忘，今日去完荃灣廣場行街，就去左金子半之助食天婦羅 丼飯。江戶前天丼（$138）附送味噌湯和漬物丼飯非常豐富，有30cm 長的穴子（即是星鰻）、海老、小柱魷魚天婦羅餅、溫泉蛋、海苔、莢婉豆。天婦羅粉漿厚薄適中，即點即炸，以到天婦羅食落不會脆口，而是著重每件天婦羅都能沾上醬汁，而且餐廳用上「115年祖傳秘方醬汁」更能重現江戶時代風味。穴子啖啖肉無骨，而且脂肪較少，肉質細緻，另外海老爽口彈牙，配埋祖傳秘方醬汁，味道甜甜地，令整個飯都好濕潤美味。迷你天丼&稻庭烏冬（冷）（$118）烏冬配上冷麵汁，冰凍口感，彈牙爽滑，夏天吃最適合不過。迷你天丼一樣非常豐富，有落菌、海老、南瓜、海苔、莢腕豆、溫泉蛋。迷你天丼兒童餐（$68）配有甜品及飲品兒童餐份量非常適合小朋友，入面一樣豐富，有南瓜、茄子、海老、莢婉豆、海苔，而且亦配有泡芙和果汁，小朋友一樣吃得非常滋味。以到既丼碗都非常特別，丼碗是用了源自江戶時代的陶瓷工藝，佐賀有田燒來製作，碗底部份特意做成空心設計，可以保持碗中食物的溫度，連丼碗的設計都非常貼心。

來自江戶前美味好耐都無未旅行，心心念念日本美味，見到來自日本連續7屆榮獲日本全國天丼金賞人氣天婦羅丼專門店- 金子半之助。入去感受下日本江戶前美味當然要食佢地招牌江戶前天丼一招牌穴子、海老、小柱魷魚天婦羅餅、半熟蛋、海苔、莢碗豆穴子天婦羅長達30cm，超厚肉身，肥美軟滑！每件天婦羅都適量沾有醬汁，金子半之助使用古早秘傳醬汁，更能重現江戶時代風味🏮同行朋友叫上天丼材料赤甘鯛🐟、海老、小柱魷魚天婦羅餅、溫泉蛋、海苔、莢豌豆🫛跟餐附有漬物及味增湯！❣️金子半之助荃灣廣場B111 鋪

日本人氣過江龍· 金子半之助連續7屆榮獲日本全國天丼金賞無論實力定質素都非常有水準！同朋友去了荃灣分店以日式木系為主調· 悠閑舒適♡江戶前天井（$138)穴子｜海老｜小柱魷魚天婦羅餅｜溫泉蛋｜海苔｜莢豌豆丼物堆到快滿瀉·賣相十分誘人炸衣金黃香脆· 酥而不膩最喜歡當然是超長的穴子· 咬落外脆內軟腍穴子肥美有彈性· 滿滿魚油香兩隻海老彈牙· 啖啖肉將溫泉蛋撈拌·並加入江戶前秘製醬汁絕對要清碗處理！♡帆立貝魷魚天婦羅餅（$28)忍不住encore的天婦羅餅· 小柱彈牙有咬口♡迷你天井 · 稻庭烏冬（$118)⇶轉軟殼蟹（+$28)⇶另加配溫泉蛋（$12)夏天是稻庭烏冬的日子烏冬配上冷麵汁·口感彈牙滑溜鰹魚汁加入wasabi · 提升了鮮味同味道層次迷你天丼同樣非常豐富有軟殼蟹、溫泉蛋、莢豌豆，南瓜等軟殼蟹好厚肉·唔會剩係炸皮細細碗嘅天丼·女仔食就岩岩好！

今日同朋友到荃灣食飯, 去到餐廳的時候不需要等位就能入座。我們叫了車海老帆立貝天丼、迷你天丼和稻庭烏冬，稻庭烏冬我們選擇了熱的，然後迷你天丼我們加了軟殼蟹，另外再追加一個小食赤金鯛。首先上來的是車海老帆立貝天丼，然後天婦羅的外衣很脆，海老的肉很鮮甜。而且碗底部份特意做成空心設計，為更能保持碗中食物的溫度，所以食到最後飯還是很熱。再來就是赤金鯛，赤金鯛的味道鮮甜，而且肉質嬾滑最後是稻庭烏冬及迷你天丼，那個份量比我想像的多，而且烏冬還有四種配料加温泉蛋，配料可以任意添加，味道不會太濃，而且帶點鮮香味。整體而言，天婦羅的味道不錯，而且份量足夠。

消費卷一出當然又係時候四出消費，各大商場都推出折扣優惠，我也趁機換上新款大電視開心一下，打機睇片真的超正🤣。買完肚餓就到商場食埋先回家，原來荃灣廣場地庫新開了我最愛的日式天婦羅丼飯，二話不說即刻入去食飯先。今晚期間限定款竟然有車海老帆立貝天丼，完全地將我最愛的食材全部放在一起🤭，怎能不食😆車海老帆立貝天丼最喜歡日本丼碗設計，運用了源自江戶時代的陶瓷工藝，佐賀有田燒來製作，碗底部份特意做成空心設計，為了更能保持碗中食物的溫度，由外觀賣相到實用性，都是滿滿的江戶前味道！而最特別是店家採用日本特製高級胡麻油，胡麻油製成的天婦羅芳香撲鼻及色澤會比較深。車海老帆立貝天丼最吸引是車海老份量十足，肉質爽口彈牙，蝦肉鮮甜，温泉蛋炸到呈流心狀態，蛋液流滿整個飯面，將車海老沾上香濃蛋汁，多了一份蛋香味，特別可口，帆立貝厚肉肥美，軟嫩多汁，外皮的酥脆配搭鮮嫩口感，外脆內軟，特別美味。赤金鯛肉質柔嫩，蛋白質含量高，鮮美中略有甘甜味道，入口魚肉滑溜，鮮甜味濃，不沾醬汁也非常不錯。迷你天丼配稻庭冷烏冬稻庭烏冬配上冷麵汁，麵條薄身而口感滑溜，將wasabi 加入鰹魚汁內，wasabi 的辛辣味提升了鰹魚汁鮮味。迷你

「炸天婦羅」源自日本江戶時代的平民美食，將各款新鮮食材，沾上薄薄麵漿後炸得酥脆，美味得令人上癮！呢日收工，特別想食香口天婦羅丼，來到荃灣廣場，主打江戶前天丼的 金子半之助 開餐。店內的丼碗設計特別，原來運用了江戶時代的陶瓷工藝，中空設計，更能保持食物溫度，丼碗跟食材同樣講究，滿滿的江戶前風味！🔺上天丼 $118招牌上天丼材料涵蓋海鮮跟蔬菜，有赤甘鯛，海老，小柱魷魚天婦羅餅，溫泉蛋，荷蘭豆，海苔和半熟溫泉蛋！由於使用日本高級胡麻油，上枱勁香麻油味，色澤金黃，大蝦香口啖啖肉，赤甘鯛長長一條，肉質甜美柔嫩，混入生雞蛋及江戶前秘製醬汁，真係好好味！🔺溫泉蛋 $12通常丼飯內已經有一隻半熟溫泉蛋天婦羅，但雙蛋汁拌飯真係好出色！🔺車海老帆立貝天丼 $168另一碗點了期間限定的車海老帆立貝天丼，食材跟上天丼差不多 ～特別在碗內2隻虎蝦比海老更大隻彈牙，超有口感；北海道帆立貝，刺身食得多，估唔到炸成天婦羅都一樣香軟鮮甜，中意食海鮮嘅朋友必定會喜歡！食飽飲返杯黑豆茶，可解油膩感，天婦羅丼配可樂，更是美味，人生一樂也！

《金子半之助 - 荃灣》對上一次食呢間日式天丼飯店都已經係上年啦，果次係去奧海城果間分店，有點心心念念佢地好香麻油味既天婦羅🍤所以今次有機會我就同個朋友黎到荃灣廣場既分店食天丼，朋友第一次食，正好比佢試下我覺得好正既巨大條鰻魚天婦羅🍤💁🏻‍♀️江戶前天丼 $138我上次食就係食呢個天丼的，上枱一刻我朋友見到都話吸引，啲天婦羅鋪滿左成個碗面，上面有穴子、炸蝦、小柱魷魚天婦羅餅、海苔、流心蛋同豆，每件天婦羅外層都被炸粉糠包住，不過又唔會太厚炸粉漿，一咬落去有好香既胡麻油味😋超吸引呀👍🏻而另外一個重點係喺天婦羅既底下啲飯嗦曬啲天婦羅醬汁，食落帶甜口，超級好送飯🥰當然，成個飯既重點係佢果條有成隻手臂咁長既鰻魚，炸過之後表皮酥脆而入面香軟，係幾好食既😝💁🏻‍♀️車海老帆立貝天丼 $168我今次就試左佢既另一個人氣天丼，入面有大大粒帆立貝天婦羅、車海老、海苔、流心蛋、豆同小柱魷魚天婦羅餅，同樣都係食材豐富，不過值得一提係個帆立貝真係好彈牙，而且保留到佢本身貝殼海產既鮮味 🐚 另外我好鍾意佢個海苔同流心蛋天娜羅💙個蛋食落會爆漿，撈埋個滿曬汁既飯一齊食超正的👍🏻總括黎講，呢一餐其實都食得幾滿足，我唔算食得

出荃灣大會堂附近交低啲文件畀人，完咗可以直接放工，又係約朋友食個晚餐的好機會，位於荃灣廣場《金子半之助》可以食到個我最鍾意嘅日式炸物-天婦羅，正！江戶前天丼~材料包括穴子(鰻魚)、海老、小柱魷魚天婦羅餅、溫泉蛋、海苔(紫菜)及莢豌豆。迷你天丼配稻庭烏冬(冷)~迷你天婦羅材料有海老(蝦)、海苔(紫菜)、温泉蛋、南瓜及莢豌豆。追加軟殼蟹天婦羅~蟹屬於寒涼食物，炸嘅方法能夠使之中和，軟殼蟹啖啖肉，且含豐富鈣質，既好味又有益。每枱仲有一壺黑豆茶，黑豆味甘溫平，具有補益止汗、滋補腎臟、補肝明目、抗衰老之功效，並有濕熱，解痰、提神及消水腫功效。

今日係平日星期三唔洗排隊直入19:27落單20:20追單都未上得到菜問個樓面，理由係廚房得一個人炸嘢我問要等多幾耐佢居然答我仲要再等下一輪如果係原本兩個人但有突發事情變一個人客人入嚟坐低個陣會唔會禮貌講聲今日廚房人手不足會等得耐少少呢？如果原本都係得一個人既話咁唔該真係檢討一下一個鐘頭做一份餐嘅速度會唔會過份咗少少？份餐20:26到咗我同我朋友第一反應係啲天婦羅炸起左好耐得個暖字，完全唔似係新鮮炸起然後仲要已經淋左汁上去個天婦羅完全淋晒烏冬不過不失，但個汁味道偏淡三個字無下次希望各位都睇路

呢間岩岩係香港新開張個時已經好想試，衣家愈開愈多分店，終於可以放工後一試裝修風格係木系，坐落好舒服，所有食物都係即叫即炸，有個位仲可以睇到廚司既製作過程有唔同丼飯，同埋冷烏冬系列，今次未試既冷烏冬，下次要試下我好鐘意食日式丼飯，而江戶前天丼同軟殼蟹天丼係我最鍾意嘅款式之一，所以今次試左2款🥢江戶前天丼－穴子、海老、小柱魷魚天婦羅餅、半熟蛋、海苔、莢碗豆穴子超級大條，起碼有10CM以上，肉質好鮮美，口感豐富，炸至外脆內嫩，配埋飯個醬汁，味道更加出色🥢天丼－軟殼蟹、海老、小柱魷魚天婦羅餅、半熟蛋、海苔、莢碗豆軟殼蟹天丼嘅軟殼蟹炸得香脆，肉質鮮嫩、軟綿，同江戶前天丼一樣，海老同小柱魷魚天婦羅餅都好鮮味，加上半熟蛋嘅蛋汁，味道更加濃郁。海苔同莢碗豆都係好好嘅配搭，令成碗飯更加平衡🥢味僧湯平時我都唔太中意飲味僧湯，但係呢碗又有驚喜，味道濃郁得黎飲落又好清甜

🚩 金子半之助期待咗好耐嘅餐廳‼️次次公司lunch都話去食但都冇食到，呢間餐廳啲評語都幾兩極化，有啲人話唔鍾意佢天婦羅嘅嗰種做法，有啲就好喜歡，等我一探究竟先〰️〰️〰️〰️〰️〰️〰️〰️〰️〰️〰️〰️〰️〰️〰️🌈江戶前天丼 $138穴子·海老·小柱魷魚天婦羅餅·溫泉蛋·海苔·莢豌豆天婦羅整體色水比較深，係因為佢用咗麻油嚟炸，多咗一種麻油嘅香氣不過因為預先淋咗醬汁，影完相就好食啦，咪先就會偏淋特別鍾意小柱魷魚天婦羅，魷魚夠晒爽彈，好似我面珠燈咁穴子即係星鰻，超級大條，不過魚味偏淡🌈 迷你天丼 & 稻庭烏冬 $118菇菌·海老·南瓜· 溫泉蛋·海苔·莢豌豆啱晒心大心細，又想食飯又想食烏冬嘅我烏冬一定要叫熱，咁先有寶盒㗎✨寶盒入面有齊蔥花，海帶，天婦羅碎，木魚同埋溫泉蛋加晒入個面度超級滿足迷你天丼份量其實都好大，分咗一半俾男朋友我都爭啲食唔晒🌈赤金鯛 $56金雕刺身就食得多，第一次食天婦羅版肉厚有魚嘅甘香，推薦