金撈老鴨湯刺身火鍋專門店 (已結業)

今日第一次嚟呢度打邊爐，果然唔錯湯底是原隻老鴨和松茸淆制而成，十分好味象拔蚌刺身好鮮甜，是加拿大野生頂級象拔蚌，難怪和外面吃的就是不一樣活魚刺身不過不失其他火鍋料都很不錯有機會一定要來再試

同朋友慶祝生日梗係一班人打邊爐啦！叫咗唔同嘅海鮮有象拔蚌同活魚刺身兩樣都非常出色，珊瑚蚌打邊爐都好鮮甜呀不得不讚椒鹽粟米我哋叫咗胡椒豬肚雞做湯底仲有個鴨湯底叫做金撈富貴老鴨湯所以啲鴨血用呢個湯底打邊爐非常之夾啲魚標卜脹卜卜篤下篤下又好食又好玩食落去一啲都唔腥下次一定會再嚟啊

今晚同公司同事聚會，諗住睇下公司附近有d咩野食啦，搵搵下就搵到呢間火鍋店啦！佢地見我地咁多人，就安排左間房俾我地啦！一黎到就叫左佢地個招牌金撈富貴老鴨湯同埋花膠重濃湯雞鍋。佢地呢到主張係先飲湯，後打邊爐。一飲落去就覺得味勁濃，飲落去就知一d味精都無！之後再叫左佢地個牛肉拼盤！牛味好濃！佢地仲送左個活魚刺身俾我地tim！今晚食飯真係好滿足！

野食好新鮮😋椒鹽粟米有驚喜👍🏻之前有coupon好抵食 宜家雖然冇左但舖頭送番刺身俾客人 回饋番客人真係好好 良心食肆真係好好好有人情味同服務態度好好打邊爐嚟呢度一定掂🤤🤤🤤🤤🤤

金撈黃店邊爐貨真價實約了3個月的聚會挑選了金撈刺身火鍋專門店環境舒適不得不說金撈鴨湯底有別於其他湯底滋潤養生 不油膩 十分推介店員服務親切友善 朋友就有跟媽媽在家打邊爐的感覺😂😂😂

聽朋友介紹就多 終於有機會試 3人聚會 推介金翅鴨湯 夠晒濃郁 其他火鍋料都好新鮮 同埋size都唔細碟 同埋熟食小食都有好多選擇 推介龍躉魚丸 夠鮮味 大家一定要繼續支持本土火鍋店❤❤

興友儕慶生日,一片疫情下,突然想起四季皆宜的老鸭湯;一提到老鴨湯,就回味金撈的老鴨湯火鍋。今次一行六人,叫了一隻鴨的鴨鍋,一份牛三星(手切牛.牛胸油，牛舌心及牛粒),這些都是金撈一貫水準;侍應今日推介的刺身拼盤非常新鲜, 绝不下高级和食店.另外個人特別推介兩款熟小食,避風塘炸粟米及炸茄子~茄子入味而外脆內軟,粟米香口仍保持清甜。其它火鍋配料如韮菜饺,炸午餐,鵝腸,白鳝等都是平凡中見水準,豐富了整顿晚飯。

聽朋友講話之前就算係平日都好難訂位，呢排少咗客，我就即日都訂到。先嚟咗個刺身拼盤，有六種唔同刺身仲鋪埋金箔，𩶘魚刺身，肉爽彈牙, 淨係睇賣相都夠晒吸引，食完先上家傳老鴨湯，輕輕有啲中藥藥材好好味，之後先用嚟打邊爐。佢個牛三星（有牛頸脊、牛肉粒、牛胸爽同牛舌，應該叫四星？）啲牛味好重，牛胸爽真係好爽，三層份量多到五個人都食唔完。其他火鍋配料好似韮菜餃、鵝腸都好有水準，桶蠔有半隻手掌大都有五隻，值得再次幫襯！

牛肉好食！！！！平時食既牛太多油， 太肥 ， 呢個牛會好食好多鴨湯底好食！！！！有我最愛既蟲草花 好有特色既豆卜！！！！！！最正既象拔蚌！！仲有午餐肉！！叔叔不行了！！

呢到黎個幾次，次次都會保持水準，個湯底真係好味，員工服務態度好好，會不斷照顧需要由其個湯底次次都會飲哂，一個人都可以飲幾碗，安格斯牛肉都好靚，配料樣樣都新鮮，好正

今日第一次嚟依到食飯，叫左照牌湯底，牛頸脊，餃子，象拔蚌同活魚刺身，樣樣都好好味。食材又新鮮。兩款刺身好新鮮，個人最鍾意食辣野，推薦家姐辣餃子，辣得嚟又好好味！

今晚一行四人第一次嚟到呢度食飯，雖然地點係有啲唔就腳，但食完感覺不枉此行！我哋叫咗個松茸老鴨湯，啖湯好好飲啖啖都精華。而食物的份量都好大碟下，最驚喜係碟象拔蚌同活魚刺身同牛王大拼盤！先講象拔蚌同魚刺身，咬落去好厚肉而且鮮甜，咁嘅份量價錢只係六百幾蚊，好抵食！再黎個牛皇大拼盤，一大堆頭都係500蚊左右，牛肉肉味好濃，油脂充足，水準好高！仲叫左其他食物，碟碟都價錢相宜大大份！食到我地個個都飽到上心口，而家呢到服務好好，食得好舒服！下次都一定再黎幫襯！

好好味嘅花膠雞煲湯同鴨湯...個花膠雞煲大大舊花膠，好入味...鴨湯好好味...M8和牛，牛味好足...活魚刺身👍🏻新鮮/爽口...同朋友食飯嘅好地方...

已經第二次來，第一次試左招牌老鴨湯，今次試花膠雞煲，湯味濃郁，飲完湯再用來打邊爐，仲好夠味！好有水準超正！推薦枱又夠大，唔會背脊貼背脊，多人來都無問題，坐得舒服！服務態度非常好！

第一次訂到枱，去唔到。第二次，約得太遲訂唔到枱。第三次，終於食到！平時少行佐敦，原來間鋪係小巷入面，畀少少掙扎就揾到了今次訂咗七點枱，入到去都好企理舒服，老闆會幫客人量體溫，畀埋搓手液客人消毒，枱邊仲有塊板擋住，食得放心一坐低，店員姐姐就介紹湯底，今次我哋試嘅係極品松茸老鴨湯底💛留意返蒸餾水係重點💛我哋嗌咗9碟火煱料，由於太肚餓，只影咗一部分未放火煱料前，店員幫我哋舀咗碗湯，好大浸松茸味，又無雞湯咁油，用嚟打邊爐真係好夾呀，鴨肉可以點自製嘅綠色醬，又係另一翻風味活魚刺身切得夠薄，又夠爽口。另外，仲嗌咗日本大扇貝，鮮甜夠大隻，值得一扇。最意想不到係豆卜，無平時外層硬崩崩，食完一口油嘅感覺，應該係有預先處理過如果想試下用鴨煲嘅湯底，金撈老鴨，一定要試