金枕頭泰國餐廳

營業中

休息中

平時晚飯的咖喱蟹好正，初時開張好好招呼，所以時時邦襯，難得放假於是想試下佢set lunch，係好平，但抄飯送隻烏蠅，於是退返俾侍應，點知一句對唔住都冇。老板請著此等倒米壽星，注定行衰運。之後冇再邦襯！

自從佢進駐牽晴間，我就已經成日幫襯，都有幾年。好多時都會去食宵夜，真係好好好抵食。$10碗湯粉，$10碗鮑魚粥/蠔仔粥，$5串沙嗲，唔使加一，兩個人食到攬住個肚走，都唔駛$100。仲要係沙士前到宜家都冇加過價!!!服務真係好好，好貼心，拎碗湯粉俾客人時，會連埋調味架，上蠔仔粥又會連胡椒粉。埋單果陣仲會預備埋找$$用0既零錢，唔使個客人等之餘，仲唔會遞個套局你俾貼士。推介食物係佢地0既甜品，尤其係佢地自家製0既腰果露，我通常食凍，好似食布甸，好滑，又唔會太甜。

男朋友晚上帶左我黎呢間餐廳,好開心啊,我好鐘意食泰國菜的. 我們ORDER 了炒金邊粉,魷魚筒飯,串燒,蠔仔餅.炒金邊粉係我最鐘意的泰國菜式,佢地炒得好好,又唔會好干,粉好彈,好好味.串燒我地揀雞肉同埋牛肉,牛肉好鞋,雞肉比較好食.蠔仔餅用鐵板上,熱辣辣,煎過的蛋,芫茜同埋蠔仔好香,好有風味.不過就好油.最後到魷魚筒飯,成隻魷魚上,魷魚入面塞了飯,好大大隻魷魚,外面煎得很脆,奈何食完那個大蠔仔餅巳經飽了9成,所以魷魚筒飯都只係食左小小,其餘打包.其間,我見到佢地有南瓜飯,佢地用成個南瓜上的,好得意.

今次係我第3次幫襯，今次我只有2人，所以只叫了咖哩什菜、泰式拼盤及蒜蓉包。咖哩什菜- 咖哩汁好好味($45)泰式拼盤- 有串燒(好有肉汁)、 香葉雞(有韌, 嘛嘛)、 芋頭春卷(好香口)、 香芧雞翼(O.K.啦) ($45)蒜蓉包- 保持水準(10多元)其實以咁平價錢，食到O.K.水準泰式美食，算係咁啦！

午餐首選地方，最主要午餐價錢26蚊，再加上味道一級捧，可惜不知是不是午餐沒青咖哩，每次想吃他們都說沒有做~~但餐牌上是有的哦~~~真是一個迷~~~XDDD鴨胸咖哩飯，鴨胸沒有什麼特別，完全是咖哩汁加強美味，整體完整配合乾抄金邊粉，時間雖然有點長，但很有鑊氣，又有芽菜加強口感，味道更是調配得很好，不咸不肥膩~還有一些小食~~但好像有點普通了的感覺。環境好,服務好,食物美味~~~沒有可以"彈"之處

** 佢個英文名應該係Golden Durian Thai Restaurant我耐唔耐都會去呢度食o架, 因為鍾意食蟹, D咖哩汁都算ok, 唔會太辣..牛油燒粟米好好味~ 不過要等大概20分鐘其他食物味道ok啦~ 飲品就好似比以前差o左少少.. 同埋甜品次次都好慢先o黎o架, 仲會聽漏o左你嗌幾多碗其實好多時都好旺, 尤其是宵夜時段waitress就得2個做得o野, 其中一個好nice o架(黑髮紮髻o個個)~ 齋上菜唔落單o個個目無表情之餘, 仲勁差! 人o地夾緊送o黎唔切縮開俾佢上菜, 佢竟然照拉走碟送, 掙D搞到人o地跌晒D送.. 仲有佢拉走/推開D碟成日推"mie"晒人o地用緊o既碟匙羹叉, 至鬼憎!

抵食得嚟又幾好食喎～～午餐：1.香辣肉粹炒河：香口、有鑊氣2.菠蘿炒飯：碟頭架，不過菠蘿少了點3.咖喱牛腩飯：牛腩夠腍，咖喱夠香濃4.泰式鳯爪：都幾辣，好彩個汁另上飲品多款跟餐：椰汁紅豆冰、青檸冰、蘆會蜂蜜柚子...午餐包飲品都係$23.00，午巿免加一

Frankly speaking, this restuarant is one of my unfavourable one. The reason for choosing this restuarant for my dinner is the fact that I wish to have something difference last nite. I understood the quality of food is average, the pricing is not competitive (comparing to other restuarants in the same district) and the slow delivery of food. However, I really hated the services. Put it this way, apart from the normal delivery of food, the waitresses almost do nothing. No initiative, no than

早兩日上完大陸,返黎9點幾,都唔想煮飯,呢度宵夜9:30pm 開始,三大一小,兩粥一粉,加泰式炒通菜,兩串粟米同一杯凍飲:蠔仔粥($10): 其實仲有鮑魚粥同冬瓜粥,每日一款,都係十蚊,蠔仔唔多,份量算夠,用黎宵夜剛剛好,味道一般,好大路無乜驚喜,不過好底.雞絲湯粉($10): 仲有生牛肉,牛丸,雞翼...等等.份量夠,味道好似淡左d,要加魚露食至好味.粟米($5): 半枝五蚊only,應該係用油浸,不過好多時都比較老,咬得唔過癮.泰式炒通菜($20): 好惹味,用麵豉一齊炒,而且切得好細,我囝囝都食到.龍眼冰($6): 半價飲品,點都會冰多龍眼少,淡moumou,有d失望埋單$66~~~~平環境: 都係有人食煙味道: 唔會差服務: 人太多,侍應少,老闆賺錢,伙記辛苦抵食: 我就覺得好底乾淨: 無乜問題

尋晚同女朋友一家一行四人黎呢度食飯,叫左個四人餐,$328,有咖喱炒蟹,炸蝦餅,炒什菜,串燒沙爹牛同雞,菠蘿炒飯,四杯飲品,椰汁黑白糯米,大菜糕咖喱炒蟹都唔錯,不過佢個汁冇忠誠咁香其他水準都OK,唔洗去到大尾督都食到o既泰菜,值得一試,四個人$328免加一,算抵食.

筆者經常在此店進餐,所對印象亦不錯.午餐:不用$30圓,已經可以選咖哩飯/泰式炒粉/菠蘿炒飯+涷既泰式飲品晚餐:白咖喱雞非常香滑,又不會過辣,冬陰公湯好多蝦同草菇,仲有咖喱炒蟹,燒銀雪魚好入味,價錢亦唔貴宵夜:此店宵夜時段由9:30pm開始,$10一碗蠔仔粥/泰式湯粉,$5~$8一串串燒(豬,牛,雞,雞軟骨,栗米等$5,燒鮮魷$8),所以成日要等位, 仲旺過晚市.