金枕頭泰國餐廳

營業中

休息中

食咗咁多次都冇寫過食評，其實呢間舖lunch一直都保持到水準，所以要表揚一次，兩日前在侍應姐姐鼓勵下試咗少辣嘅辣肉粹炒河，對不吃辣的我是大膽嘗試，結果好驚喜，由辣椒,肉粹同香葉組成嘅河粉好香好嘢味，有d辣但係可以接受，平日我同朋友唔會叫有個辣字嘅食物,而呢個辣肉粹河將會成為我午餐新寵！+$3可以飲紅豆冰,再食埋兩串沙爹雞,perfect. 推!

實在去完在去，已經光顧了多次，也第二次為其寫食評，實在值得今次點了：豉椒炒聖子、串燒雞牛、泰式海鮮炒飯、甜酸蝦球最正的係d餸足料夠香，唔會吝惜任何配料最重要的係沙嗲和炒紅椒的辣，不是坊間死命的辣辣辣，而是十分香口的而且兩個人叫了四碟餸，食得飽飽，也是$172，相對抵食

今曰我地四個人去左粉領探朋友, 之後就去左隔黎間泰國餐館食晚飯.入到去澴境都吾錯干干凈凈. 一坐底我地就即刻落單醫肚為重.吾洗等好耐四個送就黎到我地眼前, 羊腩煲 南瓜咖喱 鮮椰青燴四蔬 明爐生魚首先就講下明爐生魚, 酸酸辣辣很開胃 魚很清甜感覺不錯. 跟住就係秋冬之寶羊腩煲, 味濃肉軟而湯中加了些泰國香草自有一番令人饞涎欲垂的味道.然而我陪覺驚喜的就是 南瓜咖喱與鮮椰青燴四蔬. 前者一上桌清新南瓜香氣四溢 當中夾雜著濃濃的咖哩味. 入口因有南瓜肉的幫助今咖哩變得不只是甜而又帶有水果鮮, 這一點實在今我多叫了一碗白飯作綠葉. 鮮椰青燴四蔬, 將蔬菜放整個椰青內上桌十分過引. 依道菜實如其名椰青味十足再加上不時食到椰肉感覺沒有偷工減料.不過因為我地只飲啤酒所以就不知其飲品如何.埋單盛惠 每人$90 大元 友人與我都大呼抵食.

上星期六, 去左火炭探婆婆, 成7 個人話唔煮啦, 出去食.舅父話今時今日火炭又冇咩好食, 沙田又到到都多人到爆, 去粉嶺喎.我好少入新界, 仲以為粉嶺係咩鬼地方, 一定好隔"zip" 大約用左20mins 左右, 係high way 一轉入去就到, 又幾方便喎,係對面公屋泊車 唔記得$8定$10/hr入正題!頭盤: 酸辣鳳爪: ok! 唔錯炸蝦餅: 我女友好鍾意食, 炸野我麻麻蜜糖燒雞翼: 非常好食!! 燒到好靚湯:婆婆唔食得辣,冇叫冬蔭功三文魚頭荳腐, 出奇地好飲!主菜:咖哩炒蟹: 唸都唔駛唸, 下次必叫! 正到飛起,咖哩唔辣, 好香好好食, 隻蟹幾大隻, D咖哩汁正到叫2客蒜茸飽撈曬黎食.泰式明爐生魚: 好正! 其實我唔太鍾意食魚, 但佢又整到幾好食, 又有肉碎湯比你refill好好!三味蝦球: 幾特別, 酸酸甜甜, 幾開胃椒絲腐乳紫椰菜: 好好食! 唔辣, 比足腐乳汁招牌焗飯: 有隻蛋係面, 蛋下有海鮮, D飯有"業"過, "業"得好好食!!甜品:芒果糯米飯, 幾好味, 好鬆軟, 一d 都唔濟椰汁糯米糕: e個初時睇落普普通通. 但一食落就同出面個d好大分別, 好鬆軟好好味

呢間泰國餐廳....其實好多野都唔錯....上星期日同個 fd 去左食....由於我鍾意食咖喱既關係...同埋叫得太多肉既關係...所以就點左個南瓜咖喱...先黎個串燒, 睇落去好似乾左D.....但食落又唔係喎....咬落去都仲有少少肉汁...再加上D咖喱汁....正喎...之後main course 有 菠蘿炒飯, 墨魚餅, 羊腩煲, 仲有烏頭魚菠蘿炒飯: 足料, 唔太喊, 不過菠蘿有少少酸墨魚餅: 幾香口, 幾彈牙, 不過又好似細件左D & 薄左D羊腩煲: 見天口凍凍地, 叫左個羊腩煲, 又見佢做個promote $68, 所以就叫黎試下...開頭睇落細細兜好似冇咩料咁....但食食下又發覺幾足料喎.....不過個D味就普通左D...烏頭魚: 呢個又真係幾好食喎, 條魚幾鮮, 再加上佢配左碗魚湯, 幾入味....好正....南瓜咖喱: 咖喱正...咖喱味十足, 但又唔搶左其他配菜既味道...我仲張剩低既咖喱汁用埋黎撈個埋個菠蘿炒飯度.....正正正!!!最後黎個飯後甜品....椰汁糕.....原本睇落去只係一個好普通既椰汁糕....冇乜特別...所以我都冇影低....點知食落..

每一次來這間泰國餐廳，差不多都是被這咖哩炒蟹吸引了實在...實在...實在...太好食啦!!!!!!!!瘋狂的食呀食呀最重要的係d咖哩不太辣，也應加了不少香料，但沒搶去蟹的鮮味蟹亦很鮮，而且有汁，也算好肉連d蔥都好好味，餘下的咖哩汁真想用來撈白飯HAHA!! 每次食完這咖哩炒蟹，都真正的指甲留香還有沙嗲串燒，沙嗲汁也很正，最重要都係不辣，而是香口的沙嗲泰式魷魚筒飯，飯是釀在魷魚筒入面，size比我相像中少，亦可能係以上的實在太惹味，所以此飯感覺一般

D雞亦燒到濃哂,D粥整到好似水咁,水多過飯D侍應好似做唔切咁,一句講哂,NO GOOD

由於家住附近，而在香港要找一間可以食到便宜又好味的串燒可謂不易，所以一星期總有一次光顧這間的宵夜小食。串燒6元一串，真是好超值，還加送泰國串燒的必送醬汁，而份量又不少。十元一碗的湯粉或粥飽肚又超值，想食到便宜的泰國菜，又不嫌要等到九點半之後，絕對是常光顧之選。

很久沒到的店子，再次去光顧可是午餐已不再講究了，我最愛吃的鴨胸咖哩飯，鴨胸就泡在咖哩汁內，感覺有點像快餐店的形式，雖然味道差了一點點，可是這樣下去很快就變相成了快餐式食市，真希望它像以前那樣什麼都講究一番，慢慢把飯菜送上，成了快做快出的食物，今天還可以接受最怕他日會降底味道了。當然今次的評價是算勉強保持一貫水準，可是沒有提升反而感覺平平了，可是一種危機，莫非在粉嶺地區的食市總是要先降格才可生存?

大約晚上十點，同爸爸媽媽一齊去金枕頭食。其實算係超熟客，因為一星期至少幫襯一兩次。但今晚宵夜因為未食dinner，所以當晚餐食，就點得好豪。三個人點了…2串豬沙嗲,2串雞沙嗲,2串蜜糖燒雞翼,1個煙鴨胸湯河,1個金邊粉,1個椰汁黑糯米,1個南瓜西米露,1份椰汁西米糕,1杯椰汁冰。全部都好好食~~食到好飽^^~!!賣單$130~~沙嗲串燒等得最耐..差唔多全部食哂先上,燒雞翼好好味..唔洗自己去bbq^^仲燒得超靚,椰汁黑糯米都好好味,平時出面街食黑糯米好硬,但呢間唔會!!超好食~呵!南瓜西米露好好味,平時覺得南瓜好難入口...但呢度唔會呀..又軟又香!!因為食宵夜，都等左大約8分鐘先有位~~但覺得呢間店宵夜比較抵食~~~所以等下都無所謂~此外，推介呢間的炸蝦餅(都幾貴..4件好似三十幾蚊)，lunch的咖哩吉列豬扒飯(個吉列豬扒真係好"脆"!!不過個黃咖哩水準最緊好似差左)

在北區的泰式菜館不多,早幾年在聯和墟的一間亦早已結業,但此店卻另出奇招,生意是長做長有.除了晚上有$10一碗粥或河粉外,午間亦有特價午餐,是日炒一個菜,兩串雞軟骨,再來一客泰式炒金邊粉及咖喱雞扒飯.什菜是翠玉瓜,紫椰菜,紅蘿蔔,粟米芯及草菇等等,用料新鮮而且味道清新,炒金邊粉不單夠乾身,味帶少許酸,令人胃口大開,再灑上少許花生粒,不單香口,更有多重口感.咖喱是此店另一令人回味之作,汁是另上,雞炸是斬件的炸雞扒,不過咖喱汁不太辣,味帶點甜,而且椰味不太濃,相當討好.作為午餐,碟頭份量不大,往往要加點其他菜色幫忙,有點美中不足.

1個月都起碼去果度2次食lunch~set lunch共26款~有野飲~學生價$23~d咖喱唔錯~椰香味少少辣~好開胃~d炒飯正!完全唔似d茶餐\廳咁炒到d飯又林又爛~佢\果d粒粒飯分開,爽身,香口,熱辣辣,大大碟~另外我都好中意叫濕炒牛河,個汁唔錯~不過有時d野黎得慢..

今天中午和女友一同到此餐廳吃飯。我是第一次去，女友第二次。進去後，眼見還剩約一半的飯桌，我們就選擇了位於角位的四人桌。服務員看見後示意我們坐兩人桌，但我女友不喜歡，也就作罷。讓人疑惑的是：我們在位置上等了差不多五分鐘，都沒有一個服務員來收拾桌面上的碗碟、剩餘的飯菜。服務員在明知道有客人來的情況下，爲什麽還遲遲沒有人來招呼/收拾桌面呢？難道這是不聽服務員指示的後果？還是我們是透明的呢？收拾桌面後，我們叫了幹炒牛河和金邊粉。當我們問有什麽喝時，她用驚人的語速把所有飲品說一遍，好像正在進行急口令比賽似的，快到根本聽不清楚。要求重覆一遍時，她很不耐煩地用正常語速復述一遍。由於女友怕冷，因此我們要求那杯檸茶少冰。令人震驚的事情發生了！服務員端來了一杯含冰量達到70%的檸茶！只有底部那30%的體積是檸茶。長得這麽大，還是頭一次看見這麽多冰的飲品！於是我們就對服務員說，不好意思，我們剛才要求少冰的。她竟然對我們說，這不就是少冰嗎？然後，她指著那可憐的30%說：“你看，這裏沒有冰呀。”我差點沒被氣暈過去！雙方爭持不下。直到旁邊的食客也投來驚訝的表情，她才願意換一杯真正的少冰檸茶給我們。在等待的過程中，

平時晚飯的咖喱蟹好正，初時開張好好招呼，所以時時邦襯，難得放假於是想試下佢set lunch，係好平，但抄飯送隻烏蠅，於是退返俾侍應，點知一句對唔住都冇。老板請著此等倒米壽星，注定行衰運。之後冇再邦襯！

自從佢進駐牽晴間，我就已經成日幫襯，都有幾年。好多時都會去食宵夜，真係好好好抵食。$10碗湯粉，$10碗鮑魚粥/蠔仔粥，$5串沙嗲，唔使加一，兩個人食到攬住個肚走，都唔駛$100。仲要係沙士前到宜家都冇加過價!!!服務真係好好，好貼心，拎碗湯粉俾客人時，會連埋調味架，上蠔仔粥又會連胡椒粉。埋單果陣仲會預備埋找$$用0既零錢，唔使個客人等之餘，仲唔會遞個套局你俾貼士。推介食物係佢地0既甜品，尤其係佢地自家製0既腰果露，我通常食凍，好似食布甸，好滑，又唔會太甜。