金沙日西料理 (已結業)

兩個人點左兩個晚餐, 一個係雜錦壽司天婦羅拼, 壽司一般, 其中的三文魚壽司不及散叫的刺身那碟好, 但天婦羅炸得乾身及香口, 另外一個是牛肉飯定食, 我不吃牛, 但聽聞不及吉野家的出品, 跟餐的沙津不過不失,蒸蛋很滑, 豆腐也炸得香脆。又見到做緊特價$38o既三文魚身, 好想食時又叫左一碟, 大大塊共有6件, 魚質雖然唔係好爽口, 不過也有三文魚香味。此店食物不差,價錢不貴, 路過時沒頭緒想吃什麼的話可以考慮一試。

同朋友去UA睇戲, 開場前要搵地方醫肚, 我唔太肚餓, 所以朋友提議來呢度, 佢食我飲.一入門口感覺幾好, 西日的設計, 裝修以啡紅為主, 配點和式的擺設, 加上暗暗的燈光, 比較起附近一帶的食肆, 這裏的格調明顯高一點. 帶開餐牌, 價錢亦相宜, SET LUNCH約$50-$80, 朋友點了燒雞扒套餐, 我亦忍唔住口點了壽司套餐. 兩款餐都包了雜菜沙律和海鮮蒸蛋. 雜菜沙份量好足, 菜頗新鮮配上酸酸的沙律汁(醋?), 很醒胃. 但蒸蛋雖夠"鮮"味, 但食落有點"鞋"口, 唔滑.我的套餐還有加州卷及三文魚壽司各三件, 水準不過不失, 還怕你唔夠飽, 所以套餐再包一碗烏冬, 烏冬幾煙靭有咬口, 倒有點驚喜~~朋友的燒雞扒上檯熱辣辣的, 皮燒得香口, 肉亦唔鞋唔靭, 唔錯! 只是伴碟的炒洋葱及冬菇有點"燶"味, 要扣點分數.食飽後與朋友傾傾下, 侍應送上兩個綠茶雪糕球, 原來係套餐包埋的, 嘩! 呢樣真係有驚喜, 綠茶味幾香濃, 而餐廳在雪糕上加上一小撮忌廉, 兩者一齊食時, 忌廉中和了一點綠茶的"濃"亦令雪糕食時更"滑", 唔錯!! 服務方面, 侍應們幾主動落力, 起初我地被安

好耐冇同老公出街食飯,今晚去接佢放工就黎左呢度食.叫左.1)壽司晚餐set有幾件壽司+沙律+蒸蛋+烏冬.烏冬好好食,係彈牙0個種.壽司同蒸蛋都唔錯.沙律d菜好苦.2)牛肉鍋咪睇佢細細鍋,食落都幾多.味道唔錯.3)38蚊三文魚合理價錢,有水準.都幾厚,幾新鮮.晚餐set跟一客綠茶ice cream,呢個先係今晚最正既食品.可惜太細杯.送得俾客就大方d.

見到餐廳裝修唔錯，就同女朋友入左去食。叫左個燒鯖魚同滑蛋吉列豬扒SET LUNCH，食物有水準，份量亦足夠，食完仲有雪糕送，埋單一百蚊。好抵食，一定會再來。

早幾日去左金莎食lunch,叫我左個802壽司套餐,我個同事叫左個806牛肉套餐,叫左個經理落單已經唔好提啦!D野食慢不特止,服務又差,不過可能佢地唔夠人掛,因為我見之前有D"可靠"D0既侍應都唔見左,見送野食果個男仔把D野食切起晒已經嘔心,不過都算啦,見佢又真係好忙0既.食完之後返工,到三四點時已經有D唔掂啦,開頭係有D屙0者,已為冇咩野啦,點之後尾又屙又嘔,同我同行果個女同事點知都係咁wow,後尾睇醫生,醫生話我地可能係食左D唔整潔0既野,好彩後尾冇咩野昨,我好D屙左一日,我女同事就屙左兩日,如果唔係一定要佢地好受!大家如果想清下腸胃就去啦, 好過排X美顏寶!(仲有一提:佢地而家門口有塊野就話"三文魚刺身推廣價$38,全城最平"咁話但係菜單入面果個三文魚刺身咪又係$38蚊,係問個經理有咩唔同,佢實話大份D嫁啦,佢緊係當我冇食過,根本就一樣,見其他客人個個都叫,最唔終意D人做生意唔老實!

我前日晚黎食野最幾得個汁炒牛肉飯十分好味, 個炒飯炒得好好無飯球,牛肉好滑個汁好好食,刺身都ok,待應boinnie好好禮貌

我叫了一個套餐連加一都不要$40, 我叫了滑蛋雞扒飯餐，餐內有三文魚刺身及一杯餐飲。抵食!!!大家試下吧!!

兩星期前同家姐細佬男友,一行四人前往, 可能因為去到先7點唔夠,所以唔駛等就有位了!叫左一個壽司餐, $68 , 有壽司10件,湯,沙律, 要8點前叫,如果唔係就冇架喇! 壽司唔錯,都幾新鮮,沙律普通咁啦。 再叫一個二人餐, 呢個餐好似大約$180-$198 唔係太記得, 二人餐份量岩岩好,有刺身兩份,燉蛋兩份, 魚腩兩件,牛肉飯兩碗,沙律兩份,麵鼓湯兩碗,甜品兩份, 刺身都好正,唔係太細件,=.=當然都唔大得去邊, 燒魚腩我覺得佢太多骨...食得好辛苦,又冇乜肉, 牛肉飯一般啦,燉蛋好滑!個甜品正! 係士多啤梨摩斯, 好好味^x^'' 。再叫左佢話自己係招牌既菇菇大蝦天婦羅, 佢d菇同蝦唔係好似一般天婦羅咁脆卜卜有層脆漿既,而係好似我地食果d豉油皇蝦碌咁既樣...其實好麻麻...呢碟野好似要$58?..唔太記得...根住再黎一個脆炸生蠔~~呵呵呵呵~~~呢個真係幾好味~~可能因為佢d點生蠔既汁好味啦, 酸酸地咁,呢個好似三四十蚊左右, 有4粒~最後叫左個豆腐芝士蛋糕....千其唔好叫...唔覺佢係豆腐同芝士黎...似係普通云呢拿蛋糕咁..仲要成$40...順帶一提, 佢地d服務態度好

同女朋友見餓餓地就諗住是但搵間野食tea啦點知見倒呢間d tea set又唔貴仲要好似幾多野食咁卒之就入左去勒入到去見環境幾好喎d卡位好闊~坐得好舒服而且呢段時間去食tea又唔嘈又少人哈~傾下計真係幾好我就要左個牛肉飯女朋友就要左個滑蛋雞扒飯兩個都幾好味仲要有三文魚刺身^^同埋一杯餐飲先三十蚊鬆d所以黎呢度食tea真係沙田既好選擇來呀而服務就平平無奇啦如果d侍應加多點笑容可能會好好多既不過呢段時間可能佢地累左d掛整體來說真係幾好絕對值得推介

去過金沙兩次﹐第一次食set lunch﹐有鰻魚飯壽司飯。配菜有Miso Soup 加麻醬沙律兼白肉香菇戥蛋。沙律幾香﹐白肉戥蛋滑得來有香肉味。鰻魚燒得有功架﹐壽司都質數都晤錯。但係晚餐就遜色好多了﹐價錢貴﹐味道還可以。叫了個海膽炒飯﹐我男朋友食晒他那份Dinner都未到。一點值得一提:這餐廳的漏單和落錯單rate極高。落單前一定要同侍應在menu指到清清楚楚食乜野。還要叫侍應覆單。連部長也不例外。我去過兩次﹐兩次都有一就自己叫的野無落單﹐一就隔離檯落錯單。同區想吃日本菜的話﹐晚餐還是去和民排隊喇。

論沙田的日本料理來說呢間算係咁, 午市set 幾多款式, 食過拉麵定食和壽司定食都幾好, 魚生都幾新鮮, 甜品綠茶雪糕幾香濃建議中午時段記得訂定位, 因為上菜好慢, 趕得好急呢!順帶一提個receptionist 幾靚女, 醒目又有禮貌, 應該係貴店的生招牌: )