金淼 (已結業)

今日無意中行尖沙咀，見到間樓上鋪中日式料理，上去試吓。估唔到咁樣嘅價錢可以食到咁高水准嘅食物，同咁靚嘅環境，比係我平時係出面酒店食水准仲要好，最緊要係價錢好掋，同迷個老板娘好nice ,希望下次特登過去幫襯佢個時會更加好。

飯，都真係亂食；呢碗飯，就夠銷魂。明明係主打「火系」嘅日式鐵板燒料理，餐廳名偏偏就「旺水」，五行八字，唔知箇中有冇玄機呢😂？講返正題嘢食先！日本料理之中除咗Omakase，仲有teppanyaki都可以近距離睇師傅表現。如果你覺得睇碗炒飯好普通，咁你都錯唔晒，因為佢真係望落普通，但抓入口會wow出聲！碗飯大有來頭，用咗靜岡銀稚魚喺鐵板上猛火快炒，飯粒粒粒乾身爽口，簡單調味入口就香氣四溢，係食材質素亦係👍🏻廚師炒飯水準高嘅肯定。成個lunch set極度大滿足，前段分別有蟹肉茶碗蒸蛋、北海道銀鱈魚、仙台產虎蝦🦐同美國安格斯牛肉薄燒🐃，一個人獎勵自己嘅一餐，食得異常滿足。銀雪魚煎到剛剛好！特別要讚拌碟嘅魚皮好香脆！魚肉好嫩滑！安格斯牛肉薄燒包住煎香可口嘅蒜片，加少少海鹽同胡椒簡單調味就經已好出色！食落層次更豐富。配菜用咗比較少見嘅龍珠果，入口爆酸正好去油解膩，再食件日本白色甜粟米中和口中酸感。靜岡銀稚魚炒飯，入口啖啖都食到銀稚魚，飯都炒乾身，粒粒圓潤又分明！漬物係酸蘿蔔、洋蔥、水雲、 青瓜，酸咪咪開胃！麵䜴湯同甜品芝麻雪糕就正常發揮！

朋友生日想食鐵板燒。上網搵到間新開鐵板燒。決定今晚要試一試😍。💫夕象•二人前💫❣️前菜 水雲菜搭配靑瓜醃蘿蔔 酸爽開胃❣️日式茶碗蒸蛋 一絲絲蟹肉鋪頂 蒸蛋嫩滑❣️季節海鮮 仙鳳趾 肉質肥厚 加入蟹肉海苔汁 ❣️南非鮑魚 鮑魚彈牙 頂頂加入魚子金箔 盡顯矜貴 蘸上海膽松露忌廉汁更添滋味❣️季節活龍蝦 澳洲龍蝦 見到師傅手捉龍蝦 未食已經感覺到*Fresh*。龍蝦肉鮮爽口 有d唔夠喉😮‍💨❣️熊本A5和牛薄燒 和牛包著蔥蒜 一咬油脂滿滿 非常滿足❣️季節野菜 日本粟米 🌽龍珠果 ❣️靜岡縣銀稚魚炒飯 啖啖食到魚苗仔 魚香味十足❣️日本泡菜 湯 甜品 魚湯呈奶白色 散發陣陣魚香

💡高質鐵板燒尖沙咀廣東道開咗間新嘅餐廳，係全港首間鐵板燒拼中式菜式，裝潢優雅，仲有水泡吊燈，成個感覺好高級，今次坐係吧枱位置，可以一邊欣賞師傅係你面前煮鐵板燒，一邊享受咁美味食味。而家仲有戶外位置，岩曬同朋友chill下。🍽水雲前菜水雲前菜有酸青瓜、紅蘿蔔、洋蔥等等，而今次好特別有水雲菜，入口如絲柔順，幾樣加埋一齊食，酸酸甜甜，十分開胃🍽蟹肉茶碗蒸🦀茶碗蒸熱燙燙，蟹肉份量十足，店員好細心提醒一定要撈勻先可以食，咁樣先可以每一啖都可以食到蟹肉🤩蒸蛋夠曬蛋香濃郁食落仲好滑溜，好滿足😍🍽赤金鯛🐠 呢個係季節海鮮，今次係赤金鯛。師傅用咗立鱗燒嘅方法，立鱗燒係好考功夫的菜式，先確保油溫度係足夠先，再以半煎炸方式，慢慢控制，令到魚鱗炸到一片片捲起，食個陣沾上海膽松露忌廉汁，成個味道即刻昇華左。🍽法國鵝肝🦢鵝肝厚切得黎好大份，開頭仲好驚會好重油膩咁，但點知入口即溶，油脂香得黎仲唔油，配埋脆脆麵包一齊食，好滿足🍽仙台產虎蝦🦐呢碟最特別係以蝦汁蝦膏作為醬汁，再加埋佢地自家調製醬汁烹煮，令到味道更香溢撲鼻。蝦肉超彈牙，唔會乾身，撈埋香濃的蝦醬，更加無得頂😋🍽熊本黑毛和牛A5🐂未煮個陣已經見到和牛紋路好靚

媽咪生日，一家人黎尖沙嘴呢間新開鐵板燒餐廳食飯非常滿足而開心嘅一餐飯首先服務態度非常好，可能因為新開無乜人，侍應全程都非常貼心地服務，遞/換餐具、斟茶、遞濕紙巾都非常醒目；廚師harry一路煮都會同我地分享唔同食材嘅來源，好願意同我地溝通，又好幽默，氹到爹地媽咪好開心跟住，食物擺盤好靚，媽咪話每一碟都係藝術品，每碟菜都有唔同嘅食用花同裝飾；味道亦非常好，食材新鮮、調味特別；所有杯碟碗都好靚，睇得出係精心揀嘅價錢亦好合理，set嘅價錢唔貴，食到一餐咁滿足嘅飯，好抵！

由于和朋友早左到，所以叫左杯新鮮啤酒在餐廳露台坐下happy hours. 估唔到咁舒服，可以望到黄昏日落海景，另一邊望晒成條廣東道，幾十蚊一杯新鮮Stella, 朋友就叫左健力士黑啤，加上裝修好靚，好多閃閃燈😍，好正！傾偈傾左成個鐘其他朋友來到，之後和他們入返室内食飯，今晚叫了$1080的set dinner, 折扣後只是$800多少少。已經有厚厚法國鵝肝，虎蝦意粉，立鳞燒，蟹肉蒸蛋，熊本A5和牛，靜岡銀稚魚炒飯，甜品，食完飽晒，今晚食得大满足🥰🥰

行經海港城，見到有易拉架廣告金淼，原來係食鐵板燒，海威商業大廈門口正做維修好殘，15，16上唔上去試，3個女人上到去見到另一個世界咁，環境好舒服仲有平台花園，因為想傾偈就冇坐吧檯坐卡位，問左先知原來祗開業2個月，叫左3個set一人前＄1080，老闆娘話新開業俾75折我地，由前菜食到甜品，食物質素真心唔錯，同朋友傾下講下又可以行出花園食煙，同老闆傾偈佢話原來可以包場，祗要同佢講想要咩食物同預算幾多錢就可以，下次同朋友歡聚有得諗

尖沙咀廣東道開咗間新嘅餐廳，非常特別地主打日式鐵板燒再加精緻中菜🌸鍾意唔同菜系嘅人都滿足到😻今次就試下午市嘅特選料理一人前鐵板燒，$400左右一個人已經有交易，份量十足，食材都好有誠意❤️❤️每款菜式睇完師傅燒之後仲會細心地擺盤擺得靚靚，味覺👅同視覺👀都可以享受🥰鐵板燒枱側邊仲有個魚缸養住生猛龍蝦。聽到呢度之後仲可能會有中式矜貴食材用作鐵板燒😮可以期待下鮑參翅肚用鐵板燒烹製嘅滋味😝😝前菜中式醃漬蘿蔔、洋蔥、水雲、 青瓜，酸酸咪咪好開胃清爽。日式茶碗蒸蛋滑溜嘅蒸蛋面頭鋪上蟹肉湯羹，撈勻一齊食，食到絲絲蟹肉🦞好足料👍🏻👍🏻法國鵝肝第一道鐵板燒可以揀鵝肝、松葉蟹腳、北海道帶子或者北海道銀鱈魚，睇住師傅用香草牛油🧈煎香鵝肝同法包，勁邪惡😈😈鵝肝超級厚身，煎得剛剛好，食落甘香，油脂豐腴，點少少黑醋汁食就啱晒。仙台產虎蝦虎蝦幾大隻🤩師傅輕輕煎香，令到蝦肉剛剛熟，保持極之爽口彈牙嘅口感😗😗蝦頭蝦殼係鐵板上煎到卜卜脆，迫晒啲蝦油蝦膏出嚟再製成醬汁，幾鍾意佢調味得宜唔會太鹹，醬汁嘅蝦膏加上蝦肉，好食😋😋美國安格斯牛肉薄燒兩大片牛肉油脂分佈好均勻好靚🥳叫咗五成熟，輕輕煎一煎已經食得，牛肉加上香蔥同炸蒜片，惹味

金淼裝潢優雅，以水泡吊燈及摩登酒櫃作點綴，🌸優雅脫俗。魚缸放滿生猛的海鮮，活捉鮮味海產為招徠，是鮮味盛宴。鐵板燒套餐搜羅了澳洲龍蝦、南非鮑魚等，坐在吧枱位置，看著師傅席前烹煮佳餚，令人食慾大增。水雲前菜水雲菜是酸爽的醋物，入口如絲柔順，加上醃蘿蔔和青瓜，酸酸甜甜，十分開胃。·蟹肉茶碗蒸茶碗蒸熱燙燙，入口蛋香濃郁，軟嫩柔滑，拌匀一絲絲的蟹肉，鮮甜無比，每口充滿鮮味精華。立鱗燒立鱗燒是考功夫的菜式，保留鯛魚的鱗片，確保油溫足夠，以半煎炸方式，使魚鱗片層層立起。魚鱗焦脆可口，入口咔嚓聲響，內裡魚肉雪白軟嫰，沾上海膽松露忌廉汁，更能提鮮，啖啖沁出松露幽香，令人回味。南非鮑魚新鮮活鮑魚放在鐵板上，還會生猛的郁動，師傅切片後，用上牛油快炒，令肉身油光亮澤。鮑魚表面鋪上金箔魚子醬，十分矜貴，入口腍身彈牙，邊緣帶少許焦香，豐腴魚子醬在口中散發，大飽口福。另一吃法是跟配蟹肉海苔汁，味道甘甜，令人大快朵頤! 再吃一口黑加侖子，消除油膩感。澳洲龍蝦熱霧中傳來陣陣鮮香，龍蝦呈現誘人的金黃色，龍蝦肉彈牙，掛滿蝦膏醬汁，細緻咸香，可一次過品嚐惹味蝦膏及爽彈蝦肉，真是雙重滋味!熊本黑毛和牛A5和牛薄燒半熟嫰紅，質感

難得有個long weekend，就去左尖沙咀行下街再食餐好既慰勞下自己~知道廣東道海港城對面新開左鐵板燒，一於就去試試佢～餐廳好寬敞，我地坐左係bar枱，有得近距離望住師傳係我地面前烹調食物，係視覺一大享受，亦都可以同師傅多多交流，好似食omakase咁~ 旁邊仲有魚缸，放左龍蝦同鮑魚，雪櫃就有和牛，仲有一大個酒櫃外邊仲有個露天位置，掛左星星燈，十分浪漫我地叫左個2位用set (每位$1,280)店員首先為我地端上前菜同茶碗蒸前菜係酸酸既開胃蘿白、洋葱、青瓜絲～茶碗蒸用左蟹肉，十分鮮甜，蛋又夠滑原來師傅正為我地準備當晚既食材，會逐一為我地介紹，見到已經流晒口水，因為食材太新鮮太吸引！日本赤金鯛立鱗燒恭金鯛魚肉好似蒸一般嫩滑，而立鱗燒後魚鱗係脆口的！加埋醬汁，口感又脆又滑口，層次豐富，回味無窮🤭南非鮑魚鮑魚好大隻，配上魚子醬同金萡，貴氣十足！口感就更加不得了，鮑魚係前所未有咁滑嫩，一啲都唔韌！大虎蝦虎蝦有我手掌咁長，好大隻！師傅將蝦頭精華配上佢地秘制蝦汁炒意粉，加埋大大隻爽口鮮甜虎蝦，停唔到口！鵝肝多士厚切鵝肝，加上牛油煎香既多士～鵝肝香脆可口，配上多士同埋香醋解膩，完美既融合！熊本A

0+3大家都忙住搶機票，搶唔到靚時間機票都可以喺香港食到高質鐵板燒，見到新店又有特別折扣，主打新鮮靚食材鐵板燒，甫到店見到座位不多，勝在簡約光猛，環境服務方面都好到位，印象最深刻嘅係食材十分新鮮，而且師傅手法熟練，鮮紅的肉質隨鐵板上的高溫緩緩變色，底面煎香後，從手中的小鐵鏟之間來回翻滾，一邊睇一邊食特別盡興，總體而言，特別想介紹以下幾道菜法國鵝肝焦糖口感外皮煎到脆脆，厚切鵝肝食到好滿足，入口即溶赤金鯛立鱗燒配海膽松露汁.紫蘇花立鱗很香脆而魚肉淡雅滑嫩，雙重口感有強烈的對比，第一口先試魚的鮮味，再蘸上creamy 的海膽松露汁，好吃難忘熊本A5和牛薄燒選用最高等級的和牛，師傅細心先問我哋要幾成熟，大推medium 因為A5真是油花滿滿，和牛卷坐蒜片細蔥，醇厚的肉脂更惹味，可以因應個人口味蘸上海鹽、黑椒，配上被譽為北色珍珠的北海道的白粟米，飽滿且香甜多汁仙台產虎蝦配蝦乳意粉仙台產的虎蝦很厚身，肉質飽滿有咬口，而且蝦味濃郁，金黃色的蝦膏與意粉超夾，創新的配搭創意十足，擺盤精緻別具匠心南非活鮑魚配海苔忌廉汁選用來自南非的六頭孔雀鮮活鮑魚，鮑魚新鮮空運抵港後，放在店內水缸養飼。手法利落，脫殼後切

之前8月新開張來過一次，早两天經過所以再次光臨，食物質素一樣咁高，食材新鲜非常好味，仲有依家做紧晚市75折超超值😄😄，睇日式鐵板師傅表演真係享受，不得不特别提，亦是今次覺得最正的地方，上次來的時候露台仍未整好，今次來到整好了，非常靓好浪漫，有户外枱櫈比客人喝酒傾偈，旺中带静，這種feel真係百分之200正，一定要带至愛來打卡，餐廳服務亦是一流貼心💕

近排愛上了鐵板燒，知道尖沙咀廣東道新開了一間鐵板燒，放工就同朋友去試下，去到原來新張期間晚市做緊75折，所以我地就選擇了$1,080/位 的席前料理。🥗前菜先嚟過開胃菜，蘿白青瓜酸酸甜甜，開胃醒神。🥚日式茶碗蒸店員話比我地知要撈勻食，打開茶碗，蟹肉佈滿整個碗，每一啖都食到蟹肉，又滑又香的雞加上鮮甜的蟹肉，真係非常滿足。🐠季節海鮮金鯛立鱗燒配海膽松露汁+紫蘇花店員叫我問先試一啖原味，再試沾上汁的原味-魚肉上的鱗片脆卜卜，除了香脆還有魚香。沾上海膽松露汁-嘩~成個感覺提升了，汁醬令到魚肉的味道昇華到另一層次，令到朋友心心眼。🦐仙台產虎蝦配蝦乳意粉大大隻的虎蝦，勁爽口彈牙又有濃濃的蝦味。用蝦頭的膏做的蝦乳汁，超濃郁，扁意粉掛上滿滿的汁，又係一試難忘，如果意粉有多少少就好了🤭🍽法國鵝肝師傅將鵝肝兩邊煎得香脆，做到外脆內軟的感覺，鵝肝好creamy入口即溶，配上酥脆嘅多士跟黑醋汁，真係好正。🐮熊本A5和牛薄燒+🌽季節野菜師傅會先問客人要幾多成熟，朋友叫了全熟，原來都好好味，完全唔韌仲好嫩滑，一塊靚的和牛無論幾成熟都可以好好味，和牛包著蒜片和香蔥真的很惹味。我自己就鍾意五成熟，入口即溶，好吃到不得

尖沙咀新開業嘅金淼，係日式席前鐵板燒嘅專門店，裝修同埋餐具配搭很有氣派，店員和廚師跟客人打成一片，氣氛融洽，用餐經驗良好！Teppanyaki Set $1080/位前菜輕輕用醋漬過嘅青瓜、洋蔥、甘筍同埋水雲，酸酸地真係好開胃！日式茶碗蒸蛋充滿蟹肉同埋蟹汁嘅茶碗蒸，Mix埋幼滑嘅蒸蛋同食，鮮甜味爆錶！季節海鮮用紅甘鯛整嘅立鱗燒，魚鱗酥脆魚肉鮮味，配口味甜美嘅海膽松露汁，魚肉嘅甜味被放大！仙台產虎蝦配蝦乳意粉仙台產嘅虎蝦勁大隻，肉質爽口！再以蝦頭肉同埋蝦頭膏用嚟做意粉嘅醬汁，滋味十足！法國鵝肝肥大肉厚嘅法國鵝肝煎至外脆內嫩，一咬即咬油，滿口甘香！另可選南非鮑魚！熊本A5和牛薄燒以頂級嘅熊本A5和牛製作，輕輕一煎再包住蒜片同埋蔥花同吃，三成熟嘅和牛滑嫩爆汁，成個口都係A5和牛嘅脂香，大滿足！伴碟嘅水果番茄同埋龍珠果都好鮮嫩可口！靜岡縣銀稚魚炒飯加入銀稚魚嘅炒飯，咸香惹味，不知不覺就會食晒成碗！湯、甜品鯛魚白湯鮮甜潤喉！雪糕透心涼！

完美的一餐! 餐廳環境舒適，還有一個露台！看著廣東道一帶的風景和朋友在哪裏聚一聚，飲酒暢談。 然後到室內享受鈇板燒 ，食材新鮮，還有師傅用心的 烹調! 每一樣食物都特別精緻及美味 特別喜愛 龍蝦及鮑魚 性價比高