金滿樓 (健峯保險大廈)

營業中

休息中

今日計劃去郊遊，出發前食飽啲先喇，屋企人搵到黎金滿樓食。黎到未夠12點已經好多人等位，好在我地一行9人有訂枱，過半數人入得，用餐時間個半鐘。蝦餃阿囡主動話再黎多籠，流沙包咬一啖流到落手，仲食到少 見既蛋黃煎米雞，個底脆卜卜，嗌多個炒飯，粒粒分明，整體滿意呀。特別既係第一次感受到有一籠點心全凍放上枱！！

大大話話都幫襯左佢好多次，雖然次次都係外賣，但從冇失望，仲可以話有驚喜添今次買左半斤燒肉，$60幾蚊。同師傅嗌要瘦d嘅，師傅果然好人事呢舊啱啱好，唔太肥、少少瘦，咬落油脂啱啱好個外皮夠香脆，肉嘅咸度啱，冇豬臭味，點埋黃芥辣食，好正加料餸飯一流 。我都間唔時黎買佢嘅叉燒同燒鵝番屋企加餸 叉燒我覺得好食過附近出名果間，唔係一味死甜。而燒肉就一定好過太子勁出名果間老字號。燒鵝可以話係呢區都比較穩定又唔係好貴嘅選擇。所以其實我真係「斬料」都會黎呢度P. S. 記得有次去買lunch飯盒帶少左錢，收銀姐姐話晏d俾番佢都得就咁俾我拎走左個飯盒。咁當然我係15min後就番去俾番錢佢啦🤭！ 但我想講嘅係呢度好有人情味，令我好樂意再幫襯

1月15日，呢間酒樓間中都會嚟，喺同區嚟講算係比其他酒樓貴dd嘅，但平時覺得佢食物質素都好穩定好正常，佢張點心隔一排就會轉一下有啲點心會唔同咗，當然臨近新年一定會有少少加價，這屬正常現象，原定今日嚟想食咖哩魷魚，點知張menu轉咗真係冇，食咗辣爆炒排骨～小食嚟嘅48蚊，食過佢好多款嘅小食都整得好食，脆漿夠薄夠脆，汁唔多但每一舊嘅味道都好均勻牛柏葉～明顯比以往少兜咗d，感覺味精唔重味道一如以往正常。淮山棉花雞～呢個就有點失望，一係就正式棉花雞，標明埋淮山棉花雞，得1小片食咗好似冇食咁🥲🥲至少都畀一小舊呀呢度嘅食物質素價格要棉花雞望落去靚帶點紅嗰嚿蟹柳，係最cheap深紅色嗰隻所以冇食到只能當佢伴碟，其實普通蟹柳非mij都唔值錢，入隻好少少嘅啦～味道正常冇乜點變。牛肉球～就失分了，有啲林唔夠彈牙，亦都食到裏面啲肥豬粒85成熟其實爭少少。2個人，四碟嘢星期日15蚊茶位埋單186蚊

金滿樓可以話係屋企人做節嘅飯堂，因為近屋企而且價錢合理，黎食過已經不只10次😂雖然黎左咁多次但第一次喺度食乳豬，估唔到佢地除左燒鵝同小菜出色，乳豬都咁出色🥹🥹🥹乳豬大大隻，可以話皮脆肉滑👍🏻我地仲嗌左蠔仔煎蛋，蒸魚頭，南乳齋煲等家常小菜，全部大件夾抵食！不過最出色始終係燒鵝，大大隻，熱辣辣真係每次必食。我地8個人食左6樣餸埋單先$1800一人二百幾蚊可以食到呢個質素絕對係值回票價🥹🥹最可惜係我哋連續兩次食到送嘅糖水都係痴左底有燶味，希望下次黎可以食到正常嘅糖水啦😃

成日經過見到一排未燒嘅燒鵝响門面，心諗呢間嘅燒鵝應該都唔錯，好有興趣去試。今日午餐終於有機會去試食。酒家在一樓只有一層，地方不算大。酒樓嘅餐具都幾得意，有隻懷舊嘅公雞圖樣。 普洱茶好濃但唔會澀，都幾好飲。一嚟到當然係叫個招牌菜脆皮燒鵝半隻。燒鵝皮脆，肉有鵝香味，都有少少🤏油份，真係忍唔住叫左碗白飯配食。梅醬，有新鮮梅味，酸甜度啱啱好，點醬食可以去咁啲油膩感。另外都叫左炸鮮奶和蝦籽柚皮乾燒伊麵。食物上到枱面都係熱辣辣，相信都係即叫即做，唔似係煮定坐熱。4位都食得好滿足，下次有機會會試吓晚飯。

今時今日，大家認為食得健康是等同身體健康，所以謝絕一切脂肪。營養師建議每天攝取脂肪所提供的熱量不應超過總熱量的百分之三十； 而飽和脂肪提供熱量更應在百分之十以下。《 金滿樓 》的太子分店地下有一大個風櫃，裏面放置了十多隻正在風旱及等待入爐的鵝，令途人們駐足欣賞和幻想牠的將來、牠的新衣和牠的內涵脆皮燒鵝 : 外皮顏色嫣紅有光澤和堅挺，相信離開烤爐時間不長，肉是温暖，大口快嚼高興非常呀！此隻應該是中型的鵝，肉質算是嫩滑，並無濃郁的醬料味。食後不會太口渴。椒鹽脆豆腐，麻香黑木耳，手拍青瓜正好配合燒鵝的小食留心餐牌上的餸菜，下次再來吧 !溫馨提示 : 網上資料稱，鵝肉是一種蛋白質含量較高的食物，同時脂肪、膽固醇的含量較低，因此對於不少人來說，鵝肉是一種較為理想的肉。鵝肉的不飽和脂肪酸含量也較高，特別是亞麻酸的含量更是超過了其他的肉類，因此常吃鵝肉對於人體的健康有好處。鵝肉脂肪的熔點也較低，質地柔軟，是一種比較容易消化的肉類。

疫情下已經很久沒喝茶，難得現時疫情稍微緩和，同一老一嫩飲早茶此酒樓是早前媽媽同二姨去飲過，說味道不錯，所以今早就去試吓。整體來說，此酒樓的食品質素都可以，只是偶爾有少少🤏需要改善嘅地方。

🔻薑葱美國桶蠔🦪上枱咋咋聲係基本，每隻蠔都好大隻好新鮮，完全無腥味！蠔先沾上粉拖油，再用薑葱炒香，外面微脆金香，入面juicy🤤🔻薑葱龍躉頭腩🦈本身想叫蒸頭腩但伙記推薦薑葱，就一於都係薑葱！呢個砂煲真係不得了，煮咩都咁好食。。。最正係d葱好入味，送飯一流👍🏻🔻魚湯浸鮮淮山時蔬🥬呢個淮山絶對唔係平時煲湯果d好淋好粉既淮山，呢個淮山好爽口但同時又吸滿魚湯味😋 可能要夠咸先令d小白菜同淮山吸到味，d湯真係太咸，如果唔係我會飲埋😆🔻菠蘿生炒骨🍍係我食過最好食既生炒骨😝d肉一d都食唔出有粉，亦無粉味，只有肉香☺️ 酸甜度適中，亦唔會過多汁👍🏻 又係送飯之選😎🔻本地香印提子🍇伙記介紹係老闆係汀角路一塊田度種，新鮮運到🚚雖然無日本香印咁大粒同重麝香味，但絶對爽脆、甜、新鮮😌 重點係價錢都好宜人，只係$100/磅最有心係上果時幫你冰鎮住🧊 由頭到尾食每一粒都一樣咁冰凍爽脆🥰整體餸菜味道偏濃，但食完唔覺得口渴，應該無乜味精😝

同朋友搞生日飯所以book咗房唔使等位，由於用朋友姓氏book房，所以去到食肆就問侍應個朋友嘅姓氏book咗邊間房，但問咗三個侍應都冇人知最後要打電話搵朋友出嚟先知道邊間房，真係莫名其妙！食物方面我哋係叫套餐其中乳豬同燒鵝唔錯，但其他就一般尤其是龍躉兩味鹹到冇朋友，全台人食一舊就放低筷子，另外湯方面就淡到好似水咁，而且每味餸要隔大約15分鐘先上枱比較慢，以服務方便整體一般侍應態度麻麻！所以應該冇下次！

疫情下很久沒有出太子，很多酒樓都休店，這間小店還有營業，滿座下都有位置，不用等枱，環境不錯，雖然枱與枱排得滿滿，要生存下可以接受，服務都不錯，勤加水，食物美味，不錯的酒樓

同朋友經過旺角見到尼間新中菜館，打算入去試下， 如果好味就可以多個開餐嘅地方。 本來都不期望佢好出色，點知比想像中仲差。餐廳入面都算多位冇乜客人，晚餐嚟講價錢唔算特别平， 但估唔到啲食物令人更失望尤其是係碟魚腸好腥！ 椒鹽豆腐味道幾好但係食完好口渴應該都幾多味精。 冰梅骨算係比較好食但係好小肉。佢所謂嘅招牌菜其實都冇乜特別平平無奇。唔該新餐廳就畀啲心機啦，完全係敷衍食客。服務一般不算好， 我同朋友都覺不值，同一價位有更多更好的選擇。

星期六晚同一班朋友聚餐，最好就係一張圓枱食中菜，可以互相傾偈，唔會冷落任何人。叫左啲餸，特別鐘意嘅有幾樣。燒鵝、皮脆肉嫩唔死咸。叉燒、肥瘦適中。欖菜冰梅骨、味道特別，酸酸甜甜，唔係好多地方有得食。豉油皇炸蝦、連殼都可以食埋，餸飯一流。乳豬、唔肥皮又脆。椒鹽豆腐、香脆，送酒唔錯。其他餸味道都好好，唔太咸，冇重味精，食完成餐唔使狂飲水。價錢唔算貴，大約250一位左右。我就覺得物有所值。位於太子，近地鐵站，同親朋戚友聚餐嘅一個好選擇。

同朋友慶祝生日個衰妹突然話想食中菜，阿爸推介話金滿樓幾好，於是一大班人就落左去試下一入到去，燈光光猛，座位寬敞，黎個正評先難得牛一，整番隻鮑魚歎下隻鮑魚大大隻，入口Q彈又入味，100分，隔黎d蔥都煮得勁入味每人一隻鮑魚又點満足到我地呢班食肉獸，唔好講更多，整番個燒鵝叉燒拼盤燒鵝嫩滑無蘇味，d鵝油係個口爆開，正個人比較唔鍾意食冷盤，無掂到，但d朋友話都唔錯重點黎喇，焗魚腸，咁old school 嘅菜式未必個個識，部長話唔係間間酒樓有，魚腸要有回甘先好味，長知識了另一個镇店之寶烏梅骨，入口有梅香，入味又夠淋，成餐最正就係佢，唔駛5分鐘就比friend掃曬仲叫左個菜，不過不失，成餐食到好滿足衰妹對生日飯好滿意，話遲d再encore

離地鐵站好近，太子地鐵站行1分鐘，其實都好方便！野食整體來說，都勝價比高～～～ 侍應推介魚腸，最後都幾好味，燒鵝也不錯👍🏼仲有食鮑魚，幾新鮮～炒得幾香，整體來說，可以再去。。

難得去太子遊盪，去太子洗牙，要表現牙齒乾淨，去壹點紅登台唱歌，當然自信。夠鐘尋味，附近走一圈（界限街），無特色菜館，酒吧就多或西餐、點心專店！肚仔餓啦，走出彌敦道有個光亮大招牌！上樓，不是外表那麽大，像飯店多個酒樓，看openrice,才知新開，怪不得只有三枱客，餐牌普通小菜接近百元，不是一般酒樓價，但份量足。薑蔥魚雲煲，新鮮，香口，薄粉，骨炸脆，魚雲滑，多薑葱，味道也可，但略甜。鲜百合銀杏炒藕片，各類疏菜新鮮爽甜，顏色鮮明有光澤，並有我最喜白果，黃色珍珠，彈彈珠。涼瓜煎蛋，蛋濃香，邊小脆，賣相味道都不錯。